1 Jɔn 4:12 - Meta’

¹² Chəi wə̀d mɔʼɔ kweʼ zə ə Ŋwìə̀, àyɨə tɨ̀ mɨ ghaʼ a ɨnyod mbǎ mbǎ, Ŋwìə̀ bɨrɨ yeʼ ənɨ ənû ə mɔʼ mbɨ na. Wɨ̀ nɨə ghɨ əne, ɨghaʼi bɨrɨ swi ɨŋga ta fîŋ.

Ikan feg

¹² Chəyi wə̀d mɔ̀ʼɔ ne kweʼì bàd Ŋwiye. Si ya gha, tì mə̀ ya kɔ̀ŋɔ̀ wə̀d imɔʼ imɔʼ, Ŋwiye biri yaʼ abɔ̀ʼ ina. Ane, tì biri se taŋ kɔ̀ŋɔ̀ bəd icheg ne məd bə̀ taŋ kɔ̀ŋ awa.

1 Jɔn 4:12 Marejeleo ya Msalaba

Jn 1:18

Chəi wə̀d mɔʼɔ kweʼ zə ə Ŋwiə̀. Àmei Wan we mɔʼ, nɨ yeʼ ɨban ə fîŋ Ŋwìə̀, nɨ fə ghɨ̌ ni bə̂d kyerɨ əməd.

1 Kɔrèn 13:13

Əne ɨnû mbɔ̂ tad fə ten i koŋ. Ɨnû mbe yɨ ənû nɨ nuŋ fîŋ ɨgun ə Kristo, ənû nɨ nuŋ ɨkɔndɨ wòm ɨnû jìm mbe nɨ tɨ̀ benɨ mbɨ ənû nɨ ghaʼ aŋgɔb. Àyɨə əze nɨ che mbɨ cherə yɨ ənû nɨ ghaʼ aŋgɔb.

1 Timotì 1:17

Bə̂d wumnɨ bə̀ yiirɨ Ɨfɔ̂n we nɨ ten i koŋ, nɨ chəi wɨ̀ bɨrɨ nɔ kwɨ, nɨ chəi bə̂d ə zə əməd, nɨ yeʼ àmei we mɔʼ koŋ koŋ. À yɨ əne.

1 Timotì 6:16

Àmei məd we mɔʼ nɨ chəi wɨ̀ bɨrɨ nɔ kwɨ. Məd wɨə chub ɨŋga ɨzeŋɨ zeŋɨ we nɨ chəi ənɨ tɨ wə̀d tindɨ ɨban. Chəi wə̀d mɔʼɔ kweʼ zə əməd. Chəi wə̀d mɔʼɔ bɨrɨ nɔ zə əməd. Ɨsɨg jìm wumnɨ əməd, məd bə̀ tumbɨ ɨsɨg mbɨ ɨka we nɨ ten i koŋ. À yɨ əne.

Mə̀Hibrù 11:27

À yɨ ɨbenɨ nyaʼa ghɨ ni wɨ̀ nɔʼ rɨ ə Ijìpt, nɨ chəi wɨ̀ nyaʼa bɔ ni ɨfɔ̂n we rɨ ə Ijìpt bɨrɨ sə ɨtəm. Wɨ̀ nyaʼa ton nɨ beŋ rəbɔʼɔ, ɨmbə̀ʼ ɨghəm nɨ wɨ̀ nyaʼa zə əməd we nɨ chəi bə̂d ə zəə.

1 Jɔn 2:5

Wə̀d mɔʼɔ mɨ yeʼə ghɨ̀ ɨnû mbe nɨ yeʼ ɨŋga ɨŋgam məd, əne yɨ ni ɨghaʼi ɨgwɨ ə Ŋwiə̀ ə kàŋ swi ɨŋga fîŋ məd. Wɔ̂ yɨ ɨnə̂njɨ̀ nɨ kyerɨ ni tɨ̀ wɨ ənɨ ɨfɔtɨ mbɨ məd.

1 Jɔn 3:24

Bə̂d mɨ̀jìm mbe nɨ nuŋ tɨkə rɨ Ŋwiə̀ mbɨ ənɨ ɨfɔtɨ mbɨ məd. Məd ziə wɨ̀ bə̀ ənɨ ɨfɔtɨ mbɨ mɨ̀mə̌d. Tɨ̀ ə kyerɨ ni məd wɨ ənɨ ənû ə mɔʼ mbɨ na ənjìm Əzwî ze nɨ wɨ̀ naʼ ɨ na.

1 Jɔn 4:16

Əne tɨ̀ fə kyerɨ bə̀ ben ni Ŋwìə̀ ə ghaʼ əwa. Ŋwìə̀ wɨə ghaʼə bə̂d, əne wə̀d we nɨ ghaʼ wi aŋgɔb wɨ ənɨ ənû ə mɔʼ mbɨ ə Ŋwìə̀, Ŋwìə̀ ziə wɨə bə̀ ənɨ ənû ə mɔʼ mbɨ məd.

1 Jɔn 4:20

Wə̀d mɔʼɔ mɨ ghà ni tə ghaʼ ə Ŋwìə̀, àyɨə wɨ̀ bàn wi aŋgɔb, əne məd yɨə wə̀d mɨghab, ɨmbə̀ʼ ɨghəm nɨ ka wə̀d we nɨ chəi wɨ̀ ghaʼ wi aŋgɔb nɨ wɨə zəə, bɨrɨ bɨ ghaʼ i Ŋwìə̀ we nɨ chəi wɨ̀ kweʼ zə.

1 Jɔn 4:6

Tɨ̀ yɨə bə̂d Ŋwiə̀, əne wə̀d mɔʼɔ we nɨ kyerɨ ə Ŋwìə̀ wɨə zwetɨ ɨnû mbe nɨ tɨə ghàə̀. Chəi wə̀d we nɨ kaʼi wə̀d Ŋwìə̀ ə zwetɨ ɨnû mbe nɨ tɨə ghàə̀. Wɔ̂ yɨ ɨchî nɨ tɨ̀ rɨ̀ kyerɨ ɨkwepɨ rɨ ənɨ əzwî ze nɨə ghɨ̀ ni tɨ̀ kyerɨ rəsìʼ bə̀ fɔrɨ tɨ ənɨ əze nɨə tambɨə bə̂d.