1 Jɔn 3:9 - Meta’

⁹ Chəi wə̀d we nɨ yeʼ wə̀d Ŋwiə̀ we tɨ̀ wɨ̀ kɨrɨ wò ɨmbì nɨ ghɨ̀ ɨnû rɨbɔ̀ŋ, ɨmbə̀ʼ ɨghəm nɨ mɨchî Ŋwiə̀ mbɨ ɨŋga məd. Chəi ənɨ tɨ̀ wɨ̀ wɨrɨ ghɨ̀ ənû rɨbɔ̀ŋ ɨmbə̀ʼ ɨghəm nɨ məd yɨə wə̀d Ŋwìə̀.

Ikan feg

⁹ Chəyi wə̀d ne yaʼi ŋwan Ŋwiye biri chè imbìghè ni ghì inug tibɔ̀ŋ imbə̀ʼ icheg ne ikuchèg Ŋwiye fə se inga tengàŋ. Chəyi wì biri chè imbìghè ni ghì inug tibɔ̀ŋ imbə̀ʼ icheg ne Ŋwiye ya se mbaʼ məd.

1 Jɔn 3:9 Marejeleo ya Msalaba

Matìyò 7:18

Ka əzed ə chɔ̀m ə bɨrɨ kɔ i rɨtam rɨbɔ̀ŋ. Ka əzed rɨbɔ̀ŋ ə bɨrɨ bɨ kɔ i rɨtam chɔ̀m.

Jn 1:13

Chəi mbɨ nyaʼa yeʼ bɔn Ŋwiə̀ ɨchî nɨ wə̀d mɨ̀sɔŋɨchù nyaʼa gywɨ mɨ̀mə̌d, kɨ̀ ɨchî nɨ wə̀d mɨ̀sɔŋɨchù nyaʼa taŋ nùŋɨ̀, kɨ̀ ɨchî nɨ wə̀d mɨ̀sɔŋɨchù nyaʼa kəbɨ. Àyɨə Ŋwìə̀ ziə nyaʼa ghɨ̀ ni mbɨ yeʼ mbi bɔn.

Jn 3:3

Yeso nyaʼa wììrɨ̀ ɨ bɔ ni, “Mə ghà rəsìʼ ɨ ne ni chəi wə̀d mɔʼɔ əŋgu nɨ tɨ̀ wɨ̀ nyɨ ɨŋga ənû ɨfɔ̀n ə Ŋwiə̀, kɨrɨ ənɨ mbɨ wɨrɨ gywɨ əməd ɨghəm cherə.”

Ɨ̀fàʼì 4:20

Chəi tɨ̀ bɨrɨ sob nɨ gha ɨnû mbe nɨ tɨ̀ fə zə bə̀ zu.”

Rm 6:2

Chə̂! Mba mbe nɨ fə kwɨ dè ɨnû rɨbɔ̀ŋ kɨə kɨrɨ wò ɨmbì ghɨ̀ ɨnû rɨbɔ̀ŋ ɨmbə̀ʼ ə yè ə?

Gàlesìyà 5:17

ɨmbə̀ʼ ɨghəm nɨ ɨnû mbe nɨ nyamnyod ə feenɨə yɨ mbe nɨ chəi Əzwî ə kəbɨ, mbe nɨ Əzwî ə kəbɨ yɨ mbe nɨ chəi nyamnyod kə̀bɨ. Mɨ̀mə̌d mbɔ̂ mɨ̀be mbɨə zɔ̀ŋə̀ ɨmbə̀ʼ tɨ mbə̀ ghɨ ə ɨnû mbe nɨ mbə̀ kəbɨ.

Tayitùs 1:2

Təsìʼ wɔ̂ bɨrɨ ghɨ ni tɨ̀ nuŋ rɨkɔndɨ wòm ɨ̀tènɨ̀ rɨ mì we nɨ Ŋwìə̀ kaʼi. Ŋwìə̀ we nɨ chəi wɨə ghà mɨghab nyaʼa kàʼ ɨ̀tènɨ̀ wɔ̂ bɔŋ wɨ̀ nyaʼa sɨə tekɨ ɨsɨg.

