1 Timotì 3:2 - Meta’

² Əne ətu nɨə chà ɨfetɨ bə̂d Kristo berɨ yeʼ wə̀d nɨ chəi bə̂d ə ghàmbɨ̀ əməd. Wɨ̀ berɨ berɨ àmei əyi mɔʼ. Wɨ̀ berɨ yeʼ əbɔtɨ ə wə̀d. Wɨ̀ berɨ kyerɨ ɨchî nɨ yimbɨ i ɨnyod. Wɨ̀ berɨ yeʼ wə̀d nɨə wumnɨ i ɨnyod. Wɨ̀ berɨ nɨŋ bə̂d rɨ̀sɔ̀ʼɔ̀ ɨŋga i nəb. Wɨ̀ berɨ kyerɨ ɨchî nɨ chwi ɨnû.

Ikan feg

² Ane, atog wə̀d igun bəd Kristo bèrì ni yaʼ wə̀d ne chəyi bəd mbe ghàmbà aməd. Tengàŋ bèrì ni nam məyi àyi imɔ̀ʼ. Wì bèrì ni yaʼ wə̀d ne kɔ̀ŋɔ̀ gha bəd ya chùghə ane àbɔrɔ̀bɔd. Wì bèrì ni kyeri icheg ni nyimbi nyɔd. Wì bèrì ni ya ghùmnə ìwi nyɔd. Wì bèrì ni yaʼ wə̀d ne kɔ̀ŋɔ̀ anug ni niŋ bəd tìsɔ̀ʼ ibo inga nəb. Wì bə̀ bèrì ni kyeri icheg ni chwiti inug abə bəd.

1 Timotì 3:2 Marejeleo ya Msalaba

Lk 1:6

Mɨ̀mə̌d mbɔ̂ mɨbe mbɨə nyaʼə ghɨ̀ ɨnû nɨ kuʼnɨ ɨfě Ŋwiə̀. Ɨ mbɨə nyaʼə nùŋə̀ rɨkə rɨ Ŋwìə̀. Ɨ mbɨ nyaʼə bə̀ ghɨ̀ ɨnû jìm mbe nɨ wɨ̀ nyaʼa ghǎ. Chəi mbɨ nyaʼa gu ənû ə mɔʼɔ.

Lk 2:36

Wə̀d ɨ̀kə̀n Ŋwìə̀ mɔʼɔ nɨ nyaʼa əyi nyaʼa bə̀ əŋgu. Ɨkum məd yɨə nyaʼə Ana. Wɨ̀ yɨə nyaʼə wan Fanuèl rɨŋga ɨnəbɨ Ashà. Wɨ̀ nyaʼa fə nùn i. Wɨ̀ nyaʼa nam chubɨ mbɨ i ɨnom ɨghəm ɨwu sambe, ɨnom məd kwɨ i.

Rm 12:13

Bə̂d Ŋwiə̀ mɔʼɔ mɨ kwaŋ ɨghɨ, mbə̀ naʼ ɨghɨ mbe əmbɨ mɨ̀mə̌d. Mbə̀ nɨŋ bə̂d rɨ̀sɔ̀ʼɔ̀ ɨŋga tə nəb.

Fìlipì 2:15

ɨmbə̀ʼ tɨ bə̂d gha ə ɨnû rɨbɔ̀ŋ ɨmbə̀ʼ əwən, fɔrɨ ɨmbə̀ʼ mbə̀ zeŋ ɨghabɨ ə bɔn Ŋwiə̀ nɨ chəi ɨgu ənû ɨgwɨ mɨ̀mə̌d. Ɨgu ənû yɨ əkaʼ bə̂d mbe nɨə ghɨ̀ ɨnû rɨbɔ̀ŋ bə̀ ghɨ̀ ɨnû nɨ chəi mbɨ kuʼnɨ. Mbə̀ berɨ chub əkaʼ mɨ̀mə̌d ɨchî nɨ rɨtəmɨ ə te ɨŋga ɨsɨg.

1 Timotì 3:12

Mbaŋə̀ ze nɨə weerɨ ɨŋga ɨfetɨ bə̂d Kristo berɨ berɨ i ɨwi àmei mɔʼ. Wɨ̀ berɨ yim mbi bɔn bə̀ yim bə̂d mbe nɨə chub ɨŋga nəb məd ɨchî chɔ̀m.

1 Timotì 3:8

Bə̂d mbe nɨə weerɨ ɨŋga ɨfetɨ bə̂d Kristo berɨ bɨ yeʼ bə̂d nɨ bə̂d cherə ə wumnɨ ə. Mbɨ berɨ yeʼ bə̂d nɨ təm ɨgun rəsìʼ. Tɨ mbɨ yeʼ ə bə̂d nɨə ghàm ɨŋgam be be. Tɨ mbɨ yeʼ ə bə̂d nɨə zɨ ətu ənɨ mɨnoʼ. Tɨ mbɨ yeʼ ə bə̂d mbe nɨə ghɨ̀ ədɔʼ ənɨ ɨkab.

