1 Timotì 1:16 - Meta’

¹⁶ Àyɨə Ŋwìə̀ nyaʼa dììrɨ̀ əmɨ ɨmbə̀ʼ Kristo Yeso chwi ɨchî nɨ wɨ̀ kaŋ jeŋgɨ yim fîŋ ɨmbə̀ʼ əmɨ, mɔ̌ we nɨ yeʼ wə̀d ɨnû rɨbɔ̀ŋ nɨ bə̌ chè mbɨ mɨjìm. Wɨ̀ nyaʼa ghɨ̀ əne ɨmbə̀ʼ mə yeʼ ənweenɨ əmbɨ ə bə̂d mɨjìm mbe nɨ bɨrɨ nɨ ben əməd əne jɨg ɨ̀tènɨ̀ rɨ mì.

Ikan feg

¹⁶ Ŋwiye ya chwi àsɔ̀mnəfiŋ inum, mo wə̀d inug tibɔ̀ŋ ne bə chè, ni ghì gha Yeso Kristo chwi ìwi inyimbifiŋ ne chəyi wì beri ìnwḭ. Àzo̰ biri chwi aneni abə bəd mbe ne biri bḛ Yeso, jəg ìtḛ̀ ighə̀m imɔʼ.

1 Timotì 1:16 Marejeleo ya Msalaba

Lk 15:10

Mə ghà ɨ nən ni, à yɨ əndəŋ əndəŋ ni mbɨ̀aŋgɨrə̀ mbɨə ghaʼ ənɨ wə̀d fibɨ̀ tɨ̀ əbɔʼ mbe nɨə ghɨ̀ ɨnû rɨbɔ̀ŋ beŋ i fîŋ.”

Lk 23:43

Yeso nyaʼa ghà ɨ bɔ ni, “Mə ghà rəsìʼ ɨ ne ni tə̀chɔ̀ŋ à bɨrɨ chubɨ mbɨ num ə Paradaìs. ”

Lk 7:47

Əne mə wɨə ghà ɨ ne ni, mbɨ fə waʼ ɨnû rɨbɔ̀ŋ məd mbe nɨ nyaʼa kaŋ nɔʼ, ɨmbə̀ʼ ɨghəm nɨ wɨ̀ bə chwi ɨghaʼi nɔnɔʼ. Àyɨə wə̀d we nɨ mbɨ waʼ ɨnû rɨbɔ̀ŋ məd rɨpiî bɨrɨ bɨ chwi àmei ɨghaʼ rɨpiî.”

Jn 20:31

Àyɨə mbɨ ŋwaʼnɨ ɨnû yiirɨ mbɔ̂ ɨmbə̀ʼ mbə̀ ben ni Yeso yɨə Wə̀d we nɨ Ŋwìə̀ zɔʼɔ, yeʼ Wan Ŋwìə̀ bə̀ fɔrɨ ni mbə mɨ benɨ, mbə bɨrɨ jɨg ɨ̀tènɨ̀.

Jn 3:36

Wə̀d we nɨ ben Wan Ŋwìə̀ fə jɨg ɨ̀tènɨ̀ rɨ mì. Ka wə̀d we nɨ chəi wɨə zuunɨ ə Wan Ŋwìə̀ bɨrɨ jɨg i ɨ̀tènɨ̀, àyɨə Ŋwiə̀ bɨrɨ sə ɨtəm əbɔʼ məd.”

Jn 5:24

“Mə ghà rəsìʼ ɨ nən ni wə̀d we nɨ zu mɨ ɨŋgam, əne ben wə̀d we nɨ nyaʼa tom əmɨ, fə jɨg ɨ̀tènɨ̀ rɨ mì. Chəi mbɨ bɨrɨ saʼ əməd, àyɨə wɨ̀ fə jwɨ̀ rɨ ɨchû ɨvɨ, jɨg ɨ̀tènɨ̀.

