1 Jɔn 3:12 - Meta’

¹² Tɨ rɨ̀ yeʼ a ɨghabɨ ə Kaìn nɨ nyaʼə wan wə̀d rɨ̀bɔ̀ŋ. Wɨ̀ nyaʼa zwiirɨ wi aŋgɔb Abèl. Wɨ̀ nyaʼa zwiirɨ əməd ɨmbə̀ʼ ə yè ə? Wɨ̀ nyaʼa zwiirɨ əməd ɨmbə̀ʼ ɨghəm nɨ tɨ̀gurɨ-ɨnû məd nyaʼa bə, àyɨə mbɨ aŋgɔb məd nyaʼa bɔ̀ŋ.

Ikan feg

¹² Imbə̀ʼ mbə̰ yaʼ awən icheg Ken ne ya yaʼi wə̀d ìwi Wə̀d Tibɔ̀ŋ bə̀ zwèti ìwi ifi, Abè. Aton ne wì ya zweti ìwi ifi àkə gha? À ya imbə̀ʼ icheg ne tìghinùg ifi məd ya təm kòʼ imbìghè abə Ŋwiye, ìti məd bə.

1 Jɔn 3:12 Marejeleo ya Msalaba

Matìyò 13:19

Bə̂d mbe nɨ zu ɨnû ɨmbə̀ʼ ənû ɨfɔ̀n rɨkaŋ, àyɨə chəi ɨtu mɨ̀mə̌d zeŋɨ yɨ ɨghabɨ ɨghɨ mbe nɨ nyaʼa feŋ ɨgwɨ ɨnə̂njɨ̀. Wə̀d rɨbɔ̀ŋ nyaʼa wò fè ɨnû mbe nɨ mbɨ nyaʼa kon ɨŋga fîŋ tɨ mɨ̀mə̌d.

Matìyò 13:38

Əbən ze yɨ ɨsɨg. Kywɨ̀ chɔ̀m ze yɨə bə̂d mbe nɨ yeʼ ɨŋga ənû ɨfɔ̀n rɨkaŋ. Ɨfu we yɨə bə̂d wə̀d rɨ̀bɔ̀ŋ.

Matìyò 23:35

ɨmbə̀ʼ ənəm ə bə̂d mɨ̀jìm mbe nɨ nyaʼə ghɨ̀ ɨnû nɨ kuʼnɨ ɨgun ə si ə nyɨ ɨgwɨ nən, kɔ rɨ ənɨ ənəm ə Abèl we nɨ nyaʼə ghɨ̀ ənû nɨ kuʼnɨ wo pè ənɨ ənəm ə Zèkàriyà we nɨ nyaʼə wan Bèrekìà, nɨ mbə̀ nyaʼa zwiirɨ əsàn əsɨ ɨwumnɨ mbɨ ɨkwi ɨjə̀ŋ ə̀fà.

Matìyò 27:23

Pailèt nyaʼa biirɨ ni, “Wɨ̀ ə gu ənû ə ye ə?” Mbɨ nyaʼa màànɨ̀ yì kyeŋ rɨ̀kǎ ghà ni, “Kombɨ əməd əzed ə baʼnɨ!”

Matìyò 5:37

Mbə̀ gha àmei ni, 'Ee' kɨ̀ ni 'Chə̂'. Ənû ə cherə ze nɨ wə̀d wɨrɨ ghà yɨ rɨ əmbɨ wə̀d rɨ̀bɔ̀ŋ.

Lk 11:51

Mbɨ bɨrɨ kɔ rɨ ənɨ ənəm ə Ebèl wò pè ənɨ ənəm ə Zèkariyà we nɨ mbɨ nyaʼa zwiirɨ əsàn ɨkwi ɨjə̀ŋ Ŋwiə̀ mbɨ əsɨ ɨwumnɨ. Ee, mə ghà ɨ nən ni mbɨ bɨrɨ biirɨ ənəm ze rɨ əmbɨ ɨghəm bə̂d wɔ̂ rɨ̀nîn.

Jn 10:32

Yeso nyaʼa wììrɨ̀ əmbɨ mɨ̀mə̌d ni, “Mɨ Mbǎʼ fə ghɨ̀ ni mə ghɨ ɨnû chɔ̀m nɔnɔʼ əkaʼ nən. À kɨə zi rəbɔʼ ɨnû mbɔ̂ nɨ mbɨə kəb tumbɨ əmɨ ɨmbə̀ʼ əzɨ əwən ə?”

Jn 8:40

Mə fə ghà rəsìʼ we nɨ mə nyaʼa zu rɨ əmbɨ ə Ŋwiə̀, àyɨə mbə mbɨə kə̀b zwiirɨ əmɨ. Chəi Abràham nyaʼa ghɨ ənû ɨghabɨ ə zɔ̂!

Jn 8:41

Mbə mbɨə ghɨ̀ àmei ɨnû mbe nɨ ə mbǎʼ ə ghɨ̀ə̀.” Mbɨ nyaʼa wììrɨ̀ ni, “Kaʼ tɨ̀ yɨ a bɔn nɨ mbɨ gywɨ əba ə nəb. A mbǎʼ yɨə Ŋwìə̀ ziə.”