1 Timotì 4:3

Ɨ mbɨə tonə ni tɨ bə̂d nam ə mbɨ ni tɨ mbɨ jɨg ə tɨkwɨrɨ ɨghɨjɨg mɔʼɔ. Ŋwiə̀ nyaʼa tekɨ rɨjɨg tɔ̂ ni bə̂d mbe nɨ ben əməd bə̀ kyerɨ rəsìʼ naʼ məben-əwe ɨ bɔ jɨg.

1 Timotì 5:10

Bə̂d berɨ kyerɨ əməd ɨmbə̀ʼ ɨnû chɔ̀m mbe nɨ wɨə ghɨ̀ə̀, ɨghabɨ ɨchî nɨ wɨə nìə̀ bɔn ɨchî chɔ̀m, ɨchî nɨ wɨə nɨŋə bə̂d əkwɨ ni, ɨchî nɨ wɨə sò ɨwu bə̂d Ŋwiə̀ ɨchî nɨ wɨə weerɨ bə̂d mbe nɨ yeʼ ə ŋgəʼ mbɨ ɨchî nɨ wɨə nàʼ i ɨnyod nɨ ghɨ ɨnû chɔ̀m ənɨ tɨkwɨrɨ ɨnə̂njɨ̀ jìm.

1 Timotì 5:22

Tɨrə̀ kɨə zàmbɨ̀ə̀ zab e mbe ɨbɔ ɨgun ə bə̂d ənɨ àwɔ̀ ə zɔʼə mɨ̀mə̌d ənɨ ə bə̂d nɨə chà ɨfetɨ. Tɨrə̀ zɨ e əbɔ ɨŋga ɨnû rɨbɔ̀ŋ bə̂d cherə. Nuŋ e ɨnyod ni wɨ chub ɨzeŋɨ zeŋɨ.

1 Timotì 5:9

Tɨrə̀ ŋwaʼnɨ e ɨkum ɨku əyi əbɔʼ rɨkum mɨku əyi mbe nɨ tɨ̀ mbɨ wèèrɨ̀, kɨrɨ ənɨ wɨ̀ fə pe ɨghəm ɨwu ɨwum rɨ̀fuə. Wɨ̀ berɨ yeʼ ɨku əyi nɨ nyaʼa nam àmei ɨnom mɔʼ.

2 Timotì 2:24

Tɨ wə̀d ə̀fàʼì Ə̀nùŋɨ̀sɨg yeʼi wə̀d nɨə tàŋə̀. Wɨ̀ berɨ yeʼ wə̀d nɨə ghɨ̀ ɨ̀chɔ̀m ənɨ ə wə̀d jìm. Wɨ̀ berɨ yeʼ wə̀d nɨ kyerɨ ɨchî nɨ chwi ɨnû. Wɨ̀ berɨ bɨ yeʼ wə̀d nɨə yimə fîŋ.

Tayitùs 2:2

Gha əmbɨ ə mbaŋə̀ te nɨ fə kaanɨ ni tɨ bɔtɨ ɨnyod, chwi ni mbə fə kàànɨ̀, chwi ni mbə kyerɨ ɨnû, chwi ni ə ɨbenɨ ə kàànɨ̀, chwi ni mbə ghaʼ bə̂d Kristo bə̀ chwi ni mbə kyerɨ ɨchî nɨ nyìʼ əton ə ŋgəʼ.

Mə̀Hibrù 13:2

Tɨ mbə̀ waʼ ə ənû nɨ nɨŋ bə̂d rɨ̀sɔ̀ʼɔ̀ əkwɨ nən, ɨmbə̀ʼ ɨghəm nɨ bə̂d mɔʼɔ nyaʼa ghɨ̀ əne nɨŋ mbɨ̀aŋgɨrə̀ əkwɨ nən zɨ rɨ kyerɨ.

Mə̀Hibrù 3:14

Tɨ̀ bɨrɨ yeʼ ənɨ ənû ə mɔʼ mbɨ Kristo ənɨ tɨ̀ yim ənû ze nɨ tɨ̀ nyaʼa be benɨ wò pè ənɨ ɨnwǐ.

1 Pità 4:7

Ɨnwǐ ɨghɨjìm fə tiinɨ, əne mbə nuŋ mbə ɨtu mbɨ zeŋ bə̀ yimbɨ ə ɨnyod ɨmbə̀ʼ kyerɨ ɨchî nɨ kɔŋgɨ ə Ŋwiə̀.

1 Pità 4:9

Mbə̀ nɨŋ mbə bɔŋgɔb ɨŋga tə nəb. Àyɨə mbə mɨ nɨŋ, tɨ mbə dumbɨ ə.

1 Pità 5:8

Mbə̀ yimbɨ ɨnyod bə̀ chub ɨkyèʼe. Ə wə̀d pə̀n, əne yɨə Debɨ̀rə̀ wɨə yènə̀ zùʼə̀ ɨghabɨ ə ŋgwàbaʼ. Ɨ wɨə kə̀bə̀ wə̀d mɔʼɔ we nɨ wɨ̀ bɨrɨ nimnɨ.