1 Timotì 6:9 - Meta’

⁹ Àyɨə bə̂d mbe nɨə kəb berɨ ɨkab bɨrɨ nyɨ ɨŋga ə̀kwàʼnɨ̀ əne feŋ ɨŋga ətam ze nɨ bɨrɨ ghɨ ni mbɨ ghɨ ɨnû ɨneŋ nɔnɔʼ bə̀ ghɨ̀ ɨnû rɨbɔ̀ŋ mbe nɨ nyamnyod tɨ mɨ̀mə̌d ə feenɨə. Ɨnû rɨbɔ̀ŋ rəŋgu mbe tɨ mbɨ chəkɨ mɨ̀mə̌d bə̀ nimnɨ mɨ̀mə̌d,

Ikan feg

⁹ Tesiʼ ya gha, bəd mbe ne kə̀bə̀ ni bèrì ikab nɔʼ nɔʼ ya nyḭ̀yḛ inga ìkwàʼrì bə̀ fḛ inga atam ne ghìyə̀ gha mbɔb se ghìyə̀ inug anen nɔʼ nɔʼ bə̀ ghìyə̀ inug tibɔ̀ŋ mbe ne mbɔb mbe ghə̀ʼrə̀. Inug mbe ya chìkə̀ awɔb bə̀ nìmne awɔb.

1 Timotì 6:9 Marejeleo ya Msalaba

Matìyò 13:22

Ɨghɨ mbe nɨ nyaʼa feŋ ɨŋga ɨ̀jə̀ŋɨ̀ yɨ ɨghabɨ bə̂d mbe nɨ zu ɨŋgam Ŋwiə̀, əne ənû nɨ nwiʼ ɨnyod ɨmbə̀ʼ ɨghɨ rɨŋga ɨsɨg mbɨ ənû nɨ berɨ mbɔ̂n, mbɨ fumnɨ ɨŋgam we, chəi wɨ kɔ rɨtam.

Matìyò 19:22

Ənɨ əjɔŋ ze ə nyaʼa zu ənû zɔ̂, wɨ̀ nyaʼa kə̀nə̀, əne nɔ̀ʼ wò i, ɨmbə̀ʼ ɨghəm nɨ wɨ̀ nyaʼa kaŋ berɨ ɨghɨ nɔnɔʼ.

Matìyò 26:15

pè biirɨ ni, “Mbə kɨə wo naʼ ye ɨ num əwù ze nɨ mə chwiə Yeso ɨ nən ni mbə̀ yim əməd ə?” Mbɨ nyaʼa zu əne, taŋ ɨkab sɨrɨvà chuʼ ɨwum tad nàʼ ɨ bɔ.

Matìyò 6:19

“Tɨ mbə̀ nuŋ əwən ə mbɔ̂n ɨgwɨ ə si, nɨ yeʼ əsɨ ze nɨ ɨsəʼɨ fɔrɨ chə̂b bɨrɨ chə̀kɨ̀ nɨ bə̀ yeʼ əsɨ nɨ mɨjɨ bɨrɨ tòʼ.

Mk 4:19

ənû nɨ nwiʼ ɨnyod ɨmbə̀ʼ ɨghɨ rɨŋga ɨsɨg, ənû nɨ berɨ mbɔ̂n, fɔrɨ ənû nɨ feenɨ ɨghɨ nɔnɔʼ, mbɨ fumnɨ ɨŋgam we, chəi wɨ kɔ rɨtam.

Lk 12:21

“À yɨ ɨchî nɨ zɨə bɨrɨ yeʼ we mbɨ wə̀d we nɨə fetɨ ɨghɨ nùŋ əmbɨ i nyamnyod, nɨ ka məd yɨ i wə̀d mbɔ̂n ɨfě Ŋwiə̀.”

Lk 21:35

ɨmbə̀ʼ ɨghəm nɨ əni ze ə bɨrɨ yeʼe ɨgwɨ ə bə̂d mɨ̀jìm mbe nɨ yeʼ ɨgwɨ ə si.

Ɨ̀fàʼì 8:20

Àyɨə Pità nyaʼa wììrɨ̀ ɨ bɔ ni, “Àwɔ̀ nim mbɨ e ɨkab, ɨmbə̀ʼ ɨghəm nɨ à kɔndɨ ni à we tɨ̀ à zon əghɨ ze nɨ Ŋwiə̀ neʼ bə̂d əŋgu ənɨ ɨkab!

Efesùs 4:22

Mbɨ nyaʼa chwi ɨ nən ni mbə̀ waʼ nyamnyod ənun, əne yɨ ɨnû ənun mbe nɨ mbə̀ nyaʼə ghɨ̀ə̀. Ɨnû ənun mbe yɨ tɨfeenɨ rɨbɔ̀ŋ te nɨ nyaʼə tambɨ əwən bə̀ chəkɨ əwən.

