1 Timotì 6:2 - Meta’

² Tɨ ɨ̀bòʼò mbe nɨ berɨ mɨ̀mbǎʼ ə̀fàʼì nɨ ben ə Kristo təənɨ ə mɨ̀mbǎʼ ə̀fàʼì mbe ɨmbə̀ʼ ɨghəm nɨ mɨ̀mə̌d mɨjìm yeʼ bə̂d Kristo. Àyɨə mbɨ berɨ faʼ əmbɨ mɨ̀mə̌d kwàʼ ɨchî chɔ̀m, chè ɨchî nɨ tɨ mbɨ faʼ əmbɨ mɨ̀mbǎʼ mbe nɨ chəi mbɨ ben ə Kristo. Mbɨ berɨ ghɨ əne ɨmbə̀ʼ ɨghəm nɨ bə̂d mbe nɨ bɨrɨ jɨg njìm tɨ ənɨ ə̀fàʼì ze yɨə bə̂d nɨ ben ə Kristo nɨ bə̀ yeʼ mbe nɨ mbɨ ghaʼi kwàʼ rɨŋgəʼ. À berɨ chwi ɨnû mbɔ̂ bə̀ zə ni bə̂d Kristo beenɨ əbɔʼ.

Ikan feg

² Imbə̀ʼ ìbòʼì mbe ne beri mə̀mbaʼ àfàʼì ne bḛ Kristo si wèghè awɔb mə̀mbaʼ àfàʼì mbe imbə̀ʼ icheg ne mbɔb tì inɔb ya bəd Kristo. Mbɔb bèrì ni fàʼ inɔb kwàʼ icheg chɔm, chè icheg ne tì mbi fàʼ abə mə̀mbaʼ àfàʼì mbe ne chəyi mbi bḛ Kristo. Mbɔb bèrì ni ghì ane imbə̀ʼ icheg ne bəd mbe ne jə̀ghə chùd ane àzɔb àfàʼì ya bəd ne bḛ Kristo bə̀ yaʼ bəd ne mbɔb taŋ kɔ̀ŋ. Aŋa ya inug ne àghò beri ni taŋ zì atog ni chwiti abə bəd gha mbe ya fàʼà.

1 Timotì 6:2 Marejeleo ya Msalaba

Matìyò 23:8

Tɨ mbə̀ ben ə ni bə̂d tɔŋ əwən ni 'Əchwiə̀-ɨnû', ɨmbə̀ʼ ɨghəm nɨ mbə̀n mɨjìm yɨə bɔŋgɔb, əne mbə̀ berɨ àmei Əchwiə̀-ɨnû mɔʼ.

Matìyò 25:40

Ɨfɔ̂n we bɨrɨ wììrɨ̀ əmbɨ mɨ̀mə̌d ni, 'Mə ghà rəsìʼ ɨ nən ni, ɨchî nɨ mbə̀ nyaʼə ghɨ̀ ɨnû mbɔ̂ ənɨ wɨ kwa mɔʼɔ rəbɔʼ bɔŋgɔb mbɔ̂ num, əne mbə̀ nyaʼa ghɨ yeʼ ənɨ ə num.'

Matìyò 6:24

“Chəi wə̀d mɔʼɔ əŋgu nɨ tɨ̀ wɨ̀ fàʼ əmbɨ mɨ̀mbǎʼ ə̀fàʼì mɨbe, ɨmbə̀ʼ ɨghəm nɨ wɨ̀ bɨrɨ ban wɨ fìbɨ̀ ghaʼ wɨ fìbɨ̀, kɨ̀ wɨ̀ fàʼ əmbɨ wɨ fìbɨ̀ ənɨ i fîŋ jìm tə̀ə̀nɨ̀ wɨ fìbɨ̀. Chəi ənɨ tɨ̀ à fàʼ əmbɨ ə Ŋwiə̀ bə̀ faʼ nɨ berɨ mbɔ̂n əwu əwən.

Ɨ̀fàʼì 1:15

À nyaʼa ənɨ ə nyùmə̀ we, Pità nyaʼa nɔ̀ʼ təm əkaʼ bə̂d mbe nɨ nyaʼa ben ə Kristo, nɨ nyaʼa fɔtɨ əsɨ ə mɔʼ ɨghabɨ ɨkɨ fibɨ̀ mbɨ ɨwum be. Wɨ̀ nyaʼa təm əne ghà ni,

Rm 11:17

Mbɨ nyaʼa sopɨ rɨtəb mɔʼɔ rɨ ənɨ əzed olìf chɔ̀m, əne nɨŋ ɨghə rɨ ənɨ əzed ə olìf bǔʼ wò ban ənɨ əzed ə olìf chɔ̀m ze, ɨmbə̀ʼ wɨ sɔ mɨnib rɨ ənɨ əghaŋ əzed ə olìf chɔ̀m. Mbə̀n bə̂d nɨ kaʼi mɨ̀Jû yɨ ɨghabɨ ɨghə rɨ ənɨ əzed ə olìf bǔʼ nɨ mbɨ nɨŋ ban ənɨ əzed ə olìf chɔ̀m.