Ɨ̀fàʼì 7:52

À kɨə wə̀d ɨ̀kə̀n Ŋwìə̀ wi nɨ chəi mbə mɨ̀mbǎʼ rəŋwe nyaʼa nwendɨ tɨkyerɨ-ɨwu məd ə? Mbɨ nyaʼa zwiirɨ bə̂d mbe nɨ nyaʼa be ghà ni Wə̀d we nɨə ghɨ̀ ɨnû nɨ kùʼnɨ̀ bɨrɨ yeʼe. Tɨ̀nîn mbə fə fèn əməd mbɨ zwiirɨ.

1 Tèsàlonikà 2:14

Mba bɔŋgɔb, mbə mbɨə nyaʼə ghɨ̀ ɨnû mbe nɨ bə̂d mbe nɨ nyaʼa ɨŋga rɨfetɨ bə̂d Ŋwiə̀ te rɨ ə Jùdeyà nɨ yeʼ ənɨ ɨfɔtɨ mbɨ Kristo Yeso nyaʼə ghɨ̀ə̀. Mbə mbɨə nyaʼə zəə ŋgəʼ rɨ əmbɨ mbə bə̂d əbeŋ àmei ɨchî nɨ mbɨ nyaʼə zəə rɨ əmbɨ mɨ̀Jû.

Mə̀Hibrù 11:4

À yɨ ɨbenɨ nyaʼa ghɨ ni Abèl nàʼ əghɨ ə̀fà əmbɨ ə Ŋwiə̀ nɨ nyaʼa bɔŋ chè əzɨ ə Kaìn. À yɨ ənjìm ɨbenɨ məd nɨ Ŋwìə̀ nyaʼa gha ni məd wɨə ghɨ̀ ɨnû nɨ kuʼnɨ. Ŋwìə̀ nyaʼa ghà əne ɨmbə̀ʼ ɨghəm nɨ wɨ̀ nyaʼa ben ɨghɨ mbe nɨ wɨ̀ nyaʼa naʼa. Abèl nyaʼa kwɨ, àyɨə ənjìm ɨbenɨ məd, ɨ wɨə kɨrɨ ghàmə̀.

Mə̀Hibrù 12:24

Mbə fə yeʼe əsɨ ə Yeso we nɨ nyaʼa yeʼe mbɨ fɨso fi. Mbə fə bə̀ yeʼe əsɨ ənəm ze nɨ mbɨ nyaʼa ŋwiirɨ. Ənəm ze ə zɨə ghà ənû nɨ bɔŋ chè əze nɨ ənəm ə Abèl ə nyaʼa ghǎ.

1 Pità 4:4

Tɨ̀nîn ɨ mbɨə yiirɨə ni chəi mbə̀ ə wɨrɨə fɔtɨ əbɔʼ mɨ̀mə̌d ɨmbə̀ʼ ghɨ ɨnû rɨbɔ̀ŋ mbe nɨ mbə nyaʼə beə ghɨ̀ə̀. Ɨchî nɨ chəi mbə̀ə wɨrɨə fɔtɨ əbɔʼ mɨ̀mə̌d, ɨ mbɨə sɨə zɔ̀m əwən.

1 Jɔn 3:8

Wə̀d we nɨə ghɨ̀ ɨnû rɨbɔ̀ŋ yɨə wə̀d Debɨ̀rə̀. À yɨ əne ɨmbə̀ʼ ɨghəm nɨ Debɨ̀rə̀ nyaʼa kɔ ghɨ̌ ənû rɨbɔ̀ŋ tɨ ənɨ Ŋwìə̀ nyaʼa tekɨ ɨsɨg. Wan Ŋwìə̀ nyaʼa yeʼe ɨmbə̀ʼ nimnɨ ɨnû mbe nɨ Debɨ̀rə̀ nyaʼə ghɨ̀ə̀.

Jûd 1:11

Ŋgəʼ bɨrɨ nyɨ ɨgwɨ mɨ̀mə̌d! Ɨ mbɨə ghɨ̀ ɨnû mbe nɨ Kaìn nyaʼa ghɨ̌. Ɨ mbɨə ghɨ̀ əfebrɨ-ənû ze nɨ Balàm nyaʼa ghɨ̌ ɨmbə̀ʼ ədɔʼ ɨkab. Ɨ mbɨə ghɨ̀ rɨ̀zuə̀ àmei ɨchî nɨ Korà nyaʼa ghɨ̌. Əne mbɨ bɨrɨ nim ɨghabɨ ə Korà.

Ɨnû 17:6

Mə nyaʼa zə ni əyi we nyaʼa fə nɔ ənəm ə bə̂d Ŋwiə̀ bə̀ nɔ ənəm ə bə̂d mbe nɨ nyaʼa ghà ɨnû ɨmbə̀ʼ ə Yeso. Wɨ̀ nyaʼa nɔ əne be. Ənɨ mə̀ nyaʼa zə əməd, mə nyaʼa yiirɨ kwàʼ rɨŋgəʼ.