1 Timotì 6:4 - Meta’

⁴ wɨə nɔ̀ ɨnyod. Chəi wɨ̀ kyerɨ ənû ə mɔʼɔ. Wɨ̀ berɨ fîŋ rɨbɔ̀ŋ. Fîŋ ze zɨə ghɨ̀ ni wɨ̀ ghanə chɔbə bə̀ tàŋ ɨmbə̀ʼ əton ənɨ mɨŋgam əko mɔʼɔ. Əchɔb mbɨ ə tàŋ mbɨə yeʼe mbɨ ə̀dìì, mbɨə yeʼe mbɨ ɨnû nɨ ghabrɨ bə̂d, mbɨə yeʼe mbɨ ənû nɨ gham ɨnû rɨbɔ̀ŋ ɨmbə̀ʼ bə̂d cherə, mbɨə yeʼe mbɨ ɨnû nɨ kɔndɨ ɨnû rɨbɔ̀ŋ ɨmbə̀ʼ bə̂d cherə,

Ikan feg

⁴ tengàŋ ya wə̀d ne nɔ̀ nyɔd ne chəyi wì kyèri anug mɔ̀ʼɔ. Tengàŋ bèrì fìŋ tibɔ̀ŋ. Fìŋ tibɔ̀ŋ ze ya ghìyə̀ gha wì ya chɔ̀bɔ bə̀ tàŋa aton ane tìngam ako mɔ̀ʼɔ. Achɔb tì inug mbe ne mbɔb mbe tàŋà ya yèʼe tì àdeg fɔrɔ àzɔ̀ŋì, bə̀ yèʼe tì anug ni ghàm inug tibɔ̀ŋ igun bəd ndəŋ fɔrɔ anug ni ya kɔ̀ndɔ inug tibɔ̀ŋ imbə̀ʼ bəd ndəŋ.

1 Timotì 6:4 Marejeleo ya Msalaba

Ɨ̀fàʼì 15:2

Pɔ̂l mbɨ Banabàs nyaʼa berɨ tàŋ kǎ kǎ mbɨ ə bə̂d mbe ɨmbə̀ʼ ənû ze. Əne mbɨ nyaʼa chɔʼ ə Pɔ̂l mbɨ Banabàs mbɨ ə bə̂d Kristo cherə, tom mɨ̀mə̌d ni mbɨ kɔʼ wò ə Jèrusalèm wò nweenɨ ənû ze mbɨ ə bə̂d tom fɔrɨ mbɨ ə bə̂d mbe nɨ nyaʼə chà ɨfetɨ bə̂d Kristo.

Ɨ̀fàʼì 18:15

Àyɨə ɨchî nɨ mbə̀ə tàŋ ɨmbə̀ʼ mɨŋgam bə̀ tàŋ ɨmbə̀ʼ rɨkum bə̀ tàŋ ɨmbə̀ʼ tə rɨkə, mbə̀ neŋ ənû rəŋgu mbənə mbənə. Ka mə bɨrɨ ben əmɨ nɨ saʼ ɨnû ɨghabɨ mbɔ̂!”

Ɨ̀fàʼì 8:9

Mbaŋə̀ mɔʼɔ zɨə nyaʼa ə Sàmàriyà nɨ ɨkum məd nyaʼə Saimòn. Saimòn we wɨə nyaʼə ghɨ̀ mɨ̀sà. Bə̂d mɨjìm mbe rɨ ə Sàmàriyà mbɨə nyaʼə yiirɨ ɨnû mbe nɨ wɨ̀ nyaʼə ghɨ̀ə̀. Məd ziə wɨə nyaʼə ghàə̀ ni tə yɨ ədabɨ ə wə̀d.

Rm 12:16

Mbə̀ chub ənɨ ənû ə mɔʼ mbɨ mbə bɔŋgɔb. Tɨ mbə̀ nɔ ə ɨnyod, àyɨə mbə̀ jɨgnɨ mbɨ ə bə̂d kwa kwa. Tɨ mbə̀ kɔndɨ ə ni mbə berɨ ɨwe chè bə̂d mɨ̀jìm.

Rm 13:13

Tɨ̀ ghɨ mba ɨnû ɨchî nɨ kuʼnɨ, àmei ɨghabɨ ɨchî nɨ bə̂d ə ghɨ̀ ɨnû əziə. Tɨ rɨ̀ wo a ənɨ ɨchwɨ̂ nɨ bə̂d ə ghɨ̀ ɨnû əbəŋ əbəŋ, kɨ̀ nɨ bə̂d ə nɔə beə. Tɨ rɨ̀ ni a məyi kɨ̀ mbaŋə̀ nɨ kaʼi a ɨwi kɨ̀ a ɨnom, kɨ̀ bè ghɨ ɨnyamnɨ-ɨnû. Tɨ rɨ̀ chɔb a. Tɨ rɨ̀ bɨ ghɨ̀ a ə̀dìì.

