Rm 13:12 - Ikan feg

¹² Ituʼ fə se chə̀ghə. Aneg feg fə se pè. Ane, tì waʼ inug tibɔ̀ŋ mbe ne bəd ne yaʼi inga afub mbe ghìyə̀ si niŋ ighi ibid. Ighi ibid mbe ya inug chɔm mbe ne bəd mbe ghìyə̀ inga ìzḛzḛ.

Meta’

¹² Ɨzimɨ fə kà chè, ɨtuʼ fə sɨə wo chɨg. Əne tɨ̀ waʼ ɨnû mbe nɨ bə̂d ə ghɨ̀ ɨŋga ɨsɨ firɨ, əne tìŋ ɨghɨ bid ɨmbə̀ʼ zɔŋ ənɨ ɨsɨ ə zeŋə.

Rm 13:12 Marejeleo ya Msalaba

Rm 13:14

Mbə̀ ghiyə gha Anɔŋisəg Yeso Kristo ya tùmbə̀ awən. Imbə̀ʼ mbə̰ nɔŋɔ awən ìtən fìŋ igun ighi mbe ne nyàmnyɔd ze ghə̀ʼrə̀.

1 Kɔrèn 10:11

Inug mbo̰ ya dù igun inɔb icheg aneni ina. Ane, mbi ya ŋwàʼrì inug mbo̰ ni kə awa mba mbe ne yaʼi inga nyùmə̀ isəg gho̰ ne se zàmbi nwìyḛ̀.

1 Kɔrèn 7:29

Ìmbum məfi fɔrɔ ìtum njàbi, anug ne mə ghà inən ya gha, nyùmə̀ ne isəg gho̰ biri nwḭ̀yḛ̀ fə tinde. Ni ko amad anìŋ, mbaŋà te ne beri mə̀yi te chughi icheg bəd ne chəyi mbi nami.

2 Kɔrèn 10:4

Ìmba ighi ibid ya kayi icheg ighi ibid bəd-aku. À ya ighi ibid Ŋwiye ne beri ika ni chìkì isiŋi mbe ne bəd ìpàb məd yaʼi angu.

2 Kɔrèn 6:7

Tì ya bə̀ ghàmà ìngam tesiʼ bə̀ fàʼà inug ane ika ne Ŋwiye nàʼi ina. Ìmba inug mbe ne təmi kòʼ ya ighi ibid ne te nyìme ane aba abo jəghi ni zɔ̀ŋ, fɔrɔ ane aba abo təŋ ni kən nyɔd angu.

Efesùs 4:22

Mbə̀ waʼ ìwən ikuchèg anun we ne yaya ghìyə̀ mbə se gùghə̀ inug. Ikuchèg we yaya chìkə̀ awən ghìyə̀ mbə se kɔ̀ŋɔ̀ yaʼ inug mbe ne ghìyə̀ mbə fèbrè.

Efesùs 5:11

Imbə̀ʼ mbə̰ ziye awən abo ane inug ako mɔ̀ʼɔ mbe ne bəd inga isəg mbe ghìyə̀ inə̀mbi. Mbə̀ toʼo inug mbe asaŋ, bəd bara.

Efesùs 5:8

À ya yaʼ inga nyùmə̀ mɔ̀ʼɔ, mbə̰ yaya ghìyə̀ inug icheg bəd ne yaʼi inga afub. Àsi amad anìŋ ne mbə̰ ya fə si bəd Anɔŋisəg, mbə̀ se ghìyə̀ inug ne chwìye gha mbə̰ fə se inga ìzḛzḛ.

Mə̀Hibrù 10:25

Imbə̀ʼ tì waʼ awa fìŋ ze ne tì beri ni ya fète asiŋi afibì icheg ne bəd mɔ̀ʼɔ fə waʼi. Anug ne tì beri ni ya fàʼà ya ni ya nə̀rə fìŋ abə wə̀d imɔʼ imɔʼ, bə̀ chè imbìghè ni taŋ ghì ane imbə̀ʼ icheg ne aneg ze ne Yeso biri bə̀ndì yeʼe ze se tìnde.

