1 Timotì 2:10 - Meta’

¹⁰ Mbɨ yèʼ ə ɨnyod yeʼ ənɨ ɨnû chɔ̀m mbe nɨ mbɨə ghɨ̀ə̀, nɨ yeʼ ɨnû mbe nɨ məyi mbe nɨ gha ni mbə mbɨə wumnɨ ə Ŋwiə̀ ə ghɨ̀ə̀.

Ikan feg

¹⁰ Mə̀yi nyimi yaʼ ikuchèg chɔm icheg bəd ne bḛ gha mbɔb mbe ghùmnə Ŋwiye.

1 Timotì 2:10 Marejeleo ya Msalaba

Ɨ̀fàʼì 9:36

À nyaʼa ənɨ ə nyùmə̀ we, əyi mɔʼɔ nɨ nyaʼa ben ə Kristo wɨə nyaʼə chub ə Jopà. Ɨkum məd yɨə nyaʼə Tabità. Ɨkum məd ənɨ ɨŋgam Grik yɨə Dokàs. Ɨ wɨə nyaʼə ghɨ̀ ɨnû chɔ̀m. Ɨ wɨə nyaʼə bə̀ wèèrɨ̀ə̀ bə̂d ɨkwaŋ.

Ɨ̀fàʼì 9:39

Pità nyaʼa nɔ̀ʼ wò mbɨ mɨ̀mə̌d. Ənɨ wɨ̀ nyaʼa pe əŋgu, mbɨ nyaʼa nɨŋ əməd kɔʼ wò ɨŋga ətu ə nəb ze rɨkaŋ. Mɨku əyi mɨjìm nyaʼa təmbɨ ɨban məd, chweŋə mɨsɨ, chwiə ngywɨ̌ rɨ maʼi bə̀ chwiə ngywɨ̌ rɨ cherə te nɨ Dokàs nyaʼa tekɨ ənɨ wɨ̀ nyaʼa kɨrɨ ɨkǎ.

Efesùs 2:10

Tɨ̀ yɨ əbɔ ə̀fàʼì ə Ŋwiə̀ nɨ wɨ̀ nyaʼa tekɨ ɨmbə̀ʼ tɨ chubɨ ənɨ ɨfɔtɨ mbɨ Kristo Yeso sɨə ghɨ̀ ɨnû chɔ̀m mbe nɨ Ŋwìə̀ nyaʼa fə be tekɨ rɨmbì ni tɨ̀ sɨə ghɨ̀ə̀.

1 Timotì 2:11

Məyi berɨ kwembɨ ɨnû rəziə rəziə mbɨ ɨwumnɨ jìm.

1 Timotì 2:9

Mə bə kə̀b ni məyi yèʼ ɨnyod ɨchî nɨ kuʼnɨ. Mbɨ zɨ ngywɨ̌ te nɨ kuʼnɨ ɨfě bə̂d cherə. Tɨ mbɨ baʼ ə mbə ɨtu zɨ ɨ̀yèʼè ɨgun kɨ̀ bè tìŋ ɨghɨ mbe nɨ mbɨ tekɨ ənɨ ə gôl kɨ̀ ənɨ ə pə̂l. Tɨ mbɨ zɨ ə ngywɨ̌ əka ɨnun.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Tayitùs 3:8

Ɨnû mbɔ̂ jìm nɨ mə̀ fə gha ɨ nən yɨ ɨnû rəsìʼ. Mə kə̀b ni à gha ɨnû mbɔ̂ kòmbɨ̀, ɨmbə̀ʼ bə̂d mbe nɨ ben ə Ŋwìə̀ we əwən bə̀ ghɨ̀ ɨnû chɔ̀m. Ɨnû mbɔ̂ yɨ ɨnû chɔ̀m. Mbɨ bɨrɨ bɨ wèèrɨ̀ wə̀d jìm.

1 Pità 2:12

Mbə mɨchî əkaʼ bə̂d mbe nɨ kaʼi mɨ̀Jû berɨ bɔ̀ŋ, ɨmbə̀ʼ ka mbɨ bè gha ə ni mbə yɨə bə̂d nɨə ghɨ̀ ɨnû rɨbɔ̀ŋ, mbɨ bɨrɨ zə ɨnû chɔ̀m mbe nɨ mbə̀ə ghɨ̀ əne yiirɨ ə Ŋwiə̀ əni ze nɨ wɨ̀ bɨrɨ wɨrɨ yeʼe.

2 Pità 3:11

Ɨchî nɨ Ŋwìə̀ bɨrɨ nimnɨ ɨghɨ mbɔ̂ jìm ɨchî wɔ̂, mbə̀ kɨə wo yeʼ ɨkwɨ bə̂d mbi ə? Mbə berɨ chub ɨzeŋɨ zeŋɨ bə̀ sweŋ ə ɨnyod əmbɨ ə Ŋwiə̀

Ɨnû 2:19

Mə kyerɨ ɨnû mbe nɨ àwɔ̀ ə ghɨ̀ə̀. Mə kyerɨ ɨchî nɨ à ghaʼ mbe bɔŋgɔb bə̀ kyerɨ ni à fə nùŋ e fîŋ ɨgwɨ num. Mə bə̀ kyerɨ ni à wɨə faʼə fɔrɨ ni à wɨə nyìʼ əton ə ŋgəʼ. Ɨ̀fàʼì mbe nɨ à sɨ nwìə̀ faʼ, mbɨ chè mbɨ rɨtu.