1 Timotì 6:16 - Meta’

¹⁶ Àmei məd we mɔʼ nɨ chəi wɨ̀ bɨrɨ nɔ kwɨ. Məd wɨə chub ɨŋga ɨzeŋɨ zeŋɨ we nɨ chəi ənɨ tɨ wə̀d tindɨ ɨban. Chəi wə̀d mɔʼɔ kweʼ zə əməd. Chəi wə̀d mɔʼɔ bɨrɨ nɔ zə əməd. Ɨsɨg jìm wumnɨ əməd, məd bə̀ tumbɨ ɨsɨg mbɨ ɨka we nɨ ten i koŋ. À yɨ əne.

Ikan feg

¹⁶ À ya məyi məd we imɔʼ ne chəyi wì biri nɔʼ ku. Məd ya chùghə inga ìzḛzḛ we ne chəyi aneg ne tì wə̀d tìndi iban. Chəyi wə̀d mɔ̀ʼɔ kweʼì bàd aməd. Chəyi wə̀d mɔ̀ʼɔ biri nɔʼ bàd aməd. Bəd igun isəg ijìm ghumni aməd, məd bə tùmbì isəg ane ika we ne yaʼi ane ighə̀m imɔʼ. À ya ane.

1 Timotì 6:16 Marejeleo ya Msalaba

Jn 1:18

Chəi wə̀d mɔʼɔ kweʼ zə ə Ŋwiə̀. Àmei Wan we mɔʼ, nɨ yeʼ ɨban ə fîŋ Ŋwìə̀, nɨ fə ghɨ̌ ni bə̂d kyerɨ əməd.

Jn 14:9

Yeso nyaʼa wììrɨ̀ ni, “Ɨmbə̀ʼ mə fə chubɨ mbɨ nən əgha ə se, àyɨə chəi àwɔ̀, Filip, kaŋ kɨrɨ kyerɨ əmɨ ə? Wə̀d jìm we nɨ zə əmɨ fə bə̀ zə ə Mbǎʼ. Àwɔ̀ wɨrɨ che rɨ ye ghà ɨ num ni, 'Chwiə Mbǎʼ ɨ na ə'?

Jn 6:46

Chəi wə̀d mɔʼɔ kweʼ zə Ŋwìə̀ Mbǎʼ chè rɨ ənɨ ə məd we nɨ nɔʼ rɨ əmbɨ ə Ŋwìə̀. Àmei məd we fə zə Ŋwìə̀ Mbǎʼ.

Jn 8:58

Yeso nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni bɔŋ mbɨ nyaʼa sɨə gywɨ ə Abràham, mə nyaʼa fə sɨ əmɨ əŋgu!”

Efesùs 3:21

Tɨ̀ghə̀m rɨ bə̂d rɨ̀jìm te nɨ yeʼ ɨŋga ɨfetɨ bə̂d Kristo mbɨ ə bə̂d mbe nɨ yeʼ ənɨ ɨfɔtɨ mbɨ Kristo Yeso wumnɨ Ŋwiə̀ koŋ koŋ! À yɨ əne.

Fìlipì 4:20

Bə̂d wumnɨ Ŋwìə̀ a Mbǎʼ koŋ koŋ. À yɨ əne.

Kòlosè 1:15

Kristo we nɨ mbɨə zəə yɨ ɨghabɨ ə Ŋwiə̀ we nɨ chəi bə̂d ə zəə. Məd yɨə wan-fə̀d ɨgwɨ ɨghɨjìm mbe nɨ Ŋwìə̀ tekɨ.

1 Timotì 1:17

Bə̂d wumnɨ bə̀ yiirɨ Ɨfɔ̂n we nɨ ten i koŋ, nɨ chəi wɨ̀ bɨrɨ nɔ kwɨ, nɨ chəi bə̂d ə zə əməd, nɨ yeʼ àmei we mɔʼ koŋ koŋ. À yɨ əne.

Mə̀Hibrù 13:8

Yeso Kristo wɨ əndəŋ əndəŋ ɨchî nɨ wɨ̀ kɨə kəʼ rɨwɔ̀, ɨchî nɨ wɨ̀ yeʼ rəchɔ̀ŋ mbɨ ɨchî nɨ wɨ̀ bɨrɨ ten əne koŋ.

Jems 1:17

Ɨghɨ chɔ̀m jìm mbɨ ɨneʼe jìm we nɨ bɔŋɨ màànɨ̀ yɨ rɨkaŋ. Mbɨ yɨ rɨ əmbɨ ə Mbǎʼ we nɨ nyaʼa tekɨ ɨghɨjìm mbe nɨ yeʼ ɨkaŋ, nɨ à yɨə məd ə nàʼ ɨzeŋɨ zeŋɨ. Kaʼ məd wɨə kwepɨ i. Kaʼ ɨchî nɨ wɨə beŋ ɨnyod wɨə ghɨ̀ i ni ɨsɨ fin.

1 Jɔn 1:5

Ɨkə̂n we nɨ tɨ̀ nyaʼa zu rɨ əmbɨ ə Wan Ŋwìə̀, nɨ tɨə bə̀ ghà ɨ nən yɨ ni, Ŋwiə̀ yɨ ɨzeŋɨ zeŋɨ, fɔrɨ ni chəi ɨsɨ firɨ berɨ ənû ə mɔʼɔ nɨ ghɨ̀ mbɨ məd.

