1 Timotì 5:21 - Meta’

²¹ Mə wɨə ghà ɨ ne ɨfě Ŋwiə̀, ɨfě Kristo Yeso bə̀ fɔrɨ ɨfě mbɨ̀aŋgɨrə̀ mbe nɨ Ŋwìə̀ chɔʼɔ ni à nuŋ tɨkə tɔ̂ nɨ mə naʼ ɨ ne zɨ rɨ ghɨ ɨghə, kɨ̀ nɨ chwiə ni à ghaʼ wə̀d mɔʼɔ.

Ikan feg

²¹ Mə ya anìŋ ghà ine imbìghè abə Ŋwiye tì imbìghè abə Yeso Kristo fɔrɔ imbìghè abə mbè angirə̀ mbe ne Ŋwiye chɔ̀ʼi gha, àghò nɔŋɔ tikə ìto̰ ne mə̀ nàʼi ine witì ghì ighə, kə̀ ni chwi gha àghò kɔ̀ŋ wə̀d mɔ̀ʼɔ icha chè ìywin.

1 Timotì 5:21 Marejeleo ya Msalaba

Matìyò 16:27

Wan Wə̀d bɨrɨ yeʼe mbɨ mbi mbɨ̀aŋgɨrə̀ mbɨ ɨka we nɨ Mbǎʼ məd naʼ ɨ bɔ. Wɨ̀ bɨrɨ pè chɔʼ ə̀fàʼì wə̀d mɔʼ mɔʼ ɨchî nɨ wɨ̀ fàʼi.

Matìyò 25:41

“Wɨ̀ bɨrɨ gha əmbɨ ə mbe nɨ yeʼ əbɔ ə tweŋ əməd ni, 'Mbə̀n bə̂d ndɔ̀n, mbə̀ nɔʼ rɨ ɨban num wò nyɨ ɨŋga ɨwid rɨ nìmə nɨ mɨ Mbǎʼ nyaʼa fə tekɨ əmbɨ Debɨ̀rə̀ mbɨ mbɨ̀aŋgɨrə̀ məd.

Matìyò 28:20

Mbə̀ chwi əmbɨ mɨ̀mə̌d ni mbɨ nuŋ rɨkə rɨjìm te nɨ mə̀ fə naʼ ɨ nən. Mbə̀ kyerɨ ni mə wɨ mbɨ nən ɨghəm jìm wò pè ənɨ ɨsɨg bɨrɨ nwìə̀.”

Lk 20:21

Mɨ̀-ànàŋgɔŋ mbe nyaʼa pè biirɨ ɨ bɔ ni, “Əchwiə̀-ɨnû, tɨ̀ ə kyerɨ ni à wɨə ghà ɨnû bə̀ chwi ɨnû ɨchî nɨ kuʼnɨ. Chəi àwɔ̀ ə ghɨ̀ ɨghə, àyɨə à wɨə chwi rəsìʼ ɨmbə̀ʼ ɨchî nɨ Ŋwìə̀ kəbɨ ni bə̂d chubɨ.

Lk 9:26

Ətu ə mɨ nìd wə̀d mɔʼɔ ɨmbə̀ʼ əmɨ fɔrɨ ɨmbə̀ʼ mɨ ɨŋgam, ətu ə Wan Wə̀d ə bɨrɨ bɨ nìd ɨmbə̀ʼ əməd ənɨ wɨ̀ yeʼe ɨghabɨ ɨfɔ̀n mbɨ ɨka we nɨ Mbǎʼ naʼ ɨ bɔ bə̀ fɔrɨ mbɨ ɨwumnɨ we nɨ mbɨ̀aŋgɨrə̀ zeŋɨ bə̀ nàʼ ɨ bɔ.

2 Kɔrèn 5:16

Əne, ɨ kɔ rɨ̀nîn chəi tɨə wɨrɨə neŋə wə̀d ɨchî nɨ wə̀d mɨ̀sɔŋɨchù ə nèŋə̀. Ka à bè yeʼi ni tɨ̀ nyaʼa kweʼ nèŋ ə Kristo ɨchî nɨ bə̂d mɨ̀sɔŋɨchù ə nèŋə̀, àyɨə chəi tɨə wɨrɨə nèŋ əməd əne.

1 Tèsàlonikà 5:27

Mə wɨə ghà ɨ nən ɨfě Ə̀nùŋɨ̀sɨg ni wə̀d mɔʼɔ foŋ ə̀ŋwàʼnɨ̀ zɔ̂ əmbɨ ə bə̂d Kristo mɨ̀jìm.

