Rm 2:26 - Ikan feg

²⁶ Àmə yaʼ ni gha, bəd ne chəyi mbi ya ŋweri awɔb icheg ne mə̀nɔ̀ʼɔ̀ Muse chwi, mbɔb mbe nɔ̀ŋɔ̀ inug mbe ne mə̀nɔ̀ʼɔ̀ chwi, Ŋwiye biri niŋ awɔb icheg bəd ne mbi fə ŋweri.

Meta’

²⁶ Mbaŋə̀ ze nɨ chəi mbɨ kɨrɨ ne əməd mɨ yeʼə ghɨ̀ ɨnû mbe nɨ yeʼ ɨŋga rɨ̀kə̌, njɨ chəi mbɨ wa bɨrɨ nɨŋ ni mbɨ fə nè əməd ə?

Rm 2:26 Marejeleo ya Msalaba

Matìyò 15:28

Yeso ya ywìtì ibo gha, “Àyi gho̰, ìwe ibḛfiŋ taŋ kà! Ane, aghi ne àghò kə̀bi, àghò biri bèrì.” Kwàʼ anyumə̀ we, azwighi tibɔ̀ŋ ze ya dù, nyɔd ŋwan àyi we bə mèg.

Rm 2:25

Ze chwi gha, anug ne ŋwed wə̀d bèrì ighumni anyumə̀ ne mbə̰ mbe nɔ̀ŋɔ̀ mə̀nɔ̀ʼɔ̀ Muse. Àmə yaʼ ne mbə̰ mbe gùghə̀ mə̀nɔ̀ʼɔ̀ Muse, ane ya gha, anug ne ŋwed wə̀d ya ati ako.

Rm 2:27

Tesiʼ ya gha, bəd mbe ne kayi mə̀Ju ne nɔ̀ŋɔ̀ mə̀nɔ̀ʼɔ̀ Ŋwiye icheg ne ìtɔb fìŋ te ghà, ka chəyi mbi ya ŋweri awɔb, mbɔb bɔ̀ŋ chè awən mbə̰ mə̀Ju ne taŋ kyèri mə̀nɔ̀ʼɔ̀ Ŋwiye, ne chəyi mbə̰ mbe nɔ̀ŋɔ̀ mə̀nɔ̀ʼɔ̀ mbe.

Rm 3:30

Ŋwiye məyi imɔʼ. Wì biri ghì mə̀Ju təm kòʼ ibo imbìghè anjìm ìwɔb ibḛfiŋ igun Yeso. Wì biri bə ghì bəd mbe ne kayi mə̀Ju bə̀ təm kòʼ ibo imbìghè anjìm ìwɔb ibḛfiŋ igun Yeso bə.

Rm 8:4

Ŋwiye ya fàʼ anìŋ ni ghì gha mba mbe ne chùghə icheg ne Azwighi Ŋwiye kəbi, ne chəyi te ghìyə̀ inug mbe ne ìta nyàmnyɔd te ghə̀ʼrə̀, tì təm kòʼ icheg ne mə̀nɔ̀ʼɔ̀ Muse chwi.

Gàlesìyà 6:15

Kə̀ mbe ŋwed wə̀d kə̀ chəyi, àze kayi anug mɔ̀ʼɔ ze. Anug kyen ne angu ya gha, ikuchèg wə̀d si yaʼ ìwi feg anjìm ibḛfiŋ məd igun Kristo.

Efesùs 2:11

Mbə̀ kɔndi gha, à ya yaʼ ane nyumə̀ mɔ̀ʼɔ, “Bəd mbe ne mbi ŋweri awɔb” yaya kàrà bəd mbe ne kayi bɔn tɔbseg mə̀Ju gha, “Bəd ne chəyi mbi ŋweri”. Mbi ya ghàmà imbə̀ʼ anug ni ŋwed wə̀d ane ibo.

Fìlipì 3:3

Mba ya bəd mbe ne Ŋwiye fə ŋweri awa kwàʼ icheg tesiʼ ghì tì si bəd məd. À ya Azwighi Ŋwiye ze wètè awa gha tì ghumnə Ŋwiye. Tì we kɔ̀mɔ̀ igo icheg ne tì yaʼi ane ifɔti tì Yeso Kristo ne chəyi tì nɔŋi fìŋ igun ikuchèg aben we ne bəd-aku mbe chwìte.

Kòlosè 2:11

Mbi ya fə ŋwed awən icheg ne mbə̀ yaʼi ane ifɔti tì Kristo. Si ya gha, àŋwerì azo̰ ya kayi bəd faʼi ane ibo. Àŋwerì azo̰ ya icheg we ne Kristo kɔ̀pi ìtən fìŋ, chì ikuchèg tibɔ̀ŋ we ne ìtən nyàmnyɔd te ghə̀ʼrə̀.