1 Timotì 1:9 - Meta’

⁹ Tɨ̀ bə̀ kyerɨ ni chəi Ŋwiə̀ nyaʼa naʼ rɨkə ɨmbə̀ʼ bə̂d mbe nɨə ghɨ̀ ɨnû nɨ kuʼnɨ. Wɨ̀ nyaʼa nàʼ yeʼ ɨmbə̀ʼ mbe nɨə gù rɨkə fɔrɨ əmbɨ mbe nɨ chəi mbɨə zuunɨ əməd. Wɨ̀ nyaʼa nàʼ ɨmbə̀ʼ mbe nɨ chəi mbɨə wumnɨ əməd bə̀ nàʼ ɨmbə̀ʼ mbe nɨə ghɨ̀ ɨnû rɨbɔ̀ŋ. Wɨ̀ nyaʼa nàʼ ɨmbə̀ʼ mbe nɨ chəi mbɨ zeŋ ɨfě məd bə̀ nàʼ ɨmbə̀ʼ mbe nɨə tə̀ə̀nɨ̀ ənû ə Ŋwiə̀. Wɨ̀ nyaʼa nàʼ ɨmbə̀ʼ mbe nɨə zwiirɨə mbə mɨ̀mbǎʼ mbɨ mbə mɨ̀nɨ̌ŋ, ɨmbə̀ʼ mbe nɨə zwiirɨə mbɨ cherə,

Ikan feg

⁹ Tè bə̀ kyèri gha chəyi mə̀nɔ̀ʼɔ̀ ya yaʼi abə bəd mbe ne təmi kòʼ. Mbi ya yaʼ abə bəd mbe ne gùghə̀ mə̀nɔ̀ʼɔ̀, bəd ne ghìyə̀ tìzughə̀, bəd ne chəyi mbe ghùmnə Ŋwiye, bəd ne ghìyə̀ inug tibɔ̀ŋ, bəd ne chəyi mbi zḛ, fɔrɔ abə bəd ne chəyi awɔb ane anug Ŋwiye. Mə̀nɔ̀ʼɔ̀ ya abə bəd ne zwète ìmbɔb mə̀mbaʼ fɔrɔ ìmbɔb mbì ngɔb, fɔrɔ abə bəd mbe ne zwète bəd.

1 Timotì 1:9 Marejeleo ya Msalaba

Matìyò 10:21

“Aŋgɔb bɨrɨ fen wi aŋgɔb ni mbɨ zwiirɨ, mbǎʼ bə̀ fen i wan ni mbɨ zwiirɨ. Bɔn bɨrɨ beŋ ətu əbɔʼ mbə mɨ̀mbǎʼ bə̀ beŋ əbɔʼ mbə mɨ̀nɨ̌ŋ əne ghɨ̀ ni mbɨ zwiirɨ mɨ̀mə̌d.

Rm 1:30

ɨ mbɨə chə̀kɨ̀ rɨkum bə̂d, ɨ mbɨə bàn ə Ŋwiə̀, ɨ mbɨə tə̀ə̀nɨ̀ə̀ bə̂d, ɨ mbɨə seenɨə, ɨ mbɨə nɔ̀ ɨnyod, ɨ mbɨə tekɨ mɨnə̂njɨ̀ fi nɨ ghɨ ɨnû rɨbɔ̀ŋ, ɨ mbɨə bə̀ ghɨ̀ rɨ̀zuə̀ əmbɨ mbə mɨ̀mbǎʼ bə̀ fɔrɨ əmbɨ mbə mɨ̀nɨ̌ŋ.

Rm 4:13

Chəi ənû ze nɨ Ŋwìə̀ nyaʼa kàʼi əmbɨ Abràham fɔrɨ əmbɨ ə bə̂d tɨ ənɨ əghaŋ əməd ni mbɨ bɨrɨ nɨ jɨg ɨsɨg nyaʼa yeʼe ənjìm rɨkə. Zɨə nyaʼa yeʼe ənjìm ɨbenɨ we nɨ nyaʼa ghɨ ni wɨ̀ təm kùʼnɨ̀.

