Rm 8:15 - Ikan feg

¹⁵ Azwighi ze ne Ŋwiye fə nàʼi inən ya kayi ni ghì gha mbə̀ yaʼ ìbòʼì bə̀ ya bɔ. Azwighi ze ya ni ghì gha mbə̀ yaʼ bɔn Ŋwiye. À ya Azwighi ze ze bə̀ nàʼà ika ina tì kara Ŋwiye gha, “Ìwa Mbaʼ, Ìwa Mbaʼ.”

Meta’

¹⁵ Chəi Əzwî ze nɨ Ŋwìə̀ fə naʼ ɨ nən ə ghɨ̀ ni mbə ben ɨ̀bòʼò, əne wɨrɨ kɔ bɔ, àyɨə mbə fə berɨ Əzwî ze nɨ ghɨ əwən ənɨ ə bɔn Ŋwiə̀. À yɨ Əzwî ə ghɨ ni tɨ̀ kyeŋ ni, “Mbǎʼ! mɨ Mbǎʼ!”

Rm 8:15 Marejeleo ya Msalaba

Matìyò 25:25

Mo yaya bɔ gha mə biri nimni ìwe ikab. Ane, mə̀ ya niŋ ikab we ghò nə̀m inga ìseg. Nḛ àze àbàn ikab gol ze azo̰.›

Mk 14:36

Wì ya gha, “Aba, ìmə Mbaʼ! Chəyi anug mɔ̀ʼɔ ne tì ze ka chè awe. Chiye ngəʼ ìzo̰ igun inum. Si ya gha, imbə̀ʼ àghò ghiyə awe anug ne mə̀ kəbi, ghiyə yaʼ anug ne àghò kə̀bi.”

Lk 11:2

Yeso ya ghà inɔb gha, “Anyumə̀ ne mbə̰ mbe chàʼrà Ŋwiye, mbə̀ gha gha, ‹Ìwa Mbaʼ, ghìyə gha bəd ghumni ìwe ikum. Àze anug ìfɔ̀n ze yeʼe.

Lk 22:42

“Ìmə Mbaʼ, àghò mə kɔ̀ŋ, chì ngəʼ ìzo̰ igun inum. Faʼa anug ze ne àghò kə̀bi, kayi àze ne mə̀ kə̀bi.”

Lk 8:28

Anyumə̀ ne wì ya bàra Yeso, wì ya gùg ibo imbìghè, dèg, si kyen ane gì ka ka gha, “Yeso Ŋwan Ŋwiyekɔʼ, àkə aghə ne àghò ya kə̀bə̀ ni ghì tì inum? Mə boʼ ibo ine, imbə̀ʼ àghò chə awe awum?”

Lk 8:37

Ibɔ ka ka ya gwì bəd mbe aba aben ze, mbi si ghà abə Yeso gha, “Dùyə awe inga àza aben.” Icheg ne mbi ya gha ane, Yeso ya nyi inga abaŋ igyi ghò yi.

Jn 16:8

Anyumə̀ ne wì yèʼe, wì biri ghì bəd ne yaʼi igun isəg kyeri gha inug mbe ne mbɔb mbe ghìyə̀ ya inug tibɔ̀ŋ, bə̀ kyèri gha ikuchèg Ŋwiye təm kòʼ, bə̀ kyèri gha Ŋwiye biri saʼ bəd ane icheg ne koʼi.

Jn 20:17

Yeso ya ghà ibo gha, “Imbə̀ʼ àghò bete awe awum imbə̀ʼ icheg ne chəyi mə̀ kiri bəndi ghò abə ìmə Mbaʼ. Ane, ndò ghò ghà abə ìmbum məfi gha, ‹Mə we bə̀ndə̀ ghò abə ìmə Mbaʼ ne ya bə̀ ìwən Mbaʼ. Məd ya ìmə Ŋwiye, bə̀ yaʼ ìwən Ŋwiye.›”

Ɨ̀fàʼì 16:29

Ibɔ ya gwì wə̀d we ne yaya kyèʼrè nəb ndəŋ ze, wì se bìnde. Ane, wì ya ghà gha mbe yeʼe tì anam. Wì ya niŋ anam ze, nòrò ghò nyi inga nəb ndəŋ ze gɔ̀m itog inwḭ aseg imbìghè abə Pɔl tì Sayilàs.

Ɨ̀fàʼì 2:37

Anyumə̀ ne bəd mbe ya zughi anug ze, ze ya nàʼ ngəʼ inɔb inga fìŋ, mbi si bìri abə Pità fɔrɔ abə mbin tì bədtɔm gha, “Ìmba məfi, ze kə anìŋ tì ghənə?”

Rm 8:16

Azwighi Ŋwiye ze fɔ̀tɔ tì àza tì azwighi ni bḛ gha mba ya bɔn Ŋwiye.

