1 Timotì 1:14 - Meta’

¹⁴ À Ə̀nùŋɨ̀sɨg nyaʼa ghɨ̀ ɨ̀chɔ̀m ənɨ ə num wɨ swi sɨə gwèə̀. Wɨ̀ nyaʼa bə̀ nàʼ ɨbenɨ ɨ num bə̀ ghɨ̀ ni ɨghaʼi swi ɨŋga mɨ fîŋ ɨchî nɨ mə̀ yeʼ ənɨ ɨfɔtɨ mbɨ Kristo Yeso.

Ikan feg

¹⁴ Ìwa Anɔŋisəg Yeso ya taŋ ghì ìchɔ̀mì inum bə̀ ghì mə bèrì ibḛfiŋ igun Ŋwiye bə̀ ghì mə se kɔ̀ŋɔ̀ ìmba məfi ne tì yaʼi ane ifɔti tì məd.

1 Timotì 1:14 Marejeleo ya Msalaba

Matìyò 20:9

Ənɨ bə̂d mbe nɨ kəʼ kɔ ə̀fàʼì ənɨ mɨ̀nyùmə̀ tân ɨkwirɨ kwirɨ nyaʼa wo ni mbɨ chwɨ mɨ̀mə̌d, mbɨ nyaʼa nàʼ ɨkab ə̀fàʼì əni ə fibɨ̀ əmbɨ wə̀d mɔʼ mɔʼ rəbɔʼ mɨ̀mə̌d.

Ɨ̀fàʼì 15:11

Àyɨə tɨ̀ benɨ ni tɨ̀ bɨrɨ jwɨ rəŋgəʼ ənjìm ɨ̀chɔ̀m Ə̀nùŋɨ̀sɨg Yeso, àmei ɨchî nɨ mɨ̀mə̌d bɨrɨ bɨ jwɨ̀.”

Rm 16:20

Ŋwiə̀ we nɨə nàʼ əbɔrəbɔd bɨrɨ zambɨ baŋ ə Satàn, əne ghɨ̀ ni mbə̀ berɨ ɨka ɨgwɨ məd. A Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən.

1 Kɔrèn 15:10

Mə yɨə wə̀d we nɨ mə yeʼ wɨwən ənjìm ɨ̀chɔ̀m Ŋwiə̀. Chəi ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num nyaʼa che ətu ə̀kǒ. Àyɨə mə nyaʼa fàʼ rɨkǎ chè mɨ̀mə̌d mɨjìm. Ka à bè yeʼi ni kaʼi mɔ̌ nyaʼa fàʼi, àyɨə Ŋwiə̀ nyaʼa che ənjìm ɨ̀chɔ̀m məd ghɨ̀ mə fàʼ.

1 Kɔrèn 3:10

Ŋwìə̀ nyaʼa ghɨ̀ ɨ̀chɔ̀m ənɨ ə num, ghɨ̀ mə bɔm əchɨ ə nəb ɨghabɨ əbɔm nəb nɨ jeŋgɨ kyerɨ ə̀fàʼì. Wə̀d cherə wɨə kod ɨgun əchɨ ze. Àyɨə wə̀d mɔʼ mɔʼ we i ɨchî nɨ wɨə kod ɨgun əchɨ ze,

2 Kɔrèn 13:14

Ɨ̀chɔ̀m Ə̀nùŋɨ̀sɨg Yeso Kristo, ɨghaʼi Ŋwiə̀ mbɨ ɨfɔtɨ we nɨ tɨ̀ berɨ mbɨ Əzwî ə Zeŋɨ yeʼ mbɨ mbə̀n mɨjìm.

2 Kɔrèn 4:15

Ɨnû mbɔ̂ jìm yɨ ɨmbə̀ʼ weerɨ əwən, ɨmbə̀ʼ ɨ̀chɔ̀m we nɨə jàŋə̀ wò əmbɨ ə bə̂d mɨ̀nɔnɔʼ, ɨ we tɨ̀ wɨ ghɨ̀ ni bə̂d naʼ məben-əwe əmbɨ ə Ŋwiə̀, ɨmbə̀ʼ wumnɨ əməd.

