Rm 13:13 - Ikan feg

¹³ Tì ghiyə ìwa ikuchèg we yaʼ icheg ìwi bəd ne yaʼi inga ìzḛzḛ tesiʼ. Imbə̀ʼ tì ghò awa ane isiŋi inug ne bəd mbe no be se ghìyə̀ izṵ inug tì inug ka ka. Imbə̀ʼ tì nyìme awa anug ni no be kə̀ àfànì kə̀ anug ni nɔ̀kì mə̀yi kə̀ mbaŋà abu abu kə̀ ìdɔ̀b kə̀ àzɔ̀ŋì.

Meta’

¹³ Tɨ̀ ghɨ mba ɨnû ɨchî nɨ kuʼnɨ, àmei ɨghabɨ ɨchî nɨ bə̂d ə ghɨ̀ ɨnû əziə. Tɨ rɨ̀ wo a ənɨ ɨchwɨ̂ nɨ bə̂d ə ghɨ̀ ɨnû əbəŋ əbəŋ, kɨ̀ nɨ bə̂d ə nɔə beə. Tɨ rɨ̀ ni a məyi kɨ̀ mbaŋə̀ nɨ kaʼi a ɨwi kɨ̀ a ɨnom, kɨ̀ bè ghɨ ɨnyamnɨ-ɨnû. Tɨ rɨ̀ chɔb a. Tɨ rɨ̀ bɨ ghɨ̀ a ə̀dìì.

Rm 13:13 Marejeleo ya Msalaba

Lk 1:6

Mbɔb məjìm ya təm kòʼ imbìghè abə Ŋwiye. Mbɔb yaya zùgrə tikə bə̀ nɔ̀ŋɔ̀ mə̀nɔ̀ʼɔ̀ Anɔŋisəg kwàʼ ane icheg ne koʼi.

Lk 16:19

Wə̀d ikab mɔ̀ʼɔ ya yaʼ angu. Wì yaya zìyè ndwi àka inun ne mbi tangi ane linèn bə̀ kɔ̀ŋɔ inga ikab ineg ijìm.

Lk 21:34

Mbə̀ we awən, imbə̀ʼ ìtən fìŋ nɔ̀ʼ yaʼ ane anug ni jəg chè ndò, tì ane anug ni no be fɔrɔ anug ni ghə̀ʼrì ighi igun isəg, nji aneg ze biri yeʼe igun inən icheg ne atam ze gwìye nyam.

Ɨ̀fàʼì 2:15

Chəyi bəd mbo̰ no be icheg ne mbə̰ mbe kɔ̀ndɔ. À ya kiri məyi mə̀nyùmə̀ àbɔg isusu.

1 Kɔrèn 3:3

Aton ya gha, mbə̰ mbe kiri ghìyə̀ inug icheg bəd inga isəg. Mbə̰ mbe kiri ghìyə̀ àdeg igun mə̀mbin bə̀ chɔ̀bɔ mbə̰ mbə̰. Imbə̀ʼ àze ze chwìye gha mbə̰ ya bəd inga isəg? Imbə̀ʼ mbə̰ ya anìŋ ghìyə̀ inug kwàʼ icheg bəd ne chəyi mbi kyeri Ŋwiye?

Gàlesìyà 5:19

Wə̀d ijìm kyèri yi inug mbe ne nyàmnyɔd ze ghə̀ʼrə̀. Inug mbe ya: anug ni nɔ̀kì mə̀yi kə̀ nɔ̀kì mbaŋà abu abu, anug ni ghì izṵ inug, anug ni səpi bəd zì inga àfànì,

Gàlesìyà 5:21

anug ni ghə̀ʼrì ighi, anug ni no be, anug ni ya no be bə̀ se ghìyə̀ izṵ inug, fɔrɔ tiku inug ndəŋ ndəŋ ne yaʼi icheg ìto̰. Mə ya anìŋ ywìrè pàta awən icheg ne mə̀ ya fə pati gha, chəyi bəd mbe ne ghìyə̀ tiku inug ìto̰, biri nɔ̀ʼ jəg anug ìfɔ̀n Ŋwiye.

Efesùs 4:1

Mo ne yaʼi wə̀d ndəŋ imbə̀ʼ icheg ne mə fàʼà abə Anɔŋisəg, mə we bòʼo ibo inən gha mbə̀ chughi kwàʼ ane ikuchèg ne koʼi. À ya ikuchèg ne Ŋwiye ya kàri awən gha mbə̀ chughi angu.

Efesùs 4:17

Mə ya anìŋ ghà inən ywìrè bèʼre ane ikum Anɔŋisəg gha imbə̀ʼ mbə̰ ya chùghə awən icheg bəd mbe ne kayi mə̀Ju. Ìtɔb tikɔndi ya kwàʼ ati ako.

Efesùs 5:15

Ane, mbə̀ we awən ane ikuchèg ne mbə̰ mbe chùghə angu. Imbə̀ʼ mbə̰ chùghə awən icheg inen. Mbə̀ chughi icheg bəd ne beri iwe.

Efesùs 5:18

Imbə̀ʼ mbə̰ si no awən be imbə̀ʼ icheg ne mbə̰ mə̀ no mənoʼ be, mbə biri nyi inga anug ni nɔ̀kì mə̀yi kə̀ mbaŋà abu abu. Mbə̀ saŋa yaʼ Azwighi Ŋwiye ze sweg inga inən.

