Rm 12:7 - Ikan feg

⁷ Ineʼi wə̀d mə̀ yaʼ ni fàʼ abə bəd, wì taŋ zì atog ni fàʼ. Ineʼi wə̀d mə̀ yaʼ ni chwiti inug, wì bə zì atog ni chwiti.

Meta’

⁷ Ɨneʼe wə̀d mɔʼɔ mɨ yeʼ ni wɨ̀ faʼa, wɨ̀ bə fàʼ. Ɨneʼe wə̀d mɔʼɔ mɨ yeʼ ni wɨ̀ chwi ənû, wɨ̀ bə chwiə.

Rm 12:7 Marejeleo ya Msalaba

Matìyò 28:19

Ane, mbə̀ gho inga iben ijìm ghò ghì bəd yaʼ ìmbum mə̀mə̀nənùg. Mbə̀ naʼa mənib inɔb inga ikum Mbaʼ tì Ŋwan fɔrɔ Azwighi Ŋwiye.

Jn 3:2

Wə̀d gho̰ ya ghò abə Yeso izimi pè ghà ibo gha, “Àchwitìnùg, tè kyèri gha àghò ya wə̀d ne Ŋwiye cha gha wì chwiti inug ina imbə̀ʼ icheg ne chəyi wə̀d mɔ̀ʼɔ ne tì wì ghi iyeti inug mbo̰ kirəndə à ya wə̀d ne Ŋwiye yaʼi tì məd.”

Ɨ̀fàʼì 13:1

Bədkə̀n Ŋwiye tì mə̀chwitinùg ya yaʼ inga ifeti bəd Kristo we a Antìyɔ̀g. Mbɔb yaya: Bànabàs tì Sɔl tì Simìyòn we ne mbi yaya bə̀ kàrà ane Nayijà tì Lusìyùs ne ya nɔ̀ʼi a Sayirèn fɔrɔ Manìyàn ne ya kweghi tì Erɔ̀d we ne yaʼi gɔbnà.

Ɨ̀fàʼì 20:20

Mbə̰ kyèri gha chəyi mə̀ ya to̰ ni chwiti inug mbe ne tì mbi wètì awən inən. Mə ya chwiti inug inən inga bəd fɔrɔ a nəb a nəb.

Ɨ̀fàʼì 20:28

Mbə̀ se kyèʼrè ìtən nyàmnyɔd mbə̰ mbə̰. Mbə̀ bə se kyèʼrè bəd Kristo məjìm mbe ne Azwighi Ŋwiye chɔʼi awən ane itog bəd ne fàʼà inɔb. Mbə̀ kyeʼre ifeti bəd Ŋwiye mbe ne məd ya zo̰ ane anəm Ŋwan məd.

Ɨ̀fàʼì 6:1

Inga ineg mbe, inɔ̰ mə̀mə̀nənùg Yeso yaya yètè ghò gho imbìghè. Mə̀Ju mbe ne yaya ghàmà Grig ya puti mə̀Ju mbe ne yaya ghàmà Hibrù. Mbi ya puti awɔb gha mbɔb mbe wàʼra ìmbɔb məku àyi anyumə̀ ne mbe ghàpà tijəg.

1 Kɔrèn 12:28

Ŋwiye fə chɔʼ bəd inga ifeti bəd Kristo. Bəd mbègtog ya bədtɔm Kristo. Bəd ne bène abɔ̀ʼ ya bədkə̀n Ŋwiye. Bəd ne pè ane itad ya mə̀chwitinùg. Bɔŋ se nàʼà abə bəd ne ghìyə̀ iyeti inug, tì bəd ne beri tineʼi ni ghù ighɔn, tì bəd ne nàʼà àwètì abə mə̀mbin, tì bəd ne kyeri icheg ni saʼ bəd, tì bəd ne ghàmà ane tìngam iben ndəŋ.

1 Kɔrèn 12:5

Ìfàʼì ya bə̀ aku aku, si ya gha, à ya məyi Anɔŋisəg we imɔʼ ne nàʼà ìfàʼì mbe.

1 Kɔrèn 14:26

Ìmbum məfi fɔrɔ ìtum njàbi, tì kə ywìrè gha? Anyumə̀ ne mbə̀ fɔti asiŋi afibì ni ghumni Ŋwiye; Wə̀d ne beri ikyeg wì zəʼə. Wə̀d ne beri ikə wì naʼa. Wə̀d ne beri anug ne Ŋwiye chwi ibo, wì toʼro. Wə̀d ne chàʼrà Ŋwiye ane tìngam iben ndəŋ, wì chaʼra. Wə̀d ne tòʼrò tìngam te, wì toʼro. Inug mbo̰ ijìm mənyìʼ yaʼ ni ghì gha bəd inga ifeti bəd Ŋwiye mbe təm kà.