1 Timotì 6:13

Ɨfě Ŋwìə̀ we nɨə nàʼ ɨ̀tènɨ̀ əmbɨ ɨghɨjìm fɔrɨ ɨfě Kristo Yeso we nɨ nyaʼa gha rəsìʼ ɨfě Pontiùs Pailèt, mə ghà ɨ ne ni,

2 Timotì 2:14

Kɨə nɔ̀ɔ̀rɨ̀ ɨtu bə̂d Kristo ɨmbə̀ʼ ɨnû mbɔ̂. Patɨ mɨ̀mə̌d ɨfě Ŋwiə̀ ni tɨ mbɨ taŋ ə ɨmbə̀ʼ əton ənɨ mɨŋgam əko mɔʼɔ, ɨmbə̀ʼ ɨghəm nɨ chəi taŋ ə weerɨə wə̀d. Ɨ zɨə chə̀kɨ̀ə̀ fîŋ rɨ bə̂d mbe nɨə zwetɨə.

2 Timotì 4:1

Mə wɨə ghà ɨ ne ɨfě Ŋwiə̀ bə̀ fɔrɨ ɨfě Kristo Yeso we nɨ bɨrɨ saʼ bə̂d mbe nɨ yeʼ ɨka mbɨ mbe nɨ fə kwɨ, bə̀ gha ɨmbə̀ʼ ɨchî nɨ wɨ̀ bɨrɨ wɨrɨ yeʼe ɨ tumbɨ ɨsɨg ni:

Jems 3:17

Ɨwe we nɨ Ŋwiə̀ ə nàʼə̀ wɨə ghɨ̀ə̀ ni tɨ̀ chub zeŋɨ zeŋɨ, chub ənɨ əbɔrəbɔd, berɨ ɨbɔtɨ fîŋ, zwetɨ ɨnû nɨ bə̂d ə ghàə̀, diirɨ bə̂d bə̀ ghɨ̀ ɨ̀chɔ̀m. Ɨ wɨə bə̀ ghɨ̀ ni tɨ rɨ̀ ghɨ a ɨghə mbɨ ni tɨ rɨ̀ ghɨ a ɨbekɨ ɨnû.

2 Pità 2:4

Wɨ̀ bɨrɨ ghɨ əne ɨmbə̀ʼ ɨghəm nɨ wɨ̀ nyaʼa bə̀ chə mbɨ̀aŋgɨrə̀ mbe nɨ nyaʼa ghɨ ɨnû rɨbɔ̀ŋ. Wɨ̀ nyaʼa màʼ mɨ̀mə̌d ɨŋga əsɨ ɨchə, nɨ yeʼ əsɨ nɨ wɨ̀ kod mɨ̀mə̌d ənɨ mɨ̀kàrə̀ ɨŋga ɨsɨ mbe nɨə finə kììm, ɨmbə̀ʼ mbɨ chub əŋgu pè əni ze nɨ wɨ̀ bɨrɨ saʼ ɨsɨg.

Jûd 1:6

Mə wɨə bə̀ nɔ̀ɔ̀rɨ̀ mbə ɨtu ɨmbə̀ʼ mbɨ̀aŋgɨrə̀ mbe nɨ chəi mbɨ nyaʼa yim ɨsɨ mbe nɨ Ŋwìə̀ nyaʼa naʼ əmbɨ mɨ̀mə̌d. Mbɨ nyaʼa sàŋ əsɨ ze nɨ mbɨ nyaʼə chub əŋgu. Ŋwìə̀ fə kod mɨ̀mə̌d ənɨ mɨ̀kàrə̀ koŋ əne nùŋ ɨŋga ɨsɨ mbe rɨ əton nɨə finə kììm. Mbɨ bɨrɨ chub əŋgu sɨə wòm Əni ə kyeŋ ze nɨ Ŋwìə̀ bɨrɨ saʼ ɨsɨg.

Ɨnû 14:10

Ŋwìə̀ bɨrɨ sə ɨtəm əbɔʼ məd əne chə əməd. Əne yɨ ɨghabɨ ni wɨ̀ fə zɨ̀ mɨnoʼ ɨŋga toʼ məd nɨ chəi wɨ̀ nyamɨ, əne ghɨ̀ ni wɨ̀ nɔ. Ŋwìə̀ bɨrɨ chə wə̀d wɔ̂ ɨŋga ɨwid, ɨŋga sɔlfò ɨfě mbɨ̀aŋgɨrə̀ zeŋɨ fɔrɨ ɨfě Wan njɨ̀g.