Rm 8:16 - Ikan feg

¹⁶ Azwighi Ŋwiye ze fɔ̀tɔ tì àza tì azwighi ni bḛ gha mba ya bɔn Ŋwiye.

Meta’

¹⁶ Əzwî ziə fə fɔtɨ mbɨ mba ɨzwî ghà ni tɨ̀ yɨə bɔn Ŋwiə̀.

Rm 8:16 Marejeleo ya Msalaba

Matìyò 5:9

Ŋwiye zì àbɔrɔ̀bɔd igun bəd mbe ne ghìyə̀ gha bəd chughi ane àbɔrɔ̀bɔd, imbə̀ʼ icheg ne Ŋwiye biri kàrì awɔb ane ìmbi bɔn.

Lk 20:36

Chəyi bəd mbe biri ywìrì ku imbə̀ʼ icheg ne mbi ya icheg mbè angirə̀. Icheg ne à ya bəd ne zweme ane iwu, mbɔb ya bɔn Ŋwiye.

Jn 1:12

Àsi bəd məjìm mbe ne ya niŋi aməd bə̀ nɔ̀ŋì ìwɔb ibḛfiŋ igun məd, wì ya nàʼ ati inɔb gha mbe si yaʼ bɔn Ŋwiye.

Ɨ̀fàʼì 5:32

Mba ya bəd ne bari ati ane inug mbo̰ ijìm. Azwighi Ŋwiye ze ne Ŋwiye we nàʼà abə bəd mbe ne zùgrə aməd, ze bə̀ kyèri inug mbo̰ ijìm.”

Rm 8:14

Bəd mbe ne ghìyə̀ inug icheg ne Azwighi Ŋwiye ze nàʼà ika inɔb, mbɔb ya bɔn Ŋwiye.

Rm 8:19

Ighi ijìm mbe ne Ŋwiye tàngi mbe nyìʼè ghɔ̀mɔ̀ gha Ŋwiye ghiyə mbe kyèri bəd mbe ne ya kwàʼ bɔn məd.

Rm 8:23

Ane, kayi məyi ighi mbe ne Ŋwiye ya tangi mbe chwèmè. Mba ina ne beri Azwighi Ŋwiye ne Ŋwiye nàʼi ina icheg ineʼi mbègtog, tì we bə̀ chwèmè. Tì ya chwèmè ane ghɔ̀mɔ̀ gha Ŋwiye ghiyə tì yaʼ bɔn məd bə̀ zèri awa chì inga ngəʼ ijìm.

Rm 8:26

À ya bə̀ ane ne Azwighi Ŋwiye ze wètè awa icheg ne tì bɔri. À ya ane imbə̀ʼ icheg ne chəyi tì kyeri icheg ne tì koʼi ni chàʼra Ŋwiye angu. À ya Azwighi Ŋwiye ze chàʼrà Ŋwiye atog ina. Ze ya chwèmè ghà inug ne chəyi tì tì gha.

Rm 9:26

À ya bə̀ kwàʼ icheg ne ze yaʼi inga asiŋi ze ne mbi ya ghà inɔb gha: “Mbə̰ kayi ìmbum bəd.” Mbi biri kàrì awɔb angu gha “Bɔn Ŋwiye we ne yaʼi izɔm.”

Rm 9:8

Àzo̰ ya ni chwi gha, kayi bɔn məjìm inga inəbi məd yaʼi bɔn Ŋwiye. Bɔn Ŋwiye ya bɔn ne wì gwi icheg ne Ŋwiye ya kàʼi. À ya kwàʼ mbɔb ne mbe tàŋa awɔb ane bɔn inga iwaŋ inəbi Abràham.

2 Kɔrèn 1:12

Tì ya taŋ tə̀rə̀ awa imbə̀ʼ icheg ne tè kyèri gha tì ya fàʼà inug ijìm ane fìŋ ifibì bə̀ fɔrɔ ane icheg ne zḛ. Tì ya nḛ̀ məyi igun ìchɔ̀mì Ŋwiye mà nyumə̀ ijìm, kayi igun iwe bəd igun isəg. À ya ikuchèg ne te fàʼà inug abə bəd məjìm fɔrɔ inən.

2 Kɔrèn 1:22

bə̀ zì àzi Azwighi inga ina ni chwi gha mba ya bəd məd. Azwighi azo̰ ya aneni ni chwi gha ighi mbe ne Ŋwiye kàʼi ina, wì biri nàʼ ijìm.

