1 Timotì 4:1 - Meta’

¹ Əzwî ə Zeŋɨ ə zɨə ghàə̀ zɨə zeŋ ni ɨŋga ɨni mbe nɨə wo yeʼe, bə̂d mɔʼɔ bɨrɨ waʼ ɨbenɨ we nɨ mbɨ berɨ, sɨə zuunɨə yeʼ bə̂d mbe nɨə zwetɨ ɨnû rɨ əmbɨ ɨzwî mbe nɨə tambɨə bə̂d. Mbɨ bɨrɨ bɨ chwi ɨnû mɨghab mbe nɨ ɨzwî rɨbɔ̀ŋ ə kə̀bə̀ ni bə̂d benɨ.

Ikan feg

¹ Azwighi Ŋwiye ya fə ghà ze dù zen gha, inga ineg mbe ne yèʼe, bəd mɔ̀ʼɔ biri waʼ ìwɔb ibḛfiŋ se bène yaʼ abɔ̀ʼ izwighi ne ghàmà inug ako fɔrɔ anjìm abə inug ne izwighi tibɔ̀ŋ mbe chwìte.

1 Timotì 4:1 Marejeleo ya Msalaba

Matìyò 18:7

“Ŋgəʼ bɨrɨ nyɨ ɨgwɨ ɨsɨg ɨmbə̀ʼ ɨnû mbe nɨə ghɨ̀ə̀ ni bə̂d ghɨ ənû rɨbɔ̀ŋ! Ɨnû mbe nɨə ghɨ̀ ni bə̂d ghɨ ɨnû rɨbɔ̀ŋ berɨ yeʼe, àyɨə ŋgəʼ bɨrɨ nyɨ ɨgun ə wə̀d we nɨ ɨnû mbe nɨə ghɨ̀ ni bə̂d ghɨ ɨnû rɨbɔ̀ŋ che ənjìm məd yeʼe!

Lk 17:1

Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Ɨnû mbe nɨə ghɨ̀ ni bə̂d ghɨ ɨnû rɨbɔ̀ŋ berɨ yeʼe, àyɨə ŋgəʼ bɨrɨ nyɨ ɨgun ə wə̀d we nɨ ɨnû mbe chè ənjìm məd yeʼe!

Jn 16:13

Ənɨ Əzwî ze nɨə ghɨ̀ ni bə̂d kyerɨ rəsìʼ ə yeʼe, wɨ̀ bɨrɨ chwi rəsìʼ jìm ɨ nən. Ka wɨ̀ bɨrɨ gham i ənɨ i ɨghəm. Wɨ̀ bɨrɨ ghà yeʼ ənû ze nɨ wɨ̀ zǔ. Wɨ̀ bɨrɨ zeŋnɨ mbə ɨtu ɨmbə̀ʼ ɨnû mbe nɨ yeʼ ɨmbì.

Ɨ̀fàʼì 13:2

Ənɨ mbɨ nyaʼə wumnɨ ə Ə̀nùŋɨ̀sɨg bə̀ chubə rɨ jɨg, Əzwî ə Zeŋɨ ə nyaʼa ghà əmbɨ mɨ̀mə̌d ni, “Mbə̀ sweŋ ə Banabàs mbɨ Sɔ̂l ɨ num ɨmbə̀ʼ mbɨ faʼ ə̀fàʼì ze nɨ mə chɔʼ mɨ̀mə̌d ni mbɨ faʼa.”

Ɨ̀fàʼì 17:18

Bə̂d ɨwe mɔʼɔ nɨ mbɨ nyaʼə tɔŋ ənɨ mɨ̀Epikurià mbɨ mbɨ mɔʼɔ mbe nɨ mbɨ nyaʼə tɔŋ ənɨ mɨ̀Stoìk nyaʼa wò kumnɨ əməd kɔ tàŋɨ mbɨ məd. Mbɨ mɔʼɔ rəbɔʼ mɨ̀mə̌d nyaʼa gha ni, “Əkywɨ-ɨchù wɔ̂ kɨə kə̀b gha əzi ni yè ə?” Mbɨ cherə nyaʼa ghà ni, “Zɨə chub ɨghabɨ ni ɨ wɨə ghà ɨnû ɨmbə̀ʼ mɨ̀ŋwìə̀ rɨ̀sɔ̀ʼɔ̀.” Mbɨ nyaʼa ghà əne ɨmbə̀ʼ ɨghəm nɨ Pɔ̂l wɨə nyaʼə ghà ɨŋgam Ŋwiə̀ ɨmbə̀ʼ ə Yeso, bə̀ ghà ɨmbə̀ʼ ɨchî nɨ bə̂d bɨrɨ zwemə.

