Rm 4:18 - Ikan feg

¹⁸ Abràham ya nɔ̀ŋì ibḛfiŋ igun Ŋwiye bə̀ nɔ̀ŋì ikɔndi chɔm ni ghɔ̀m anug ze ne Ŋwiye ya kàʼi. Ka chəyi wì ya jiʼì bèrì aton mɔ̀ʼɔ ni nɔ̀ŋì ikɔndi ni ghɔ̀m, wì ya bə̀ kiri nɔŋi ibḛfiŋ igun Ŋwiye bə̀ nɔ̀ŋì ikɔndi se ghɔ̀mɔ̀ anug ze ne Ŋwiye ya kàʼi ibo. Abràham ya ghì ane, Ŋwiye ghi məd si yaʼ mbaʼ abə iben nɔʼ nɔʼ icheg ne Àŋwàʼrì Ŋwiye gha imbə̀ʼ aməd gha, “Bɔn ane àze aghaŋ inəbi biri nɔʼ icheg titəm iməg.”

Meta’

¹⁸ Abràham nyaʼa ben əne nùŋ ɨkɔndɨ wòm, ka à be yeʼi ni chəi wɨ̀ nyaʼa berɨ əton nɨ nuŋ ɨkɔndɨ ni tə bɨrɨ yeʼ ə “Mbǎʼ ɨgwɨ ɨbeŋ nɔnɔʼ.” Ŋwìə̀ nyaʼa kaʼ əməd ni, “Bɔn tɨ ənɨ e əghaŋ bɨrɨ kaŋ nɔʼ.”

Rm 4:18 Marejeleo ya Msalaba

Lk 1:18

Zàkàriyà ya biri abə angirə̀ we gha, “Mə kə ghi kyeri iye gha anug azo̰ ne àghò gha ya anug tesiʼ? Mə fə nùn. Ìmə iweg fə bə̀ nùn.”

Ɨ̀fàʼì 27:25

Məmbe, mbə̀ nyimbi fìŋ. Mə nɔ̀ŋì ìmə fìŋ igun Ŋwiye gha inug mbe biri dù kwàʼ icheg ne wì gha inum.

Rm 4:17

A ze inga Àŋwàʼrì Ŋwiye gha; “Mə fə ghì gha àghò si yaʼ mbaʼ abə iben nɔʼ nɔʼ.” À ya Ŋwiye we ne Abràham ya nɔŋi ibḛfiŋ igun ne beri ika ni zwèmni iwu bəd nàʼ ìtḛ̀ inɔb. À ya məd bə bèrì ika ni ghì gha ighi ne chəyi angu mbe yaʼ.

Rm 4:19

Inga nyùmə̀ we, Abràham yaya se pè ane tituʼ iki, si ya gha, chəyi icheg ne wì ya fə taŋ nùn fɔrɔ icheg ne Sèra ya yaʼi kɔ̀m àyi ya ghi gha ibḛfiŋ məd bɔd.

Rm 5:5

Ikɔndi chɔm we ne tì nɔŋi ni ghɔ̀m, chəyi wi biri ghì gha tì bere tìnìrètog imbə̀ʼ icheg ne Ŋwiye fə zì àzi àkɔ̀ŋì inga ìta fìŋ anjìm Azwighi məd ze ne wì nàʼi ina.

Rm 8:24

Icheg ne tì nɔŋi ikɔndi icheg gho̰ ni ghɔ̀m, Ŋwiye fə chì awa inga ngəʼ. Tesiʼ ya gha, ighi ne wə̀d fə beri, chəyi we ywìrè nɔ̀ŋɔ̀ ikɔndi ghɔ̀mɔ̀ ni bèrì mbiwən. Wə̀d abɔ̀ʼ inən ne tì wì nɔŋì ikɔndi ni ghɔ̀m aghi ne wì fə beri àkə we?

Mə̀Hibrù 6:19

Ikɔndi we ne tì nɔŋi ni ghɔ̀m anug ze ne Ŋwiye kàʼi ya aghi ne ìwa ìtḛ̀ wi təmə̀ kà igun ne chəyi tì aghi mɔ̀ʼɔ ghì. Ze biri ghì gha tè che ndwi ze ne ghàpi asiŋi ighumni inga mbàn Ŋwiye, nyi inga asiŋi ne zḛ mànì.