2 Kɔrèn 8:9

Mbə kyerɨ ɨ̀chɔ̀m we nɨ Ə̀nùŋɨ̀sɨg Yeso Kristo nyaʼa ghɨ̌, nɨ ka à bè yeʼi ni wɨ̀ nyaʼa berɨ mbɔ̂n, àyɨə wɨ̀ nyaʼa bèŋ ənɨ wə̀d ɨkwaŋ ɨmbə̀ʼ əwən, ɨmbə̀ʼ ənjìm ɨchî nɨ wɨ̀ kwaŋɨ, mbə mbe tɨ̀ mbə berɨ mbɔ̂n.

Gàlesìyà 1:13

Mbə nyaʼa fə zu ɨchî nɨ mə nyaʼə ghɨ̀ ɨnû ənɨ mə nyaʼa kɨrɨ ɨŋga ənû ə Ŋwiə̀ mɨ̀Jû. Mbə nyaʼa zu ɨchî nɨ mə̀ nyaʼə nwèndɨ̀ rɨkyerɨ-ɨwu bə̂d mbe nɨ nyaʼa ɨŋga ɨfetɨ bə̂d Ŋwiə̀ kwàʼ ənɨ ɨkǎ. Mbə nyaʼa bə̀ zu ɨchî nɨ mə̀ nyaʼə bə̀ kə̀b nimnɨ ɨfetɨ we.

1 Tèsàlonikà 1:3

Ənɨ tɨə kɔŋgɨ Ŋwiə̀ a Mbǎʼ, tɨ̀ wɨə kɔndɨ ɨnû mbe nɨ mbə̀ə ghɨ̀ə̀ ɨchî nɨ mbə̀ nuŋ fîŋ ɨgun ə Yeso. Tɨ̀ wɨə bə̀ kɔndɨ ɨchî nɨ mbə̀ə fàʼə̀ rɨ̀kǎ ɨmbə̀ʼ weerɨ bə̂d ɨmbə̀ʼ ɨghəm nɨ mbə ghaʼ mɨ̀mə̌d. Tɨ̀ wɨə bə̀ kɔndɨ ɨchî nɨ mbə̀ə nyìʼə̀ fîŋ wòm ɨchî nɨ a Ə̀nùŋɨ̀sɨg Yeso Kristo bɨrɨ chɨ əwən rəŋgəʼ.

1 Tèsàlonikà 5:8

Àyɨə ɨchî nɨ tɨə ghɨ̀ ɨnû nɨ kuʼnɨ, tɨ̀ yimbɨ a ɨnyod, zɨ̀ fîŋ ɨgun ə Kristo bə̀ ghaʼ mbə bɔŋgɔb àmei ɨghabɨ ɨchî nɨ sɔgyɨ̀ zɨ ə parɨwa ətənɨ nɨ kən ɨgɔ̂. Mbə̀ nùŋ ɨkɔndɨ wòm ɨchî nɨ Ə̀nùŋɨ̀sɨg bɨrɨ chɨ əwa rəŋgəʼ àmei ɨghabɨ ɨchî nɨ sɔgyɨ̀ zɨ ɨdəm ətənɨ nɨ kən ətu.

1 Timotì 2:15

Àyɨə Ŋwìə̀ bɨrɨ chɨ əyi rəŋgəʼ ənjìm ɨchî nɨ wɨə gywɨə bɔn, əwù ze nɨ wɨ wò ɨmbì nùŋ i ɨbenɨ, ghaʼ bə̂d, chub ɨzeŋɨ zeŋɨ bə̀ ghɨ̀ ɨnû ɨnə̂njɨ̀ nɨ kuʼnɨ.

1 Timotì 4:12

Tɨrə̀ ben e ni wə̀d mɔʼɔ təənɨ əwe ɨmbə̀ʼ ɨghəm nɨ àwɔ̀ yeʼ wan kwa. À berɨ yeʼ əmɨg əmbɨ ə bə̂d mbe nɨ ben ə Kristo ɨchî nɨ àwɔ̀ ə ghàmə̀, ɨchî nɨ àwɔ̀ ə ghɨ̀ ɨnû, ɨchî nɨ àwɔ̀ ə ghaʼə bə̂d bə̀ fɔrɨ ɨchî nɨ àwɔ̀ chub ə zeŋɨ zeŋɨ.

