Rm 9:5 - Ikan feg

⁵ Mbɔb ya bəd inga inəbi mə̀mbaʼ mbe te aneg. Mbi ya gwi Wə̀d we ne Ŋwiye zɔ̀ʼi inga inəbi bəd Izre. Məd ya Ŋwiye abə bəd məjìm. Tì ghumnə Ŋwiye ane ighə̀m imɔʼ. À ya ane!

Meta’

⁵ Mbɨ yɨə bɔn tɨ ənɨ əghaŋ mɨ̀mbǎʼ ɨnəbɨ mɨ̀Izre. Wə̀d we nɨ Ŋwìə̀ zɔʼɔ ə jwɨ̀ rɨŋga ɨnəbɨ we. Məd yɨə Ŋwìə̀ we nɨə tùmbɨ̀ ɨghɨjìm. Tɨ̀ yiirɨ ə Ŋwiə̀ koŋ. À yɨ əne.

Rm 9:5 Marejeleo ya Msalaba

Matìyò 28:20

Mbə̀ chwiti inug inɔb mbe se zùgrə tikə tijìm te ne mə̀ ya nàʼi inən. Mbə̀ kyeri gha, mə biri yaʼ amə tì inən mà nyumə̀ ijìm anene isəg nwḭ̀yḛ̀.”

Matìyò 6:13

Imbə̀ʼ àghò saŋa awe gha àkwàʼrì nyi igun ina. Chìye awa ikye abo abə Wə̀d Tibɔ̀ŋ.›

Lk 20:44

Ifɔn Dèvid ya kàrì aməd ane ‹Anɔŋisəg›, məd kə ywìri yaʼ ŋwan məd iye?

Jn 10:30

Mo tì ìmə Mbaʼ ya ane anug amɔʼ.”

Ɨ̀fàʼì 20:28

Mbə̀ se kyèʼrè ìtən nyàmnyɔd mbə̰ mbə̰. Mbə̀ bə se kyèʼrè bəd Kristo məjìm mbe ne Azwighi Ŋwiye chɔʼi awən ane itog bəd ne fàʼà inɔb. Mbə̀ kyeʼre ifeti bəd Ŋwiye mbe ne məd ya zo̰ ane anəm Ŋwan məd.

Ɨ̀fàʼì 3:13

Wə̀d ne ghi wə̀d gho̰ nɔ̀ʼ se yḛ̀ ya Ŋwiye we ne Abràham tì Jàkɔb tì Azìg fɔrɔ ìmba mə̀mbaʼ aneg yaya ghùmnə. À ya məd nàʼi ighumni abə wə̀d àfàʼì məd Yeso Kristo. Mbə̰ ya ton awən məd kwàʼ imbìghè abə Payilèd. Mbə̰ ya kə̀b àzən gha mbe zweti aməd ne Payilèd ya kə̀bi ni sàŋì aməd.

Rm 1:25

À ya ane imbə̀ʼ icheg ne mbɔb ya wàʼa tesiʼ imbə̀ʼ Ŋwiye se bḛ yaʼ anug ako. Ane, mbɔb fə sàŋì Ŋwiye ne tangi ighi ijìm se ghùmnə bə̀ fàʼà yaʼ abə ighi mbe ne Ŋwiye tàngi. Məd ya Ŋwiye we ne tì beri ni ya ghùmnə aməd mà nyumə̀ ijìm! À ya ane!

Rm 1:3

Ikən chɔm gho̰ ya imbə̀ʼ Ŋwan məd. Icheg wə̀d-aku, mbi ya gwi aməd inga inəbi fɔn Dèvid.

Rm 10:12

Aton ya gha, chəyi icha mɔ̀ʼɔ inga mə̀Ju tì bəd ne kayi mə̀Ju. Anɔŋisəg ya məyi imɔʼ igun bəd məjìm. Məd we tùwə̀ àbɔrɔ̀bɔd igun wə̀d ijìm ne kàrà aməd.

Rm 11:28

Icheg ne mə̀Ju to̰ awɔb ikən chɔm gho̰, mbɔb ya si bəd ìpàb Ŋwiye imbə̀ʼ awən, mbə̰ mbe ne kayi mə̀Ju. Si ya gha, icheg ne mbɔb yaʼi inəbi ne Ŋwiye ya fə chɔʼi, mbɔb ya si mə̀sə̀ʼ məd anjìm ìmbɔb mə̀mbaʼ kyen mbe te aneg.

