Rm 16:18 - Ikan feg

¹⁸ imbə̀ʼ icheg ne chəyi tiku bəd ìto̰ te fàʼà abə ìwa Anɔŋisəg Yeso Kristo. Mbi ya fàʼà məyi aghi ni jəg awɔb. Mbi ya tàmba bəd mbe ne chəyi mbi kyeri anug ane ìngam nəmi nəmi fɔrɔ ìngam bɔti bɔti.

Meta’

¹⁸ ɨmbə̀ʼ ɨghəm nɨ chəi tɨkwɨrɨ bə̂d tɔ̂ ə fàʼ əmbɨ a Ə̀nùŋɨ̀sɨg Kristo. Ɨ mbɨə fàʼ àmei əmbɨ tə rɨbum. Ɨ mbɨə nɨŋ ɨŋgam nɨə nə̀mə̀ wə̀ŋ bə̀ nɨŋ ɨŋgam nɨə bɔtɨə tambɨə bə̂d mbe nɨ chəi mbɨ kyerɨ ənû.

Rm 16:18 Marejeleo ya Msalaba

Matìyò 24:11

Nyùmə̀ we mə̀ kòʼ, bədkə̀n nɔʼ nɔʼ ne ghà inug ako biri dù. Mbɔb biri tambi bəd nɔʼ nɔʼ.

Matìyò 24:24

À ya icheg ne ze biri yaʼ imbə̀ʼ icheg ne mə̀kristo ako biri yeʼe, wə̀d imɔʼ imɔʼ abɔ̀ʼ inɔb biri se ghà gha, ‹Mo ya wə̀d we ne Ŋwiye zɔ̀ʼi.› Bədkə̀n ne ghà inug ako biri bə yeʼe. Mbi biri ghì iyeti inug kyen kyen ni tambi bəd. Mbɔb biri kə̀b ni gha ze mə̀ chwi mbi tambi fɔrɔ bèyi bəd mbe ne Ŋwiye ya fə chɔʼi.

Matìyò 6:24

Yeso ya chè imbìghè gha, “Chəyi wə̀d mɔ̀ʼɔ angu ne tì wì fàʼ abə mə̀mbaʼ àfàʼì məbe. À ya ane imbə̀ʼ icheg ne wì biri bàn ifibì kɔ̀ŋ ìywin, kə̀ wì fàʼ abə ifibì ane ìzi fìŋ ijìm si kə̀nì ìywin. Chəyi tì àghò fàʼ abə Ŋwiye bə̀ ywìrì zì fìŋ ane anug ni bèrì ighi ane ighə̀m ifibì.”

Matìyò 7:15

Yeso ya chè imbìghè gha, “Mbə̀ we awən tì bədkə̀n mbe ne ghà inug ako. Anyumə̀ ne mbɔb mbe yèʼe inən, mbi ya bɔ̀tɔ kwàʼ icheg njə̀g. Si ya gha, mbɔb ya kwàʼ ìfɔn tɔ tɔ.

Jn 12:26

Wə̀d mɔ̀ʼɔ mə̀ kə̀b ni fàʼ inum, wì bèrì ni beni abɔ̀ʼ inum. Asiŋi ne mə̀ yaʼi angu, à ya angu ne ìmbum bəd àfàʼì biri bə yaʼ. Ìmə Mbaʼ biri ghumni wə̀d ne fàʼà inum.”

Rm 14:18

Bəd mə̀ ya fàʼà abə Kristo ane ikuchèg gho̰, nji Ŋwiye biri ya gyènde tì inɔb, bəd bə̀ bḛ gha mbe fàʼ icheg chɔm.

Rm 16:19

Wə̀d ijìm kyèri gha mbə̰ mbe zùgrə Anɔŋisəg. À ya aton ne mo ya taŋ gyènde imbə̀ʼ awən. Mə kə̀b gha mbə̀ beri iwe imbə̀ʼ ya ghìyə̀ məyi inug mbe ne yaʼi inug chɔm. Si ya gha, mbə̀ chìye ìmbən ibo inga anug ne zìyè inug tibɔ̀ŋ.

2 Kɔrèn 11:3

Si ya gha, mə we bɔ gha icheg ne jo ya ghum tàmbi If ane iwe mənaŋ, mbi biri bə tambi awən ghì mbə chì ìwən ikɔndi chɔm we ne mbə̀ bèrì ni kɔ̀ŋ Kristo bə̀ zì ìzən fìŋ ijìm igun məd.

2 Kɔrèn 2:17

Chəyi mba yaʼi icheg bəd nɔʼ nɔʼ mbe ne nìŋə anug ni ghàm Ìngam Ŋwiye ane iywin ni bèrì chùd. Mba ya ghà yaʼ tesiʼ ane ìza fìŋ ijìm imbìghè abə Ŋwiye icheg ne tì yaʼi ane ifɔti tì Kristo. À ya Ŋwiye zìye tɔmi awa gha tì ghama.

2 Kɔrèn 4:2

Tì fə ton awa inug mbe ne bəd mbe ghìyə̀ inə̀mbi. À ya inug ne nàʼà tìnìrètog abə bəd. Chəyi mba mbe ghìyə̀ inug ne tàmba bəd. Chəyi mba mbe bə̀ kɔ̀pɔ anug ne yaʼi inga Ìngam Ŋwiye. Tì we chwìte inug tesiʼ asaŋ asaŋ. Tì we chwìye gha bəd bara gha inug mbe ne mba mbe ghìyə̀ mbe kòʼ imbìghè abə Ŋwiye.

