1 Jɔn 2:13 - Meta’

¹³ Mɨ̀mbǎʼ, mə wɨə ŋwàʼnɨ̀ ɨ nən ɨmbə̀ʼ ɨghəm nɨ mbə̀ kyerɨ məd we nɨ nyaʼa i əŋgu bɔŋ Ŋwìə̀ nyaʼa sɨə tekɨ ɨsɨg. Ŋgwàʼ bə̂d, mə wɨə ŋwàʼnɨ̀ ɨ nən ɨmbə̀ʼ ɨghəm nɨ mbə fə baŋ wə̀d rɨ̀bɔ̀ŋ.

Ikan feg

¹³ Mə ya ŋwàʼrà anìŋ inən, mbə̰ mə̀mbaʼ imbə̀ʼ icheg ne mbə fə kyeri aməd we ne ya bi yaʼ bɔŋ Ŋwiye ya se tànga isəg. Mə ya ŋwàʼrà anìŋ inən, mbə̰ ngwàʼ bɔd imbə̀ʼ icheg ne mbə fə màʼ chè Wə̀d Tibɔ̀ŋ we.

1 Jɔn 2:13 Marejeleo ya Msalaba

Matìyò 11:27

“Mɨ Mbǎʼ fə nàʼ ɨghɨjìm ɨ num. Chəi wə̀d mɔʼɔ əŋgu nɨ jeŋgɨ kyerɨ Wan chè rɨ ənɨ Mbǎʼ. Chə bəi wə̀d mɔʼɔ əŋgu nɨ bə jeŋgɨ kyerɨ Mbǎʼ chè rɨ ənɨ Wan fɔrɨ wə̀d mɔʼɔ we nɨ Wan də̀b nɨ chwi əməd ɨ bɔ.

Matìyò 13:19

Bə̂d mbe nɨ zu ɨnû ɨmbə̀ʼ ənû ɨfɔ̀n rɨkaŋ, àyɨə chəi ɨtu mɨ̀mə̌d zeŋɨ yɨ ɨghabɨ ɨghɨ mbe nɨ nyaʼa feŋ ɨgwɨ ɨnə̂njɨ̀. Wə̀d rɨbɔ̀ŋ nyaʼa wò fè ɨnû mbe nɨ mbɨ nyaʼa kon ɨŋga fîŋ tɨ mɨ̀mə̌d.

Matìyò 13:38

Əbən ze yɨ ɨsɨg. Kywɨ̀ chɔ̀m ze yɨə bə̂d mbe nɨ yeʼ ɨŋga ənû ɨfɔ̀n rɨkaŋ. Ɨfu we yɨə bə̂d wə̀d rɨ̀bɔ̀ŋ.

Matìyò 5:37

Mbə̀ gha àmei ni, 'Ee' kɨ̀ ni 'Chə̂'. Ənû ə cherə ze nɨ wə̀d wɨrɨ ghà yɨ rɨ əmbɨ wə̀d rɨ̀bɔ̀ŋ.

Lk 10:22

“Mɨ Mbǎʼ fə naʼ ɨghɨjìm ɨ num. Chəi wə̀d mɔʼɔ əŋgu nɨ jeŋgɨ kyerɨ Wan chè rɨ ənɨ Mbǎʼ. Chəi bəi wə̀d mɔʼɔ əŋgu nɨ bə jeŋgɨ kyerɨ Mbǎʼ chè rɨ ənɨ ə Wan fɔrɨ wə̀d we nɨ Wan də̀b nɨ chwi əməd ɨ bɔ.”

Jn 14:7

Mbə mɨ kə̀ʼ kyerɨ wə̀d we nɨ mə̀ yeʼ wɨwən, njɨ mbə bə̀ kə̀ʼ kyerɨ wə̀d we nɨ mɨ Mbǎʼ yeʼ wɨwən. Ɨ kɔ rɨ̀nîn mbə fə kyerɨ əməd, əne mbə fə bə̀ zə əməd.”

Jn 14:9

Yeso nyaʼa wììrɨ̀ ni, “Ɨmbə̀ʼ mə fə chubɨ mbɨ nən əgha ə se, àyɨə chəi àwɔ̀, Filip, kaŋ kɨrɨ kyerɨ əmɨ ə? Wə̀d jìm we nɨ zə əmɨ fə bə̀ zə ə Mbǎʼ. Àwɔ̀ wɨrɨ che rɨ ye ghà ɨ num ni, 'Chwiə Mbǎʼ ɨ na ə'?