Rm 8:29

Bə̂d mbe nɨ Ŋwiə̀ nyaʼa be kyerɨ, wɨ̀ nyaʼa fə bə̀ chɔʼ nùŋ ni mbɨ bɨrɨ yeʼ ɨghabɨ i Wan, ɨmbə̀ʼ Wan we yeʼ wan fə̀d ɨŋga ɨnəbɨ kyeŋ.

Gàlesìyà 5:6

Ɨchî nɨ tɨ̀ yeʼ ənɨ ɨfɔtɨ mbɨ Kristo, əne chəi ənû nɨ mbɨ ne wə̀d kɨ̀ ənû nɨ chəi mbɨ ne wə̀d ə berɨ ənû ə mɔʼɔ nɨ ghɨ̀. Ənû ə kyeŋ yɨ nɨ chwi ni tɨ̀ fə nuŋ fîŋ ɨgun ə Kristo ɨchî nɨ tɨə ghaʼə bə̂d.

Efesùs 1:1

À yɨə mɔ̌ Pɔ̂l, nɨ mə yeʼ wə̀d tom Kristo Yeso ənjìm ɨchî nɨ Ŋwiə̀ nyaʼa kəbɨ, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n bə̂d Ŋwiə̀ mbe nɨ yeʼ ə Efesùs nɨ berɨ ɨbenɨ ɨchî nɨ mbə̀ yeʼ ənɨ ɨfɔtɨ mbɨ Kristo Yeso.

Efesùs 1:15

Tɨ ənɨ mə̀ nyaʼa zu ɨmbə̀ʼ ɨbenɨ we nɨ mbə̀ berɨ ɨgwɨ Ə̀nùŋɨ̀sɨg Yeso bə̀ zu ɨchî nɨ mbə̀ ghaʼ bə̂d Ŋwiə̀ mɨjìm,

Efesùs 3:6

Ənû zɔ̂ nɨ yeʼ ənə̀mə yɨ ni, ənjìm ɨkə̂n chɔ̀m, bə̂d mbe nɨ kaʼi mɨ̀Jû fə sɨ mə̀jɨnəb mbɨ mɨ̀Jû. Mbɨ fə sɨ ɨsɨ ɨnyod tɨ ənɨ ə nyamnyod mɔʼ. Mbɨ fə bə̀ berɨ əbà ənɨ ənû ze nɨ Ŋwìə̀ nyaʼa che ənjìm ə Kristo Yeso kàʼ.

Kòlosè 1:2

Tɨ̀ wɨə ŋwàʼnɨ̀ əmbɨ ə mbə̀n bə̂d Ŋwiə̀ mbe nɨ nuŋ fîŋ ɨgun ə Kristo ə Kòlosè. Ŋwiə̀ a Mbǎʼ ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

Kòlosè 1:4

Tɨ̀ wɨə nàʼ ɨmbə̀ʼ ɨghəm nɨ tɨ̀ fə zu ɨchî nɨ mbə̀ nuŋ fîŋ ɨgun ə Kristo Yeso bə̀ zu ɨchî nɨ mbə̀ə ghaʼə bə̂d Ŋwiə̀ mɨ̀jìm.

Kòlosè 4:1

Mɨ̀mbǎʼ ə̀fàʼì, mbə̀ ghɨ mbɨ mbə ɨ̀bòʼò ɨchî nɨ kuʼnɨ bə bɔŋ. Mbə̀ kyerɨ ni mbə bə̀ berɨ Mbǎʼ ə̀fàʼì ɨkaŋ.

2 Tès 1:3

Mba bɔŋgɔb, tɨ̀ berɨ naʼ məben-əwe əmbɨ ə Ŋwiə̀ ɨghəm jìm ɨmbə̀ʼ əwən. Tɨ̀ berɨ ghɨ əne ɨchî nɨ zɨə kuʼnɨ, ɨmbə̀ʼ ɨghəm nɨ ə ɨbenɨ wɨə kwiə wò ɨmbì. Mbə mbɨə ghaʼə mbə bɔŋgɔb wò ɨmbì.

