1 Jɔn 2:25 - Meta’

²⁵ Ənû ze nɨ Wan fə kaʼ ni tə bɨrɨ naʼ ɨ na yɨ ɨ̀tènɨ̀ rɨ mì.

Ikan feg

²⁵ Anug ze ne Ŋwan ya kàʼi ni nàʼ ina ya ìtḛ̀ ighə̀m imɔʼ.

1 Jɔn 2:25 Marejeleo ya Msalaba

Lk 18:30

nɨ chəi wɨ̀ bɨrɨ berɨ ɨghɨ nɔnɔʼ ənɨ ə nyùmə̀ wɔ̂, bə̀ jɨg ɨ̀tènɨ̀ rɨ mì ənɨ ə nyùmə̀ we nɨ bɨrɨ yeʼe.”

Jn 10:28

Mə wɨə nàʼ ɨ̀tènɨ̀ rɨ mì əmbɨ tɨ njɨ̀g. Chəi tɨ bɨrɨ nɔ kwɨ. Chəi wə̀d nɨ tɨ wɨ̀ fe mɨ̀mə̌d rɨ num.

Jn 12:50

Mə kyerɨ ni ɨkə məd wɨə nàʼ ɨ̀tènɨ̀ rɨ mì. Əne ənû ze nɨ mə̀ gha yɨ ənû ze nɨ mɨ Mbǎʼ fə gha ni mə̀ gha ə.”

Jn 3:15

ɨmbə̀ʼ wə̀d jìm we nɨ ben əməd we tɨ̀ wɨ̀ jɨg ɨ̀tènɨ̀ rɨ mì.

Jn 5:39

Mbə mbɨə kàŋə̀ jeŋgɨə kwembɨ Ə̀ŋwàʼnɨ̀ ə Ŋwiə̀ ɨmbə̀ʼ ɨghəm nɨ mbə̀ kɔndɨ ni mbə bɨrɨ zə ɨchî nɨ jɨg ɨ̀tènɨ̀ rɨ mì ɨŋga ə̀ŋwàʼnɨ̀ ze. Mbə̀ kyerɨ ni ə̀ŋwàʼnɨ̀ ze əjìm ə zɨə ghà ɨmbə̀ʼ əmɨ,

Jn 6:27

Tɨ mbə̀ faʼ ə àmei nɨ berɨ ɨghɨjɨg mbe nɨ bɨrɨ bə, àyɨə mbə̀ faʼ ɨmbə̀ʼ berɨ mbe nɨ bɨrɨ tə̀nə̀. Ɨghɨ mbe bɨrɨ ghɨ̀ mbə jɨg ɨ̀tènɨ̀ rɨ mì. Əzɔ̂ yɨ əghɨjɨg ze nɨ Wan Wə̀d bɨrɨ naʼ ɨ nən. Ŋwìə̀ Mbǎʼ fə nàʼ ɨka ɨ bɔ ni wɨ̀ ghɨ əne.”

Jn 6:40

Ənû ze nɨ mɨ Mbǎʼ kəbɨ yɨ ni bə̂d mɨ̀jìm mbe nɨ zə Wan, ben əməd, bɨrɨ jɨg ɨ̀tènɨ̀ rɨ mì. Mə bɨrɨ zwemnɨ mɨ̀mə̌d əni ze nɨ sɨ nwìə̀.”

Jn 6:47

Mə ghà rəsìʼ ɨ nən ni, wə̀d we nɨ ben ənû ze nɨ mə̀ gha bɨrɨ jɨg ɨ̀tènɨ̀ rɨ mì.

Jn 6:54

Wə̀d jìm we nɨ kud mɨ nyamnyod bə̀ nɔ mɨ ənəm bɨrɨ jɨg ɨ̀tènɨ̀ rɨ mì. Mə bɨrɨ zwemnɨ əməd əni ze nɨ sɨ nwìə̀,

Jn 6:68

Saimon Pità nyaʼa wììrɨ̀ ɨ bɔ ni, “Ə̀nùŋɨ̀sɨg, tɨ̀ kɨə wɨ wò əsɨ we ə? Àmei àwɔ̀ berɨ ɨŋgam we nɨə nàʼ ɨ̀tènɨ̀ rɨ mì.

Rm 2:7

Wɨ̀ bɨrɨ naʼ ɨ̀tènɨ̀ rɨ mì əmbɨ ə bə̂d mbe nɨə yimə fîŋ ghɨ̀ ɨ̀chɔ̀m, nɨə kə̀b ɨzeŋɨ zeŋɨ mbɨ ɨwumnɨ fɔrɨ ənû nɨ chəi bə̂d bɨrɨ nɔ kwɨ.

Rm 5:21

ɨmbə̀ʼ ɨchî nɨ ɨnû rɨbɔ̀ŋ nyaʼə tùmbɨ̀ ɨsɨg ənjìm ɨvɨ, əne bə̂ ɨ̀chɔ̀m bɨrɨ bɨ tumbɨ ɨsɨg ənjìm ɨchî nɨ bə̂d təm kùʼnɨ̀. Əze ə bɨrɨ ghɨ ni bə̂d jɨg ɨ̀tènɨ̀ rɨ mì ənjìm ə Yeso Kristo a Ə̀nùŋɨ̀sɨg.