Rm 5:20

Tɨkə nyaʼa yeʼe ɨ ghɨ ni ɨnû rɨbɔ̀ŋ nɔʼ. Àyɨə əsɨ ze nɨ ɨnû rɨbɔ̀ŋ nɔʼɔ, ɨ̀chɔ̀m Ŋwiə̀ bɨrɨ nɔʼ chè,

Rm 6:14

Chəi ɨnû rɨbɔ̀ŋ wɨrɨ berɨ ɨka ɨgwɨ nən, ɨmbə̀ʼ ɨghəm nɨ chəi əwən əton rɨkə. Mbə mbɨ əton ɨ̀chɔ̀m Ŋwiə̀.

Gàlesìyà 3:19

Ŋwìə̀ nyaʼa nàʼ rɨkə ɨmbə̀ʼ ə yè ə? Wɨ nyaʼa yì rɨkə əbɔʼ fɨso ɨmbə̀ʼ ɨghəm nɨ bə̂d mbɨə nyaʼə gù ɨnû. Tɨkə nyaʼa berɨ yeʼ əŋgu pè ənɨ ə wan we nɨ Ŋwìə̀ nyaʼa kaʼi ɨnû mbe ɨ bɔ yeʼe. Ŋwìə̀ nyaʼa chè ənjìm mbɨ̀aŋgɨrə̀ nàʼ rɨkə te əmbɨ Mose ni wɨ̀ naʼ əmbɨ ə bə̂d. Əne wə̀d wɨ ɨŋga mɨgharə̀ Ŋwìə̀ mbɨ ə bə̂d.

Gàlesìyà 5:18

Àyɨə mbə mɨ yeʼə ghɨ̀ àmei ɨnû mbe nɨ Əzwî ə kəbɨ, njɨ chəi rɨkə wɨrɨ berɨ ɨka ɨgwɨ nən.

Gàlesìyà 5:21

ənû nɨ feenɨ ɨghɨ bə̂d, ənû nɨ nɔ be, ənû nɨ nɔ bùùrɨ̀ mbɨ ɨnû cherə ɨghabɨ mbe. Mə wɨə patɨ əwən rɨ̀nîn, ɨchî nɨ mə̀ nyaʼa be patɨ ni, chəi bə̂d mbe nɨə ghɨ̀ tɨkwɨrɨ ɨnû tɔ̂ bɨrɨ jɨg ənû ɨfɔ̀n ə Ŋwiə̀.

Gàlesìyà 5:23

ənû nɨ swi ɨnyod mbɨ ənû nɨ yimbɨ ɨnyod. Chəi ɨkə mɔʼɔ nɨ ton ɨnû mbɔ̂.

2 Tès 2:8

À yɨ ənɨ ə nyùmə̀ we nɨ wə̀d we nɨə ton ə Ŋwiə̀ bə̀ tonə tɨkə rɨ məd bɨrɨ jwɨ̀ mbɨ zə. Ə̀nùŋɨ̀sɨg Yeso bɨrɨ zwiirɨ əməd ənɨ ɨfə we nɨə jwɨ̀ rɨŋga ɨchû məd, əne nimnɨ əməd ənɨ ɨzeŋɨ zeŋɨ we nɨ bɨrɨ te ənɨ ə nyùmə̀ we nɨ wɨ̀ wɨrɨ yeʼe.

1 Timotì 4:7

Ton tɨpoʼ əko mɔʼɔ te nɨ chəi tɨə ghɨ̀ ni bə̂d kyerɨ ə Ŋwiə̀. Dandɨ e ɨnyod nɨ ghɨ ɨnû mbe nɨ chwi ni à wɨə wumnɨ ə Ŋwiə̀.

1 Timotì 6:20

Àwɔ̀ Timotì, jeŋgɨ yim ɨnû mbe nɨ Ŋwiə̀ zɨ ɨŋga te rɨkyerɨ-ɨbɔ. Tɨrə̀ zɨ e ətu ənɨ mɨŋgam mbe nɨ chəi mbɨ berɨ ənû nɨ ghɨ̀ mbɨ ə Ŋwiə̀. Tɨrə̀ zɨ e ətu ənɨ mɨŋgam əko mɔʼɔ mbe nɨ bə̂d ə taŋ ɨgun, nɨ mbɨə ghà ni à yɨ ɨwe, àyɨə kaʼ à yɨ i ɨwe.

2 Timotì 2:16

Ton mɨŋgam mɔʼɔ mbe nɨ chəi mbɨə ghɨ̀ ni bə̂d kyerɨ ə Ŋwiə̀, ɨmbə̀ʼ ɨghəm nɨ ənɨ mbɨə ghàmə̀, mbɨ bɨrɨ gha ɨnû nɔnɔʼ nɨ chwiə ni chəi mbɨə wumnɨ ə Ŋwiə̀.

