Rm 8:11 - Ikan feg

¹¹ Àmə yaʼ aghi ne Azwighi Ŋwiye ze ne ya zweme Yeso iwu ze yaʼi inga inən, nji məd we ne ya zwemne Kristo iwu, wì biri bə nàʼ ìtḛ̀ abə ìtən nyàmnyɔd te ne tì ti ku. Ŋwiye biri ghì ane anjìm Azwighi məd ze ne yaʼi inga inən.

Meta’

¹¹ À mɨ yeʼ nɨ Əzwî ə wə̀d we nɨ nyaʼa zwemnɨ ə Yeso ə yeʼ ɨŋga nən, njɨ məd we nɨ nyaʼa zwemnɨ ə Kristo bɨrɨ bɨ naʼ ɨ̀tènɨ̀ əmbɨ tə nyamnyod te nɨə kwɨə. Wɨ̀ bɨrɨ ghɨ əne ənjìm Əzwî əməd ze nɨ yeʼ ɨŋga nən.

Rm 8:11 Marejeleo ya Msalaba

Jn 14:17

Məd ya Azwighi Ŋwiye, wì biri ghì gha, bəd kyeri tesiʼ imbə̀ʼ Ŋwiye. Chəyi tì bəd igun isəg gho̰ niŋ aməd imbə̀ʼ icheg ne chəyi mbi kweʼì bàd aməd, kə̀ kyère aməd. Àsi awən, mbə biri kyeri aməd imbə̀ʼ icheg ne məd we abɔ̀ʼ inən. Məd we bə̀ inga inən.

Jn 5:21

Icheg ne Mbaʼ we zwèmne bəd nàʼà ìtḛ̀ inɔb, à ya icheg ne Ŋwan we bə̀ nàʼà ìtḛ̀ abə bəd mbe ne məd kɔ̀ŋi.

Ɨ̀fàʼì 2:24

Si ya gha, Ŋwiye ya zwemni aməd ane iwu, chì aməd ane ika we ne iwu beri imbə̀ʼ icheg ne chəyi iwu ya beri ika ni nyimi aməd.

Rm 16:10

Mbə̀ chaʼra Apelès. Məd fə chwi gha zìye ya kwàʼ wə̀d Kristo. Mbə̀ chaʼra bəd mbe ne yaʼi inga nəb Àristobulùs.

Rm 16:3

Mbə̀ chàʼri Priskà tì Àkwilà. Mbɔb ya fɔrɔ fàʼà tì inum abə Yeso Kristo.

Rm 16:7

Mbə̀ chaʼra Àndrònikùs tì Junìyàs. Mbɔb ya mə̀Ju ne tì ya yaʼi inɔn tì inɔb inga nəb ndəŋ . Bədtɔm Kristo ya niŋ awɔb ane ijiʼi bəd. Mbɔb ya bḛ Kristo bɔŋ mo se bḛ.

Rm 16:9

Mbə̀ chaʼra Òbanùs. Məd ya wə̀d àfàʼì Kristo abɔ̀ʼ ina. Mbə̀ chaʼra Stakìs. Məd ya ìmə ìsə̀ʼ ne mə̀ taŋ kɔ̀ŋ.

Rm 6:12

Ane, icheg bəd-aku, imbə̀ʼ mbə̰ saŋa awən gha inug tibɔ̀ŋ bere ika igun inən se ghìyə̀ gha mbə̀ ya kɔ̀ŋɔ̀ inug tibɔ̀ŋ.

Rm 8:1

Amad anìŋ, chəyi wə̀d mɔ̀ʼɔ ne tì wì sɔb isaʼi zì ngəʼ igun bəd mbe ne yaʼi ane ifɔti tì Yeso Kristo.

Rm 8:12

Ane, ìmbum məfi fɔrɔ ìtum njàbi, tè bèrì anug ne tì mənyìʼ fàʼ. Anug ze ya kayi ni ghì inug mbe ne ìta nyàmnyɔd te ghə̀ʼrə̀.

Rm 8:2

À ya ane imbə̀ʼ icheg ne Azwighi Ŋwiye ze ne ghi gha tì jəg ìtḛ̀ icheg ne tì yaʼi ane ifɔti tì Yeso Kristo, ze fə pumni amə chì ane mə̀nɔ̀ʼɔ̀ mbe ne ghìyə̀ gha wə̀d ya ghìyə̀ inug tibɔ̀ŋ mbe ne zwète bəd.

Rm 8:9

Àsi mbə̰, Azwighi Ŋwiye mə yaʼ inga inən, chəyi mbə̀ koʼi ni ya ghìyə̀ inug tibɔ̀ŋ mbe ne ìtən nyàmnyɔd te ghə̀ʼrə̀. Mbə̰ kòʼ ni ya ghìyə̀ yaʼ inug mbe ne Azwighi Ŋwiye ze kə̀bə̀. Wə̀d ne chəyi Azwighi Kristo yaʼi inga məd, tengàŋ kayi wə̀d Kristo.