Gàlesìyà 1:10

Mbə̰ kə kɔ̀ndɔ gha mo ya kə̀bə̀ gha bəd bḛ gha mo bɔ̀ŋ, kə̀ gha Ŋwiye bḛ gha mo bɔ̀ŋ? Kə̀ mbə̰ kə kɔ̀ndɔ gha mo ya kə̀bə̀ ni ghì inug ne biri bɔ̀ŋ yaʼ abə bəd? Indèʼ ka! Àmə yaʼ aghi ne mo ya kə̀bə̀ ni ghì inug ne biri bɔ̀ŋ yaʼ abə bəd, nji mo kayi ywìrè wə̀d àfàʼì Kristo.

Fìlipì 2:21

Bəd ndəŋ məjìm ya zìyè atog yaʼ igun ìmbɔb inug kayi igun anug ne Yeso Kristo kə̀bi.

Fìlipì 3:19

Asiŋi ne tiku bəd te biri nwḭ̀yḛ̀ inga ya iywid ighə̀m imɔʼ. Ìwɔb ŋwiye ya ighi mbe ne mbɔb mbe ghə̀ʼrə̀. Mbɔb ya kɔ̀mɔ̀ igo ane inug mbe ne nji mbɔb kə̀ bèrì yaʼ tìnìrètog. Mbɔb nɔ̀ŋì ìwɔb ikɔndi igun ighi igun isəg.

Kòlosè 2:4

Mə ya ghà inug mbo̰ inən ni ghì gha imbə̀ʼ wə̀d mɔ̀ʼɔ nɔ̀ʼ tàmbi awən ane tìngam nəmi nəmi.

Kòlosè 3:24

Mbə̀ ya fàʼà ane imbə̀ʼ icheg ne mbə̰ kyèri gha Anɔŋisəg bèrì chùd ne wì biri nàʼ abə bəd məd. À ya Anɔŋisəg Kristo ne mbə̰ mbe fàʼà ibo.

2 Tès 2:10

Wì biri ghì tiku inug tibɔ̀ŋ nɔʼ nɔʼ ni tambi bəd mbe ne biri ku nim. Mbɔb biri ku nim imbə̀ʼ icheg ne chəyi mbi ya kɔ̀ŋi ni bḛ tesiʼ ni pum.

1 Timotì 6:5

Inug mbe ya ghìyə̀ gha achɔb ya zàmbà dùwə̀ inga bəd ne chəyi mbi beri fìŋ chɔm fɔrɔ inga bəd mbe ne chəyi mbe ghà inug tesiʼ. Bəd inug ako mbo̰ ya kɔ̀ndɔ gha anug Ŋwiye ya inɔnjì ne tì mbi chè angu bèrì ikab.

Jems 1:1

À ya mo Jem, wə̀d àfàʼì Ŋwiye fɔrɔ wə̀d àfàʼì Anɔŋisəg Yeso Kristo ŋwàʼri àŋwàʼrì azo̰. Mə ŋwàʼrì anìŋ abə tinəbi te ìghum chɔ̀b ibe ne saka isiŋi ijìm, inga iben mbe ne kayi iben mə̀Ju. Mə chàʼrì awən.

2 Pità 2:3

Icheg ne mbɔb mbe ghə̀ʼrə̀ ighi, mbi biri tangi tìmùghì se ghà inən imbə̀ʼ jəg awən. Ŋwiye ya fə ghùm sɔb isaʼi igun inɔb. Ane, Ŋwiye biri zì ngəʼ kyen igun inɔb.

Jûd 1:1

À ya mo Jud ne yaʼi wə̀d àfàʼì Yeso Kristo ne bə̀ yaʼ ifi Jem ŋwàʼri àŋwàʼrì azo̰. Mə ŋwàʼrì anìŋ abə bəd mbe ne Ŋwiye ne yaʼi Mbaʼ kɔ̀ŋi awɔb bə̀ kàri awɔb ghì mbi yaʼ bəd məd. Ŋwiye bə̀ nɔ̀ŋì awɔb ni ghɔ̀m nyùmə̀ we ne Yeso Kristo biri ywiri yeʼe.

Jûd 1:12

Anyumə̀ ne tiku bəd ìto̰ chughi aseg ane iteri àkɔ̀ŋì abɔ̀ʼ inən, mbi ya icheg ànaŋ amɔʼ ne chìkə̀ aban. Mbɔb ya tàŋà ighi məyi ni zì inga àzɔb àbàn. Mbɔb ya icheg pàʼ zɔ̀bi ne afim ze chè bèʼì ne chəyi mbə̀ŋ. Mbɔb ya icheg ized ne chəyi mbe ko titam, ka bèyi abɔ̀ʼ ichi. Mbɔb ya icheg ized ne mbi fə chɔ̀ʼi kwàʼ ane ighaŋ, mbi ku.

Jûd 1:16

Bəd mbo̰ ya kùmə̀ inug ijìm. Chəyi anug mɔ̀ʼɔ ne kwèʼe bɔ̀ŋɔ̀ inɔb. Mbɔb ya ghìyə̀ inug ne ìtɔb nyàmnyɔd te ghə̀ʼrə̀. Mbɔb ya kɔ̀mɔ̀ igo. Mbɔb ya chɔ̀tɔ̀ wə̀d məyi ni niŋ aghi mɔ̀ʼɔ ibo.

Ɨnû 1:1

Aŋa ya inug mbe ne biri zàmbì dù ne Ŋwiye ya gha abə Yeso Kristo gha wì chwi abə ìmbi bəd àfàʼì. Yeso Kristo ya tɔm ìwi angirə̀ abə ìwi wə̀d àfàʼì ne ikum məd ya Jɔn gha wì ghiyə bəd kyeri inug mbo̰.