Ɨ̀fàʼì 20:23

Ənû nɨ mə̀ kyerɨ yɨ ni Əzwî ə Zeŋɨ ə zɨə ghà ɨ num ɨsɨ jìm ni ndəŋ fɔrɨ ŋgəʼ mbɨə wòm əmɨ.

Ɨ̀fàʼì 21:11

Wɨ̀ nyaʼa yeʼe əsɨ na, pè nɨŋ ɨ̀kɔ̀bɨ̀ Pɔ̂l kod mbi ɨwu bə̀ kod mbi ɨbɔ ghà ni, “Əzwî ə Zeŋɨ ə ghà ni, 'À yɨ ɨchî nɨ mɨ̀Jû mbe rɨ ə Jèrusalèm bɨrɨ kod mbaŋə̀ ze nɨ berɨ ɨ̀kɔ̀bɨ̀ wɔ̂, əne zɨ̀ əməd ɨŋga tɨkyerɨ-ɨbɔ bə̂d nɨ kaʼi mɨ̀Jû.'”

Ɨ̀fàʼì 28:25

Ɨchî nɨ chə nyaʼa i mɨ̀mə̌d ənɨ ɨchû mɔʼ, mbɨ nyaʼa jwɨ̀ rɨŋga nəb Pɔ̂l, ənɨ wɨ̀ nyaʼa fə ghǎ ənû zɔ̂ ə mɔʼ ni, “Əzwî ə Zeŋɨ ə nyaʼa kùʼ ɨchî nɨ zɨə nyaʼa chè ənjìm wə̀d ɨ̀kə̀n Ŋwìə̀ Aizayà ghà əmbɨ mbə mɨ̀mbǎʼ rəŋwe ni,

1 Kɔrèn 10:20

Chə̂! Mə wɨə ghàə̀ yeʼ ni bə̂d mbe nɨ chəi mbɨə wumnɨ ə Ŋwìə̀ mbɨə nàʼ ɨghɨ ə̀fà yeʼ əmbɨ ɨzwî rɨbɔ̀ŋ, kaʼi əmbɨ ə Ŋwiə̀. Chəi mə̀ kəb ni mbə̀ fɔtɨ mbɨ ɨzwî rɨbɔ̀ŋ.

1 Kɔrèn 11:19

Mə kyerɨ ni ə̀ghàbrɨ̀ ə berɨ jwɨ̀ əkaʼ nən ɨmbə̀ʼ mbɨ kyerɨ bə̂d Kristo rəsìʼ.

1 Kɔrèn 12:11

Ɨnû mbɔ̂ jìm yɨ rɨ əmbɨ Əzwî ze ə mɔʼ. Əzwî ze ə zɨə nàʼ ɨneʼe əmbɨ wə̀d mɔʼ mɔʼ ɨchî nɨ wɨ̀ kə̀bɨ.

1 Kɔrèn 2:10

Àyɨə Ŋwìə̀ fə chwi ɨnû mbe ɨ na ənjìm Əzwî əməd. Əzwî ze ə zɨə kyèʼ ɨnû jìm, ka àbei ɨnû mbe nɨ yeʼ ənə̀mə ɨmbə̀ʼ ə Ŋwiə̀.

2 Kɔrèn 11:3

Àyɨə mə wɨə bɔə ni ɨchî nɨ jɔ nyaʼa nɨŋ ɨwe tambɨ ə Efà, ɨ mbe tɨ mbɨ bə̀ fèbrɨ̀ tə rɨkɔndɨ tɨ ənɨ ɨchî nɨ mbə̀ə fàʼ əmbɨ Kristo ənɨ ə fîŋ jìm bə̀ fɔrɨ ənɨ ə fîŋ nɨ zeŋɨ.

Kòlosè 2:18

Tɨ mbə ben ə ni wə̀d mɔʼɔ ghɨ ni mbə̀ nim ɨneʼe we nɨ Ŋwiə̀ kaʼ ɨ nən ɨchî nɨ wɨə nyeŋ əwən ni mbə swi ɨnyod bə̀ nyèŋə̀ ni mbə̀ wumnɨ mbɨ̀aŋgɨrə̀. Bə̂d mbe nɨə ghɨ̀ əne mbɨə ghàə̀ ni mbə zə ɨnû mbe ɨŋga rɨ̀taanɨ njə̀m. Ɨ mbɨə nɔ̀ ɨnyod ɨmbə̀ʼ ɨghɨ mbe nɨ mbɨ kɔndɨ ni mbə kyerɨ, àyɨə chəi mbɨ berɨ əton nɨ nɔ ɨnyod.