Mə̀Hibrù 12:1

Icheg ne tì beri bəd ndan ndàn ne nḛ̀ awa, ne ya nyimi ìwɔb ibḛfiŋ kwàʼ icheg chɔm, tì waʼ inug ijìm mbe ne kə̰ awa fɔrɔ inug tibɔ̀ŋ mbe ne kə nyìme awa anjìm. Tì nyimbi fìŋ ni nòrò ànòtì ze ne yaʼi ina imbìghè.

Jems 1:21

Ane, mbə̀ waʼ izṵ inug ijìm fɔrɔ ikuchèg tibɔ̀ŋ ijìm ne mbə̀ beri. Mbə̀ swi ìwən nyɔd aseg abə Ŋwiye, bḛ ìngam we ne mbi zi inən inga fìŋ icheg ne wə̀d we zìyè ngwèd inga ìseg. Ìngam we we tì wì ghì mbə pum.

Jems 5:8

Mbə̰ inən, mbə̀ bə nyìmi fìŋ təm kà imbə̀ʼ icheg ne Anɔŋisəg we se zàmbi yeʼe.

1 Pità 2:1

Mbə̀ waʼ inug tìbɔŋ ijìm, bə̀ waʼ anug ni tambi bəd. Mbə̀ bə waʼ anug ni fùbrì inug, bə̀ waʼ anug ni ghì àdeg fɔrɔ anug ni chìkì tikum bəd.

1 Pità 4:7

Nyùmə̀ fə tinde ne inug ijìm biri nwḭ̀yḛ̀. Ane, mbə̀ ghiyə ìtən tikɔndi te zen bə̀ ya nyìmbe nyɔd imbə̀ʼ kyeri icheg ni chàʼra Ŋwiye.

2 Pità 3:11

Icheg ne Ŋwiye biri nimni ighi mbo̰ ijìm anìŋ, mbə̀ kə kòʼi ni yaʼ iku bəd mbeg? Mbə̰ bèrì ni chughi inga ìzḛzḛ bə̀ zì atog ni ya zùgrə Ŋwiye.

2 Pità 3:9

Chəyi Anɔŋisəg we chìkə̀ nyùmə̀ bɔŋ ghì inug mbe ne wì kàʼi, icheg ne bəd mɔ̀ʼɔ mbe kɔ̀ndɔ gha məd we chìkə̀ nyùmə̀. Məd we nyìme fìŋ tì inən imbə̀ʼ icheg ne chəyi wì kə̀bi gha wə̀d mɔ̀ʼɔ nim. Wì kə̀b yaʼ gha wə̀d ijìm bəŋi ìzi fìŋ sìkì inug tibɔ̀ŋ.

1 Jɔn 2:18

Ìmbum bɔn ne mə̀ taŋ kɔ̀ŋ, nyùmə̀ we ne isəg gho̰ biri nwḭ̀yḛ̀ fə tinde. Mbə̰ ya fə zug gha Wə̀d ìpàb Kristo we yèʼe. Amad anìŋ, bəd ìpàb Kristo nɔʼ nɔʼ fə yeʼe. Àzo̰ fə ghì tì kyèri gha nyùmə̀ we ne isəg gho̰ biri nwḭ̀yḛ̀ fə tinde.

Ɨnû 1:3

Ŋwiye zì àbɔrɔ̀bɔd igun wə̀d we ne fɔ̀ŋɔ ikən Ŋwiye gho̰. Ŋwiye bə̀ zì àbɔrɔ̀bɔd igun bəd mbe ne zùghə bə̀ fàʼà inug mbe ne mbi ŋwaʼri inga àŋwàʼrì azo̰ imbə̀ʼ icheg ne nyùmə̀ we ne inug mbo̰ biri dù fə tinde.

Ɨnû 22:10

Wì ya bə̀ ghà inum gha, “Imbə̀ʼ àghò nəmbə awe inug mbe ne mbi ŋwaʼri inga àŋwàʼrì azo̰ imbə̀ʼ icheg ne nyùmə̀ ne inug mbe biri dù fə tinde.