2 Timotì 3:2

Bə̂d bɨrɨ sɨə ghaʼ àmei ə ɨnyod, sɨə ghaʼ àmei ɨkab, sɨə nɔ ɨnyod, sɨə seenɨə, sɨə zɔ̀m ə bə̂d bə̀ sɨə ghɨ̀ rɨ̀zuə̀ əmbɨ mbə mɨ̀mbǎʼ fɔrɨ əmbɨ mbə mɨ̀nɨ̌ŋ. Chəi mbɨ bɨrɨ naʼ məben-əwe ɨmbə̀ʼ ɨnû mbe nɨ mbɨ ghɨ ənɨ mɨ̀mə̌d. Chəi mbɨ bɨrɨ ben ənû ə Ŋwiə̀.

Tayitùs 1:10

Mə wɨə ghà əne ɨmbə̀ʼ ɨghəm nɨ bə̂d mɨ̀nɔnɔʼ mbɨ əŋgu nɨ chəi mbɨə zuunɨə bə̂d kyeŋ, màànɨ̀ mɨ̀Jû mbe nɨə ghàə̀ ni mbɨ ne bə̂d. Ɨ mbɨə ghà ɨŋgam nɨ chəi wɨə yim mɨnib. Ɨ mbɨə bə̀ tambɨ ə bə̂d.

Tayitùs 1:16

Ɨ mbɨə ghàə̀ ni mbə kyerɨ ə Ŋwiə̀, àyɨə ənû mbe nɨ mbɨə ghɨ̀ə̀ mbɨə chwiə ni ɨ mbɨə ton əməd. Chəi bə̂d ghaʼ mɨ̀mə̌d. Chəi mbɨə zuunɨ ə Ŋwiə̀. Mbɨ rɨka kaŋ kuʼ əwən nɨ ghɨ ənû ə chɔ̀m ə mɔʼɔ.

Tayitùs 1:6

Wə̀d nɨə chà ɨfetɨ bə̂d Kristo berɨ yeʼ we nɨ chəi ɨgu ənû ɨgwɨ məd. Wɨ̀ berɨ berɨ àmei əyi mɔʼ. Bɔn məd berɨ ben ə Kristo. Tɨ mbɨ yeʼ ə bɔn nɨə ghɨ̀ rɨtǎn kɨ bɔn nɨə ghɨ̀ rɨ̀zuə̀.

Tayitùs 3:3

Mba bə, tɨ̀ nyaʼa kweʼ ghɨ̀ ɨnû ɨneŋ bə̀ kweʼ ghɨ̀ rɨ̀zuə̀. Mbɨ nyaʼa kweʼ tambɨ əwa tɨ̀ febə. Mbɨ nyaʼa kweʼ ghɨ tɨ̀ ben ɨ̀bòʼò əmbɨ tɨkwɨrɨ ɨnû jìm mbe nɨ nyamnyod ə feenɨə bə̀ ghaʼə. Tɨ̀ wɨə nyaʼə ghɨ̀ ɨzɨg ənɨ ə bə̂d. Tɨ̀ wɨə nyaʼə bə̀ ghɨ̀ ə̀dìì. Bə̂d mbɨə nyaʼə bàn əwa. Tɨ̀ wɨə nyaʼə bə̀ bàn à ɨnyod mbǎ mbǎ.

Mə̀Hibrù 11:31

À yɨ ɨbenɨ nyaʼa ghɨ ni tɨ ə̀kùnɨ̀ ze nɨ mbɨ nyaʼə tɔŋ ənɨ ə Rahàb kwɨ i mbɨ ə bə̂d mbe nɨ nyaʼa ghɨ rɨ̀zuə̀. Chəi wɨ̀ nyaʼa kwɨ ɨmbə̀ʼ ɨghəm nɨ wɨ̀ nyaʼa nɨŋ mɨ̀-ànàŋgɔŋ mbe nɨ nyaʼa yeʼe jɨrɨ neŋ ə Jerikò. Wɨ̀ nyaʼa nɨŋ mɨ̀mə̌d kwàʼ ənɨ əbɔrəbɔd.

