Rm 6:11 - Ikan feg

¹¹ À ya bə̀ ane ne mbə̀ beri ni kyeri gha, anug mə zì inug tibɔ̀ŋ, tì mənyìʼ niŋ ìwa nyɔd icheg iwu bəd imbə̀ʼ chè anjìm Yeso Kristo si bèrì ìtḛ̀ inga Ŋwiye.

Meta’

¹¹ Mbə̀ bə nɨŋ ni mbə fə kwɨ dè ɨnû rɨbɔ̀ŋ, àyɨə mbə mbɨ ɨkǎ ɨmbə̀ʼ wumnɨ ə Ŋwiə̀ ənjìm ə Kristo Yeso.

Rm 6:11 Marejeleo ya Msalaba

Jn 20:31

Inùg mbo̰ ne yaʼi inga ŋwaʼri azo̰ ya ni ghì gha mbə̀ bḛ gha Yeso ya Wə̀d we ne Ŋwiye zɔ̀ʼi, bə̀ yaʼ Ŋwan Ŋwiye. Mbə̰ mə̀ bḛ, mbə biri jəg ìtḛ̀ ighə̀m imɔʼ.

Rm 16:27

Mbə̀ naʼa ighumni ane ighəm imɔʼ anjìm Yeso Kristo, abə Ŋwiye we imɔʼ ne beri iwe ijìm. À ya ane.

Rm 5:1

Icheg ne Ŋwiye fə ghi tì təm kòʼ anjìm ibḛfiŋ, tì fə se ane àbɔrɔ̀bɔd tì Ŋwiye anjìm ìwa Anɔŋisəg Yeso Kristo.

Rm 6:10

Yeso ya ku ni chìkì ika inug tibɔ̀ŋ ane ighə̀m imɔʼ. Amad anìŋ ne wì yaʼi izɔm, wì ya se ni ghumni Ŋwiye

Rm 6:13

Imbə̀ʼ mbə̰ naʼa awən apan ni gha inug tibɔ̀ŋ niŋ àzən asiŋi nyɔd mɔ̀ʼɔ ka. Ze bɔ̀ŋ yaʼ gha mbə̀ naʼa ìtən nyàmnyɔd tijìm abə Ŋwiye ni ya fàʼà inug chɔm icheg bəd mbe ne Ŋwiye fə zwemni awɔb iwu. Mbə̀ naʼa ìtən nyàmnyɔd abə Ŋwiye icheg ighi àfàʼì mbe ne fàʼà yaʼ inug ne təmi kòʼ.

Rm 6:2

Chəyi ze koʼi ane ka. Anug mə̀ yaʼ inug tibɔ̀ŋ, mba ya icheg iwu bəd. Ane, chəyi tì beri ni chè imbìghè ni ya ghìyə̀ inug tibɔ̀ŋ.

Rm 6:23

Tesiʼ ya gha, chùd inug tibɔ̀ŋ ya iwu. Àsi ineʼi we ne Ŋwiye nàʼi ya ìtḛ̀ ighə̀m imɔʼ anjìm Yeso Kristo, ìwa Anɔŋisəg.

Rm 7:4

Ìmbum məfi fɔrɔ ìtum njàbi, à ya bə̀ ane ne chəyi mə̀nɔ̀ʼɔ̀ ywirì bèrì ika igun inən imbə̀ʼ icheg ne mbə̰ ya fə se ane anug amɔʼ tì Kristo. Amad anìŋ, mbə̰ ya bəd Anɔŋisəg we ne Ŋwiye ya zwemni aməd ane iwu ni ghì gha tì bere apan ni yaʼ bəd ne fàʼà abə Ŋwiye icheg chɔm.

Rm 7:6

Amad anìŋ, icheg ne tì fə se awa ane anug amɔʼ tì Anɔŋisəg, chəyi mə̀nɔ̀ʼɔ̀ ywirì bèrì ika igun ina. Tì bèrì ni si taŋ fàʼ abə Ŋwiye icheg ne Azwighi Ŋwiye ze nàʼà ika ina, kayi ni fàʼ ane ikuchèg anun we ne mə̀nɔ̀ʼɔ̀ Muse chwi.