2 Timotì 3:13

Àyɨə bə̂d mbe nɨə ghɨ̀ ɨnû rɨbɔ̀ŋ mbɨ mbe nɨə nɨŋ rɨkum bə̂d cherə tambɨə bə̂d əŋgu bɨrɨ rəbə ghɨ̀ ə ɨnû rɨbɔ̀ŋ ghɨ̌ wò ɨmbì. Mbɨ bɨrɨ mɨə tambɨ ə bə̂d, bə̂d bə tambɨ ə mɨ̀mə̌d.

2 Timotì 4:4

Mbɨ bɨrɨ zindɨ mbə ɨ̀tǒŋ nɨ zu ɨnû rəsìʼ. Əne mbɨ bɨrɨ bèŋ sɨə zwetɨə yeʼ tɨpoʼ əko.

Jems 3:15

Kaʼ ɨkwɨ ɨwe wɔ̂ yɨ i we nɨ Ŋwiə̀ ə nàʼə̀. Wɨ yɨ rɨ əmbɨ ə bə̂d rɨ ɨgwɨ ə si, kaʼi rɨ əmbɨ Əzwî ə Ŋwìə̀. Wɨ̀ yɨ rɨ əmbɨ ə Debɨ̀rə̀.

1 Pità 1:20

Ŋwiə̀ nyaʼa fə chɔʼ əməd bɔŋ wɨ̀ nyaʼə sɨə tekɨ ɨsɨg. Wɨ̀ fə ghɨ̀ ni bə̂d kyerɨ əməd ɨŋga ɨni mbɔ̂ nɨ sɨ nwìə̀. Wɨ̀ nyaʼa ghɨ̀ əne ɨmbə̀ʼ weerɨ əwən.

2 Pità 2:1

Bə̂d ɨ̀kə̀n mɨghab mbɨə nyaʼa əkaʼ bə̂d mbɨ rəŋwe àmei ɨchî nɨ məchwiə̀-ɨnû mɨghab bɨrɨ bɨ yeʼ əkaʼ nən. Mbɨ bɨrɨ nyaʼrɨ yeʼe mbɨ mɨŋgam mɨghab ɨmbə̀ʼ ə Ŋwiə̀. Mɨŋgam mɨghab mbe yɨ mɨŋgam nɨ bɨrɨ nimnɨ bə̂d. Mbɨ bɨrɨ bɨ ton Mbǎʼ ə̀fàʼì mɨ̀mə̌d we nɨ nyaʼa choʼ ɨtu mɨ̀mə̌d. Mbɨ mɨ ghɨ̀ əne, Ŋwìə̀ bɨrɨ zambɨ nimnɨ mɨ̀mə̌d.

2 Pità 3:3

Ənû rɨtu nɨ mbə̀ berɨ nɨ kyerɨ yɨ ni ɨŋga ɨni mbe nɨ sɨ nwìə̀, məbaʼrɨ-bə̂d bɨrɨ yeʼe pè baʼrɨ əwən. Mbɨ bɨrɨ beenɨ əbɔʼ ɨnû mbe nɨ nyamnyod tɨ mɨ̀mə̌d ə feenɨə.

1 Jɔn 2:18

Mbɨ bɔn, nyùmə̀ we nɨ ɨsɨg ə wò nwìə̀ fə tiinɨ. Mbə nyaʼa fə zu ni wə̀d pə̀n Kristo wɨə yeʼe. Tɨ̀nîn bə̂d pə̀n Kristo nɔnɔʼ fə yeʼe. Əzɔ̂ ə fə ghɨ̀ tɨ̀ kyerɨ ni nyùmə̀ we nɨ ɨsɨg ə wò nwìə̀ fə tiinɨ.

1 Jɔn 4:6

Tɨ̀ yɨə bə̂d Ŋwiə̀, əne wə̀d mɔʼɔ we nɨ kyerɨ ə Ŋwìə̀ wɨə zwetɨ ɨnû mbe nɨ tɨə ghàə̀. Chəi wə̀d we nɨ kaʼi wə̀d Ŋwìə̀ ə zwetɨ ɨnû mbe nɨ tɨə ghàə̀. Wɔ̂ yɨ ɨchî nɨ tɨ̀ rɨ̀ kyerɨ ɨkwepɨ rɨ ənɨ əzwî ze nɨə ghɨ̀ ni tɨ̀ kyerɨ rəsìʼ bə̀ fɔrɨ tɨ ənɨ əze nɨə tambɨə bə̂d.

