Rm 4:15 - Ikan feg

¹⁵ À ya ane imbə̀ʼ icheg ne mə̀nɔ̀ʼɔ̀ yaya nɔ̀rɔ̀ agaŋ Ŋwiye. Chəyi wə̀d we gùghə̀ mə̀nɔ̀ʼɔ̀ asiŋi ne chəyi mə̀nɔ̀ʼɔ̀ yaʼi angu.

Meta’

¹⁵ ɨmbə̀ʼ ɨghəm nɨ tɨkə tɨə ghɨ̀ ni Ŋwìə̀ sə ɨtəm. Mbə̀ kyerɨ ə ni əsɨ ze nɨ chəi rɨkə əŋgu, chə bə̀ i ɨgu-ənû əŋgu.

Rm 4:15 Marejeleo ya Msalaba

Jn 15:22

Àkə ni gha, chəyi mə̀ ya yèʼe ghàm inɔb, nji chəyi mbi biri nyimi awɔb imbə̀ʼ ìmbɔb inug tibɔ̀ŋ. Icheg ne mə fə yèʼe ghàm inɔb, chəyi mbi biri ywiri bèrì aton mɔ̀ʼɔ ni nàʼ imbə̀ʼ ìmbɔb inug tibɔ̀ŋ.

Jn 3:36

Wə̀d ijìm ne nɔŋi ìwi ibḛfiŋ igun Ŋwan Ŋwiye, wì fə jəg ìtḛ̀ ighə̀m imɔʼ. Àsi wə̀d ne chəyi wì bḛ Ŋwan Ŋwiye, chəyi wì biri jəg ìtḛ̀ ighə̀m imɔʼ. Ane, agaŋ Ŋwiye ze igun tengàŋ.”

Rm 1:17

À ya ikən chɔm gho̰ we tòʼrò icheg ne Ŋwiye ghi bəd təm kòʼ ibo imbìghè. Ikən chɔm ya chwìye gha bəd mbe ne təmi kòʼ ya ko ane ibḛfiŋ bə̀ nwḭ̀yḛ̀ ane ibḛfiŋ. À ya kwàʼ icheg Ìngam Ŋwiye we ne gha, “Wə̀d ne ibḛfiŋ məd igun Ŋwiye ghi wì təm kòʼ, tengàŋ biri jəg ìtḛ̀”.

Rm 5:13

Inug tibɔ̀ŋ ya fə se yi inga isəg bɔŋ Ŋwiye ya se nàʼà mə̀nɔ̀ʼɔ̀ abə Muse. Si ya gha, chəyi mbe nyìme wə̀d gha wè gùg anug asiŋi ne chəyi mə̀nɔ̀ʼɔ̀ angu.

1 Kɔrèn 15:56

Ifin iwu ya inug tibɔ̀ŋ. Ika ni ghì inug tibɔ̀ŋ ya nɔ̀ʼɔ̀ ane mə̀nɔ̀ʼɔ̀.

Gàlesìyà 3:10

Tesiʼ ya gha, bəd mbe ne nɔŋi ìtɔb fìŋ ni təm kòʼ imbìghè abə Ŋwiye məyi anjìm mə̀nɔ̀ʼɔ̀, ndɔ̀n ze igun inɔb. À ya ane imbə̀ʼ icheg ne, mbi ya fə bì ŋwàʼrì inga Àŋwàʼrì Ŋwiye gha, “Wə̀d ne chəyi wì nɔŋi inug ijìm mbe ne yaʼi inga mə̀nɔ̀ʼɔ̀ Muse, Ŋwiye biri zì ndɔ̀n igun məd.”

Gàlesìyà 3:19

Icheg ne ze yaʼi ane, àfàʼì mə̀nɔ̀ʼɔ̀ kə ywìrè aghə? Ŋwiye ya yètì mə̀nɔ̀ʼɔ̀ imbə̀ʼ inug tibɔ̀ŋ ne bəd yaya ghìyə̀. Mə̀nɔ̀ʼɔ̀ biri yaʼ ane anene ghò pè ane aneg ne ŋwan we inga aghaŋ inəbi ze Abràham ne Ŋwiye ya kàʼi ibo biri yeʼe. Ŋwiye ya chà mbè angirə̀ gha mbe yeʼe zì mə̀nɔ̀ʼɔ̀ ikye abo abə wə̀d we ne tə̀mə inga ìsàn abə bəd tì Ŋwiye, se dèghè inug bəd abə Ŋwiye.

Efesùs 5:6

Imbə̀ʼ mbə̰ bḛ awən gha wə̀d mɔ̀ʼɔ tambi awən tì inug ako ka imbə̀ʼ icheg ne Ŋwiye biri gaŋ abə bəd mbe ne ghìyə̀ tìzughə̀ ibo.

Kòlosè 3:6

À ya imbə̀ʼ tiku inug ìto̰ ne Ŋwiye biri gaŋ zì ngəʼ igun bəd mbe ne chəyi mbe zùgrə aməd.

1 Jɔn 3:4

Wə̀d ijìm ne ghìyə̀ inug tibɔ̀ŋ ya gùghə̀ mə̀nɔ̀ʼɔ̀, imbəʼ icheg ne, chəyi mə̀nɔ̀ʼɔ̀ bḛ gha bəd ghiyə inug tibɔ̀ŋ.

Ɨnû 19:15

Ibeg ibid tɔ tɔ ya dù ibo inga ichug. À ya ibeg ibid ne wì biri niŋ màʼ ibid chè iben ijìm angu. Wì biri tùmbì awɔb ane ika ijìm. Wì biri mḭ̀ titam vayìn inga asiŋi ze ne mbe mḭ̀yḛ̀ mənoʼ. Àzo̰ ya chwìye icheg ne Ŋwiyekɔʼ we taŋ gàŋa.