1 Jɔn 2:8 - Meta’

⁸ Àyɨə ɨkə wɔ̂ nɨ mɨə ŋwàʼnɨ̀ ɨ nən yɨə kàŋ wɨ fi. Bə̂d mbɨə zə rəsìʼ we nɨ yeʼ ɨŋga ɨkə wɔ̂ rɨ ənɨ ɨchî nɨ Kristo nyaʼə ghɨ̀ ɨnû bə̀ fɔrɨ tɨ ənɨ ɨchî nɨ mbə̀n ə bə̀ ghɨ̀ ɨnû, ɨmbə̀ʼ ɨghəm nɨ ɨsɨ firɨ fə sɨə che i, əne ɨzeŋɨ zeŋɨ rəsìʼ fə sɨə teə.

Ikan feg

⁸ Tesiʼ ya gha, ikə gho̰ ne mə ŋwàʼrà inən anìŋ ya kwàʼ ìwi feg. Bəd mbe bàrà tesiʼ we ne yaʼi inga ikə gho̰ ane icheg ne Yeso Kristo yaya ghìyə̀ inug fɔrɔ ane icheg ne mbə̰ mbe bə̀ ghìyə̀ inug. À ya ane imbə̀ʼ icheg ne inug afub mbe se chè mèghè, ìzḛzḛ tesiʼ we fə se zùʼə.

1 Jɔn 2:8 Marejeleo ya Msalaba

Matìyò 4:16

Bə̂d mbe nɨə chub ɨŋga ɨsɨ firɨ, fə zə ɨzeŋɨ zeŋɨ kyeŋ. Ɨzeŋɨ zeŋɨ we bɨrɨ te ɨgun ə bə̂d mbe nɨə chub ɨŋga ɨsɨ mbe nɨ bə̂d ə sɨə wo kwɨ nɨ chəi mbɨ kyerɨ ə Ŋwiə̀.”

Lk 1:79

ɨmbə̀ʼ nàʼ ɨzeŋɨ zeŋɨ əmbɨ ə bə̂d mbe nɨ yeʼ ɨŋga ɨsɨ firɨ fɔrɨ əmbɨ mbe nɨə bɔ ɨvɨ, bə̀ nəŋgɨ əwa ɨmbə̀ʼ tɨ̀ chub ənɨ əbɔrəbɔd.”

Jn 1:9

Ɨzeŋɨ zeŋɨ we yɨə nyaʼa ɨzeŋɨ zeŋɨ rəsìʼ we nɨ nyaʼa yeʼe ɨŋga ɨsɨg, bə̀ te ɨgun bə̂d mɨjìm.

Jn 12:35

Yeso nyaʼa ghà əmbɨ mɨ̀mə̌d ni, “Ɨzeŋɨ zeŋɨ wɨə kɨrɨ əkaʼ nən ənɨ ɨkə nyumə̀. Mbə̀ yen ənɨ ɨsɨ ə kɨrɨ zeŋə, ɨmbə̀ʼ tɨ əfub ə kən i əwən. Chəi wə̀d we nɨə yèn əkaʼ əfub kyerɨ əsɨ ze nɨ wɨə wò əŋgu.

Jn 12:46

Mə fə yeʼe ɨŋga ɨsɨg ɨghabɨ ɨzeŋɨ zeŋɨ, ɨmbə̀ʼ tɨ wə̀d mɔʼɔ we nɨ ben əmɨ wɨrɨ chub i ɨŋga ɨsɨ firɨ.

Jn 13:34

Mə yɨ əni nàʼ ɨkə fi ɨ nən ni: mbə̀ ghaʼ mbə bɔŋgɔb. Ɨchî nɨ mə̀ nyaʼa ghaʼ əwən, əne mbə̀ berɨ bɨ ghaʼ mbə bɔŋgɔb.

Jn 8:12

Yeso nyaʼa yì ghà əmbɨ mɨ̀Farisiî ni, “Mɔ̌ yɨ ɨzeŋɨ zeŋɨ əmbɨ ɨsɨg. Mə bɨrɨ naʼ ɨzeŋɨ zeŋɨ we nɨə nàʼ ɨ̀tènɨ̀ əmbɨ wə̀d mɔʼɔ we nɨ beenɨ əbɔʼ num, əne ka məd bɨrɨ nɔ yen i ɨŋga ɨsɨ firɨ.”

Ɨ̀fàʼì 17:30

Chəi Ŋwìə̀ nyaʼa zɨ ətu ənɨ ɨnû mbe nɨ bə̂d nyaʼa ghɨ̌ nɨ chəi mbɨ kyerɨ, àyɨə tɨ̀nîn ɨ wɨə ghà əmbɨ ə bə̂d mɨjìm ɨsɨ jìm ni mbɨ beŋ tə fîŋ.

