Rm 14:1 - Ikan feg

¹ Mbə̀ niŋ bəd məjìm mbe ne ìwɔb ibḛfiŋ we bɔ̀rɔ, si ya gha, imbə̀ʼ mbə̰ si ya tàŋà awən inug tì inɔb imbə̀ʼ aghi ne mbɔb koʼi ni fàʼ kə̀ aghi ne chəyi mbɔb koʼi ni fàʼ.

Meta’

¹ “Mbə̀ nɨŋ bə̂d mbe nɨ ɨbenɨ mɨ̀mə̌d bɔrɨ, àyɨə tɨ mbə̀ taŋ ə mbɨ mɨ̀mə̌d ɨmbə̀ʼ tɨkɔndɨ mɔʼɔ te nɨ mbɨ berɨ.

Rm 14:1 Marejeleo ya Msalaba

Matìyò 12:20

Bəd mbe ne fə bi bɔd, chəyi wì biri chə awɔb, kə̀ ghì anug tìbɔŋ mɔ̀ʼɔ abə bəd mbe ne bɔri. Wì biri ya ghìyə̀ inug kwàʼ ane àbɔrɔ̀bɔd tì bəd mbe ne taŋ bɔd ni gha imbə̀ʼ wì nɔʼ zì anə igun inɔb. Ze biri yaʼ ane anene pè ane nyumə̀ ne bəd igun isəg ijìm biri se ghìyə̀ inug ne koʼi.

Matìyò 14:31

Yeso ya chà àzi abo kwàʼ ati ati gwì aməd, si ghà ibo gha, “Àghò ya kwàʼ wə̀d ne ibḛfiŋ kə! Aton ne àghò we jə̀mə̀ àkə gha?”

Matìyò 18:10

Yeso ya ywìrì ghà abə mə̀mə̀nənùg məd gha, “Mbə̀ niŋ nyumə̀ imbə̀ʼ mbə̰ nɔ̀ʼ wèg wə̀d mɔ̀ʼɔ abɔ̀ʼ bɔn mbo̰ ne bḛ amə. Mə ghà inən gha ìmbɔb mbè angirə̀ mbe tə̀mə imbìghè abə ìmə Mbaʼ ne yaʼi ikaŋ àbɔ̀ŋɔ.

Mk 7:19

Aton ya gha, chəyi ze nyḭ̀yḛ inga fìŋ. Ze ya nyḭ̀yḛ yaʼ inga fibum, si chè dù asaŋ.” (Icheg ne wì ya gha anug azo̰, ane ya gha, wì fə sɔb gha ighijəg ijìm kòʼ gha bəd jəg.)

Lk 17:2

Ze biri bɔ̀ŋ gha mbe tiŋə iteg kyen ane aməg məd màʼ aməd inga igyi tìbà sɔ̀mɔ ane wì ghì gha ŋwan mɔ̀ʼɔ abɔ̀ʼ ìmbi kwa kwa mbo̰ wì ghìyə̀ anug tibɔ̀ŋ.

Jn 13:20

Mə gha tesiʼ inən gha, Wə̀d ne niŋ wə̀d ne mə cha, tengàŋ fə bə̀ niŋ amə. Ane, wə̀d we ne niŋ amə, tengàŋ fə bə̀ niŋ wə̀d we ne cha amə.”

Ɨ̀fàʼì 28:2

Bəd aben ze ya ghì iku ìchɔ̀mì mɔ̀ʼɔ ina ne chəyi tì kweʼì bàd. Mbi ya niŋ awa mba məjìm kwàʼ icheg chɔm. Mbi ya bə̀ zì iywid ina imbə̀ʼ icheg ne mbə̀ŋ yaya no, ifə ko.

Rm 11:15

Anyumə̀ ne Ŋwiye ya to̰ awɔb, bəd igun isəg ne ya yaʼi bəd ìpàb Ŋwiye ya kɔpɔ si mə̀sə̀ʼ məd. Ŋwiye kə mə̀ ywìrì bḛ awɔb, inug biri si yaʼ iye? Ze biri yaʼ icheg wə̀d ne zweme ane iwu.

