1 Timotì 5:6 - Meta’

⁶ Àyɨə ɨku əyi we nɨə jɨg ɨsɨg fə kwɨ, ka à bè yeʼi ni ɨ wɨə kɨrɨ ɨkǎ.

Ikan feg

⁶ Àsi iku-àyi ne jə̀ghə isəg, wì fə ku, ka məd we kiri yi izɔm.

1 Timotì 5:6 Marejeleo ya Msalaba

Matìyò 8:22

Yeso nyaʼa ghà ɨ bɔ ni, “Beenɨ əbɔʼ num, sàŋ ɨvɨ bə̂d tweŋ mbə ɨvɨ bə̂d.”

Lk 12:19

Mə mɨ ghɨ̀ əne, mə bɨrɨ ghà əmbɨ mɨ nyamnyod ni, nyamnyod, à berɨ ɨghɨ nɨ nɔʼɔ, nɨ bɨrɨ nɨŋ əwe ɨghəm ɨwu nɔnɔʼ. Bɔtɨ e, jɨg e, nɔ e bə̀ ghaʼ e.'

Lk 15:13

Ənɨ ɨni mɔʼɔ nyaʼa chě, wan mbaŋə̀ kwa we nyaʼa fèndɨ̀ ɨghɨjìm mbe nɨ mbǎʼ məd nyaʼa naʼ ɨ bɔ, nɨŋ ɨkab we wò ɨŋga əbeŋ ə mɔʼɔ əsa əgha. Ənɨ wɨ̀ nyaʼa pè əŋgu, wɨ̀ nyaʼa chə̀kɨ̀ ɨkab we ɨchî rɨbɔ̀ŋ.

Lk 15:24

ɨmbə̀ʼ ɨghəm nɨ mɨ wan wɔ̂ nyaʼa kwɨ, àyɨə tɨ̀nîn ɨ wɨ ɨkǎ, wɨ̀ nyaʼa nim, àyɨə tɨ̀nîn mə fə zə əməd.' Mbɨ nyaʼa ghɨ̀ əne kɔ jɨgə ghaʼə.

Lk 15:32

Àyɨə zɨə nyaʼa kùʼ ni tɨ̀ ghɨ ɨghaʼi, ɨmbə̀ʼ ɨghəm nɨ we aŋgɔb wɔ̂ nyaʼa kwɨ, àyɨə tɨ̀nîn ɨ wɨ ɨkǎ, wɨ̀ nyaʼa nim, àyɨə tɨ̀nîn mə fə zə əməd.'”

Lk 16:19

“Wə̀d mbɔ̂n mɔʼɔ wɨə nyaʼə əŋgu, nɨ nyaʼə zɨ̀ə̀ ngywɨ̌ əka ɨnùn bə̀ fɔ̀ɔ̀nɨ̀ ɨŋga mbɔ̂n ɨni jìm.

Lk 7:25

Mbə nyaʼa kaŋ jwɨ̀ wo zə ye ə? Mbə wa nyaʼa wo zə wə̀d nɨ zɨ ngywɨ̌ rɨ chɔ̀m ə? Mbə̀ zə ni bə̂d mbe nɨə zɨ̀ə̀ ngywɨ̌ rɨ chɔ̀m bə̀ fɔ̀ɔ̀nɨ̀ ɨŋga mbɔ̂n mbɨə chub ɨŋga tɔʼ.

Efesùs 2:1

Mbə nyaʼa fə kwɨ ɨmbə̀ʼ tə rɨ̀gùrɨ-ɨnû. Mbə fə bə̀ kwɨ ɨmbə̀ʼ mbə ɨnû rɨbɔ̀ŋ.

