1 Kɔrèn 13:1 - Meta’

¹ Mə mɨ yeʼə ghàm ənɨ mɨŋgam bə̂d mɨ̀sɔŋɨchù kɨ̀ ənɨ ɨŋgam mbɨ̀aŋgɨrə̀, àyɨə chəi mə̀ ghaʼ bə̂d, mə yɨ ɨghabɨ mɨ̀kakaŋ nɨə ja ɨsɨ, kɨ̀ ɨghabɨ ə ŋgòŋ nɨ mbɨə buʼə.

Ikan feg

¹ Ka mə kyèri ni ghàm tìngam bəd inga iben ijìm igun isəg, bə̀ kyèri ni ghàm tìngam mbè angirə̀, àmə chəyi mə kɔ̀ŋɔ̀ bəd, mo ya kwàʼ icheg aba apan kə̀ kwàʼ icheg fìngɔ̀ŋì.

1 Kɔrèn 13:1 Marejeleo ya Msalaba

Matìyò 25:45

Wɨ̀ bɨrɨ wiirɨ əmbɨ mɨ̀mə̌d ni, 'Mə ghà rəsìʼ ɨ nən ni, ɨchî nɨ chəi mbə̀ nyaʼa ghɨ ɨnû mbɔ̂ ənɨ wɨ kwa mɔʼɔ rəbɔʼ mbɔ̂, əne chəi mbə̀ nyaʼa bə̀ ghɨ̀ ənɨ ə num.'

Mk 16:17

Bə̂d mbe nɨ benɨ bɨrɨ ghɨ ɨnweenɨ-ɨnû mbɔ̂: mbɨ bɨrɨ chɨ ɨzwî rɨbɔ̀ŋ rɨŋga bə̂d ənɨ mɨ ɨkum; mbɨ bɨrɨ gham mɨŋgam rɨsɔ̀ʼɔ̀;

Rm 14:15

Əghɨ ze nɨ àwɔ̀ ə jɨgə mɨ yeʼə tɔb we aŋgɔb, njɨ zɨə chwi ni chəi àwɔ̀ ə wɨrɨə ghɨ̀ ɨnû mbɨ ɨghaʼi. Tɨrə̀ ben e ni əghɨ ze nɨ àwɔ̀ ə jɨg ə nimnɨ ɨbenɨ wə̀d mɔʼɔ we nɨ Kristo nyaʼa kwɨ ɨgwɨ ətu əməd.

1 Kɔrèn 12:10

Ŋwìə̀ wɨə nàʼ ɨka əmbɨ wə̀d mɔʼ ni wɨ̀ ghɨ ɨnû yiirɨ. Ɨ wɨə nàʼ ɨneʼe əmbɨ wɨ cherə ni wɨ̀ gha ɨkə̂n Ŋwiə̀. Ɨ wɨə nàʼ ɨneʼe əmbɨ wɨ cherə ni wɨ̀ kyerɨ ɨkwepɨ rəbɔʼ mɨneʼe mbe nɨ Əzwî ə Zeŋɨ ə nàʼ rəbɔʼ mbe nɨ chəi Əzwî ə Zeŋɨ ə nàʼə̀. Ɨ wɨə nàʼ ɨneʼe əmbɨ wɨ cherə ni wɨ̀ gham mɨŋgam tɨkwɨrɨkwɨ. Ɨ wɨə bə̀ nàʼ ɨneʼe əmbɨ wɨ cherə ni wɨ̀ toʼrɨ mɨŋgam mbe.

1 Kɔrèn 12:16

Ətǒŋ ə mɨ ghà ni, “Ɨchî nɨ ka mɔ̌ yɨ əmɨ ɨghə, əne ka mɔ̌ yɨ əmɨ əba rɨ ənɨ ə nyamnyod.” Ka əze ə bɨrɨ ghɨ i ni tɨ məd yeʼi əba rɨ ənɨ ə nyamnyod.

1 Kɔrèn 12:8

Ŋwìə̀ wɨə nàʼ Əzwî ze nɨə ghɨ̀ ni bə̂d gha ɨŋgam ɨwe əmbɨ wə̀d mɔʼ. Ɨ wɨə bə̀ chè àmei ənjìm Əzwî ze ghɨ̀ ni wɨ cherə gha ɨŋgam nɨ chwiə ni wɨ̀ kyerɨ ənû.

1 Kɔrèn 13:8

Chəi ɨghaʼi ə nɔ mìə̀. À yeʼ ɨmbə̀ʼ ənû nɨ gha ɨkə̂n Ŋwìə̀, zɨə bɨrɨ nwìə̀. À yeʼ ɨmbə̀ʼ ənû nɨ gham mɨŋgam rɨsɔ̀ʼɔ̀, zɨə bɨrɨ nwìə̀. À yeʼ ɨmbə̀ʼ ənû nɨ berɨ ɨwe, zɨə bɨrɨ bɨ nwìə̀.

1 Kɔrèn 14:2

Chəi wə̀d mɔʼɔ we nɨə ghàm ɨŋgam rɨsɔ̀ʼɔ̀ ə ghàm əmbɨ ə bə̂d. Ɨ wɨə ghàmə̀ yeʼ əmbɨ ə Ŋwiə̀, ɨmbə̀ʼ ɨghəm nɨ chəi wə̀d cherə kyerɨ ənû ze nɨ wɨə ghàə̀. À yɨ Əzwî ə Zeŋɨ ə ghɨ ni wɨ̀ gha ɨnû mbe nɨ yeʼ ənə̀mə.