1 Timotì 4:11

Chwi ɨnû mbɔ̂ jìm əmbɨ ə bə̂d mbe nɨ ben ə Kristo bə̀ ghà ni mbɨ sɨə ghɨ̀ə̀.

1 Timotì 5:1

Tɨrə̀ gham e əbɔʼ mbaŋə̀ te nɨ fə nunɨ chè əwe, àyɨə kəərɨ mɨ̀mə̌d ɨghabɨ ni mbɨ yɨ mbe mɨ̀mbǎʼ. Ghɨ mbɨ ə bɔn ɨjɔŋ ɨghabɨ ni mbɨ yɨ mbe bɔŋgɔb.

Tayitùs 2:1

À yeʼ ɨmbə̀ʼ əwe, àwɔ̀ Taitùs, chwi àmei ɨnû mbe nɨ yeʼ mbɨ rəsìʼ bə̀ yeʼ mbe nɨ kuʼnɨ.

Tayitùs 2:15

Gha ɨnû mbɔ̂. Nɨŋ ɨka jìm we nɨ Kristo naʼ ɨ ne tìmbɨ̀ bə̂d əŋgu, bə̀ nɨŋ ghàm əbɔʼ mɨ̀mə̌d. Tɨrə̀ ben e ni wə̀d mɔʼɔ təənɨ əwe.

Tayitùs 3:8

Ɨnû mbɔ̂ jìm nɨ mə̀ fə gha ɨ nən yɨ ɨnû rəsìʼ. Mə kə̀b ni à gha ɨnû mbɔ̂ kòmbɨ̀, ɨmbə̀ʼ bə̂d mbe nɨ ben ə Ŋwìə̀ we əwən bə̀ ghɨ̀ ɨnû chɔ̀m. Ɨnû mbɔ̂ yɨ ɨnû chɔ̀m. Mbɨ bɨrɨ bɨ wèèrɨ̀ wə̀d jìm.

Mə̀Hibrù 3:1

Mbɨ bɔŋgɔb zeŋɨ nɨ Ŋwìə̀ nyaʼa bə tɔŋə, mbə̀ jeŋgɨ kɔndɨ ə Yeso nɨ tɨ̀ ben ni məd yɨə wə̀d tom fɔrɨ ətu ɨgwɨ ə bə̂d mbàn Ŋwìə̀.

Mə̀Hibrù 3:14

Tɨ̀ bɨrɨ yeʼ ənɨ ənû ə mɔʼ mbɨ Kristo ənɨ tɨ̀ yim ənû ze nɨ tɨ̀ nyaʼa be benɨ wò pè ənɨ ɨnwǐ.

1 Pità 5:1

Mə yɨə wə̀d nɨə chà ɨfetɨ bə̂d Kristo. Mə yɨə zərɨmbin ɨchî nɨ Kristo nyaʼa zə ŋgəʼ. Mə yɨə bə̀ wɨ mɔʼɔ rəbɔʼ bə̂d mbe nɨ bɨrɨ zə ɨzeŋɨ zeŋɨ we nɨ Ŋwiə̀ bɨrɨ chwi ənɨ Kristo wɨrɨ yeʼe. Əne mə wɨə buʼ ɨbɔ əmbɨ mbə̀n mbe nɨə chà ɨfetɨ bə̂d Kristo ni,

2 Pità 2:10

màànɨ̀ mbe nɨə beenɨ əbɔʼ ɨnû rɨbɔ̀ŋ mbe nɨ nyamnyod tɨ mɨ̀mə̌d ə feenɨə. Ɨ mbɨə bə̀ tonə ni chəi Ŋwìə̀ berɨ ɨka nɨ tumbɨ əwən. Məchwiə̀-ɨnû mɨghab mbɔ̂ mbɨə seenɨə bə̀ berɨ ɨka fîŋ. Chəi mbɨə bɔə nɨ zɔm ɨghɨ mbe nɨ mbɨə wumnɨ ɨkaŋ.

Jûd 1:8

À yɨə bə̀ əndəŋ əndəŋ nɨ məchwiə̀-ɨnû mɨghab mbɔ̂ ə zə ɨnû mɔʼɔ ɨŋga tə njə̀m nɨə ghɨ̀ ni mbɨ fiinɨ tə nyamnyod, tə̀ə̀nɨ̀ ɨka Ŋwiə̀ bə̀ zɔ̀m ɨghɨ mbe nɨ mbɨə wumnɨ ɨkaŋ.