Efesùs 2:5

ka àbei yeʼi ni ta rɨ̀gùrɨ-ɨnû nyaʼa fə zwiirɨ əwa, wɨ̀ nyaʼa ghɨ ni tɨ̀ chub ɨkǎ ɨchî nɨ tɨ̀ yeʼ ənɨ ɨfɔtɨ mbɨ Kristo. À yɨ ənjìm ɨ̀chɔ̀m Ŋwiə̀ nɨ mbə̀ fə jwɨ̀ rəŋgəʼ.

Efesùs 5:14

ɨmbə̀ʼ ɨghəm nɨ ɨghɨjìm mbe nɨ bə̂d ə zəə yɨ mbe nɨ ɨzeŋɨ zeŋɨ ə te ɨgun. À yɨ əton nɨ mbɨ ŋwaʼnɨ ni, “Wə̀d we nɨə gwenə, nɔʼ rɨ əŋgwenɨ zwemə, əne ɨzeŋɨ zeŋɨ Kristo bɨrɨ te ɨgwɨ ne.”

Kòlosè 2:13

Ənɨ mbə̀ nyaʼa fə kwɨ ɨmbə̀ʼ mbə ɨnû rɨbɔ̀ŋ fɔrɨ ɨmbə̀ʼ ɨchî nɨ chəi mbɨ nyaʼa kɨrɨ ne əwən ənɨ mbə̀ nyaʼa kɨrɨ ghɨ ɨnû rɨbɔ̀ŋ, Ŋwìə̀ nyaʼa waʼ ta rɨ̀gùrɨ-ɨnû jìm, əne ghɨ̀ mbə chub ɨka mbɨ Kristo.

2 Timotì 3:6

Mbɨ mɔʼɔ rəbɔʼ mɨ̀mə̌d mbɨə nyɨ ɨŋga nəb rɨ bə̂d. Mbɨ mɨ nyɨ əne, mbɨ tambɨ məyi mbe nɨ fîŋ tɨ mɨ̀mə̌d bɔrɨ, nɨ ɨnû rɨbɔ̀ŋ fə nyem mɨ̀mə̌d fɔrɨ ənɨ mbɨ fə naʼ tə fîŋ əmbɨ tɨkwɨrɨ ɨnû rɨbɔ̀ŋ jìm mbe nɨ nyamnyod tɨ mɨ̀mə̌d ə feenɨə.

Jems 5:5

Mbə fə chub ɨgwɨ ə si ɨŋga mbɔ̂n. Mbə mbɨə bə̀ ghɨ̀ àmei ɨnû mbe nɨə ghɨ̀ ni tə fîŋ bɔŋə. Mbə fə jɨg faŋ ɨghabɨ ə nyam nɨ mbɨə wo wàd.

Ɨnû 18:7

Ɨ wɨə nyaʼə tərə i bə̀ tad i ɨnyod ɨŋga mbɔ̂n əne mbə̀ jeŋgɨ chə əməd bə̀ ghɨ̀ ni wɨ̀ kənə. Ɨ wɨə ghà ɨŋga i fîŋ ni 'Mə yɨ ɨfɔ̂n əyi! Kaʼ mə yɨ əmɨ ɨku əyi, əne chəi mə bɨrɨ nɔ dì!'

Ɨnû 3:1

Ə̀nùŋɨ̀sɨg nyaʼa bə̀ gha ɨ num ni: “Ŋwaʼnɨ əmbɨ aŋgɨrə̀ we ɨŋga ɨfetɨ bə̂d Kristo we rɨ ə Sadìs ni, 'Ɨŋgam wɔ̂ yɨ rɨ əmbɨ wə̀d we nɨ yɨm ɨzwî Ŋwiə̀ mbe sambe bə̀ yim rɨtəmɨ te sambe. Ɨ wɨə ghàə̀ ni, mə kyerɨ ɨnû mbe nɨ àwɔ̀ ə ghɨ̀ə̀: mə kyerɨ ni à wɨə ghɨ̀ ɨghabɨ ni à wɨə kɨrɨ ɨkǎ, àyɨə à fə kwɨ.