1 Kɔrèn 14:4

Wə̀d we nɨə ghàm mɨŋgam rɨsɔ̀ʼɔ̀ wɨə ghɨ̀ ni məd ziə təm kàànɨ̀. We nɨə ghà ɨkə̂n Ŋwiə̀ wɨə ghɨ̀ yeʼ ni ɨfetɨ bə̂d Kristo təm kàànɨ̀.

1 Kɔrèn 14:5

Mə kə̀b ni mbə̀n mɨ̀jìm gham mɨŋgam rɨsɔ̀ʼɔ̀, àyɨə ənû nɨ mə jeŋgɨ kə̀b yɨ ni mbə̀ gha ɨkə̂n Ŋwiə̀. Wə̀d we nɨə ghà ɨkə̂n Ŋwiə̀ ə chè we nɨə ghà ɨŋgam rɨsɔ̀ʼɔ̀, kɨrɨ ənɨ wə̀d mɔʼɔ yeʼ əŋgu nɨə tòʼrɨ̀ ɨŋgam we. Wɨ̀ berɨ toʼrɨ ɨmbə̀ʼ ɨfetɨ bə̂d Kristo jìm təm kàànɨ̀.

1 Kɔrèn 8:1

Tɨ̀nîn mə wɨə kə̀b ghà ɨmbə̀ʼ tɨjɨg te nɨ mbɨ naʼ ənɨ ɨghɨ ə̀fà əmbɨ mbɨ̀anèŋ: Tɨ̀ kyerɨ ni, “Mba mɨjìm ə berɨ ɨwe,” ɨchî nɨ mbə̀n mɨmɔʼɔ ə ghàə̀. Ɨwe wɨə ghɨ̀ ni bə̂d nɔ ɨnyod, àyɨə ɨghaʼi wɨə korə bə̂d ənɨ mbɨ mɔʼ.

2 Kɔrèn 12:4

Mə kyerɨ ni wɨ̀ nyaʼa wò ə Paradaìs pè zu ɨnû nɨ chəi ənɨ tɨ wə̀d ghà, nɨ yeʼ ɨnû nɨ chəi mbɨ ben ni wə̀d mɨ̀sɔŋɨchù wɨrɨ ghà.

Gàlesìyà 5:22

Àyɨə ɨnû mbe nɨ Əzwî ə kə̀bə̀ yɨ ənû nɨ ghaʼ bə̂d, ənû nɨ chub ənɨ ɨghaʼi, ənû nɨ chub ənɨ əbɔrəbɔd, ənû nɨ yim fîŋ, ənû nɨ berɨ ɨbɔŋ fîŋ, ənû nɨ ghɨ ɨ̀chɔ̀m, ənû nɨ nuŋ fîŋ ɨgun ə bə̂d,

Gàlesìyà 5:6

Ɨchî nɨ tɨ̀ yeʼ ənɨ ɨfɔtɨ mbɨ Kristo, əne chəi ənû nɨ mbɨ ne wə̀d kɨ̀ ənû nɨ chəi mbɨ ne wə̀d ə berɨ ənû ə mɔʼɔ nɨ ghɨ̀. Ənû ə kyeŋ yɨ nɨ chwi ni tɨ̀ fə nuŋ fîŋ ɨgun ə Kristo ɨchî nɨ tɨə ghaʼə bə̂d.

1 Timotì 1:5

Əton nɨ mə gha ənû zɔ̂ ɨ ne yɨ ni bə̂d Kristo berɨ ghaʼ əwən mbənə mbənə. Ɨghaʼi we berɨ jwɨ rɨŋga fîŋ nɨ zeŋɨ, rɨŋga fîŋ nɨ chəi ɨnû rɨbɔ̀ŋ ɨŋga bə̀ fɔrɨ rɨŋga ɨbenɨ we nɨ yeʼ wɨ rəsìʼ.

1 Pità 4:8

Ənû nɨ chè ɨnû jìm yɨ ni mbə̀ ghaʼ ə ɨnyod mbənə mbənə kwàʼ rɨŋga fîŋ, ɨmbə̀ʼ ɨghəm nɨ ɨghaʼi wɨə kubrɨ ɨnû rɨbɔ̀ŋ nɔnɔʼ.

2 Pità 2:18

Ɨ mbɨə ghàm mɨŋgam əneŋ goŋ ɨgɔ̂. Ɨ mbɨə nɨŋə ɨnyamnɨ-ɨnû mbe nɨ nyamnyod ə feenɨə tambɨə bə̂d mbe nɨ fə cherə jwɨ̀ rəbɔʼ mbe nɨə chub ɨŋga ɨfebrɨ-ɨnû.

Ɨnû 14:2

Mə nyaʼa zu gɨ̂ nɨ gham rɨkaŋ ɨchî nɨ mɨgyɨ̂ nɔnɔʼ ə jùʼə̀ bə̀ fɔrɨ ɨchî nɨ mbə̀ŋ ə kùmə̀ kwàʼ rɨ̀kǎ. Gɨ̂ ze nyaʼa ghàm ɨchî nɨ mə̀buʼ mɨ̀noŋ ə buʼə mbə mɨ̀noŋ ŋgyi.