2 Kɔrèn 5:5

À ya Ŋwiye fə chuʼri awa nɔ̀ŋì abə ikɔpi gho̰ ne biri ghum yaʼ. Wì fə nàʼ àzi Azwighi ina ane aneni ni chwi gha wì biri nàʼ ighi ijìm mbe ne wì nɔŋi ina.

2 Kɔrèn 6:18

“Mə biri yaʼ Mbaʼ inən, mbə̰ si yaʼ ìmbum bɔn mbaŋà tì ìmbum bɔn àyi. Aŋa ya anug ne Anɔŋisəg Ŋwiyekɔʼ gha.”

Gàlesìyà 3:26

Mbə bàd amad anìŋ gha, mbə̰ məjìm ya fə si bɔn Ŋwiye anjìm ibḛfiŋ we ne mbə̀ nɔŋi igun Yeso Kristo.

Gàlesìyà 4:6

Icheg ne tì si yaʼ bɔn Ŋwiye, wì fə chà Azwighi Ŋwan məd inga ìta fìŋ. À ya Azwighi ze ze nàʼà ika abə wə̀d ni kàrì Ŋwiye gha, “Ìmə Mbaʼ, Ìmə Mbaʼ!”

Efesùs 1:13

Mbə̰ ya bə̀ si yaʼ bəd Kristo anyumə̀ we ne mbə̀ ya zughi ikən tesiʼ, bḛ. À ya ikən chɔm we ghi mbə̰ pum. Mbə̰ ya bḛ Kristo, Ŋwiye bə̀ nàʼ àzi Azwighi inən icheg ne wì ya kàʼi ane aneni ne chwìye gha mbə̰ ya si bəd məd.

Efesùs 4:30

Imbə̀ʼ mbə̰ ghiyə awən gha Azwighi Ŋwiye ya sɔ̀mnɔ̀ imbə̀ʼ icheg ne Azwighi ze ya aneni ne chwìye gha à ya Ŋwiye beri awən. À ya Azwighi Ŋwiye ze bə̀ chwìye gha aneg ze yèʼe ne Ŋwiye biri zeri ìmbi bəd.

1 Jɔn 3:1

Mbə nḛ ikuchèg ne ìwa Mbaʼ taŋ kɔ̀ŋi awa! Wì taŋ kɔ̀ŋ awa ghì mbi se kàrà awa ane bɔn Ŋwiye. Tesiʼ ya gha, mba ya bə̀ kwàʼ bɔn Ŋwiye. À ya aton ne chəyi bəd inga isəg gho̰ mbe kyère awa. Chəyi mbe kyère awa imbə̀ʼ icheg ne chəyi mbi ya bə kyèri Ŋwiye.

1 Jɔn 3:10

Icha ane bɔn Ŋwiye tì bɔn Debrə̀ kə iye? Wə̀d ijìm ne chəyi we fàʼà anug ne təmi kòʼ kayi ŋwan Ŋwiye. Wə̀d ne chəyi wì bə kɔ̀ŋ ìwi ifi kayi bə̀ ŋwan Ŋwiye.

1 Jɔn 3:2

Ìmbum mə̀sə̀ʼ ne mə̀ taŋ kɔ̀ŋ, amad anìŋ, mba ya bɔn Ŋwiye. Chəyi tì kiri kyeri icheg ne tì biri ghum yaʼ. Si ya gha, tè kyèri gha anyumə̀ ne Yeso yèʼe tì biri yaʼ icheg məd imbə̀ʼ icheg ne tè bàd aməd icheg ne wì yaʼi.

1 Jɔn 4:13

Tì ya kyère gha, tì we ane ifɔti tì məd, məd we bə̀ ane ifɔti tì ina icheg ne məd fə nàʼi àzi Azwighi ina.

1 Jɔn 5:10

Wə̀d ne bḛ Ŋwan Ŋwiye fə bə̀ bḛ anug ze ne Ŋwiye gha. Wə̀d ne chəyi wì bḛ anug ne Ŋwiye gha imbə̀ʼ ìwi Ŋwan, tengàŋ we ghà gha Ŋwiye ya wə̀d inug ako. À ya ane imbə̀ʼ icheg ne chəyi məd bḛ anug ze ne Ŋwiye gha imbə̀ʼ ìwi Ŋwan.

Ɨnû 21:7

Wə̀d ne bà̰ inug tibɔ̀ŋ biri jəg ighi mbo̰ ijìm. Mə biri yaʼ Ŋwiye məd, məd bə̀ yaʼ ìmə ŋwan.