Jn 16:3

Mbɨ bɨrɨ ghɨ ɨnû mbɔ̂ ənɨ ə nən ɨmbə̀ʼ ɨghəm nɨ chəi mbɨ kyerɨ ə Mbǎʼ kɨ bè kyerɨ əmɨ.

Jn 16:33

Mə fə ghà ɨnû mbɔ̂ ɨ nən ɨmbə̀ʼ mbə̀ chub ənɨ əbɔrəbɔd ɨchî nɨ mbə̀ yeʼ ənɨ ənû ə mɔʼ mbɨ num. Mbə bɨrɨ zə ŋgəʼ ɨŋga ɨsɨg wɔ̂, àyɨə mbə̀ yim fîŋ, mə fə baŋ ɨsɨg!”

Jn 17:21

Mə wɨə kɔ̀ŋgɨ̀ əwe ni mɨ̀mə̌d mɨjìm yeʼ ənɨ ənû ə mɔʼ. Mɨ Mbǎʼ, mə kə̀b mbɨ yeʼ ənɨ ənû ə mɔʼ mbɨ na ɨchî ɨ ni à yeʼ ənɨ ənû ə mɔʼ mbɨ num, mə bə̀ yeʼ ənɨ ənû ə mɔʼ mbɨ ne. Zɨə yeʼ əne ɨmbə̀ʼ ɨsɨg we tɨ̀ wɨ ben ni à yɨ àwɔ̀ nyaʼa tom əmɨ.

Jn 17:3

Ɨ̀tènɨ̀ rɨ mì yɨ ni bə̂d kyerɨ əwe, àwɔ̀ we nɨ yeʼ mei we mɔʼ nɨ yeʼ Ŋwìə̀ rəsìʼ. Ɨ̀tènɨ̀ rɨ mì yɨə bə ni bə̂d kyerɨ ə Yeso Kristo we nɨ à nyaʼa tomɨ.

Jn 8:19

Ənɨ wɨ̀ nyaʼa gha əne, mbɨ nyaʼa biirɨ ɨ bɔ ni, “E mbǎʼ kɨ ə yi ə?” Yeso nyaʼa wììrɨ̀ ni, “Chəi mbə̀ kyerɨ əmɨ kɨ̀ mɨ Mbǎʼ. Mbə mɨ kə̀ʼ kyerɨ əmɨ, njɨ mbə bə̀ kə̀ʼ kyerɨ mɨ Mbǎʼ.”

2 Kɔrèn 4:6

Ŋwiə̀ we nɨ nyaʼa gha ni, “Ɨzeŋɨ zeŋɨ te ɨŋga ɨsɨ firɨ,” fə te ɨŋga ta fîŋ ɨmbə̀ʼ naʼ ɨzeŋɨ zeŋɨ ɨ na, ɨmbə̀ʼ tɨ̀ kyerɨ ɨzeŋɨ zeŋɨ Ŋwiə̀ we nɨə te ənɨ ɨfě Kristo.

1 Timotì 5:1

Tɨrə̀ gham e əbɔʼ mbaŋə̀ te nɨ fə nunɨ chè əwe, àyɨə kəərɨ mɨ̀mə̌d ɨghabɨ ni mbɨ yɨ mbe mɨ̀mbǎʼ. Ghɨ mbɨ ə bɔn ɨjɔŋ ɨghabɨ ni mbɨ yɨ mbe bɔŋgɔb.

Tayitùs 2:6

Əndəŋ əndəŋ, bə gha əmbɨ ɨjɔŋ ni mbɨ yimbɨ ə ɨnyod.

1 Jɔn 1:1

Tɨ̀ wɨə ŋwàʼnɨ̀ ə̀ŋwàʼnɨ̀ zɔ̂ ɨ nən ɨmbə̀ʼ Ɨŋgam. Ɨŋgam we wɨə nyaʼa i əŋgu bɔŋ Ŋwìə̀ nyaʼa sɨə tekɨ ɨsɨg. Tɨ̀ nyaʼa zu əməd ənɨ wɨ̀ nyaʼə ghàm ɨ na. Tɨ̀ nyaʼa kàŋ zə əməd mbǎ mbǎ. Tɨ̀ nyaʼa nèŋ əməd bə̀ kàŋ bètɨ̀ əməd mbǎ mbǎ. Ɨŋgam we wɨə ghɨ̀ ni bə̂d jɨg ɨ̀tènɨ̀.

