Rm 7:15 - Ikan feg

¹⁵ Chəyi mə̀ kyeri aghi ne mə ghìyə̀ imbə̀ʼ icheg ne mə we ghìyə̀ inug ne chəyi mə̀ kɔŋi ni ghì. Àsi inug mbe ne mə̀ kɔŋi ni ghì, chəyi mə ghìyə̀.

Meta’

¹⁵ Chəi mɨ ətu ə kɨrɨ zeŋ ɨmbə̀ʼ ɨnû mbe nɨ mɨə ghɨ̀ə̀, ɨmbə̀ʼ ɨghəm nɨ chəi mɨə ghɨ̀ ɨnû mbe nɨ mə kə̀bɨ. Mə wɨə ghɨ̀ yeʼ mbe nɨ mə̀ banɨ.

Rm 7:15 Marejeleo ya Msalaba

Lk 11:48

Aŋa ya ni chwi gha, mbə̰ bḛ àzən aghi gha, ìmbən mə̀mbaʼ aneg ya fàʼ anug chɔm, bə̀ chwi gha, mbə̰ kɔ̀ŋ anug ze ne ìmbən mə̀mbaʼ aneg ya ghi. Mbɔb ya zweti bədkə̀n Ŋwiye, mbə̰ si bɔm ìmbɔb itog isèg.

Jn 15:15

Chəyi mə̀ ywìrè kàrà awən ane bəd àfàʼì imbə̀ʼ icheg ne, chəyi bəd àfàʼì kyeri inug ìmbi ìwɔb mbaʼ àfàʼì. Mə ya se kàrà awən yaʼ ane ìmbum mə̀sə̀ʼ imbə̀ʼ icheg ne, inug mbe ne ìmə Mbaʼ gha inum, mə fə ghì mbə̰ kyeri kwàʼ ijìm.

Rm 12:9

Wə̀d ya kɔ̀ŋɔ̀ bəd ane ìzi fìŋ ijìm. Wə̀d ijìm ba̰ inug tibɔ̀ŋ. Wə̀d ijìm taŋ nyìmi inug ne yaʼi inug chɔm.

Rm 14:22

Ikɔndi we ne àghò beri imbə̀ʼ ighi mbo̰ ijìm, we buʼə ine tì Ŋwiye. Ŋwiye ziye àbɔrɔ̀bɔd igun wə̀d ne fàʼà inug ne fìŋ məd bḛ gha mbe kòʼ.

Rm 7:16

Icheg ne mə ghìyə̀ inug ne chəyi mə̀ kɔŋi ni ghì, àze chwi gha mə bḛ gha mə̀nɔ̀ʼɔ̀ bɔ̀ŋ.

Gàlesìyà 5:17

Aton ya gha, nyàmnyɔd ya kə̀bə̀ yaʼ inug mbe ne chəyi Azwighi Ŋwiye ze kə̀bə̀. Azwighi Ŋwiye ya bə̀ kə̀bə̀ yaʼ inug mbe ne chəyi nyàmnyɔd ze kə̀bə̀. Chəyi tì mbɔb mbo̰ məbe yaʼ ane anug amɔʼ. Ane, chəyi tì mbə̰ ghì inug ne mbə̰ mbe kə̀bə̀.

2 Timotì 2:19

Si ya gha, ati nəb ka ka ze ne Ŋwiye ya fə zi, ze təm kà. Mbe ŋwàʼrì igun gha; “Anɔŋisəg kyèri bəd mbe ne yaʼi ìmbi məd” bə̀ ŋwàʼrì gha, “Wə̀d ijìm ne bḛ gha zìye ya wə̀d Anɔŋisəg Yeso, wì mənyìʼ waʼ inug tibɔ̀ŋ”.

Mə̀Hibrù 1:9

Àghò kɔ̀ŋ inug ne koʼi bə̀ bàn inug tibɔ̀ŋ. Ane, Ŋwiye, ne yaʼi ìwe Ŋwiye fə chɔʼ awe nɔ̀ŋì igun ìmbe məfi icheg ne wì zɔ̀ʼi awe ghì àghò se gyènde.”

Jems 3:2

Mba məjìm mbe fèbè ane mənɔnjì nɔʼ nɔʼ. Wə̀d mɔ̀ʼɔ mə̀ yaʼ angu ne chəyi we kweʼè fèbè ane inug ne we ghà, nji tengàŋ bɔ̀ŋ mànì bə̀ yaʼ wə̀d ne taŋ kyèri icheg ni nyimi ìwi nyɔd.

Jûd 1:23

Mbə̀ chiye bəd mɔ̀ʼɔ abɔ̀ʼ inɔb inga iywid, ghì mbe pum. Mbə̀ ya bèrè àsɔ̀mnəfiŋ igun wə̀d imɔʼ imɔʼ. Si ya gha, mbə̀ ya we awən imbə̀ʼ inug tibɔ̀ŋ mbe ne mbɔb mbe ghìyə̀ nɔ̀ʼ chè zɔʼ awən. Mbə̀ ba̰ ka bèyi ìtɔb ndwi imbə̀ʼ icheg ne ìmbɔb inug tibɔ̀ŋ fə zɔʼ ndwi te.