Jûd 1:18

Mbɨ nyaʼa ghà ɨ nən ni, “Ɨŋga ɨni mbe nɨ sɨ nwìə̀, məbaʼrɨ-bə̂d bɨrɨ yeʼe. Mbɨ bɨrɨ beenɨ əbɔʼ ɨnû mbe nɨ nyamnyod tɨ mɨ̀mə̌d ə feenɨə. Ɨnû mbe mbɨə ghɨ̀ə̀ ni tɨ mbɨ wumnɨ ə Ŋwiə̀.”

Jûd 1:4

Mə wɨə ghà əne ɨmbə̀ʼ ɨghəm nɨ bə̂d mɔʼɔ nɨ chəi mbɨə wumnɨ ə Ŋwiə̀ fə nyaʼrɨ yeʼe nyɨ əkaʼ nən. Ɨ mbɨə bèŋ ɨ̀chɔ̀m a Ŋwìə̀ ɨmbə̀ʼ ghɨ ɨnyamnɨ-ɨnû. Ɨ mbɨə bə̀ ton ə Yeso Kristo nɨ àmei məd yeʼ a Mbǎʼ ə̀fàʼì bə̀ yeʼ a Ə̀nùŋɨ̀sɨg we mɔʼ. Ə̀ŋwàʼnɨ̀ ə Ŋwìə̀ ə nyaʼa fə ghà rəŋwe ni Ŋwìə̀ bɨrɨ zɨ ɨsaʼi ɨgwɨ mɨ̀mə̌d.

Ɨnû 13:14

Mbɨ nyaʼa sàŋ ni zɨ̀ ghɨ ɨnû yiirɨ ɨfě nyam rɨtu ze ɨmbə̀ʼ tambɨ bə̂d mɨ̀jìm mbe nɨ yeʼ ɨgwɨ ə si. Ɨ zɨə nyaʼə ghàə̀ ni mbɨ bɔm anèŋ ɨmbə̀ʼ wumnɨ nyam kyeŋ rɨtu ze nɨ mbɨ nyaʼa wad ənɨ ɨbi bid, àyɨə ɨ zɨə kɨrɨ ɨkǎ.

Ɨnû 16:14

Ɨzwî mbɔ̂ yɨ ɨzwî rɨbɔ̀ŋ mbe nɨə ghɨ̀ ɨnû yiirɨ. Mbɨ nyaʼa jwɨ̀ wò əsɨ mɨfɔ̀n mɨjìm rɨŋga ɨsɨg, ɨmbə̀ʼ fɔtɨ mɨ̀mə̌d ni mbɨ maʼ bid əni ə kyeŋ ze nɨ Ŋwìə̀kɔʼ bɨrɨ saʼ ɨsɨg.

Ɨnû 18:2

Wɨ̀ nyaʼa kyeŋ ənɨ ə gɨ̂ kǎ kǎ ghà ni, “Babilɔ̀n kyeŋ fə buʼ ə! Wɨ̀ fə buʼ ə! Wɨ̀ fə bèŋ ənɨ əsɨ nɨ ɨzwî rɨbɔ̀ŋ ə chub əŋgu, ənɨ əsɨ nɨ ɨzwî mbe nɨ chəi mbɨ zeŋɨ ə nə̀mbɨ̀ əŋgu, ənɨ əsɨ nɨ tɨnən te nɨ chəi tɨ zeŋɨ mbɨ te nɨ bə̂d ban ə nə̀mbɨ̀ əŋgu.

Ɨnû 18:23

Chəi ənam ə bɨrɨ nɔ wɨrɨ te ɨŋga ne. Chəi mɨnom ɨgən mbɨ mɨgən bɨrɨ nɔ wɨrɨ ghɨ ɨnamɨ ɨŋga ne. Mbe bə̂d ɨwin yɨə nyaʼə bə̂d nɨ dabə ɨgwɨ ə si. À wɨə nyaʼə tambɨə bə̂d rɨŋga ɨbeŋ jìm ənɨ mɨ̀sà.

Ɨnû 19:20

Mbɨ nyaʼa gywɨ̀ nyam kyeŋ ze bə̀ gywɨ̀ wə̀d ɨ̀kə̀n mɨghab we nɨ nyaʼə ghɨ̀ ɨnû yiirɨ ənɨ ɨkum məd. Wɨ̀ nyaʼa chè ənjìm ɨnû yiirɨ mbe tambɨ bə̂d mbe nɨ mbɨ nyaʼa zɨ ənweenɨ ə nyam kyeŋ ze ɨgun mɨ̀mə̌d bə̀ tambɨ mbe nɨ nyaʼə wumnɨ anèŋ məd. Mbɨ nyaʼa màʼ nyam kyeŋ ze bə̀ màʼ wə̀d ɨ̀kə̀n mɨghab we ɨkǎ ɨŋga əsɨ nɨ sɔlfò ə ghɨ̀ ɨwid kyeŋ berɨə.