Rm 14:1

“Mbə̀ nɨŋ bə̂d mbe nɨ ɨbenɨ mɨ̀mə̌d bɔrɨ, àyɨə tɨ mbə̀ taŋ ə mbɨ mɨ̀mə̌d ɨmbə̀ʼ tɨkɔndɨ mɔʼɔ te nɨ mbɨ berɨ.

Rm 2:8

Ŋwìə̀ bɨrɨ sə ɨtəm bə̀ chə mbe nɨə kə̀b ɨghɨ àmei əmbɨ tə nyamnyod, nɨ mbɨə bə̀ ton ɨnû mbe nɨ yeʼ mbɨ rəsìʼ ɨmbə̀ʼ sɨə ghɨ̀ yeʼ ɨnû ɨzɨg.

1 Kɔrèn 11:16

Wə̀d mɔʼɔ mɨ kəb taŋ ənû zɔ̂, wɨ̀ kyerɨ ni chəi mbǎ kɨ̀ tɨfetɨ bə̂d Ŋwiə̀ berɨ ɨchî cherə nɨ ghɨ ɨnû chè rɨ ənɨ ɨchî wɔ̂.

1 Kɔrèn 11:18

Ənû rɨtu yɨ ni, mə fə zu ni ənɨ mbə̀ fetɨ ɨghabɨ ə bə̂d Kristo, ə̀ghàbrɨ̀ ə zɨə jwɨ̀ əkaʼ nən. Mə we tɨ̀ mə ben ni à yɨ rəsìʼ.

1 Kɔrèn 3:18

Tɨ wə̀d mɔʼɔ tambɨ i i ɨnyod. Wə̀d mɔʼɔ rəbɔʼ nən mɨ kɔndɨ ni tə yɨə wə̀d ɨwe, ɨchî nɨ bə̂d rɨŋga ɨsɨg kyerɨ bə̂d ɨwe, wɨ̀ beŋ ənɨ əneŋ ɨmbə̀ʼ wɨ̀ berɨ ɨwe we nɨ Ŋwìə̀ ə nàʼə̀,

1 Kɔrèn 3:3

ɨmbə̀ʼ ɨghəm nɨ mbə̀ yɨə kɨrɨ ɨghabɨ ə bə̂d rɨŋga ɨsɨg. Ənɨ mbə̀ə ghɨ̀ ə̀dìì bə̀ chɔbə, ɨmbə̀ʼ mbə mbɨə ghɨ̀ ɨchî nɨ bə̂d rɨŋga ɨsɨg ə ghɨ̀ə̀ ə? Ɨmbə̀ʼ mbə mbɨə ghɨ̀ ɨnû ɨghabɨ ə bə̂d nɨ chəi mbɨ kɨrɨ kyerɨ Ə̀nùŋɨ̀sɨg ə?

2 Kɔrèn 11:20

Mbə mbɨə benə wə̀d mɔʼɔ we nɨ beŋ əwən ənɨ ɨ̀bòʼò, kɨ̀ we nɨ tambɨ əwən fè mbə ɨghɨ, kɨ̀ we nɨ nyem əwən ɨmbə̀ʼ jɨg mbə ɨghɨ, kɨ̀ we nɨ ghɨ ɨghabɨ ni tə yɨə Wə̀d kyeŋ mɔʼɔ, kɨ̀ we nɨ tum əbɔ ənɨ ə ɨfě.

Gàlesìyà 5:15

Tɨ mbə̀ yeʼ əwən ɨghabɨ ə nyam rɨ tɔtɔ nɨ nombɨə bə̀ kurə tɨ cherə. Mbə̀ we əwən ɨmbə̀ʼ mbə nɨə nimnɨ əwən mbənə mbənə.

Gàlesìyà 5:26

Tɨ rɨ̀ nɔ a ɨnyod. Tɨ rɨ̀ ghɨ a ni bə̂d cherə sə ɨtəm. Tɨ rɨ̀ ghɨ a ə̀dìì.

Gàlesìyà 6:3

Wə̀d mɔʼɔ mɨ kɔndɨ ni tə yɨ əghɨ ə mɔʼɔ, nɨ ka məd yɨ i əghɨ ə mɔʼɔ, njɨ ɨ wɨə tambɨ i ɨnyod.

Fìlipì 1:15

À yɨ rəsìʼ ni bə̂d mɔʼɔ mbɨə ghà ɨkə̂n chɔ̀m ɨmbə̀ʼ ə Kristo ənjìm ə̀dìì bə̀ fɔrɨ ənjìm əwindɨ, àyɨə mbɨ mɔʼɔ mbɨə ghàə̀ mbɨ fîŋ chɔ̀m.

