1 Timotì 6:3 - Meta’

³ Wə̀d mɔʼɔ mɨ yeʼə chwi ɨnû nɨ kwepɨ rɨ ənɨ mbɔ̂, nɨ chəi wɨ̀ ben ɨŋgam rəsìʼ we nɨ a Ə̀nùŋɨ̀sɨg Yeso Kristo ghǎ, nɨ chəi wɨ̀ bə̀ ben ɨnû mbe nɨ tɨə chwi ɨmbə̀ʼ ɨchî nɨ tɨ̀ bə̂d Kristo chubɨ,

Ikan feg

³ Wə̀d mɔ̀ʼɔ mə̀ ya chwìte inug ne kɔpɔ igun mbo̰, ne chəyi wì bḛ ìngam tesiʼ we ne Anɔŋisəg Yeso Kristo ya gha, ne chəyi wì bə bḛ inug mbe ne mba mbe chwìte imbə̀ʼ icheg ne bəd Kristo koʼi ni chughi,

1 Timotì 6:3 Marejeleo ya Msalaba

Matìyò 22:21

Mbɨ nyaʼa wììrɨ̀ ni, “À yɨ wɨ Kaisà.” Əne wɨ̀ nyaʼa ghà əmbɨ mɨ̀mə̌d ni, “Mbə̀ nàʼ ɨghɨ Kaisà əmbɨ Kaisà, bə̀ nàʼ ɨghɨ Ŋwiə̀ əmbɨ ə Ŋwiə̀.”

Matìyò 28:20

Mbə̀ chwi əmbɨ mɨ̀mə̌d ni mbɨ nuŋ rɨkə rɨjìm te nɨ mə̀ fə naʼ ɨ nən. Mbə̀ kyerɨ ni mə wɨ mbɨ nən ɨghəm jìm wò pè ənɨ ɨsɨg bɨrɨ nwìə̀.”

Rm 16:17

Mbɨ bɔŋgɔb, mə wɨə buʼ ɨbɔ ɨ nən ni mbə̀ we əwən mbɨ ə bə̂d mbe nɨə ghɨ̀ ni bə̂d Kristo ghabrə mbɨ ni mbɨ feb ɨnə̂njɨ̀. Ɨ mbɨə ghɨ̀ əne ɨchî nɨ mbɨə ton ɨnû mbe nɨ mbə̀ nyaʼa fə be kwembɨ. Tɨ mbə̀ tiinɨ ə ɨban mɨ̀mə̌d,

1 Tèsàlonikà 4:8

Chəi wə̀d mɔʼɔ we nɨ ton tɨkə tɔ̂ ton wə̀d mɨ̀sɔŋɨchù, wɨ̀ ton yeʼ Ŋwiə̀ we nɨə nàʼ e Əzwî ə Zeŋɨ ɨ nən.

1 Timotì 1:10

ɨmbə̀ʼ mbe nɨə ghɨ̀ ɨfabrɨ-ɨnû, ɨmbə̀ʼ mbaŋə̀ te nɨə niə mbaŋə̀ rɨ cherə, ɨmbə̀ʼ mbe nɨə gywɨ̀ə̀ bə̂d wo fèndɨ̀ə̀, ɨmbə̀ʼ mbe nɨə ghà mɨghab, ɨmbə̀ʼ mbe nɨə nɔ gû àyɨə ɨ mbɨə kɨrɨ ghà mɨghab. Wɨ̀ nyaʼa bə̀ nàʼ ɨmbə̀ʼ mbe nɨə ghɨ̀ ɨnû cherə mbe nɨ chəi mbɨ kuʼnɨ mbɨ mbe nɨ bə̂d Ŋwiə̀ ə chwiə.

1 Timotì 1:3

Mə yì ghà ɨ ne àmei ɨchî nɨ mə nyaʼa be ghà bɔŋ sɨə wò ə Màsèdonià ni à chub ə Efesùs. Bə̂d mɔʼɔ mbɨ əŋgu nɨə chwi ɨnû cherə, əne mə kə̀b ni à təmnɨ mɨ̀mə̌d.

1 Timotì 1:6

Bə̂d mɔʼɔ fə waʼ ɨnû mbe nɨ mbɨ berɨ nɨ ghà. Əne mbɨ fə bèŋ sɨə ghàə̀ yeʼ mɨŋgam əko.

2 Timotì 1:13

Yim ɨŋgam rəsìʼ we nɨ mə̀ gha ɨ ne ɨghabɨ ənweenɨ nɨ à bɨrɨ beenɨ əbɔʼ. Yim ɨbenɨ we nɨ à berɨ bə̀ ghaʼ bə̂d. Ghɨ əne ɨchî nɨ tɨ̀ yeʼ ənɨ ɨfɔtɨ mbɨ Kristo Yeso.

2 Timotì 4:3

Nyùmə̀ wɨə yeʼe nɨ chəi bə̂d bɨrɨ ghaʼ nɨ zu ɨŋgam rəsìʼ. Mbɨ bɨrɨ fetɨ məchwiə̀-ɨnû ɨban mɨ̀mə̌d nɨ bɨrɨ gha ɨnû mbe nɨ ɨ̀tǒŋ mɨ̀mə̌d ə zòə̀ nɨ zu.

Tayitùs 1:1

À yɨə mɔ̌ Pɔ̂l, nɨ mə yeʼ wə̀d ə̀fàʼì Ŋwìə̀ bə̀ yeʼ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa chɔʼ əmɨ ni mə ghɨ̀ ni ɨbenɨ bə̂d mbe nɨ wɨ̀ chɔʼɔ wɨ kaanə, bə̀ ghɨ̀ ni mbɨ kyerɨ rəsìʼ we nɨ bɨrɨ ghɨ ni mbɨ chub ɨchî nɨ Ŋwìə̀ kə̀bɨ.

Tayitùs 1:9

Wɨ̀ berɨ yim ɨŋgam Ŋwiə̀ we nɨ mbɨ chwi ɨ bɔ, ɨmbə̀ʼ məd ziə we tɨ̀ wɨ̀ chwi rəsìʼ ɨmbə̀ʼ ənû ə Ŋwiə̀ ɨchî nɨ kuʼnɨ, fɔrɨ ni məd we tɨ̀ wɨ̀ bə̀ chwi əmbɨ ə bə̂d mbe nɨə taŋ ɨnû ə Ŋwiə̀ ni ɨnû mbe nɨ mbɨə tàŋə̀ yɨ ɨnû rəsìʼ.

Tayitùs 3:8

Ɨnû mbɔ̂ jìm nɨ mə̀ fə gha ɨ nən yɨ ɨnû rəsìʼ. Mə kə̀b ni à gha ɨnû mbɔ̂ kòmbɨ̀, ɨmbə̀ʼ bə̂d mbe nɨ ben ə Ŋwìə̀ we əwən bə̀ ghɨ̀ ɨnû chɔ̀m. Ɨnû mbɔ̂ yɨ ɨnû chɔ̀m. Mbɨ bɨrɨ bɨ wèèrɨ̀ wə̀d jìm.