Rm 6:23

ɨmbə̀ʼ ɨghəm nɨ ɨchwɨ rɨ ənɨ ɨnû rɨbɔ̀ŋ yɨ ɨvɨ, àyɨə ɨneʼe we nɨ Ŋwìə̀ ə nàʼə̀ yɨ ɨ̀tènɨ̀ rɨ mì ɨchî nɨ tɨ̀ yeʼ ənɨ ɨfɔtɨ mbɨ Kristo Yeso a Ə̀nùŋɨ̀sɨg.

Gàlesìyà 6:8

Wə̀d mɨ kon əghɨ ze nɨ nyamnyod məd ə feenɨə, əghɨ ze nɨ wɨ̀ bɨrɨ kwəŋ yɨ ɨvɨ. Wɨ̀ mɨ kon əghɨ ze nɨ Əzwî ə kə̀bə̀, əghɨ ze nɨ wɨ̀ bɨrɨ kwəŋ yɨ ɨ̀tènɨ̀ rɨ mì.

1 Timotì 1:16

Àyɨə Ŋwìə̀ nyaʼa dììrɨ̀ əmɨ ɨmbə̀ʼ Kristo Yeso chwi ɨchî nɨ wɨ̀ kaŋ jeŋgɨ yim fîŋ ɨmbə̀ʼ əmɨ, mɔ̌ we nɨ yeʼ wə̀d ɨnû rɨbɔ̀ŋ nɨ bə̌ chè mbɨ mɨjìm. Wɨ̀ nyaʼa ghɨ̀ əne ɨmbə̀ʼ mə yeʼ ənweenɨ əmbɨ ə bə̂d mɨjìm mbe nɨ bɨrɨ nɨ ben əməd əne jɨg ɨ̀tènɨ̀ rɨ mì.

1 Timotì 6:12

Kaŋ zɔ̀ŋ ɨchî chɔ̀m ɨmbə̀ʼ ɨbenɨ we nɨ à nuŋ ɨgun ə Kristo. À berɨ kywɨ ənywɨ kwàʼ rɨkǎ ɨmbə̀ʼ jɨg ɨ̀tènɨ̀ rɨ mì. Ŋwìə̀ nyaʼa tɔŋ əwe ni à jɨg ɨ̀tènɨ̀ we ənɨ à nyaʼa ben ɨfě mɨ̀zərɨmbin nɔnɔʼ ni àwɔ̀ yɨə wə̀d Kristo.

1 Timotì 6:19

Mbɨ mɨ yeʼə ghɨ̀ ɨnû mbɔ̂, njɨ mbɨ fə zì əchɨ nɨ kaanɨ ɨmbə̀ʼ ɨghɨ mbe nɨ mbɨ bɨrɨ berɨ əwu rənjìm. Mbɨ bɨrɨ bɨ jɨg ɨ̀tènɨ̀ we nɨ yeʼ wɨ rəsìʼ.

Tayitùs 1:2

Təsìʼ wɔ̂ bɨrɨ ghɨ ni tɨ̀ nuŋ rɨkɔndɨ wòm ɨ̀tènɨ̀ rɨ mì we nɨ Ŋwìə̀ kaʼi. Ŋwìə̀ we nɨ chəi wɨə ghà mɨghab nyaʼa kàʼ ɨ̀tènɨ̀ wɔ̂ bɔŋ wɨ̀ nyaʼa sɨə tekɨ ɨsɨg.

Tayitùs 3:7

Wɨ̀ nyaʼa nàʼ əne ɨmbə̀ʼ tɨ̀ we tɨ̀ rɨ chè ənjìm ɨ̀chɔ̀m we təm kùʼnɨ̀ ɨfě məd bə̀ jɨg ɨ̀tènɨ̀ rɨ mì we nɨ tɨ̀ nuŋ ɨkɔndɨ ɨ wòm.

1 Jɔn 1:2

Ɨ̀tènɨ̀ we nyaʼa chwi i ɨnyod əsaŋ. Tɨ̀ nyaʼa zə əməd, əne tɨ̀ wɨə ghà rəsìʼ ɨmbə̀ʼ əməd ɨ nən. Tɨ̀ wɨə bə̀ ghàə̀ ni məd yɨə nyaʼə ɨ̀tènɨ̀ rɨ mì we nɨ nyaʼa i mbɨ Mbǎʼ, nɨ Mbǎʼ ziə nyaʼa ghɨ̌ tɨ̀ kyerɨ.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.

Jûd 1:21

Mbə̀ chub kyerɨ ni Ŋwìə̀ ə ghaʼ əwən ɨchî nɨ mbɨə wòmə̀ ni a Ə̀nùŋɨ̀sɨg Yeso Kristo diirɨ əwən, ghɨ̀ mbə̀ jɨg ɨ̀tènɨ̀ rɨ mì.