1 Pità 1:23

Mbɨ fə gywɨ əwən ɨghəm cherə ɨmbə̀ʼ mbə̀ jɨg ɨ̀tènɨ̀ fi ənjìm ɨŋgam Ŋwiə̀ we nɨ yeʼ ɨkǎ. Ka ɨ̀tènɨ̀ we yɨ i rɨ əmbɨ ə mbǎʼ nɨə kwɨə. Wɨ yɨ rɨ əmbɨ ə Mbǎʼ nɨ chəi wɨ̀ bɨrɨ nɔ kwɨ.

1 Jɔn 2:29

Mbə mɨ kyerɨ ni Kristo wɨə ghɨ̀ ɨnû nɨ kuʼnɨ, njɨ mbə bɨrɨ bɨ kyerɨ ni wə̀d jìm we nɨə ghɨ̀ ɨnû nɨ kuʼnɨ yɨə wə̀d Ŋwìə̀.

1 Jɔn 3:6

Chəi wə̀d we nɨ yeʼ ənɨ ɨfɔtɨ mbɨ məd bɨrɨ kɨrɨ wò ɨmbì nɨ ghɨ̀ ɨnû rɨbɔ̀ŋ. Chəi ətu ə wə̀d we nɨə kɨrɨ wò ɨmbì nɨ ghɨ̀ ɨnû rɨbɔ̀ŋ ə kɨrɨ zeŋ ɨmbə̀ʼ əməd. Chəi wɨ̀ be kweʼ kyerɨ wə̀d we nɨ wɨ̀ yeʼ wɨwən.

1 Jɔn 4:7

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ̀ wo ɨmbì nɨ ghaʼ mba bɔŋgɔb, ɨmbə̀ʼ ɨghəm nɨ à yɨə Ŋwìə̀ ə ghɨ̀ə̀ ni bə̂d ghaʼ mbə bɔŋgɔb. Wə̀d we nɨ ghaʼ mbi bɔŋgɔb yɨə wə̀d Ŋwìə̀, əne məd ə kyerɨ ə Ŋwìə̀.

1 Jɔn 5:1

Wə̀d we nɨ ben ni Yeso yɨə Wə̀d we nɨ Ŋwìə̀ zɔʼɔ yɨə wə̀d Ŋwìə̀. Wə̀d we nɨ ghaʼ mbǎʼ wan, ə bə̀ ghaʼ wan məd.

1 Jɔn 5:18

Tɨ̀ ə kyerɨ ni chəi wə̀d Ŋwìə̀ mɔʼɔ əŋgu nɨə wò ɨmbì kɨrɨ ghɨ̀ ɨnû rɨbɔ̀ŋ. Wan Ŋwìə̀ wɨə nəŋgɨ əməd, əne chəi ənɨ tɨ Satàn wɨrɨ ghɨ ənû ə mɔʼɔ ənɨ məd.

1 Jɔn 5:4

ɨmbə̀ʼ ɨghəm nɨ wə̀d Ŋwìə̀ jìm fə baŋ ɨsɨg. Tɨ̀ we tɨ̀ rɨ̀ baŋ ɨsɨg ənjìm ɨchî nɨ tɨ̀ nuŋ fîŋ ɨgun ə Yeso.

3 Jɔn 1:11

Wum aŋgɔb nɨ mə̀ ghaʼi kwàʼ rɨŋgəʼ, tɨrə̀ mɨ̀g e ənû rɨbɔ̀ŋ. Mɨg yeʼ ənû ə chɔ̀m. Wə̀d we nɨə ghɨ̀ ɨ̀chɔ̀m yɨə wə̀d Ŋwiə̀. Chəi wə̀d we nɨə ghɨ̀ ɨnû rɨbɔ̀ŋ kweʼ zə ə Ŋwiə̀.