1 Timotì 1:12 - Meta’

¹² Mə wɨə nàʼə̀ məben-əwe əmbɨ Kristo Yeso a Ə̀nùŋɨ̀sɨg. Wɨ̀ fə nàʼ ɨka ɨ num ɨmbə̀ʼ ɨghəm nɨ wɨ̀ fə neŋ əmɨ zə ni ɨ we tɨ̀ wɨ̀ zɨ̀ i fîŋ ɨgwɨ num. Əne wɨ̀ nyaʼa chɔʼ əmɨ ni mə faʼ ɨ bɔ.

Ikan feg

¹² Mə nàʼ məyakà abə Yeso Kristo, ìwa Anɔŋisəg ne nàʼi ika inum. Wì ya niŋ gha mə kòʼ, chɔʼ amə gha mə̀ faʼa ibo.

1 Timotì 1:12 Marejeleo ya Msalaba

Matìyò 20:4

Əne wɨ̀ ghà əmbɨ mɨ̀mə̌d ni, 'Mbə̀ bə wò fàʼ ɨŋga mɨ mbeŋ vaìn. Mə bɨrɨ naʼ əghɨ ze nɨ kuʼnɨ ɨ nən.'

Jn 5:23

Wɨ̀ fə ghɨ̀ əne ɨmbə̀ʼ bə̂d mɨjìm wumnɨ Wan ɨchî nɨ mbɨə wumnɨ ə Mbǎʼ. Kaʼ wə̀d we nɨ chəi wɨə wumnɨ ə Wan, wɨə bə̀ wumnɨ i Mbǎʼ we nɨ nyaʼa tom Wan.

Ɨ̀fàʼì 16:15

Ənɨ mbɨ nyaʼa naʼ mɨnib ɨ bɔ fɔrɨ əmbɨ ɨnəbɨ məd jìm, wɨ̀ nyaʼa buʼ ɨbɔ ɨ na ghà ni, “Mbə mɨ zə ni mə fə nùŋ mɨ fîŋ ɨgun Ə̀nùŋɨ̀sɨg, mbə̀ yeʼe chub ɨŋga mɨ nəb.” Wɨ̀ nyaʼa ghà əne, fi mba ɨtu, tɨ̀ wò chubɨ mbɨ məd.

Ɨ̀fàʼì 9:15

Àyɨə Ə̀nùŋɨ̀sɨg nyaʼa ghà ɨ bɔ ni, “Ndə̀, ɨmbə̀ʼ ɨghəm nɨ mə fə chɔʼ əməd ni wɨ̀ faʼ ɨ num. Wɨ̀ bɨrɨ jaŋ ənû ɨmbə̀ʼ əmɨ əmbɨ bə̂d mbe nɨ kaʼi mɨ̀Jû, əmbɨ mɨfɔ̀n bə̀ fɔrɨ əmbɨ mɨ̀Izre.

Ɨ̀fàʼì 9:22

Àyɨə Sɔ̂l wɨə nyaʼə ghà ɨŋgam Ŋwiə̀ ənɨ ɨka. Wɨ̀ nyaʼa bə̀ kubrɨ mɨchû mɨ̀Jû mbe nɨ nyaʼə chub ə Dàmaskɔ̀s ɨchî nɨ wɨ̀ nyaʼa chwi ni Yeso yɨə Wə̀d we nɨ Ŋwiə̀ zɔʼɔ.

1 Kɔrèn 15:10

Mə yɨə wə̀d we nɨ mə yeʼ wɨwən ənjìm ɨ̀chɔ̀m Ŋwiə̀. Chəi ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num nyaʼa che ətu ə̀kǒ. Àyɨə mə nyaʼa fàʼ rɨkǎ chè mɨ̀mə̌d mɨjìm. Ka à bè yeʼi ni kaʼi mɔ̌ nyaʼa fàʼi, àyɨə Ŋwiə̀ nyaʼa che ənjìm ɨ̀chɔ̀m məd ghɨ̀ mə fàʼ.

1 Kɔrèn 3:5

Àpolòs kɨə we? Pɔ̂l bə̀ ə we? Tɨ̀ yɨə àmei bə̂d ə̀fàʼì mbe nɨ mbə̀ nyaʼa che ənjìm mɨ̀mə̌d ben ə Yeso Kristo. Wə̀d mɔʼ mɔʼ rəbɔʼ na wɨə fàʼ ə̀fàʼì ze nɨ Ə̀nùŋɨ̀sɨg nyaʼa naʼ ɨ bɔ.

1 Kɔrèn 7:25

Tɨ̀nîn, ɨmbə̀ʼ məyi mbe nɨ chəi mbɨ kɨrɨ nam: chəi mə berɨ ɨkə rɨ əmbɨ Ə̀nùŋɨ̀sɨg nɨ gha ɨ nən. Àyɨə mə bɨrɨ naʼ mɨ ɨkɔndɨ ɨghabɨ wə̀d nɨ Ə̀nùŋɨ̀sɨg fə diirɨ əne ghɨ̀ mə yeʼ wə̀d nɨ tɨ̀ mbə ben ənû ze nɨ mɨə ghàə̀.

2 Kɔrèn 4:1

Ŋwìə̀ fə diirɨ əwa nàʼ ə̀fàʼì zɔ̂ ɨ na, əne chəi ta fîŋ bɨrɨ bɔd.

Gàlesìyà 3:26

Mbə̀n mɨjìm yɨə bɔn Ŋwiə̀ ənjìm ɨchî nɨ mbə̀ nuŋ fîŋ ɨgun ə Kristo Yeso.