1 Timotì 6:11

À yeʼ ɨmbə̀ʼ əwe, àwɔ̀ wə̀d Ŋwìə̀, fə ton ɨnû mbɔ̂ jìm. Ghɨ yeʼ ənû mbe nɨ kuʼnɨ bə̀ ghɨ̀ yeʼ mbe nɨ Ŋwìə̀ kəbɨ. Nuŋ fîŋ ɨgun ə Kristo, ghaʼ bə̂d, chi ɨnû bə̀ berɨ ɨbɔtɨ fîŋ.

2 Timotì 1:13

Yim ɨŋgam rəsìʼ we nɨ mə̀ gha ɨ ne ɨghabɨ ənweenɨ nɨ à bɨrɨ beenɨ əbɔʼ. Yim ɨbenɨ we nɨ à berɨ bə̀ ghaʼ bə̂d. Ghɨ əne ɨchî nɨ tɨ̀ yeʼ ənɨ ɨfɔtɨ mbɨ Kristo Yeso.

2 Timotì 2:22

Ton ɨnû rɨbɔ̀ŋ mbe nɨ ŋgwàʼ bə̂d ə feenɨə. Beenɨ yeʼ əbɔʼ ɨnû jìm mbe nɨə ghɨ̀ ni à ghɨ ɨnû nɨ kuʼnɨ. Əne yɨ ənû nɨ nuŋ fîŋ ɨgun ə Kristo, ənû nɨ ghaʼ bə̂d cherə mbɨ ənû nɨ chub ənɨ əbɔrəbɔd. Ghɨ ɨnû mbɔ̂ fɔtɨ mbɨ ə bə̂d mbe nɨə kɔ̀ŋgɨ̀ Ə̀nùŋɨ̀sɨg ənɨ ə fîŋ nɨ zeŋɨ.

Tayitùs 2:2

Gha əmbɨ ə mbaŋə̀ te nɨ fə kaanɨ ni tɨ bɔtɨ ɨnyod, chwi ni mbə fə kàànɨ̀, chwi ni mbə kyerɨ ɨnû, chwi ni ə ɨbenɨ ə kàànɨ̀, chwi ni mbə ghaʼ bə̂d Kristo bə̀ chwi ni mbə kyerɨ ɨchî nɨ nyìʼ əton ə ŋgəʼ.

1 Pità 1:3

Tɨ̀ yiirɨ ə Ŋwiə̀ we nɨ yeʼ Mbǎʼ a Ə̀nùŋɨ̀sɨg Yeso Kristo! Məd wɨə dììrɨ̀ əwa kwàʼ ɨchî chɔ̀m. Wɨ̀ fə ghɨ̀ tɨ̀ jɨg ɨ̀tènɨ̀ fi ɨchî nɨ wɨ̀ zwemnɨ ə Yeso Kristo. Əzɔ̂ ə fə ghɨ̀ ni tɨ̀ nuŋ rɨkɔndɨ wom ɨnû mbe nɨ Ŋwìə̀ kaʼ ɨ na.

1 Jɔn 4:10

Wɔ̂ yɨə kaŋ ɨghaʼi rəsìʼ. Kaʼi ni tɨ̀ nyaʼa ghaʼ ə Ŋwiə̀, àyɨə ni məd ziə nyaʼa ghaʼ əwa əne tom i Wan ni wɨ̀ yeʼ əghɨ ə̀fà ze nɨ wɨ̀ bɨrɨ chè ənjìm məd waʼ mba ɨnû rɨbɔ̀ŋ.

Ɨnû 22:21

Ə̀nùŋɨ̀sɨg Yeso ghɨ ɨ̀chɔ̀m ənɨ ə bə̂d Ŋwiə̀ mɨ̀jìm. À yɨ əne.