Gàlesìyà 6:6

Mbə̀ bə kyèri gha, wə̀d we ne mbe chwìte Ìngam Ŋwiye ibo, wì bèrì ni ghàpì ighi chɔm chɔm məd ijìm tì wə̀d we ne chwìte Ìngam Ŋwiye ibo.

Efesùs 4:11

À ya məd ya nàʼi tineʼi abə bəd. Wì ya ghì bəd mɔ̀ʼɔ yaʼ bədtɔm, ghì mə̀mbin yaʼ bədkə̀n, ghì bəd mɔ̀ʼɔ yaʼ bəd ne chètè ikən chɔm, ghì mə̀mbin yaʼ bəd ne kyèʼrè bəd Ŋwiye bə̀ ghì mə̀mbin yaʼ bəd ne chwìte inug abə bəd Ŋwiye.

Kòlosè 4:17

Mbə̀ gha abə Akipùs gha wì kirə ika ni mànì àfàʼì ze ne Anɔŋisəg zi ibo ikye abo.

1 Timotì 2:7

Aŋa ya aton ne Ŋwiye chɔ̀ʼi amə ane wə̀dtɔm Kristo chà abə bəd mbe ne kayi mə̀Ju gha mə chwiti tesiʼ ne tì wì ghi bəd zì ibḛfiŋ igun Kristo. Mə ya ghà kwàʼ tesiʼ, kayi inug ako.

1 Timotì 3:2

Ane, atog wə̀d igun bəd Kristo bèrì ni yaʼ wə̀d ne chəyi bəd mbe ghàmbà aməd. Tengàŋ bèrì ni nam məyi àyi imɔ̀ʼ. Wì bèrì ni yaʼ wə̀d ne kɔ̀ŋɔ̀ gha bəd ya chùghə ane àbɔrɔ̀bɔd. Wì bèrì ni kyeri icheg ni nyimbi nyɔd. Wì bèrì ni ya ghùmnə ìwi nyɔd. Wì bèrì ni yaʼ wə̀d ne kɔ̀ŋɔ̀ anug ni niŋ bəd tìsɔ̀ʼ ibo inga nəb. Wì bə̀ bèrì ni kyeri icheg ni chwiti inug abə bəd.

1 Timotì 4:16

Àghò we awe imbə̀ʼ ìwe ikuchèg fɔrɔ imbə̀ʼ inug mbe ne àghò we chwìte. Nyimbi fìŋ ane inug mbo̰ imbə̀ʼ icheg ne àghò mə ghì ane, àghò biri pumni ìwe nyɔd bə̀ pùmni bəd mbe ne àghò we chwìte inug inɔb.

1 Timotì 5:17

Àghò nḛ gha bəd mbe nàʼà ighumni abə itog bəd mbe ne chà ifeti bəd Kristo bə̀ taŋ nàʼà ìwɔb ichɔʼ àfàʼì inɔb, ako ako ya bəd mbe ne taŋ fàʼà ni ghà Ìngam Ŋwiye bə̀ fɔrɔ ni chwìti inug imbə̀ʼ Kristo abə bəd.

2 Timotì 2:2

Inug mbe ne àghò ya zughi ne mə̀ yaya chwìte inga bəd, bəd nɔʼ nɔʼ bàrà, niŋ zì ikye abo abə bəd mbe ne àghò kyèri gha mbɔb mbe tì mbi chwiti abə bəd ndəŋ.

2 Timotì 2:24

Chəyi wə̀d àfàʼì Anɔŋisəg beri ne ya chɔ̀bɔ. Wì beri ni ya ghìyə̀ ìchɔ̀mì abə bəd məjìm bə̀ kyèri icheg ni chwiti inug abə bəd. Wì beri ni yaʼ wə̀d ne chəyi we kə zàmbà gàŋa.

2 Timotì 4:2

Àghò ghama Ìngam Ŋwiye abə bəd. Chuʼri ìwe nyɔd ni gha àghò mənyìʼ ghàm Ìngam Ŋwiye mà nyumə̀ ijìm, kə̀ bəd kɔ̀ŋ ni zug kə̀ chəyi. Àghò ghiyə gha bəd mbe ne ghìyə̀ inug ne chəyi mbi koʼi, mbe kɔpɔ. Àghò ghama gaŋ abə bəd ne ghìyə̀ inug tibɔ̀ŋ. Nyimbi fìŋ ni nəri bəd bə̀ nàʼ tikə inɔb.