Rm 11:25 - Ikan feg

²⁵ Ìmbum məfi fɔrɔ ìtum njàbi, tesiʼ mɔ̀ʼɔ we angu ne yaʼi inə̀mbi ne mə̀ kəbi gha nji mbə kyèri. Tesiʼ we biri ghì gha mbə̀ saŋa icheg ne mbə̀ kɔ̀ndɔ gha mbə bèrì iwe. Tesiʼ we ya gha: chəyi ìkɔ̀b ze ne mə̀Izre beri biri tèn igun inɔb ane ighə̀m imɔʼ. Ìkɔ̀b ze ya ghɔ̀mɔ̀ gha àbùʼì bəd ze ne kayi mə̀Ju ze mana yèʼe abə Ŋwiye.

Meta’

²⁵ Mbɨ bɔŋgɔb, mə kə̀b ni mbə̀ kyerɨ ənû ze nɨ yeʼ ənə̀mə, ɨmbə̀ʼ tɨ mbə̀ kɔndɨ ə ni mbə we əku. Ənû ze yɨ ni: Ŋwiə̀ fə ghɨ̀ ni fîŋ tɨ mɨ̀Izre tu. Tɨ bɨrɨ tu wò pè ənɨ ɨnun bə̂d mbe nɨ kaʼi mɨ̀Jû nɨ berɨ yeʼe əmbɨ ə Ŋwiə̀ fə kuʼu.

Rm 11:25 Marejeleo ya Msalaba

Matìyò 13:11

Wì ya ywìtì gha, “Aton ya gha, Ŋwiye fə nàʼ iwe inən ni kyeri inug ne yaʼi inə̀mbi imbə̀ʼ anug ìfɔ̀n ikaŋ. Àsi abə mbin tì bəd, chəyi wi nàʼi iwe we inɔb.

Lk 21:24

Mbi biri zweti mə̀Ju mɔ̀ʼɔ ane məbeg ibid, bə̀ gwìtì ìmbi mɔ̀ʼɔ ane məfeg ghò inga iben ndəŋ. Bəd ne kayi mə̀Ju biri se tùmbə̀ Jèrusalèm anene nyùmə̀ we ne Ŋwiye ya nɔŋi gha bəd ne kayi mə̀Ju saʼ isəg ghum mèg.”

Jn 10:16

Mə bèrì njə̀g ndəŋ ne chəyi awɔb inga inɔ̰ njə̀g gho̰. Mə mənyìʼ niŋ njə̀g te yèʼe abɔ̀ʼ ìto̰. Ti biri bə zug ìmə gì. Ane, njə̀g te tijìm biri si fɔ̀ti ane inɔ̰ imɔʼ bə̀ bèrì àjənjə̀g imɔʼ.

Rm 1:13

Ìmbum məfi fɔrɔ ìtum njàbi ne tì yaʼi ane ifɔti tì Kristo, mə kə̀b gha mbə̀ kyeri gha, mə̀ ya chuʼri nyɔd aghəm nɔʼ nɔʼ ni yeʼe bàd awən ni ghì gha bəd mɔ̀ʼɔ bḛ Yeso icheg ne mə̀ ya bə̀ ghì abə mbin tì bəd ne kayi mə̀Ju. Si ya gha, inug mɔ̀ʼɔ ya təmni amə.

Rm 11:12

Àmə yaʼ ne inug tibɔ̀ŋ mə̀Ju fɔrɔ icheg ne mbɔb ya to̰ awɔb Ŋwiye ya ghi bəd ne kayi mə̀Ju jəg ìchɔ̀mì, àze chwi gha, Ŋwiye biri ghì mə̀Ju taŋ jəg ìchɔ̀mì anyumə̀ ne mbɔb məjìm fɔti abɔ̀ʼ bəd ne kayi mə̀Ju ni bḛ Ŋwiye.

Rm 11:24

Mbə̰ mbe ne kayi mə̀Ju, mbə̰ ya icheg titab azed olìf tibɔ̀ŋ te ne wì ya sɔbi ghò nàndì ane azed olìf chɔm. Chəyi ze ya kòʼi ni yaʼ ane. Mə̀Ju ya icheg azed olìf chɔm. Ane, ze biri zàm abə Ŋwiye ni ywiri nàndì awɔb ane azed chɔm ze ne mbi ya sɔb awɔb chì angu.

Rm 12:16

Mbə̀ chughi ane àbɔrɔ̀bɔd tì mə̀mbin. Imbə̀ʼ mbə̰ ya nɔ̀rɔ̀ awən nyɔd. Mbə̀ ya jə̀grə tì bəd ne chəyi mbi beri aghi. Imbə̀ʼ mbə̰ ya kɔ̀ndɔ awən gha mbə bèrì iwe chè icheg ne mbə̀ beri.

Rm 16:25

Tè ghumni Ŋwiye! Məd we tì wì ghi mbə bèrì ibḛfiŋ ni təmi kà anjìm ikən chɔm we ne mə chètè imbə̀ʼ Yeso Kristo. Məd we tì wì ghì ane anjìm inug tesiʼ mbe ne ya yaʼi inə̀mbi nɔ̀ʼ a jeje ne fə du asaŋ.