Fìlipì 2:14

Mbə ghɨ ɨnû jìm nɨ chəi mbə̀ə ghàmbɨ̀ə̀ kɨ̀ nɨ mbə̀ə tàŋə̀,

Fìlipì 2:3

Tɨ mbə̀ ghɨ ə ɨghabɨ ni àmei mbə̀nə berɨ ɨghɨ. Tɨ mbə̀ bɨ ghɨ ə ɨnû nɨ chwi ni mbə mbɨə nɔ̀ ɨnyod, àyɨə mbə swi ɨnyod kɔndɨ ni bə̂d cherə ə chè əwən.

Kòlosè 2:18

Tɨ mbə ben ə ni wə̀d mɔʼɔ ghɨ ni mbə̀ nim ɨneʼe we nɨ Ŋwiə̀ kaʼ ɨ nən ɨchî nɨ wɨə nyeŋ əwən ni mbə swi ɨnyod bə̀ nyèŋə̀ ni mbə̀ wumnɨ mbɨ̀aŋgɨrə̀. Bə̂d mbe nɨə ghɨ̀ əne mbɨə ghàə̀ ni mbə zə ɨnû mbe ɨŋga rɨ̀taanɨ njə̀m. Ɨ mbɨə nɔ̀ ɨnyod ɨmbə̀ʼ ɨghɨ mbe nɨ mbɨ kɔndɨ ni mbə kyerɨ, àyɨə chəi mbɨ berɨ əton nɨ nɔ ɨnyod.

2 Tès 2:4

Wɨ̀ bɨrɨ ton ɨghɨjìm mbe nɨ bə̂d ə tɔŋ ni ŋwìə̀, kɨ̀ mbe nɨ bə̂d ə wumnɨə, əne ghà nɨ tə chè ɨghɨ mbe jìm. Wɨ̀ bɨrɨ wo chub ɨŋga mbàn Ŋwìə̀ ghà ni tə yɨə Ŋwiə̀.

1 Timotì 1:4

Gha əmbɨ mɨ̀mə̌d ni tɨ mbɨ wɨrɨə gha ə tɨpoʼ əko mbɨ ənû ɨmbə̀ʼ tɨwaŋ bə̂d nɨ chəi ɨnwǐ. Ɨnû mbɔ̂ mbɨə ghɨ̀ə̀ ni bə̂d taŋ ə. Chəi tàŋ ə ghɨ̀ ni bə̂d ghɨ ɨnû mbe nɨ Ŋwìə̀ kəbɨ. Bə̂d bɨrɨ kyerɨ ɨnû mbe nɨ Ŋwìə̀ kəbɨ àmei ənjìm ɨbenɨ.

1 Timotì 1:7

Mbɨ nyaʼa kə̀b ni njɨ mbə mbɨə chwiə tɨkə rɨ Mose, àyɨə chəi mbɨ nyaʼa kyerɨ ɨnû mbe nɨ mbɨ nyaʼə ghàə̀, kɨ̀ mbe nɨ mbɨ nyaʼa bə̀ ghàə̀ ni mbə kyerɨ.

1 Timotì 3:6

Tɨ wɨ̀ yeʼi wə̀d nɨ cherə ben ənû ə Kristo, ɨmbə̀ʼ tɨ wɨ̀ nɔ i ɨnyod, Ŋwìə̀ chə əməd ɨchî nɨ wɨ̀ nyaʼa chə ə Debɨ̀rə̀.

2 Timotì 2:14

Kɨə nɔ̀ɔ̀rɨ̀ ɨtu bə̂d Kristo ɨmbə̀ʼ ɨnû mbɔ̂. Patɨ mɨ̀mə̌d ɨfě Ŋwiə̀ ni tɨ mbɨ taŋ ə ɨmbə̀ʼ əton ənɨ mɨŋgam əko mɔʼɔ, ɨmbə̀ʼ ɨghəm nɨ chəi taŋ ə weerɨə wə̀d. Ɨ zɨə chə̀kɨ̀ə̀ fîŋ rɨ bə̂d mbe nɨə zwetɨə.

2 Timotì 2:23

Tɨrə̀ berɨ e ənû ə mɔʼɔ nɨ ghɨ mbɨ ɨnû əneŋ mbe nɨ bə̂d ə tàŋ ɨmbə̀ʼ mbɨwən, nɨ chəi ɨwe ɨŋga. À fə bè kyerɨ e ni taŋ te tɨə yeʼe mbɨ əchɔb.