1 Jɔn 1:7

Tɨ̀ mɨ yeʼ ɨŋga ɨzeŋɨ zeŋɨ, ɨchî nɨ məd ziə bə yeʼ ɨŋga ɨzeŋɨ zeŋɨ, njɨ tɨ̀ wɨ ənɨ ɨfɔtɨ mbǎ mbǎ, əne ənəm ə Yeso, Wan məd, ə zɨə sò mba ɨnû rɨbɔ̀ŋ jìm.

1 Jɔn 4:12

Chəi wə̀d mɔʼɔ kweʼ zə ə Ŋwìə̀, àyɨə tɨ̀ mɨ ghaʼ a ɨnyod mbǎ mbǎ, Ŋwìə̀ bɨrɨ yeʼ ənɨ ənû ə mɔʼ mbɨ na. Wɨ̀ nɨə ghɨ əne, ɨghaʼi bɨrɨ swi ɨŋga ta fîŋ.

Jûd 1:25

Mbɨ naʼ ɨwumnɨ, nàʼ ənû ɨfɔ̀n ə kyeŋ, nàʼ ɨka bə̀ nàʼ ənû nɨ tumbɨ ɨsɨg əmbɨ ə Ŋwìə̀ we mɔʼ. Məd wɨə chɨ̀ əwa rəŋgəʼ ənjìm a Ə̀nùŋɨ̀sɨg Yeso Kristo. Ɨnû mbɔ̂ nyaʼa i mbɨ məd kɔ rɨ ənɨ ə nyùmə̀ we nɨ nyaʼa fə che i. Ɨ mbɨ mbɨ məd tɨ̀nîn. Mbɨ bɨrɨ yeʼ mbɨ məd koŋ. À yɨ əne.

Ɨnû 1:6

Wɨ̀ nyaʼa ghɨ̀ əwa ənɨ mɨfɔ̂n bə̀ fɔrɨ ənɨ ə bə̂d mbàn ɨŋga ənû ɨfɔ̀n ə Ŋwiə̀. Wɨ̀ nyaʼa ghɨ̀ əne ɨmbə̀ʼ tɨ̀ fàʼ əmbɨ Ŋwiə̀ məd, nɨ bə̀ yeʼ Mbǎʼ məd. Tɨ̀ wumnɨ Yeso Kristo nɨ berɨ ɨka nɨ tumbɨ ɨsɨg koŋ koŋ! À yɨ əne.

Ɨnû 1:8

Ə̀nùŋɨ̀sɨg Ŋwìə̀ we nɨ yeʼ rɨ̀nîn, nɨ nyaʼa bei əŋgu, nɨ bɨrɨ wɨrɨ yeʼe, ə ghà ni, “Mɔ̌ yɨə Alfà fɔrɨ ə Omegà.”

Ɨnû 21:3

Mə nyaʼa zu gɨ̂ rɨ ənɨ ətən ɨfɔ̀n ze. Gɨ̂ ze zɨə nyaʼə ghàə̀ ni, “Mbə̀ zə, tɨ̀nîn əsɨ nɨ Ŋwìə̀ ə chubə ə zɨ əkaʼ ə bə̂d. Wɨ̀ bɨrɨ chubɨ mbɨ mɨ̀mə̌d əne mbɨ bɨrɨ yeʼ bə̂d ɨməd. Ŋwìə̀ ziə, nɨ yeʼ Ŋwìə̀ mɨ̀mə̌d, bɨrɨ chubɨ mbɨ mɨ̀mə̌d.

Ɨnû 22:5

Chə wɨrɨ i ɨzimɨ. Chəi mbɨ bɨrɨ kəb ɨzeŋɨ zeŋɨ rɨ ənɨ ənam kɨ̀ rɨ ənɨ ə nyùmə̀, ɨmbə̀ʼ ɨghəm nɨ Ə̀nùŋɨ̀sɨg Ŋwiə̀ bɨrɨ yeʼ ɨzeŋɨ zeŋɨ mɨ̀mə̌d. Mbɨ bɨrɨ tumbɨ ɨsɨg koŋ koŋ.

Ɨnû 4:11

“Ə̀nùŋɨ̀sɨg à Ŋwìə̀, àwɔ̀ ə kùʼ ni wə̀d jìm yiirɨ əwe, nàʼ ɨwumnɨ ɨ ne bə̀ ghà ni à berɨ ɨka, ɨmbə̀ʼ ɨghəm nɨ à nyaʼa tekɨ ɨghɨjìm, ɨghɨjìm mbɨ əŋgu bə̀ yeʼ ɨkǎ ɨchî nɨ à nyaʼa kəbɨ.”

Ɨnû 7:12

ghàə̀ ni, “À yɨ əne! Tɨ̀ yiirɨ à Ŋwìə̀, wumnɨ əməd, nàʼ məben-əwe ɨ bɔ, məd ə zeŋ, ɨ wɨə nàʼ əbɔrəbɔd, wɨ̀ berɨ ɨwe bə̀ berɨ ɨka koŋ koŋ! À yɨ əne.”