Efesùs 5:8

À ya yaʼ inga nyùmə̀ mɔ̀ʼɔ, mbə̰ yaya ghìyə̀ inug icheg bəd ne yaʼi inga afub. Àsi amad anìŋ ne mbə̰ ya fə si bəd Anɔŋisəg, mbə̀ se ghìyə̀ inug ne chwìye gha mbə̰ fə se inga ìzḛzḛ.

Fìlipì 1:27

Anug kyen ne angu ya gha, mbə̀ bere ikuchèg we ne ikən chɔm imbə̀ʼ Kristo we chwìte. Ane, kə̀ mə yèʼe bàd awən kə̀ chəyi, mə biri zug gha mbə̰ təm kà ane ibḛfiŋ imɔʼ. Mə biri bə zug gha mbə̰ mbe se ane anug amɔʼ bə̀ bèrì ikɔndi imɔʼ. Mə biri bə zug gha mbə̰ mbe se kìrə ika ni ghì gha bəd nɔŋɔ fìŋ igun Kristo icheg ne ikən chɔm we chwìte.

Fìlipì 2:3

Imbə̀ʼ mbə̰ ya ghìyə̀ awən inug ni gha ighi ijìm yaʼ məyi inən. Imbə̀ʼ mbə̰ ghiyə awən inug ne chwìye gha mbə̰ mbe nɔ̀ nyɔd. Wə̀d swi ìwi nyɔd aseg, niŋ gha bəd ndəŋ chè aməd.

Kòlosè 1:10

Tì ya chàʼrà Ŋwiye anìŋ ni gha, ane mənɔnjì ijìm, mbə̀ chughi ane ikuchèg ne Anɔŋisəg kə̀bi bə̀ ya ghìyə̀ inug ni biri ghì fìŋ məd bɔ̀ŋ. Ane, ìwən ikuchèg biri ghì gha mbə̀ se ghìyə̀ inug chɔm bə̀ se chè imbìghè ni taŋ kyeri Ŋwiye.

Kòlosè 3:5

Mbə̀ waʼ tikɔndi te ne mbə̀ beri imbə̀ʼ ighi igun isəg ne ìtən nyàmnyɔd te ghə̀ʼrə̀. Inug mbe ya: anug ni nɔ̀kì mbaŋà kə̀ nɔ̀kì mə̀yi abu abu fɔrɔ izṵ inug, tì anug ni ghə̀ʼrì ighi, tì tikɔndi imbə̀ʼ inug tibɔ̀ŋ fɔrɔ adɔʼ. Wə̀d ne ghə̀ʼrə̀ ighi igun isəg ya kwàʼ icheg wə̀d ne ghùmnə mə̀ŋwiye ako.

1 Tèsàlonikà 2:12

Tì yaya tìmbè awən, bə̀ chè imbìghè ni nəri awən bə̀ bòʼo ibo inən gha mbə̀ chughi ane ikuchèg ne biri ghì gha fìŋ Ŋwiye bɔŋɔ. À ya məd kàri awən gha mbə̀ yeʼe nyi inga anug ìfɔ̀n məd fɔrɔ inga ighumni məd.

1 Tèsàlonikà 4:12

Mbə̀ ghiyə ane ni gha bəd ne kayi bəd Kristo biri ya ghùmnə awən, fɔrɔ ni gha chəyi mbə̰ biri ya nḛ̀ igun wə̀d mɔ̀ʼɔ gha wì ya nàʼà ighi inən.

1 Tèsàlonikà 5:17

Mbə̀ ya chàʼrà Ŋwiye mà nyumə̀ ijìm.

Jems 4:5

Kə̀ mbə wa kɔ̀ndi gha ìngam we ne yaʼi inga Àŋwàʼrì Ŋwiye ya ati ako? Ìngam we ya gha, “Ŋwiye we ghə̀ʼrə̀ Azwighi məd ze ne wì ghi gha ze yaʼ inga ina.”

1 Jɔn 2:6

Wə̀d mɔ̀ʼɔ mə̀ gha zìye we ane anug amɔʼ tì Ŋwiye, məd bèrì ni yèn igun ibɔʼì ighog ìmbi Yeso Kristo.

2 Jɔn 1:4

Mə ya taŋ gyen anyumə̀ ne mə̀ ya bàri gha bəd mɔ̀ʼɔ abɔ̀ʼ ìmbe bɔn mbe bène abɔ̀ʼ tesiʼ kwàʼ icheg ne Ŋwiye ne yaʼi Mbaʼ ya nàʼi ikə ina.

Jûd 1:23

Mbə̀ chiye bəd mɔ̀ʼɔ abɔ̀ʼ inɔb inga iywid, ghì mbe pum. Mbə̀ ya bèrè àsɔ̀mnəfiŋ igun wə̀d imɔʼ imɔʼ. Si ya gha, mbə̀ ya we awən imbə̀ʼ inug tibɔ̀ŋ mbe ne mbɔb mbe ghìyə̀ nɔ̀ʼ chè zɔʼ awən. Mbə̀ ba̰ ka bèyi ìtɔb ndwi imbə̀ʼ icheg ne ìmbɔb inug tibɔ̀ŋ fə zɔʼ ndwi te.