1 Kɔrèn 15:16

Àmə yaʼ ni gha chəyi bəd ku biri zwemne, nji chəyi Ŋwiye ya zwemne Kristo.

1 Kɔrèn 6:14

Ŋwiye we ne ya zwemni Anɔŋisəg biri bə zwemni awa ane ìwi ika.

2 Kɔrèn 4:11

Mba mbo̰ ne yaʼi izɔm ya bəd ne yaʼi ichug iwu mà ineg ijìm imbə̀ʼ Yeso ni ghì gha bəd ya bàrà ìtḛ̀ ìwi Yeso inga ìta nyàmnyɔd ìto̰ ne tì ti ku.

2 Kɔrèn 4:14

Tè kyèri gha icheg ne tì yaʼi ane anug amɔʼ tì Anɔŋisəg Yeso, Ŋwiye biri bə zwemni awa iwu icheg ne wì ya zwemni aməd. Wì biri ghì ane, si niŋ awa tì ìnen tì fɔrɔ təm ibo imbìghè.

2 Kɔrèn 5:4

Icheg ne tì beri nyàmnyɔd ìto̰ igun isəg, tì we chwèmè tì mbèʼ ni nìri. Kayi gha tì kə̀b ni chìkì ìta nyàmnyɔd ìto̰ igun isəg. À ya gha tì kə̀b ni bèrì nyàmnyɔd feg. Ìta nyàmnyɔd feg te biri niŋ ati abə ìto̰ ne tì ti ku.

Gàlesìyà 6:8

Wə̀d mə nyɔ̀ʼ aghi ze ne nyàmnyɔd məd ze ghə̀ʼrə̀, aghi ne nyàmnyɔd ze biri nàʼ ibo ya iwu. Wə̀d mə nyɔ̀ʼ yaʼ aghi ze ne Azwighi Ŋwiye ze kə̀bə̀, aghi ne Azwighi Ŋwiye biri nàʼ ibo ya ìtḛ̀ ighə̀m imɔʼ.

Efesùs 2:5

ka ìmba inug tibɔ̀ŋ ya ghì tì si yaʼ icheg bəd ku, tè ywìrì yaʼ izɔm icheg ne tì yaʼi ane ifɔti tì Kristo. À ya anjìm ìchɔ̀mì Ŋwiye ne mbə̀ fə pumi.

Fìlipì 3:21

Anyumə̀ ne wì biri yeʼe, wì biri niŋ ìta nyàmnyɔd ìto̰ ne tì tì ku bə̀ŋì ti si yaʼ icheg nyàmnyɔd ze ne məd ya beri anyumə̀ ne Ŋwiye ya zwemni aməd ane iwu. Wì biri ghì ane anjìm ika we ne wì beri ni tùmbì ighi ijìm.

Mə̀Hibrù 13:20

Ŋwiye ne zìyè àbɔrɔ̀bɔd igun bəd ya ghì Yeso ìwa Anɔŋisəg zwème ane iwu. Yeso we ya Àjənjə̀g kyen ne ya niŋi àze anəm wàd ikan ne chəyi wì biri nɔʼ mèg.

1 Pità 1:21

Mbə̰ fə chè anjìm məd bḛ Ŋwiye we ne ya zwemni aməd bə̀ nàʼ ighumni ibo. Ane, mbə̰ nɔ̀ŋì ibḛfiŋ bə̀ nɔ̀ŋì ikɔndi nì ghɔ̀m məyi igun Ŋwiye.

1 Pità 3:18

Yeso ya fə zə̰ ngəʼ ane ighə̀m imɔʼ imbə̀ʼ inug tìbɔŋ bəd. Məd ya wə̀d ne təmi kòʼ, si ya gha, wì ya zə̰ ngəʼ atog abə bəd inug tibɔ̀ŋ məjìm. Wì ya ghì ane ni niŋ awən ghò imbìghè abə Ŋwiye. Mbi ya zweti aməd, Azwighi Ŋwiye ghì wì ywirì zwème ane iwu.

Ɨnû 1:18

Mo ya wə̀d we ne yaʼi izɔm. Mə ya ku, si ya gha, nḛ, mə we izɔm kwàʼ ane ighə̀m imɔʼ. Mə bèrì ika igun iwu bə̀ fɔrɔ igun aben iwu bəd.

Ɨnû 11:11

Anyumə̀ ne ineg mbe itad tì aba ya che, Ŋwiye ya chà Azwighi ne nàʼ ìtḛ̀, ze yeʼe nyi inga iwu bədkə̀n mbe, mbi gàd nɔ̀ʼ təm titighe. Bəd ne ya bàri bədkə̀n mbo̰ ya bɔ se bìnde.