Rm 4:14 - Ikan feg

¹⁴ Àmə yaʼ aghi ne Ŋwiye kàʼi aghi mɔ̀ʼɔ ni nàʼ abə bəd mbe ne nɔ̀ŋɔ̀ mə̀nɔ̀ʼɔ̀, nji anug ze ne Ŋwiye kàʼi ya ati ako. Nji chəyi bə̀ aton mɔ̀ʼɔ ane ibḛfiŋ.

Meta’

¹⁴ À mɨ yeʼ ni à yɨə bə̂d mbe nɨə nùŋ rɨkə bɨrɨ jɨg ɨsɨg, njɨ ɨbenɨ yɨ ətu ə̀kǒ, ɨnû mbe nɨ Ŋwìə̀ kaʼi bə̀ chè ətu ə̀kǒ,

Rm 4:14 Marejeleo ya Msalaba

Rm 3:31

Àkə ni gha chəyi mə̀nɔ̀ʼɔ̀ Muse ywirì bèrì àfàʼì mɔ̀ʼɔ igun ina imbə̀ʼ icheg ne tì nɔŋi ibḛfiŋ igun Yeso? Indèʼ ka! Tì we kiri niŋə mə̀nɔ̀ʼɔ̀ ane aghi ne beri àzi ati.

Rm 4:16

Anug ze ne Ŋwiye ya kàʼi ya yèʼe anjìm ibḛfiŋ ni chwi gha à ya Ŋwiye nàʼi ako abə bəd məjìm ane aghaŋ inəbi Abràham. Kayi məyi abə bəd mbe ne nɔ̀ŋɔ̀ mə̀nɔ̀ʼɔ̀, à ya fɔrɔ abə bəd mbe ne nɔŋi ibḛfiŋ igun Ŋwiye kwàʼ icheg Abràham. Abràham ya se mbaʼ mbègtog ina mba məjìm ne nɔŋi ibḛfiŋ igun Kristo.

1 Kɔrèn 1:13

Mbi wa fə ghàpì Kristo? Wə̀d we ne mbi ya kɔ̀mbi igun azed abaʼri wa kə Pɔl? À wa kə inga ikum ìwi Pɔl ne mbə̀ ya niŋi mənib?

Gàlesìyà 2:21

Chəyi tì mə wèg ìchɔ̀mì we ne Ŋwiye ghi inum. Wə̀d mə̀ bèrì ni təm kòʼ imbìghè abə Ŋwiye anjìm icheg ne wì nɔŋi mə̀nɔ̀ʼɔ̀ Muse, ane ya gha, iwu Kristo ya ati ako.”

Gàlesìyà 5:4

Wə̀d ne kə̀bə̀ gha mə̀nɔ̀ʼɔ̀ ghiyə wì təm kòʼ imbìghè abə Ŋwiye, tengàŋ kyeri gha chəyi ywìrè məd ane anug amɔʼ tì Kristo. Tengàŋ kyeri gha wì fə bə̀ to̰ yi ìchɔ̀mì we ne Ŋwiye ghi ina.

Fìlipì 3:9

Mə ya bə̀ ane anug amɔʼ tì məd. Chəyi mə̀ təmi kòʼ imbìghè abə Ŋwiye anjìm icheg ne mə ghi inug mbe ne mə̀nɔ̀ʼɔ̀ Muse gha. À ya Ŋwiye ghi mə təm kòʼ anjìm icheg ne mə zi ìmə ibḛfiŋ igun Kristo. Mə təm kòʼ imbìghè abə Ŋwiye yaʼ anjìm ibḛfiŋ igun Kristo.

Mə̀Hibrù 7:19

Chəyi anug mɔ̀ʼɔ ne mə̀nɔ̀ʼɔ̀ Muse ya ghi ze bɔ̀ŋ mànì. Ane, anug ne tì nɔŋi fìŋ igun amad anìŋ ze bɔ̀ŋ chè anug ze ne tì ya bì nɔ̀ŋì fìŋ igun. À ya anjìm àzewən ne te tìnde iban Ŋwiye.

Mə̀Hibrù 7:28

Mə̀nɔ̀ʼɔ̀ Muse ya ghìyə̀ mbi chɔʼɔ atog wə̀d igun bəd mbàn Ŋwiye ne tì mbi gùg inug icheg mə̀mbin. Anug ze ne Ŋwiye ya zɔ̀mi ya si yèʼe yaʼ anjìm. Ŋwiye ya chɔʼ Ŋwan məd bə̀ ghì wì bɔŋ mànì ane ighə̀m imɔʼ.