1 Kɔrèn 14:16

Mbə̰ mə̀ ya nàʼà məyakà abə Ŋwiye məyi ane àzən azwighi, wə̀d ne yaʼi abɔ̀ʼ inən ne chəyi we zùghə anug ne mbə̰ mbe ghà, tengàŋ kə si chè iye ni bḛ gha “À ya ane” ane anug ne mbə̰ mbe ghà?

2 Kɔrèn 11:31

Ŋwiye ne yaʼi Mbaʼ abə Anɔŋisəg Yeso, məd we ne kòʼi ni niŋ ighumni ane ighə̀m imɔʼ, məd kyèri gha chəyi mə̀ ghà inug ako.

1 Timotì 3:16

Ze fə dù zen gha anug ne ya yaʼi inə̀mbi, azo̰ Ŋwiye fə ghi tì kyèri. À ya kwàʼ anug ne faŋi. Anug ze ya gha: Yeso ya yeʼe igun isəg icheg wə̀d-aku. Azwighi Ŋwiye ya gha məd we ghìyə̀ inug ne təmi kòʼ. Mbè angirə̀ ya bàd aməd. Bəd ya chètì inug imbə̀ʼ aməd inga iben ijìm. Bəd inga iben ijìm igun isəg ya nɔ̀ŋì ibḛfiŋ igun məd. Ŋwiye ya niŋ aməd ikaŋ nàʼ ighumni ibo.

1 Timotì 6:15

Nyùmə̀ mə kòʼ, Ŋwiye we ne bəd mbe ghùmnə biri ghì Kristo yèʼe. À ya məyi məd yaʼi Atumbisəg ne yaʼi Ifɔn abə məfɔn bə̀ yaʼ Anɔŋisəg abə itog bəd ijìm.

2 Timotì 2:8

Àghò wendi Yeso Kristo ne yaʼi ŋwan ane aghaŋ inəbi ifɔn Dèvid, Ŋwiye ya ghì wì zwème ane iwu. À ya ikən chɔm ne mə chètè we.

Mə̀Hibrù 7:24

Àsi Yeso ya wə̀d mbàn Ŋwiye ne àfàʼì məd yaʼi ane ighə̀m imɔʼ imbə̀ʼ icheg ne məd we bə̀ izɔm ane ighə̀m imɔʼ.

1 Jɔn 5:20

Tè bə̀ kyèri gha Ŋwan Ŋwiye fə yeʼe. Wì fə ghì gha ìmba itog zen tì kyeri Ŋwiye we ne ya Ŋwiye tesiʼ. Tì yaʼ ane ifɔti tì Ŋwiye we ne ya Ŋwiye tesiʼ. Tì we bə̀ ane ifɔti tì Ŋwan məd, Yeso Kristo. Məd ya Ŋwiye tesiʼ we ne ghi gha bəd jəg ìtḛ̀ ighə̀m imɔʼ.

Ɨnû 1:18

Mo ya wə̀d we ne yaʼi izɔm. Mə ya ku, si ya gha, nḛ, mə we izɔm kwàʼ ane ighə̀m imɔʼ. Mə bèrì ika igun iwu bə̀ fɔrɔ igun aben iwu bəd.

Ɨnû 22:16

Mo Yeso, mə chà ìmə angirə̀ gha wì chete inug mbo̰ inən inga tifeti bəd Ŋwiye. Mo ya aghaŋ inga inəbi ifɔn Dèvid. Mo ya icheg Fitəm-məg fe ne zùʼə ane achəg ituʼ.

Ɨnû 22:20

Wə̀d we ne ghà inug mbo̰ ijìm, wì gha, “À ya tesiʼ! Mə biri zàmbi yeʼe!” À ya ane, Anɔŋisəg Yeso yeʼe!

Ɨnû 5:14

Ighi izɔm mbe ikwè ya ywìtì gha, “À ya ane!” Itog bəd mbe ya gundi aseg ghùmni Ŋwiye bə̀ ghùmni Ŋwan njə̀g.