2 Timotì 3:4

Mbɨ bɨrɨ sɨə fènə̀ bə̂d, sɨə ghɨ̀ ɨnû zɨ rɨ kɔndɨ, bə̀ sɨə nɔ ɨnyod. Mbɨ bɨrɨ sɨə ghaʼ ɨnû mbe nɨ nyamnyod tɨ mɨ̀mə̌d ə feenɨə chè ɨchî nɨ mbɨ ghaʼ ə Ŋwiə̀.

Tayitùs 3:9

Tɨrə̀ berɨ e ənû ə mɔʼɔ nɨ ghɨ mbɨ ɨnû ɨneŋ mbe nɨ bə̂d ə taŋ ɨmbə̀ʼ mbɨwən: Mbɨ yɨ ɨnû nɨ ghàm ɨmbə̀ʼ tɨwaŋ bə̂d nɨ chəi ɨnwǐ, ɨnû nɨ ghabrɨ bə̂d mbɨ ɨnû nɨ taŋ ɨmbə̀ʼ ɨnû mbe nɨ tɨkə ə ghàə̀. Chəi njìm ənɨ ɨnû mbɔ̂. Chəi mbɨ bɨrɨ bɨ weerɨ wə̀d mɔʼɔ.

Jems 1:19

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ berɨ kyerɨ ənû zɔ̂. Wə̀d jìm tɔ ɨ̀tǒŋ zu ənû. Tɨ wɨ̀ kɨə ghàm i. Tɨ wɨ̀ kɨə sə i ɨtəm,

2 Pità 2:12

Bə̂d mbɔ̂ mbɨə ghɨ̀ yeʼ ɨnû mbe nɨə kɔʼ ɨŋga fîŋ tɨ mɨ̀mə̌d. Chəi mbɨə kɔndɨ ɨnû bɔŋ ghɨ̀. Mbɨ yɨ ɨghabɨ ə nyam rɨ tɔtɔ nɨ mbɨ nyaʼa gywɨ mɨ̀mə̌d ni bə̂d gywɨ ə zwiirɨ. Ɨ mbɨə chəkɨ ɨnû mbe nɨ chəi mbɨ kyerɨ, əne mbɨ bɨrɨ bɨ zwiirɨ mɨ̀mə̌d ɨchî nɨ mbɨə zwiirɨə nyam rɨ tɔtɔ.

2 Pità 2:18

Ɨ mbɨə ghàm mɨŋgam əneŋ goŋ ɨgɔ̂. Ɨ mbɨə nɨŋə ɨnyamnɨ-ɨnû mbe nɨ nyamnyod ə feenɨə tambɨə bə̂d mbe nɨ fə cherə jwɨ̀ rəbɔʼ mbe nɨə chub ɨŋga ɨfebrɨ-ɨnû.

Jûd 1:10

Àyɨə bə̂d mbɔ̂ mbɨə ghàm ɨŋgam rɨbɔ̀ŋ ɨmbə̀ʼ ɨnû mɔʼɔ mbe nɨ chəi ɨtu mɨ̀mə̌d zeŋ ɨmbə̀ʼ mbɨwən. Ɨnû mbe nɨ mbɨ che kyerɨ kyerɨ mbɨə chə̀kɨ̀ mɨ̀mə̌d. Mbɨ yɨ ɨghabɨ ə nyam rɨ tɔtɔ nɨə ghɨ̀ ɨnû əbəŋ əbəŋ.

Jûd 1:16

Bə̂d mbɔ̂ mbɨə ghàmbɨ̀ə̀. Chəi ənû ə mɔʼɔ ə bɔŋ əmbɨ mɨ̀mə̌d. Ɨ mbɨə beenɨ əbɔʼ ɨnû rɨbɔ̀ŋ mbe nɨ nyamnyod tɨ mɨ̀mə̌d ə feenɨə. Ɨ mbɨə nɨŋə mbə mɨchû goŋ ɨgɔ̂ ɨmbə̀ʼ tə nyamnyod. Ɨ mbɨə bə̀ ghàm mɨŋgam nəmɨ nəmɨ ɨmbə̀ʼ berɨ ɨghɨ mbe nɨ mbɨ kəbɨ.

Ɨnû 3:17

À wɨə ghàə̀ ni, 'Mə yɨə wə̀d mbɔ̂n, mə berɨ ɨghɨ nɔnɔʼ, chəi mə kwaŋ əghɨ ə mɔʼɔ.' Àyɨə chəi à kyerɨ ni tə yɨə wə̀d ŋgəʼ, ni tə yɨə wə̀d nɨ bə̂d ə neŋə kə̀nə̀, ni tə yɨə wə̀d ɨkwaŋ, ni tə yɨ ɨfɨgɨ fɔrɨ ni tə wɨ rɨ̀sɔ̀ʼ ɨkyerɨ.