1 Jɔn 2:1

Mbɨ bɔn nɨ mə̀ ghaʼi kwàʼ rɨŋgəʼ, mə wɨə ŋwàʼnɨ̀ ɨnû mbɔ̂ ɨ nən ɨmbə̀ʼ tɨ mbə̀ ghɨ ə ɨnû rɨbɔ̀ŋ. Àyɨə wə̀d mɔʼɔ mɨ ghɨ̀ ənû rɨbɔ̀ŋ, tɨ̀ berɨ wə̀d mɔʼɔ nɨə buʼ ɨbɔ əmbɨ Mbǎʼ ɨgwɨ mba ɨtu. Məd yɨə Yeso Kristo we nɨə ghɨ̀ ɨnû nɨ kuʼnɨ.

1 Jɔn 2:12

Mbɨ bɔn nɨ mə̀ ghaʼi kwàʼ rɨŋgəʼ, mə wɨə ŋwàʼnɨ̀ ɨ nən ɨmbə̀ʼ ɨghəm nɨ Ŋwìə̀ fə waʼ mbə ɨnû rɨbɔ̀ŋ ɨmbə̀ʼ ə Kristo.

1 Jɔn 2:14

Mbɨ bɔn, mə wɨə ŋwàʼnɨ̀ ɨ nən ɨmbə̀ʼ ɨghəm nɨ mbə̀ kyerɨ ə Mbǎʼ. Mɨ̀mbǎʼ, mə wɨə ŋwàʼnɨ̀ ɨ nən ɨmbə̀ʼ ɨghəm nɨ mbə̀ kyerɨ məd we nɨ nyaʼa i əŋgu bɔŋ Ŋwìə̀ nyaʼa sɨə tekɨ ɨsɨg. Ŋgwàʼ bə̂d, mə wɨə ŋwàʼnɨ̀ ɨ nən ɨmbə̀ʼ ɨghəm nɨ mbə̀ berɨ ɨka, ɨŋgam Ŋwiə̀ wɨ ɨŋga nən, mbə̀ fə bə̀ baŋ wə̀d rɨ̀bɔ̀ŋ.

1 Jɔn 3:12

Tɨ rɨ̀ yeʼ a ɨghabɨ ə Kaìn nɨ nyaʼə wan wə̀d rɨ̀bɔ̀ŋ. Wɨ̀ nyaʼa zwiirɨ wi aŋgɔb Abèl. Wɨ̀ nyaʼa zwiirɨ əməd ɨmbə̀ʼ ə yè ə? Wɨ̀ nyaʼa zwiirɨ əməd ɨmbə̀ʼ ɨghəm nɨ tɨ̀gurɨ-ɨnû məd nyaʼa bə, àyɨə mbɨ aŋgɔb məd nyaʼa bɔ̀ŋ.

1 Jɔn 4:4

Mbɨ bɔn nɨ mə̀ ghaʼi kwàʼ rɨŋgəʼ, mbə yɨə bə̂d Ŋwiə̀ əne mbə fə baŋ bə̂d ɨ̀kə̀n mɨghab mbe. Mbə fə baŋ mɨ̀mə̌d ɨmbə̀ʼ ɨghəm nɨ Əzwî ze nɨ yeʼ ɨŋga nən ə chè əze nɨ yeʼ ɨŋga ɨsɨg.

1 Jɔn 5:18

Tɨ̀ ə kyerɨ ni chəi wə̀d Ŋwìə̀ mɔʼɔ əŋgu nɨə wò ɨmbì kɨrɨ ghɨ̀ ɨnû rɨbɔ̀ŋ. Wan Ŋwìə̀ wɨə nəŋgɨ əməd, əne chəi ənɨ tɨ Satàn wɨrɨ ghɨ ənû ə mɔʼɔ ənɨ məd.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.

Ɨnû 12:11

Mbɨ fə baŋ əməd ənjìm ɨvɨ Wan njɨ̀g bə̀ fɔrɨ ənjìm ɨkə̂n chɔ̀m we nɨ mbɨ nyaʼə ghàə̀. Chəi mbɨ nyaʼə bɔ ɨvɨ, ka à be yeʼi ni ɨ mbɨə nyaʼə kə̀b zwiirɨ mɨ̀mə̌d.

Ɨnû 2:7

“Wə̀d we nɨ tɨ̀ wɨ̀ zu ənû, wɨ̀ zu ənû ze nɨ Əzwî ə ghàə̀ əmbɨ rɨfetɨ bə̂d Kristo. Mə bɨrɨ naʼ ɨka əmbɨ ə bə̂d mbe nɨ baŋ ɨnû rɨbɔ̀ŋ ni mbɨ jɨg rɨ ənɨ əzed ze nɨə ghɨ̀ ni bə̂d jɨg ɨ̀tènɨ̀. Əzed ze zɨ ɨŋga paradaìs Ŋwìə̀.”