Rm 3:27 - Ikan feg

²⁷ Ane, tì kə ywìri kɔ̀m igo ane aghə? Chəyi ywìrè anug mɔ̀ʼɔ ne tì beri ni kɔ̀m igo igun. Ane, aton àkə gha? Àkə imbə̀ʼ icheg ne tì ya zùgrə mə̀nɔ̀ʼɔ̀? Indèʼ ka! À ya imbə̀ʼ icheg ne tì beri ibḛfiŋ igun Yeso.

Meta’

²⁷ Əne tɨ̀ kɨə wɨrɨə goŋ ɨgɔ̂ ɨmbə̀ʼ ə ye ə? Chə wɨrɨ i ənû ə mɔʼɔ nɨ tɨ̀ rɨ goŋ ɨgɔ̂ ɨmbə̀ʼ əzɨ əwən. Əton ə kɨ ni yè ə? À kɨ ɨmbə̀ʼ ɨghəm nɨ tɨə nùŋ rɨkə ə? Chə̂! À yɨ ɨmbə̀ʼ ɨghəm nɨ tɨ̀ benɨ.

Rm 3:27 Marejeleo ya Msalaba

Mk 16:16

Wə̀d ne bḛ, niŋ mənib, wì biri pum. Àsi wə̀d ne chəyi wì bḛ, Ŋwiye biri zì isaʼi igun məd.

Jn 3:36

Wə̀d ijìm ne nɔŋi ìwi ibḛfiŋ igun Ŋwan Ŋwiye, wì fə jəg ìtḛ̀ ighə̀m imɔʼ. Àsi wə̀d ne chəyi wì bḛ Ŋwan Ŋwiye, chəyi wì biri jəg ìtḛ̀ ighə̀m imɔʼ. Ane, agaŋ Ŋwiye ze igun tengàŋ.”

Rm 10:5

Muse ya ŋwàʼrì inga mə̀nɔ̀ʼɔ̀ ghà anug imbə̀ʼ icheg ne Ŋwiye we nìŋə bəd gha mbe təm kòʼ ze gha, “Wə̀d ijìm ne fàʼà inug mbe ne mə̀nɔ̀ʼɔ̀ gha, wì fə bə chùghi icheg ne mə̀nɔ̀ʼɔ̀ mbe kə̀bə̀.”

Rm 11:6

Ŋwiye ya chɔʼ bəd anjìm ìchɔ̀mì məd, kayi imbə̀ʼ àfàʼì ne bəd ya fàʼi. Àkə wì ya chɔʼi bəd anjìm ìmbɔb ìfàʼì, nji chəyi ìchɔ̀mì məd biri yaʼ kwàʼ ìchɔ̀mì tesiʼ.

Rm 2:17

Àsi awe, àghò gha àghò ya Ju. Àghò gha àghò we nɔ̀ŋɔ̀ mə̀nɔ̀ʼɔ̀ Muse. Àghò we bə̀ kɔ̀mɔ̀ igo gha àghò kyère Ŋwiye.

Rm 2:23

Àghò we kɔ̀mɔ̀ igo gha àghò kyèri mə̀nɔ̀ʼɔ̀ Ŋwiye. Àghò we wa chìkì ikum Ŋwiye ane icheg ne àghò we gùghə mə̀nɔ̀ʼɔ̀ məd?

Rm 3:19

Ane, tè kyèri gha inug mbe ne mə̀nɔ̀ʼɔ̀ mbe ghà ya abə bəd mbe ne yaʼi aton mə̀nɔ̀ʼɔ̀. À ya ni ghì gha imbə̀ʼ mbi bere awɔb anug ni ghà. Ane, Ŋwiye biri saʼ bəd məjìm mbe ne yaʼi inga isəg.

Rm 3:26

Wì ya ghì ane ni chwi ina amad anìŋ gha zìye Ŋwiye, zìye we ghìyə̀ inug ne koʼi. Zìye we ghìyə̀ gha bəd mbe ne nɔŋi ibḛfiŋ igun Yeso Kristo mbe təm kòʼ.

Rm 4:2

Àmə yaʼ ni gha Abràham ya təm zen imbìghè abə Ŋwiye imbə̀ʼ inug chɔm ne məd ya ghi, nji məd we tì wì kɔm ìwi igo. Si ya gha, chəyi tì wì kɔm igo imbìghè abə Ŋwiye.

Rm 7:21

Tesiʼ ni inga anug azo̰ ya gha, anyumə̀ ne mə̀ kɔŋi ni ghì inug chɔ̀m, à ya məyi inug tibɔ̀ŋ mbe kɔ̀ʼɔ inga inum.