Rm 14:2

Bəd mɔ̀ʼɔ bèrì ibḛfiŋ ne nàʼà apan inɔb ni jəg tiku ighi ijìm, si ya gha, wə̀d we ne chəyi ibḛfiŋ məd taŋ kà we tì wì jəg məyi igyen icheg ton.

Rm 14:21

Ze bɔ̀ŋ ni chughi witì kud nyam, kə̀ chùghi witì no mənoʼ, kə̀ chùghi witì ghì aghi ndəŋ ne biri ghì ìwe ifi gùg anug.

Rm 14:3

Bəd mbe ne jèghə tiku ighi ijìm, imbə̀ʼ mbi si sɔb awɔb isaʼi igun bəd mbe ne chəyi mbe jə̀ghə tiku ighi mɔ̀ʼɔ gha mbe gùg anug. Bəd mbe ne chəyi mbɔb mbe jə̀ghə tiku ighi mɔ̀ʼɔ, imbə̀ʼ mbɔb si bə sɔb awɔb isaʼi igun bəd mbe ne jə̀ghə tiku ighi ijìm gha mbe gug anug. Ze yaʼ ane imbə̀ʼ icheg ne Ŋwiye bḛ aku bəd ze ajìm.

Rm 15:1

Mba mbe ne ìwa ibḛfiŋ ka tè kòʼ ni ya nyìmbe fìŋ tì bəd mbe ne ìwɔb ibḛfiŋ bɔri. Imbə̀ʼ tì ya ghìyə̀ awa məyi inug ne bɔŋi ina.

Rm 15:7

Ane, mbə̀ niŋ wə̀d imɔʼ imɔʼ icheg chɔm kwàʼ icheg ne Kristo fə niŋi awən. Mbə̀ ghiyə ane ni nàʼ ighumni abə Ŋwiye.

Rm 4:19

Inga nyùmə̀ we, Abràham yaya se pè ane tituʼ iki, si ya gha, chəyi icheg ne wì ya fə taŋ nùn fɔrɔ icheg ne Sèra ya yaʼi kɔ̀m àyi ya ghi gha ibḛfiŋ məd bɔd.

1 Kɔrèn 9:22

Anyumə̀ ne mə̀ yaʼi abɔ̀ʼ bəd ne ìwɔb ibḛfiŋ bɔri, mə̀ ya icheg wə̀d abɔ̀ʼ inɔb ni ghì gha mbe bḛ Kristo. Ane, mə fə bə̀ŋə̀ ane iku ighi ijìm abə bəd məjìm, imbə̀ʼ chè ane mənɔnjì nɔʼ nɔʼ ni ghì gha inun bəd mɔ̀ʼɔ pum.

Fìlipì 2:29

Ane, anyumə̀ ne wì yèʼe, mbə̀ niŋ aməd kwàʼ ane igyendi icheg ne mbə̰ mbe nìŋə bəd mbe ne bḛ Anɔŋisəg. Mbə̀ ya ghùmnə bəd ne yaʼi icheg məd,

1 Tèsàlonikà 5:14

Ìmba məfi fɔrɔ ìta njàbi, tì we bòʼo ibo inən gha mbə̀ pati məgwed. Mbə̀ bə nəri fìŋ abə bəd ne màmà, bə̀ wètì bəd mbe ne koʼi gha mbe wete awɔb. Mbə̀ ya bə̀ nyìmbe fìŋ tì wə̀d ijìm.

Mə̀Hibrù 5:14

Tijəg ka ka ya abə bəd kyen ne fə nani inug bə̀ kyèri icha ne yaʼi inga anug tibɔ̀ŋ tì anug chɔm.

2 Jɔn 1:10

Ane, wə̀d mɔ̀ʼɔ mə̀ yèʼe inən ne chəyi we chwìte inug mbo̰, imbə̀ʼ mbə̰ niŋ awən məd inga ìmbən ichan kə̀ bì chàʼrì aməd.