Rm 12:19 - Ikan feg

¹⁹ Ìmbum mə̀sə̀ʼ, imbə̀ʼ mbə̰ ywite awən anug tibɔ̀ŋ. Mbə saŋa, à ya Ŋwiye biri ywìtì ane àzi agaŋ. Anɔŋisəg ghà inga Àŋwàʼrì Ŋwiye gha, “Mə biri ywìtì inug tibɔ̀ŋ mbe ne bəd ghìyə̀. Bəd mbe ne ghìyə̀ mə̀mbin zə̰ ngəʼ, mə biri ywìtì inɔb bə”.

Meta’

¹⁹ Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ mbə̀ wi ə pə̀n, àyɨə mbə saŋ ənû nɨ wi pə̀n əmbɨ ə Ŋwiə̀, ɨmbə̀ʼ ɨghəm nɨ ə zɨ ɨŋga Ə̀ŋwàʼnɨ̀ ə Ŋwiə̀ ni, Ə̀nùŋɨ̀sɨg ə ghà ni, “À yɨ mɔ̌ ə wìə̀ pə̀n. Mə bɨrɨ wì.”

Rm 12:19 Marejeleo ya Msalaba

Matìyò 5:39

Anug ne mə ghà inən amad anìŋ ya gha, imbə̀ʼ mbə̰ ywite awən àpɔ̀n abə wə̀d ne ghi anug tibɔ̀ŋ. Wə̀d mə twi ìze ndə̀ʼ aba abo jəghi, bə̀ŋə ìzin tì ndə̀ʼ chwi ibo wì bə twi.

Rm 12:14

Mbə chaʼra Ŋwiye gha wì ziye àbɔrɔ̀bɔd igun bəd mbe ne chɔ̀ʼrɔ ìmbən ibɔʼì ighog. Mbə gha Ŋwiye ziye yaʼ àbɔrɔ̀bɔd igun inɔb, kayi ndɔ̀n.

Rm 12:17

Imbə̀ʼ mbə̰ ywiti awən anug tibɔ̀ŋ igun anug tibɔ̀ŋ. Mbə̀ ghì ika ni ya ghìyə̀ yaʼ inug ne bəd məjìm biri bàd gha à ya inug ìchɔ̀mì.

Rm 13:4

Ŋwiye chà itog bəd ni wètì awən. Si ya gha, mbə̰ mə̀ ya ghìyə̀ inug tibɔ̀ŋ, mbə biri ya bɔ awɔb imbə̀ʼ icheg ne mbɔb biri ya chə awən. Mbɔb ya bəd àfàʼì Ŋwiye ne chə bəd mbe ne ghìyə̀ inug tibɔ̀ŋ.

Efesùs 4:27

Imbə̀ʼ wə̀d nàʼ yi apan abə Debrə̀.

1 Tèsàlonikà 4:6

Ane anug azo̰, imbə̀ʼ wə̀d mɔ̀ʼɔ abɔ̀ʼ inən ghiyə yi anug tibɔ̀ŋ abə ìwi ifi kə̀ nyə̀ʼ aməd. Anɔŋisəg biri chə bəd mbe ne ghìyə̀ tiku inug tibɔ̀ŋ ìto̰ tijìm kwàʼ icheg ne tì ya fə gha inən bə̀ pàti awən.

2 Timotì 4:14

Àlèzandà we ne tànga ighi ane itə̰, wì fàʼ anug tibɔ̀ŋ ne che ibo inum. Anɔŋisəg biri nàʼ chùd ibo ane àfàʼì ze ne wì fàʼi.

Mə̀Hibrù 10:30

Tè kyèri wə̀d we ne ya gha gha, “À ya mo we ywìtè ìpàb. Mə biri ywìtì.” À ya məd bə ywìrì gha, “Anɔŋisəg biri sɔb isaʼi igun ìmbi bəd.”