Jn 6:37

Bə̂d mɨjìm mbe nɨ mɨ Mbǎʼ naʼ ɨ num bɨrɨ yeʼe əsɨ num. Əne chəi mə̀ bɨrɨ nɔ fid wə̀d mɔʼɔ we nɨ yeʼe əsɨ num,

Jn 6:40

Ənû ze nɨ mɨ Mbǎʼ kəbɨ yɨ ni bə̂d mɨ̀jìm mbe nɨ zə Wan, ben əməd, bɨrɨ jɨg ɨ̀tènɨ̀ rɨ mì. Mə bɨrɨ zwemnɨ mɨ̀mə̌d əni ze nɨ sɨ nwìə̀.”

Jn 6:54

Wə̀d jìm we nɨ kud mɨ nyamnyod bə̀ nɔ mɨ ənəm bɨrɨ jɨg ɨ̀tènɨ̀ rɨ mì. Mə bɨrɨ zwemnɨ əməd əni ze nɨ sɨ nwìə̀,

Ɨ̀fàʼì 13:39

Əne Ŋwìə̀ fə waʼ ɨnû rɨbɔ̀ŋ wə̀d mɔʼ mɔʼ we nɨ ben ə Kristo, nɨ chəi tɨkə rɨ Mose te tɨ̀ rɨ nyaʼa waʼ.

Rm 15:4

Ɨŋgam wɔ̂ yɨ ɨmbə̀ʼ ɨghəm nɨ ɨnû mbe nɨ mbɨ nyaʼa ŋwaʼnɨ rəŋwe, mbɨ nyaʼa ŋwàʼnɨ̀ ɨmbə̀ʼ kəərɨ əwa. Mbɨ nyaʼa ŋwaʼnɨ ɨmbə̀ʼ ɨghəm nɨ ənjìm ɨnyiʼ fîŋ bə̀ fɔrɨ ənjìm ɨka we nɨ Ə̀ŋwàʼnɨ̀ ə Ŋwiə̀ ə nàʼ ɨ na, tɨ̀ we tɨ̀ rɨ̀ wòm ɨnû mbe nɨ Ŋwiə̀ nyaʼa kaʼ ɨ na.

Rm 6:23

ɨmbə̀ʼ ɨghəm nɨ ɨchwɨ rɨ ənɨ ɨnû rɨbɔ̀ŋ yɨ ɨvɨ, àyɨə ɨneʼe we nɨ Ŋwìə̀ ə nàʼə̀ yɨ ɨ̀tènɨ̀ rɨ mì ɨchî nɨ tɨ̀ yeʼ ənɨ ɨfɔtɨ mbɨ Kristo Yeso a Ə̀nùŋɨ̀sɨg.

1 Kɔrèn 7:25

Tɨ̀nîn, ɨmbə̀ʼ məyi mbe nɨ chəi mbɨ kɨrɨ nam: chəi mə berɨ ɨkə rɨ əmbɨ Ə̀nùŋɨ̀sɨg nɨ gha ɨ nən. Àyɨə mə bɨrɨ naʼ mɨ ɨkɔndɨ ɨghabɨ wə̀d nɨ Ə̀nùŋɨ̀sɨg fə diirɨ əne ghɨ̀ mə yeʼ wə̀d nɨ tɨ̀ mbə ben ənû ze nɨ mɨə ghàə̀.

2 Kɔrèn 4:1

Ŋwìə̀ fə diirɨ əwa nàʼ ə̀fàʼì zɔ̂ ɨ na, əne chəi ta fîŋ bɨrɨ bɔd.

Efesùs 1:12

Wɨ̀ nyaʼa ghɨ̀ əne ɨmbə̀ʼ mbà mbe nɨ tɨ̀ nyaʼa bə̂d rɨtu nɨ nùŋ ɨkɔndɨ ɨgun ə Kristo yiirɨ ə Ŋwiə̀.

Efesùs 1:6

Tɨ̀ yiirɨ əməd ɨmbə̀ʼ ɨ̀chɔ̀m zeŋɨ məd we nɨ wɨ̀ naʼ ɨ na ə̀bù-ə̀bù ɨchî nɨ tɨ̀ yeʼ bə̂d Wan məd we nɨ wɨ̀ ghaʼi kwàʼ rɨŋgəʼ.