Rm 7:23

Si ya gha, tesiʼ ndəŋ ne mə se bàrà inga anug azo̰ ya gha, à ya inug tibɔ̀ŋ fə jəg ìmə nyàmnyɔd ijìm. Inug tibɔ̀ŋ mbo̰ mbe zɔ̀ŋɔ̀ tikɔndi chɔm ne mə̀ beri . Ane, ghì mə si yaʼ àbòʼì abə inug tibɔ̀ŋ mbe ne kiri biri inga inum.

Rm 7:25

Mə nàʼ məyakà abə Ŋwiye anjìm ìwa Anɔŋisəg, Yeso Kristo! Inum inga fìŋ, mə kyèri gha mo ya àbòʼì abə mə̀nɔ̀ʼɔ̀ Ŋwiye, si ya gha, inug tibɔ̀ŋ mbe ne yaʼi inga inum fə niŋ amə ane àbòʼì.

Rm 8:2

À ya ane imbə̀ʼ icheg ne Azwighi Ŋwiye ze ne ghi gha tì jəg ìtḛ̀ icheg ne tì yaʼi ane ifɔti tì Yeso Kristo, ze fə pumni amə chì ane mə̀nɔ̀ʼɔ̀ mbe ne ghìyə̀ gha wə̀d ya ghìyə̀ inug tibɔ̀ŋ mbe ne zwète bəd.

Rm 9:11

Bɔŋ mbi ya se gwìye bɔn mbe, Ŋwiye ya fə ghàm imbə̀ʼ awɔb. Wì ya fə ghàm ane ne chəyi mbi kiri fàʼi anug chɔm kə̀ anug tibɔ̀ŋ. Ze ya yaʼ ane ni ghì gha, inug yaʼ icheg ne Ŋwiye kə̀bi.

Rm 9:31

Àsi bəd Izre ne yaya nɔ̀ŋɔ̀ mə̀nɔ̀ʼɔ̀ Muse kə̀bə̀ ni təm kòʼ, mbɔb mbo̰ anìŋ chəyi mbi təmi kòʼ imbìghè abə Ŋwiye.

Rm 9:32

Aton ya gha, chəyi mbɔb ya nɔŋi ibḛfiŋ igun Ŋwiye. Mbɔb ya nɔ̀ŋì ibḛfiŋ yaʼ igun inug mbe ne mbɔb yaya ghìyə̀. Ìtɔb tìghinùg ghì mbi gùg igun “iteg we ne ghìyə̀ bəd gùghə̀”.

1 Kɔrèn 4:7

Wə̀d ne gha inən gha wə̀d mɔ̀ʼɔ chè ìywin àkə we? Àkə aghə ne mbə̀ beri ne kayi Ŋwiye nàʼi inən? Aton ne Ŋwiye nàʼi ighi inən mbə se kɔ̀mɔ̀ igo icheg ni gha kayi Ŋwiye nàʼi inən àkə gha?

Gàlesìyà 2:16

Tè kyèri àza aghi kwàʼ tesiʼ gha, chəyi tì wə̀d təm kòʼ imbìghè abə Ŋwiye anjìm icheg ne wì nɔŋi mə̀nɔ̀ʼɔ̀ Muse. Wə̀d ne təmi kòʼ imbìghè abə Ŋwiye ya wə̀d ne nɔŋi ìwi ibḛfiŋ igun Yeso Kristo. Ane, mba mə̀Ju fə bə̀ nɔ̀ŋì ibḛfiŋ igun Yeso Kristo ni ghì gha tè təm kòʼ. Tè təm kòʼ anjìm ìwa ibḛfiŋ igun Kristo, kayi anjìm icheg ne tì nɔŋi anug ne mə̀nɔ̀ʼɔ̀ Muse mbe kə̀bə̀. Chəyi tì wə̀d təm kòʼ anjìm icheg ne wì nɔŋi mə̀nɔ̀ʼɔ̀ Muse.

Gàlesìyà 3:22

Si ya gha, Ìngam Ŋwiye ghà gha, inug tibɔ̀ŋ mbe kɔ̀rɔ bəd məjìm inga isəg. Ìngam Ŋwiye ghà ane ni ghì gha bəd kyeri gha, aghi ze ne mbi ya kàʼi ni nàʼ abə bəd anjìm ìwɔb ibḛfiŋ igun Ŋwiye ze tì mbi nàʼ məyi abə bəd mbe ne bḛ Yeso Kristo.