Gàlesìyà 3:28

Əne chə wɨrɨ i Jû kɨ̀ wə̀d nɨ kaʼi Jû, chə wɨrɨ i ə̀bòʼò kɨ̀ wə̀d nɨ yeʼ ənɨ i ɨghəm, chə wɨrɨ i mbaŋə̀ kɨ əyi, ɨmbə̀ʼ ɨghəm nɨ mbə̀n mɨ̀jìm fə sɨə wə̀d mɔʼ ɨchî nɨ mbə̀ yeʼ ənɨ ɨfɔtɨ mbɨ Kristo Yeso.

Fìlipì 2:11

Wə̀d jìm bɨrɨ ben əsaŋ əsaŋ ni Yeso Kristo yɨ Ə̀nùŋɨ̀sɨg, ɨmbə̀ʼ bə̂d mɨ̀jìm wumnɨ ə Ŋwìə̀ Mbǎʼ.

Fìlipì 4:13

Mə we tɨ̀ mə ghɨ̀ ɨnû jìm ənjìm ɨka we nɨ Kristo naʼ ɨ num.

Kòlosè 1:25

Ŋwìə̀ nyaʼa fə nàʼ ɨka ɨ num ni mə̀ faʼ əmbɨ ɨfetɨ we, ɨmbə̀ʼ mə̀ ghɨ ni mbə̀ jeŋgɨ kyerɨ ɨŋgam məd.

1 Timotì 1:1

À yɨə mɔ̌ Pɔ̂l ŋwaʼnɨ ə̀ŋwàʼnɨ̀ zɔ̂. Mə yɨə wə̀d tom Kristo Yeso ɨchî nɨ Ŋwìə̀ we nɨə chɨ̀ əwa rəŋgəʼ mbɨ Kristo Yeso we nɨ tɨ̀ nuŋ ta rɨkɔndɨ ɨgwɨ məd gha.

1 Timotì 1:11

Tɨ̀ we tɨ̀ rɨ̀ zə ɨnû mbɔ̂ ɨŋga ɨkə̂n chɔ̀m we nɨ Ŋwiə̀ zɨ ɨŋga tum rɨkyerɨ-ɨbɔ. Məd yɨə Ŋwìə̀ we nɨ bə̂d ə yiirɨə bə̀ wumnɨə.

1 Timotì 1:2

Mə wɨə ŋwàʼnɨ̀ ɨ ne àwɔ̀ Timotì, nɨ à yeʼ mɨ wan rəsìʼ ɨchî nɨ tɨ̀ ben ə Kristo. Ŋwìə̀ Mbǎʼ mbɨ Kristo Yeso a Ə̀nùŋɨ̀sɨg ghɨ ɨ̀chɔ̀m ənɨ ə ne, dììrɨ̀ əwe bə̀ nàʼ əbɔrəbɔd ɨ ne.

1 Timotì 6:13

Ɨfě Ŋwìə̀ we nɨə nàʼ ɨ̀tènɨ̀ əmbɨ ɨghɨjìm fɔrɨ ɨfě Kristo Yeso we nɨ nyaʼa gha rəsìʼ ɨfě Pontiùs Pailèt, mə ghà ɨ ne ni,

2 Timotì 2:2

Nɨŋ ɨnû mbe nɨ à nyaʼa zu ənɨ mə̀ nyaʼə gha ɨfě mɨ̀zərɨmbin nɔnɔʼ, əne zɨ̀ ɨŋga rɨkyerɨ-ɨbɔ bə̂d mbe nɨ tɨ̀ wə̀d zɨ fîŋ ɨgwɨ mɨ̀mə̌d, ɨmbə̀ʼ mbɨ bə̀ chwi əmbɨ ə bə̂d cherə.

2 Timotì 4:17

Mbɨ nyaʼa ghɨ̀ əne, àyɨə Ə̀nùŋɨ̀sɨg nyaʼa təm ɨban num, naʼ ɨka ɨ num ni mə gha ɨŋgam Ŋwiə̀ jìm, ɨmbə̀ʼ ə bə̂d mɨ̀jìm mbe nɨ kaʼi mɨ̀Jû zu. Ənɨ mə̀ nyaʼa gha əne, Ə̀nùŋɨ̀sɨg nyaʼa chɨ̀ əmɨ rɨ ɨchû ɨvɨ, ɨchî nɨ mbɨ nyaʼa nɨrə sobə ni mbɨ zwiirɨ əmɨ.

Tayitùs 1:4

Mə wɨə ŋwàʼnɨ̀ ɨ ne, àwɔ̀ Taitùs, nɨ yeʼ mɨ wan rəsìʼ ɨchî nɨ mɔ̌ mbɨ ne tɨ̀ ben ə Kristo. Ŋwìə̀ Mbǎʼ mbɨ Kristo Yeso nɨə chɨ̀ əwa rəŋgəʼ, ghɨ ɨ̀chɔ̀m ənɨ ə ne bə̀ nàʼ əbɔrəbɔd ɨ ne.

Filemɔ̀n 1:9

àyɨə ɨchî nɨ mə ghaʼ əwe, mə kə̀b yeʼ nɨ buʼ ɨbɔ ɨ ne. À yɨə mɔ̌ Pɔ̂l, nɨ mbɨ zɨ əmɨ ə ndəŋ ɨmbə̀ʼ ɨghəm nɨ mə təm ənɨ ɨkum Kristo Yeso,