Efesùs 2:7

Wɨ̀ nyaʼa ghɨ̀ əne, ɨmbə̀ʼ ənɨ nyùmə̀ we nɨə yeʼe, məd we tɨ wɨ̀ chwiə ni chəi ənɨ tɨ mbɨ mɨg ɨ̀chɔ̀m məd we nɨ kaŋ nɔʼ, ɨchî nɨ wɨə ghɨ̀ ɨ̀chɔ̀m we ənɨ ə na ənjìm ə Kristo Yeso.

2 Tès 1:10

Ɨgwɨ əni ze nɨ wɨ̀ bɨrɨ yeʼe, bə̂d məd bɨrɨ yiirɨ, bə̂d mɨjìm mbe nɨ ben əməd bə̀ nàʼ ɨwumnɨ ɨ bɔ. Mbə̀n bə bɨrɨ yeʼ əbɔʼ mɨ̀mə̌d, ɨmbə̀ʼ ɨghəm nɨ mbə̀ ben ənû ze nɨ tɨ̀ nyaʼə ghà ɨ nən.

1 Timotì 1:13

Ka à bè yeʼi ni mə wɨə nyaʼə ghà ɨnû rɨbɔ̀ŋ ɨgwɨ məd, nwèndɨ̀ə̀ tɨkyerɨ-ɨwu bə̂d mbe nɨ nyaʼə beenɨ əbɔʼ məd bə̀ zɔ̀m əməd, àyɨə wɨ̀ nyaʼa dììrɨ̀ əmɨ ɨmbə̀ʼ ɨghəm nɨ chəi mə nyaʼa kyerɨ ənû ze nɨ mə nyaʼə ghɨ̀ə̀. Wɨ̀ nyaʼa bə̀ dììrɨ̀ əmɨ ɨmbə̀ʼ ɨchî nɨ chəi mə̀ nyaʼa bə kɨrɨ ben əməd.

Mə̀Hibrù 7:25

Əne məd ə berɨ ɨka ənɨ mɨ̀nyùmə̀ jìm nɨ chɨ bə̂d mbe nɨ che ənjìm məd tindɨ ɨban ə Ŋwiə̀ rəŋgəʼ, ɨmbə̀ʼ ɨghəm nɨ məd wɨ i ɨkǎ koŋ ɨmbə̀ʼ kɔŋgɨ ə Ŋwiə̀ ɨgwɨ mɨ̀mə̌d.

1 Pità 3:20

Mbɔ̂ yɨ ɨzwî bə̂d mbe rəŋwe nɨ chəi mbɨ nyaʼa zuunɨ ə Ŋwiə̀ ənɨ wɨ̀ nyaʼa yim fîŋ wom ənɨ ə nyùmə̀ we nɨ Noà nyaʼə kombɨ əbaŋ ɨgyɨ̀ ze. Àmei bə̂d rɨpiî, əne yɨə bə̂d famɨ nyaʼa jwɨ rəŋgəʼ ɨŋga əbaŋ ze.

2 Pità 3:15

Mbə̀ neŋ ɨchî nɨ Ŋwìə̀ ə yimə fîŋ mbɨ nən, əne nɨŋ əze ɨghabɨ əpan nɨ wɨ̀ naʼ ɨ nən ni mbə̀ jwɨ rəŋgəʼ. Wa aŋgɔb Pɔ̂l, nɨ tɨ̀ ghaʼi kwàʼ rɨŋgəʼ, nyaʼa bə̀ ŋwàʼnɨ̀ ənû zɔ̂ ɨ nən ɨchî nɨ Ŋwìə̀ nyaʼa naʼ ɨwe ɨ bɔ ni wɨ̀ ghɨ əne.

2 Pità 3:9

Chəi Ə̀nùŋɨ̀sɨg ə kɨə chəkɨə nyumə̀ bɔŋ ghɨ ɨnû mbe nɨ wɨ̀ kaʼi, ɨchî nɨ bə̂d mɔʼɔ ə kɔndɨə ni ɨ wɨə chə̀kɨ̀ə̀. Àyɨə məd wɨə yimə fîŋ mbɨ nən ɨmbə̀ʼ ɨghəm nɨ chəi wɨ̀ kəb ni wə̀d mɔʼɔ nim. Wɨ̀ kə̀b yeʼ ni wə̀d jìm beŋ i fîŋ, waʼ mbi ɨnû rɨbɔ̀ŋ.