Rm 5:15 - Ikan feg

¹⁵ Si ya gha, chəyi bəd mbo̰ məbe yaʼi andəŋ andəŋ imbə̀ʼ icheg ne chəyi ineʼi Ŋwiye yaʼi icheg inug tibɔ̀ŋ ìmbi Adàm. À ya tesiʼ gha bəd nɔʼ nɔʼ ya ku anjìm anug tibɔ̀ŋ wə̀d we imɔʼ. Si ya gha, ìchɔ̀mì Ŋwiye faŋ. Ineʼi məd we ne wì nàʼi abə wə̀d ijìm anjìm ìchɔ̀mì wə̀d imɔʼ ne ya Yeso Kristo, we faŋ chè àfàʼì inug tibɔ̀ŋ.

Meta’

¹⁵ Àyɨə ka ɨneʼe we nɨ Ŋwìə̀ ə nàʼə̀ yɨ i əndəŋ əndəŋ mbɨ ɨchî nɨ Abràham nyaʼa ɨgu-ənû. À mɨ yeʼ nɨ bə̂d mɨ̀nɔnɔʼ nyaʼa kwɨ ənjìm ɨgu-ənû wə̀d mɔʼ, əne yɨə Adàm, njɨ à yɨə kaŋ rəsìʼ ni ɨ̀chɔ̀m Ŋwiə̀ mbɨ ɨneʼe we nɨ Ŋwìə̀ ə nàʼə̀ bɨrɨ kaŋ nɔʼ əku əmbɨ ə bə̂d mɨ̀nɔnɔʼ ənjìm ɨ̀chɔ̀m wə̀d mɔʼ, əne yɨə Yeso Kristo.

Rm 5:15 Marejeleo ya Msalaba

Matìyò 20:28

Chəyi Ŋwan Wə̀d ya yeʼe gha bəd faʼa ibo. Wì ya yeʼe ni fàʼ abə bəd. Wì ya bə̀ yèʼe ni ku si nàʼ ìwi ìtḛ̀ ni zeri bəd nɔʼ nɔʼ.”

Matìyò 26:28

Aŋa ya àmə anəm ne Ŋwiye fə niŋi ni wàd ikan feg tì inən angu. Anəm azo̰ ya àze ne biri chəmbi imbə̀ʼ ìtḛ̀ bəd nɔʼ nɔʼ ni ghì gha Ŋwiye waʼ ìmbɔb inug tibɔ̀ŋ.

Jn 3:16

Ŋwiye ya taŋ kɔ̀ŋ bəd məjìm igun isəg, ane chà ìwi Ŋwan we ne ya məyi imɔʼ gha wə̀d ijìm ne nɔŋi ìwi ibḛfiŋ igun məd, chəyi wì biri ku nim. Wì biri jəg ìtḛ̀ ighə̀m imɔʼ.

Jn 4:10

Yeso ya ywìtì ibo gha, “Àkə aghi ne àghò kyèri ineʼi we ne Ŋwiye we nàʼà bə̀ kyèri wə̀d we ne bìre mənib ine, nji à ya àghò bìri ibo, wì si nàʼ mənib ne nàʼà ìtḛ̀ ine.”

Ɨ̀fàʼì 15:11

Tesiʼ ya gha, tè bḛ gha mba fə dù inga ngəʼ anjìm ìchɔ̀mì we ne Anɔŋisəg Yeso ghi ina. Tè bə̀ bḛ gha à ya anjìm ìchɔ̀mì we ne mbɔb bə dù inga ngəʼ.”

Rm 5:12

Icheg ne inug tibɔ̀ŋ ya nyi inga isəg anjìm wə̀d imɔʼ, iwu ya bə̀ nyi anjìm inug tibɔ̀ŋ. Ane, iwu ya nyi igun wə̀d ijìm imbə̀ʼ icheg ne anjìm wə̀d imɔʼ, wə̀d ijìm ya gùg anug.

Rm 6:23

Tesiʼ ya gha, chùd inug tibɔ̀ŋ ya iwu. Àsi ineʼi we ne Ŋwiye nàʼi ya ìtḛ̀ ighə̀m imɔʼ anjìm Yeso Kristo, ìwa Anɔŋisəg.

2 Kɔrèn 5:14

Aghi ze ne tḭ̀yḛ awa chà imbìghè ya igyendi imbə̀ʼ icheg ne Kristo kɔ̀ŋi awa. Tè kyèri ane imbə̀ʼ icheg ne wə̀d imɔʼ ya ku igun atog abə bəd məjìm. Ane, bəd məjìm fə bə̀ ku.

2 Kɔrèn 9:15

Tè naʼa məyakà abə Ŋwiye imbə̀ʼ ineʼi àka inun we ne wì nàʼi ina.

Efesùs 2:8

Icheg ne mbə̀ nɔŋi ibḛfiŋ igun Kristo, Ŋwiye fə ghì ìchɔ̀mì inən, pumni awən. Kayi mbə̰ ghi anug azo̰. À ya ineʼi ne nɔʼi abə Ŋwiye.

Mə̀Hibrù 2:9

Tì we bàrà Yeso ne Ŋwiye ghì wì beri ìzḛzḛ fɔrɔ ighumni. Si ya gha, Ŋwiye ya ghì wì beri ati ne to kə chè àzi mbè angirə̀ ane iki nyumə̀ ni gha anjìm àsɔ̀mnəfiŋ Ŋwiye wì zə̰ ngəʼ ane iki nyumə̀ bə̀ ku atog abə bəd məjìm.

1 Jɔn 2:2

Məd ya aghi àfàtì ze ne Ŋwiye che anjìm məd waʼ ìmba inug tibɔ̀ŋ. Chəyi Ŋwiye waʼi məyi ìmba inug tibɔ̀ŋ. Wì bə̀ waʼ inug tibɔ̀ŋ abə wə̀d ijìm igun isəg.

1 Jɔn 5:11

Anug ze ne wì gha imbə̀ʼ ìwi Ŋwan ya gha: Ŋwiye fə ghì gha tì jəg ìtḛ̀ ighə̀m imɔʼ we ne Ŋwan məd we nàʼà ina.