1 Jɔn 2:21 - Meta’

²¹ Chəi mɨə ŋwàʼnɨ̀ ɨ nən ɨmbə̀ʼ ɨghəm nɨ chəi mbə̀ kyerɨ rəsìʼ. Mə wɨə ŋwàʼnɨ̀ yeʼ ɨmbə̀ʼ ɨghəm nɨ mbə kyerɨ rəsìʼ bə̀ kyerɨ ni chəi mɨghab ə jwɨ̀ ənɨ rəsìʼ.

Ikan feg

²¹ Kayi mə ŋwàʼrà inən imbə̀ʼ icheg ne chəyi mbə̀ kyeri tesiʼ. Mə ya ŋwàʼrà imbə̀ʼ icheg ne mbə̀ kyere tesiʼ fɔrɔ imbə̀ʼ icheg ne mbə̀ kyeri gha chəyi anug ako yaʼi inga tesiʼ.

1 Jɔn 2:21 Marejeleo ya Msalaba

Jn 18:37

Pailèt nyaʼa biirɨ ɨ bɔ ni, “Əne, àwɔ̀ yɨ ɨfɔ̂n ə?” Yeso nyaʼa wììrɨ̀ ni, “À fə ghà ni mɔ̌ yɨ ɨfɔ̂n. Mbɨ nyaʼa gywɨ əmɨ, mə yeʼe ɨŋga ɨsɨg ɨmbə̀ʼ ənû zɔ̂ ə mɔʼ. Ənû ze yɨ nɨ ghɨ ni bə̂d kyerɨ rəsìʼ. Wə̀d mɔʼɔ we nɨ ben rəsìʼ wɨə zu ənû ze nɨ mɨə ghàə̀.”

Jn 8:44

Mbə yɨə bɔn Debɨ̀rə̀ we nɨ yeʼ ə mbǎʼ. Mbə mbɨə kə̀b ghɨ àmei ɨnû mbe nɨ ə mbǎʼ kəbɨ. Məd yɨə nyaʼə ə̀zwììrɨ̀-bə̂d tɨ ənɨ ɨsɨg nyaʼa kɔ. Chəi wɨ̀ berɨ ənû ə mɔʼɔ nɨ ghɨ̀ mbɨ rəsìʼ, ɨmbə̀ʼ ɨghəm nɨ chəi məd ə ghà rəsìʼ. Ənɨ wɨ̀ gha mɨghab, ɨ wɨə ghɨ̀ àmei ənû ze nɨ yeʼ ɨŋga fîŋ məd, ɨmbə̀ʼ ɨghəm nɨ məd yɨə wə̀d mɨghab fɔrɨ mbǎʼ mɨghab.

Jems 1:19

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ berɨ kyerɨ ənû zɔ̂. Wə̀d jìm tɔ ɨ̀tǒŋ zu ənû. Tɨ wɨ̀ kɨə ghàm i. Tɨ wɨ̀ kɨə sə i ɨtəm,

2 Pità 1:12

Mə wɨə nɔ̀ɔ̀rɨ̀ mbə ɨtu ɨghəm jìm ɨmbə̀ʼ ɨnû mbɔ̂, ka à bè yeʼi ni mbə fə bè kyerɨ ɨnû rəŋgu bə̀ kyerɨ ni mbə fə təm kàànɨ̀ ɨŋga rəsìʼ we nɨ mbɨ nyaʼa chwi ɨ nən.

1 Jɔn 3:19

Əne yɨ ɨchî nɨ tɨ̀ bɨrɨ kyerɨ ni tɨ̀ yɨə bə̂d nɨə ghà rəsìʼ. Əze ə bɨrɨ ghɨ ni ta fîŋ bɔtɨ ɨfě Ŋwiə̀

Jûd 1:5

Ka à bè yeʼi ni mbə nyaʼa fə kyerɨ ɨnû mbɔ̂ jìm, àyɨə mə kə̀b nɔɔrɨ mbə ɨtu ni Ə̀nùŋɨ̀sɨg nɨ nyaʼa chɨ mɨ̀Izre rɨ ə Ɨjìpt, nyaʼa wɨrɨ nimnɨ mbe nɨ chəi mbɨ nyaʼa benɨ.