Rm 8:18

Mbə̀ kyeri gha, ighumni we ne Ŋwiye biri nàʼ ina we chè ngəʼ ìzo̰ ne te chè inga amad anìŋ.

1 Kɔrèn 6:20

Ŋwiye ya zon awən ane àka inun. Ane, mbə̀ se ghùmnə Ŋwiye ane ìtən nyàmnyɔd.

Efesùs 2:7

Wì ya ghì ane ni gha inga nyùmə̀ isəg we ne məd biri yeʼe, məd we tì wì chwi gha chəyi tì mbi mə̀grì ìchɔ̀mì kyen məd we ne wì ghi ina anjìm Yeso Kristo.

Fìlipì 1:11

Mə we bə̀ chàʼrà Ŋwiye inən gha Yeso Kristo ghiyə mbə̀ beri ikuchèg we ne təmi kòʼ ni ghì gha bəd taŋ ghùmnə Ŋwiye.

Fìlipì 4:7

Mbə̰ mə̀ ghì ane, nji Ŋwiye biri zì àbɔrɔ̀bɔd inən inga fìŋ ne biri ghì gha imbə̀ʼ ìtən fìŋ si bɔd yi. Àbɔrɔ̀bɔd ze biri bə ghì gha imbə̀ʼ ìtən tikɔndi si naʼa yi ngəʼ inən icheg ne mbə̀ yaʼi ane ifɔti tì Yeso Kristo. Chəyi tì wə̀d-aku taŋ kyèri iku àbɔrɔ̀bɔd azo̰ ne Ŋwiye we nàʼà.

Kòlosè 2:20

Mbə̰ ya fə ku tì Kristo. Wì ya fə chì awən ane ika izwighi mbe ne sàʼa isəg gho̰. Aton ne mbə̰ mbe ywìrè chùghə icheg bəd inga isəg àkə gha? Aton ne mbə̰ mbe ywìrè zùgrə mə̀nɔ̀ʼɔ̀ àkə gha: Mə̀nɔ̀ʼɔ̀ ya ghà gha,

Kòlosè 3:17

Inga ìmbən inug ijìm, kə̀ mbə̰ kə ghàmà kə̀ fàʼà, mbə̀ ya ghìyə̀ inug ijìm məyi ane ikum Anɔŋisəg Yeso. Mbə̀ ya ghìyə̀ ane chè anjìm Anɔŋisəg Yeso nàʼà məyakà abə Ŋwiye ne yaʼi Mbaʼ ne ghi mbə yaʼ ane ifɔti tì məd.

1 Pità 2:24

Kristo zìye ya bèʼì ìmba inug tibɔ̀ŋ igun ìwi nyɔd anyumə̀ ne wì ya yaʼi igun azed abaʼri. Wì ya niŋ ìmba inug tibɔ̀ŋ ni ghì gha, imbə̀ʼ tì ywiri ghiyə awa inug tibɔ̀ŋ. Tì se ghìyə̀ yaʼ inug ne təmi kòʼ. Ina̰ mbe ne məd ya bèʼi fə ghì ìmbən ighɔn mèg.

1 Pità 2:5

Mbə̰ ya kwàʼ icheg ateg ne yaʼi izɔm ne Azwighi Ŋwiye niŋ awən bɔm Mbàn Ŋwiye. Àze ghì mbə̰ si yaʼ bəd mbàn Ŋwiye ìzḛzḛ ne se chè anjìm Yeso Kristo nàʼà ighi àfàtì abə Ŋwiye icheg ne Azwighi Ŋwiye ze chwìye inɔnjì inən.

1 Pità 4:11

Wə̀d mɔ̀ʼɔ mə̀ ya ghàmà Ìngam Ŋwiye, wì ya ghà məyi anug ze ne Ŋwiye gha ibo. Wə̀d imɔʼ imɔʼ ya fàʼà abə mə̀mbin icheg ne Ŋwiye we nàʼà ika ibo. Tì mə ghì ane, bəd biri ya ghùmnə Ŋwiye ane inug ijìm anjìm Yeso Kristo. Ighumni ijìm fɔrɔ ka ijìm yaʼ abə Ŋwiye kwàʼ ane ighə̀m imɔʼ. À ya ane.