Rm 9:18

Ane, məd Ŋwiye biri bèrì àsɔ̀mnəfiŋ igun wə̀d ne wì də̀bi, bə̀ ghì gha fìŋ tu abə wə̀d ne wì də̀bi.

1 Kɔrèn 10:1

Ìmbum məfi fɔrɔ ìtum njàbi, mə kə̀b gha mbə̀ wendi anug ze ne ya du abə ìmba mə̀mbaʼ mbe aneg ne yaya bène abɔ̀ʼ Muse. Pàʼ yaya kyèʼrè awɔb. Mbɔb ya bə̀ bàni igyi tìbà.

1 Kɔrèn 12:1

Ìmbum məfi fɔrɔ ìtum njàbi, mə kə̀b gha mbə̀ kyeri tesiʼ imbə̀ʼ tineʼi te ne Azwighi Ŋwiye ze nàʼà.

1 Kɔrèn 2:7

Tì ya ghàmà yaʼ ane iwe we ne Ŋwiye we nàʼà. Iwe we ya yaʼ inə̀mbi. À ya iwe ne bɔŋ Ŋwiye ya se tànga isəg, məd ya fə nɔŋi ni nàʼ ina. Wì ya ghì ane ni gha tì beri ighumni.

1 Kɔrèn 4:1

Bəd beri ni niŋ awa icheg bəd àfàʼì abə Kristo ne Ŋwiye ghì gha tì gha inug tesiʼ mbe ne yaʼi inə̀mbi.

Efesùs 1:9

Ane, Ŋwiye ya fàʼ icheg ne wì ya fə chuʼri nɔ̀ŋì. Wì ya ghì tì kyèri inug mbe ne ya yaʼi inə̀mbi ne wì ya fə nɔ̀ŋì ni fàʼ anjìm Kristo.

Efesùs 3:9

Wì ya bə̀ chɔʼ amə gha mə̀ ghiyə wə̀d ijìm kyeri anug azo̰ ne yaʼi inə̀mbi, ne Ŋwiye we ne ya tangi ighi ijìm, ya nə̀mbì inga ìzi fìŋ nɔ̀ʼ ane nyumə̀ ne wì ya tangi isəg.

Efesùs 4:18

Mbɔb mbe kiri inga afub. Mbɔb mbe ghìyə̀ tìzughə̀ imbə̀ʼ icheg ne chəyi mbi kyere tesiʼ. Chəyi mbɔb bə kə̀b ni kyeri. Ane, Chəyi mbɔb biri jəg ìtḛ̀ we ne Ŋwiye we nàʼà.

2 Pità 3:8

Ìmbum məfi fɔrɔ ìtum njàbi ne mə̀ taŋ kɔ̀ŋ, imbə̀ʼ mbə̰ si to̰ awən anug azo̰ afibì. Anug angu ya gha, abə Anɔŋisəg, aneg amɔʼ ya icheg tituʼ chuʼ ifibì, tituʼ chuʼ ifibì ya bə̀ icheg aneg amɔʼ.

Ɨnû 1:20

Anug ze ne yaʼi inə̀mbi imbə̀ʼ titəm iməg te ìsàmbe ne àghò bàri inga àmə abo jəghi bə̀ fɔrɔ imbə̀ʼ ìtən inam mbe ìsàmbe ne mbi tangi ane gol ya gha: Titəm-məg te ìsàmbe ya mbè angirə̀ mbe ne kyèʼè tifeti bəd Kristo te ìsàmbe. Itən inam mbe ìsàmbe ya tifeti bəd Kristo te ìsàmbe.”

Ɨnû 10:7

“Si ya gha, anyumə̀ we ne angirə̀ we ne pè ane ìsàmbe biri fə ìzi tì tàŋ, Ŋwiye biri fàʼ ìmbi inug mbe ne ya yaʼi inə̀mbi icheg ne wì ya gha abə ìmbi bəd àfàʼì ne ya yaʼi bədkə̀n məd.”

Ɨnû 11:15

Angirə̀ we ne pè ane ìsàmbe ya fə ìzi tì tàŋ. Gì ka ka ti nɔʼ nɔʼ si ghàm ikaŋ àbɔ̀ŋɔ gha, “À ya ìwa Anɔŋisəg fɔrɔ Wə̀d məd we ne məd zɔ̀ʼi si bèrì ika ijìm amad anìŋ ni tùmbì isəg ijìm kwàʼ ane ighə̀m imɔʼ.”

Ɨnû 7:9

Anyumə̀ ne anatì njə̀m ze yaya chè, mə yaya nḛ̀, bàd inɔ̰ bəd ne ya yaʼi kwàʼ ìwi kyen, ne chəyi icheg ne tì wə̀d ya taŋ. Bəd mbe yaya nɔ̀ʼɔ̀ inga iben ijìm, inga tinəbi ijìm, inga isiŋi ijìm bə̀ fɔrɔ inga tìngam ijìm. Mbi ya təm imbìghè abə atən ifɔn bə̀ təm imbìghè abə Ŋwan njə̀g. Mbi ya zì ndwi maʼi fu fu bə̀ nyìmi izaŋ.