Mə̀Hibrù 12:16

Mbə̀ zə ni tɨ wə̀d mɔʼɔ ni i məyi kɨ̀ mbaŋə̀ əbəŋ əbəŋ, bə̀ zə ni tɨ wə̀d mɔʼɔ chub i nɨ chəi wɨə bɔ ə Ŋwìə̀ ɨchî nɨ Esaò nyaʼa ghɨ̌. Wɨ̀ nyaʼa fen i ɨkyěŋ ɨghabɨ ə wan-fə̀d ənɨ əkaŋ əghɨjɨg.

1 Pità 2:7

Əmbɨ mbə̀n mbe nɨ benɨ, ɨti we ə bɔ̀ŋ kwàʼ rɨŋgəʼ, àyɨə əmbɨ mbe nɨ chəi mbɨ benɨ, “Ɨti we nɨ məbɔmɨ nəb nyaʼa tonɨ, fə bèŋ ənɨ ɨti rɨ ɨbu nəb,”

1 Pità 3:20

Mbɔ̂ yɨ ɨzwî bə̂d mbe rəŋwe nɨ chəi mbɨ nyaʼa zuunɨ ə Ŋwiə̀ ənɨ wɨ̀ nyaʼa yim fîŋ wom ənɨ ə nyùmə̀ we nɨ Noà nyaʼə kombɨ əbaŋ ɨgyɨ̀ ze. Àmei bə̂d rɨpiî, əne yɨə bə̂d famɨ nyaʼa jwɨ rəŋgəʼ ɨŋga əbaŋ ze.

1 Pità 4:18

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Zɨə mɨ yeʼe se əmbɨ ə bə̂d mbe nɨə ghɨ̀ ɨnû nɨ kuʼnɨ nɨ jwɨ rəŋgəʼ, njɨ zɨə kɨə wo yeʼ rɨ ye mbɨ mbe nɨ chəi mbɨə wumnɨ ə Ŋwiə̀ fɔrɨ mbe nɨə ghɨ̀ ɨnû rɨbɔ̀ŋ ə?”

Jûd 1:15

ɨ saʼ bə̂d mɨ̀jìm chə mɨ̀mə̌d, bə̀ zɨ̀ ɨsaʼi ɨgwɨ ə bə̂d mɨ̀jìm mbe nɨ chəi mbɨə wumnɨ ə Ŋwiə̀. Wɨ̀ bɨrɨ zɨ ɨsaʼi ɨgwɨ mɨ̀mə̌d ɨmbə̀ʼ ɨnû ɨzɨg mbe nɨ chəi bə̂d mbe nɨə wumnɨ ə Ŋwiə̀ ə ghɨ̀ə̀. Wɨ̀ bɨrɨ bɨ zɨ ɨsaʼi ɨmbə̀ʼ mɨŋgam rɨbɔ̀ŋ jìm mbe nɨ bə̂d mbe nɨə ghɨ̀ ɨnû rɨbɔ̀ŋ, nɨ chəi mbɨə wumnɨ ə Ŋwiə̀ ə gha ɨmbə̀ʼ əməd.”

Ɨnû 21:8

Àyɨə ɨkwèd, bə̂d nɨ chəi mbɨ wɨrɨ ben ə Kristo, mbe nɨə ghɨ̀ ɨnû rɨbɔ̀ŋ yiirɨ yiirɨ, mbe nɨə zwiirɨə mbɨ cherə, mbe nɨə niirɨə mbaŋə̀ kɨ̀ məyi əbəŋ əbəŋ, mbe nɨə ghɨ̀ mɨ̀sà, mbe nɨə wumnɨ mbɨ̀anèŋ mbɨ ə bə̂d mɨghab mɨ̀jìm, bɨrɨ nwi ɨŋga əsɨ ze nɨ ɨwid kyeŋ we nɨ sɔlfò ə ghɨ̀ ni wɨ berɨə. Wɔ̂ yɨ ɨvɨ we nɨ pe ənɨ wɨ be.”

Ɨnû 22:15

Bə̂d mbe nɨ yeʼ ɨsɨg yɨə mbe nɨ chəi mɨnə̂njɨ̀ mɨ̀mə̌d kuʼnɨ. Mbɨ yɨ mbe nɨə ghɨ̀ mɨ̀sà, mbe nɨə niirɨə mbaŋə̀ kɨ̀ məyi əbəŋ əbəŋ, mbe nɨə zwiirɨ mbɨ cherə, mbe nɨə wumnɨ mbɨ̀anèŋ mbɨ wə̀d jìm we nɨə ghaʼə mɨghab bə̀ ghɨ̀ ɨnû mɨghab mɨghab.