1 Timotì 1:9

Tɨ̀ bə̀ kyerɨ ni chəi Ŋwiə̀ nyaʼa naʼ rɨkə ɨmbə̀ʼ bə̂d mbe nɨə ghɨ̀ ɨnû nɨ kuʼnɨ. Wɨ̀ nyaʼa nàʼ yeʼ ɨmbə̀ʼ mbe nɨə gù rɨkə fɔrɨ əmbɨ mbe nɨ chəi mbɨə zuunɨ əməd. Wɨ̀ nyaʼa nàʼ ɨmbə̀ʼ mbe nɨ chəi mbɨə wumnɨ əməd bə̀ nàʼ ɨmbə̀ʼ mbe nɨə ghɨ̀ ɨnû rɨbɔ̀ŋ. Wɨ̀ nyaʼa nàʼ ɨmbə̀ʼ mbe nɨ chəi mbɨ zeŋ ɨfě məd bə̀ nàʼ ɨmbə̀ʼ mbe nɨə tə̀ə̀nɨ̀ ənû ə Ŋwiə̀. Wɨ̀ nyaʼa nàʼ ɨmbə̀ʼ mbe nɨə zwiirɨə mbə mɨ̀mbǎʼ mbɨ mbə mɨ̀nɨ̌ŋ, ɨmbə̀ʼ mbe nɨə zwiirɨə mbɨ cherə,

1 Timotì 3:7

Bə̂d mbe nɨ kaʼi bə̂d Kristo berɨ gha ɨnû chɔ̀m ɨmbə̀ʼ əməd, ɨmbə̀ʼ tɨ wɨ̀ berɨ i tɨ̀nìd ətu əne feŋ ɨŋga ətam ə Debɨ̀rə̀.

1 Timotì 6:10

ɨmbə̀ʼ ɨghəm nɨ ənû nɨ ghaʼ ɨkab yɨ əsɨ nɨ tɨkwɨ ɨnû rɨbɔ̀ŋ jìm ə jwɨ̀ rəŋgu. À yɨ ənû nɨ beenɨ əbɔʼ ɨkab ze ə ghɨ̀ ni bə̂d mɨ̀nɔnɔʼ waʼ ɨbenɨ, əne ghɨ̀ ə̀kə̀nɨ̀ ə swi ɨŋga fîŋ tɨ mɨ̀mə̌d ɨmbə̀ʼ ɨchî nɨ mbɨə zəə ŋgəʼ.

1 Timotì 6:17

À yeʼ ɨmbə̀ʼ bə̂d mbɔ̂n mbe nɨ yeʼ ɨŋga ɨsɨg wɔ̂, gha əmbɨ mɨ̀mə̌d ni tɨ mbɨ nɔ ə ɨnyod, kɨ̀ bè nùŋ tə rɨkɔndɨ ɨgun mbɔ̂n ze nɨə che i che. Mbɨ nuŋ rɨkɔndɨ yeʼ ɨgun ə Ŋwìə̀ we nɨə nàʼ ɨghɨ ɨ na ə̀bù-ə̀bù. Ɨ wɨə nàʼ ɨmbə̀ʼ tɨ chub ɨchî chɔ̀m.

2 Timotì 2:26

Mbɨ bɨrɨ wɨrɨ berɨ ɨwe, əne vɨ rɨŋga ətam ze nɨ Debɨ̀rə̀ kəʼ zɨ̀ əmbɨ mɨ̀mə̌d. Wɨ̀ kəʼ fə gywɨ mɨ̀mə̌d ɨmbə̀ʼ mbɨ ghɨ ɨnû mbe nɨ wɨ̀ kəbɨ.

Tayitùs 2:12

Ɨ̀chɔ̀m we wɨə ghɨ̀ ni tɨ̀ ton ɨnû mbe nɨə ghɨ̀ə̀ ni tɨ rɨ̀ wumnɨ a Ŋwiə̀ bə̀ ton nɨ beenɨ əbɔʼ ɨnû rɨŋga ɨsɨg. Ɨ wɨə ghɨ̀ ni tɨ yimbɨ ɨnyod, wumnɨ ə Ŋwiə̀ bə̀ chub ɨŋga ɨsɨg wɔ̂ ɨchî nɨ kuʼnɨ.

2 Pità 2:3

Ɨchî nɨ mbɨ ghaʼ ənû nɨ ghɨ əjə, mbɨ bɨrɨ gha tɨpoʼ əko ɨ nən ɨmbə̀ʼ jɨg əwən. Əgha ə fə kàŋ sà nɨ Ŋwìə̀ nyaʼa fə zɨ ɨsaʼi ɨgwɨ mɨ̀mə̌d. Ŋwìə̀ we nɨ bɨrɨ nimnɨ mɨ̀mə̌d wɨ i ɨkyèʼe.

Jûd 1:11

Ŋgəʼ bɨrɨ nyɨ ɨgwɨ mɨ̀mə̌d! Ɨ mbɨə ghɨ̀ ɨnû mbe nɨ Kaìn nyaʼa ghɨ̌. Ɨ mbɨə ghɨ̀ əfebrɨ-ənû ze nɨ Balàm nyaʼa ghɨ̌ ɨmbə̀ʼ ədɔʼ ɨkab. Ɨ mbɨə ghɨ̀ rɨ̀zuə̀ àmei ɨchî nɨ Korà nyaʼa ghɨ̌. Əne mbɨ bɨrɨ nim ɨghabɨ ə Korà.