Ɨnû 2:11

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghàə̀ əmbɨ rɨfetɨ bə̂d Kristo. Kaʼ ɨvɨ we nɨ pe ənɨ wɨ be bɨrɨ betɨ i wə̀d we nɨ baŋ ɨnû rɨbɔ̀ŋ.'”

Ɨnû 2:17

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghà əmbɨ rɨfetɨ bə̂d Kristo. Mə bɨrɨ naʼ ə manà mɔʼɔ rəbɔʼ we nɨ yeʼ ənə̀mə əmbɨ wə̀d jìm we nɨ baŋ ɨnû rɨbɔ̀ŋ. Mə bɨrɨ naʼ ɨti rɨ̀fɨ nɨ mbɨ ŋwaʼnɨ ɨkum fi ɨgun ɨ bɔ. Chəi wə̀d mɔʼɔ kyerɨ ɨkum we chè rɨ ənɨ wə̀d we nɨ nɨŋ ɨti we.'”

Ɨnû 2:29

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghà əmbɨ rɨfetɨ bə̂d Kristo.'”

Ɨnû 2:7

“Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghàə̀ əmbɨ rɨfetɨ bə̂d Kristo. Mə bɨrɨ naʼ ɨka əmbɨ ə bə̂d mbe nɨ baŋ ɨnû rɨbɔ̀ŋ ni mbɨ jɨg rɨ ənɨ əzed ze nɨə ghɨ̀ ni bə̂d jɨg ɨ̀tènɨ̀. Əzed ze zɨ ɨŋga paradaìs Ŋwìə̀.”

Ɨnû 20:10

Mbɨ nyaʼa màʼ ə Debɨ̀rə̀ we nɨ nyaʼə tambɨ mɨ̀mə̌d ɨŋga əsɨ ze nɨ sɔlfò ə ghɨ̀ ni ɨwid kyeŋ berɨə, nɨ yeʼ əsɨ ze nɨ mbɨ nyaʼa fə be màʼ nyam kyeŋ ze mbɨ ə bə̂d ɨ̀kə̀n mɨghab mbe əŋgu. Mbɨ bɨrɨ sɨə chəə mɨ̀mə̌d əŋgu əziə mbɨ ɨzimɨ koŋ koŋ.

Ɨnû 20:8

Wɨ̀ bɨrɨ jwɨ̀ wò tambɨ ɨbeŋ jìm mbe nɨ yeʼ ənɨ rɨbu te rɨ̀kwè ɨgwɨ ə si, əne yɨə Gɔ̌g mbɨ ə Magɔ̀g, əne fɔtɨ mɨ̀mə̌d ni mbɨ maʼ bid. Ɨnun mɨ̀mə̌d nyaʼa nɔʼ ɨghabɨ rɨsi ze nɨ yeʼ əŋgo rɨ̀bàà.

Ɨnû 3:13

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghàə̀ əmbɨ rɨfetɨ bə̂d Kristo.'”

Ɨnû 3:22

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghà əmbɨ rɨfetɨ bə̂d Kristo.'”

Ɨnû 3:6

Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghà əmbɨ rɨfetɨ bə̂d Kristo.'”

Ɨnû 9:20

Chəi ə̀bùʼ ə bə̂d mɨ̀sɔŋɨchù ze nɨ chəi ŋgəʼ kǎ kǎ tɔ̂ nyaʼa zwiirɨ mɨ̀mə̌d nyaʼa beŋ tə fîŋ tɨ ənɨ ɨghɨ mbe nɨ mbɨ nyaʼa tekɨ ənɨ mbə ɨbɔ. Chəi mbɨ kɨrɨ sob nɨ wumnɨ ɨzwî rɨbɔ̀ŋ bə̀ fɔrɨ nɨ wumnɨ mbɨ̀anèŋ mbe nɨ mbɨ tekɨ ənɨ ə gôl, ənɨ ə sɨrɨvà, ənɨ ə brɔnz, ənɨ ɨti bə̀ fɔrɨ ənɨ ɨzed. Chəi ənɨ tɨ̀ mbɨ̀anèŋ mbɔ̂ zə ɨsɨ, zu ənû kɨ̀ yènɨ̀.