Ɨ̀fàʼì 26:18

ni à fiʼ əghə mɨ̀mə̌d ɨmbə̀ʼ mbɨ jwɨ rɨŋga ɨsɨ firɨ wò ɨŋga ɨzeŋɨ zeŋɨ, bə̀ jwɨ̀ rɨ əsɨ ze nɨ Satàn ə tùmbɨ̀ə̀ wo əsɨ ə Ŋwiə̀. Mbɨ mɨ ghɨ̀ əne, Ŋwìə̀ bɨrɨ waʼ ɨnû rɨbɔ̀ŋ mɨ̀mə̌d bə̀ nùŋ mɨ̀mə̌d əkaʼ bə̂d mbe nɨ wɨ̀ fə zeŋnɨ ɨmbə̀ʼ ɨchî nɨ mbɨ nuŋ tə fîŋ ɨgwɨ num.'

Rm 13:12

Ɨzimɨ fə kà chè, ɨtuʼ fə sɨə wo chɨg. Əne tɨ̀ waʼ ɨnû mbe nɨ bə̂d ə ghɨ̀ ɨŋga ɨsɨ firɨ, əne tìŋ ɨghɨ bid ɨmbə̀ʼ zɔŋ ənɨ ɨsɨ ə zeŋə.

2 Kɔrèn 8:9

Mbə kyerɨ ɨ̀chɔ̀m we nɨ Ə̀nùŋɨ̀sɨg Yeso Kristo nyaʼa ghɨ̌, nɨ ka à bè yeʼi ni wɨ̀ nyaʼa berɨ mbɔ̂n, àyɨə wɨ̀ nyaʼa bèŋ ənɨ wə̀d ɨkwaŋ ɨmbə̀ʼ əwən, ɨmbə̀ʼ ənjìm ɨchî nɨ wɨ̀ kwaŋɨ, mbə mbe tɨ̀ mbə berɨ mbɔ̂n.

Efesùs 5:8

À nyaʼa ənɨ ə nyùmə̀ mɔʼɔ, mbə mbɨə nyaʼa ɨŋga ɨsɨ firɨ, àyɨə tɨ̀nîn nɨ mbə̀ sɨ bə̂d Ə̀nùŋɨ̀sɨg, mbə mbɨ ɨŋga ɨzeŋɨ zeŋɨ. Əne mbə̀ chub ɨghabɨ ə bə̂d nɨ yeʼ ɨŋga ɨzeŋɨ zeŋɨ,

2 Timotì 1:10

Àyɨə rɨ̀nîn, ɨnû mbɔ̂ jìm fə jwɨ̀ zeŋ ɨ na ənjìm ɨchî nɨ Kristo Yeso we nɨə chɨ̀ əwa rəŋgəʼ nyaʼa yeʼe. Wɨ̀ fə nimnɨ ɨka we nɨ ɨvɨ berɨ ɨgwɨ na, əne chè ənjìm ɨkə̂n chɔ̀m chwi ɨchî nɨ bə̂d bɨrɨ chub ɨkǎ bə̀ chwi ɨchî nɨ chəi bə̂d bɨrɨ nɔ kwɨ.

1 Pità 1:21

Mbə̀ fə chè ənjìm məd ben ə Ŋwiə̀ nɨ nyaʼa zwemnɨ əməd bə̀ naʼ ɨwumnɨ ɨ bɔ. À yɨ əton nɨ mbə berɨ nuŋ tə fîŋ bə̀ nùŋ tə rɨkɔndɨ àmei ɨgun ə Ŋwiə̀.

1 Jɔn 3:23

Ɨkə we nɨ Ŋwìə̀ naʼ ɨ na yɨ ni tɨ ben Wan məd Yeso Kristo bə̀ ghaʼ mba bɔŋgɔb. Tɨ̀ ghɨ əne àmei ɨchî nɨ Kristo nyaʼa fə gha ɨ na.

1 Jɔn 4:11

Mbɨ bɔŋgɔb nɨ mə̀ ghaʼi kwàʼ rɨŋgəʼ, wɔ̂ mɨ yeʼ ɨchî nɨ Ŋwìə̀ ghaʼ əwa, njɨ tɨ̀ berɨ bɨ ghaʼ a ɨnyod mbǎ mbǎ.

1 Jɔn 4:21

Ɨkə we nɨ Ŋwìə̀ fə naʼ ɨ na yɨ ni, wə̀d we nɨ ghaʼ əməd berɨ bɨ ghaʼ wi aŋgɔb.