Rm 8:23

Ane, kayi məyi ighi mbe ne Ŋwiye ya tangi mbe chwèmè. Mba ina ne beri Azwighi Ŋwiye ne Ŋwiye nàʼi ina icheg ineʼi mbègtog, tì we bə̀ chwèmè. Tì ya chwèmè ane ghɔ̀mɔ̀ gha Ŋwiye ghiyə tì yaʼ bɔn məd bə̀ zèri awa chì inga ngəʼ ijìm.

Rm 8:26

À ya bə̀ ane ne Azwighi Ŋwiye ze wètè awa icheg ne tì bɔri. À ya ane imbə̀ʼ icheg ne chəyi tì kyeri icheg ne tì koʼi ni chàʼra Ŋwiye angu. À ya Azwighi Ŋwiye ze chàʼrà Ŋwiye atog ina. Ze ya chwèmè ghà inug ne chəyi tì tì gha.

Rm 9:4

Mbɔb ya mə̀Izre. À ya mbɔb ne Ŋwiye ya be niŋ ane ìmbi bəd. À ya inɔb ne Ŋwiye ya be chwi ìwe ìzḛzḛ. À ya mbɔb ya wàd ikan tì Ŋwiye. À ya inɔb ne Ŋwiye ya nàʼi ìmbi mə̀nɔ̀ʼɔ̀. À ya mbɔb ne Ŋwiye ya ghì mbɔb se ghùmnə aməd. À ya mbɔb ne wì ya bə̀ kàʼ inug nɔʼ nɔʼ inɔb.

1 Kɔrèn 2:12

Amad anìŋ, Azwighi ze ne tì beri ze nɔ̀ʼ yaʼ abə Ŋwiye kayi inga isəg. À ya Azwighi ze ze wètè awa gha tè kyeri tineʼi te ne Ŋwiye fə nàʼi ina.

2 Kɔrèn 11:4

Aton ya gha, mbə̰ ya zàmbà niŋ inug ijìm ne bəd mbe yèʼe pè ghà inən. Kə̀ àkə mbi ghà inug imbə̀ʼ Yeso ndəŋ ne kayi ìwe ne tì ya gha inən, ka mbi yèʼe tì Azwighi ndəŋ ne kayi àze ne mbə̀ ya niŋi ina, ka mbi chètì ikən chɔm ndəŋ ne kayi we ne mbə̀ ya zughi ina, mbə̰ ya zàmbà bḛ witì kɔ̀ndi.

Gàlesìyà 2:4

Anug ni ŋwed bəd ya ko imbə̀ʼ icheg ne məfi mɔ̀ʼɔ ne yaʼi bəd inug ako ya nyaʼ nyi abɔ̀ʼ ina. Mbi yaya kə̀bə̀ ni kyeri icheg ne ìwa ifɔti tì Yeso Kristo chi awa ane mə̀nɔ̀ʼɔ̀ Muse. Mbi yaya kə̀bə̀ ni kyeri ane si ywìrì chè ane mə̀nɔ̀ʼɔ̀ mbe ghì tì yaʼ icheg ìbòʼì ne fàʼà aton mə̀nɔ̀ʼɔ̀ Muse.

Gàlesìyà 5:1

Mbə̀ kyeri gha, Yeso Kristo fə chì awa ane anug àbòʼì. Imbə̀ʼ tì si ywìrì chùghə awa icheg məfeg. Ane, mbə̀ təm kà. Imbə̀ʼ mbə̰ bḛ awən gha wə̀d mɔ̀ʼɔ ghiyə mbə̀ ywirì yaʼ ìbòʼì abə mə̀nɔ̀ʼɔ̀ Muse.

Efesùs 1:5

Ŋwiye ya fə chɔʼ awa nɔ̀ŋì gha zìye biri niŋ awa ane ìmbi bɔn anjìm Yeso Kristo. Wì ya ghì ane icheg ne ze bɔŋi ibo bə̀ yaʼ icheg ne wì kɔŋi gha ze yaʼ.

2 Timotì 1:7

Azwighi ze ne Ŋwiye nàʼi ina kayi àze ne ghìyə̀ tì bɔ ni ghàm. À ya Azwighi ne nàʼà ika ina bə̀ ghìyə̀ tì kɔ̀ŋɔ̀ bəd bə̀ kyère icheg ni nyimbi nyɔd.

Mə̀Hibrù 2:15

Ane, wì biri pumni bəd mbe ne yaya chùghə icheg məfeg anjìm icheg ne mbi yaya bɔ iwu.

Jems 2:19

Àghò bḛ gha Ŋwiye məyi imɔʼ. Ze bɔ̀ŋ! Ka à ya bè izwighi tibɔ̀ŋ, mbɔb bə̀ bḛ ane. Si ya gha, mbɔb ya bḛ nè bìnde.

1 Jɔn 4:18

Chəyi wə̀d ne kɔ̀ŋɔ̀ bəd we bɔ. Àkɔ̀ŋì tesiʼ ya kàmna ibɔ chìyè inga wə̀d. Bəd ne bɔ ya bɔ imbəʼ icheg ne Ŋwiye biri chə awɔb. Wə̀d ne chəyi wì ya taŋ kɔ̀ŋɔ̀ bəd ya bɔ.