Rm 10:12 - Ikan feg

¹² Aton ya gha, chəyi icha mɔ̀ʼɔ inga mə̀Ju tì bəd ne kayi mə̀Ju. Anɔŋisəg ya məyi imɔʼ igun bəd məjìm. Məd we tùwə̀ àbɔrɔ̀bɔd igun wə̀d ijìm ne kàrà aməd.

Meta’

¹² ɨmbə̀ʼ ɨghəm nɨ chəi ɨkwepɨ əkaʼ mɨ̀Jû mbɨ ə bə̂d mbe nɨ kaʼi mɨ̀Jû. Àmei Ə̀nùŋɨ̀sɨg we mɔʼ nɨ yeʼ Ə̀nùŋɨ̀sɨg ɨgwɨ ə bə̂d mɨjìm. Àmei məd ə bə̀ zɨ̀ əbɔrəbɔd əbu əbu ɨgwɨ ə bə̂d mɨjìm mbe nɨə kɔ̀ŋgɨ̀ əməd.

Rm 10:12 Marejeleo ya Msalaba

Ɨ̀fàʼì 7:59

Anyumə̀ ne mbi yaya tùmbə məd, wì ya chàʼra Ŋwiye gha, “Anɔŋisəg Yeso, niŋ àmə azwighi.”

Ɨ̀fàʼì 9:14

Itog bəd mbàn Ŋwiye fə nàʼ ika ibo gha wì gwite bəd mbe ne ghùmnə awe. À ya aton ne wì yèʼe aŋa aze.”

Rm 14:9

Ane, Kristo ya ku, Ŋwiye zwèmni aməd ni gha wì yaʼ Anɔŋisəg abə bəd ne yaʼi izɔm fɔrɔ abə bəd ne fə ku.

Rm 15:12

Wə̀dkə̀n Ŋwiye Àzayà ya bə̀ ywìrì gha, “Ŋwan biri dù ane aghaŋ inəbi Jesè ne biri tùmbì bəd ne kayi mə̀Ju. Mbɔb biri nɔ̀ŋì ìtɔb tikɔndi igun məd.”

Rm 2:4

Àghò we wa wèghè inug chɔm nɔʼ nɔʼ mbe ne Ŋwiye we ghìyə̀ ine anjìm fìŋ chɔm məd bə̀ fɔrɔ icheg ne Ŋwiye we nyìmbe fìŋ tì ine, icheg ne wì sàŋi gha àghò be ghìyə̀ inug mbe ne chəyi mbi koʼi? Kə̀ chəyi àghò kyèri gha Ŋwiye ya ghìyə̀ fìŋ chɔm ine, nàʼà apan ine gha àghò bəŋi fìŋ sìkì inug tibɔ̀ŋ?

Rm 3:22

Ŋwiye fə ghì gha bəd məjìm mbe ne nɔŋi ibḛfiŋ igun Yeso Kristo mbe təm kòʼ ibo imbìghè. Wì ghì ane imbə̀ʼ icheg ne chəyi məd we ghìyə̀ ighə igun bəd.

1 Kɔrèn 1:2

Tì ya ŋwàʼrà anìŋ abə ifeti bəd Ŋwiye we ne yaʼi a Kɔrèn. Ŋwiye ghì mbi zen icheg ne mbi yaʼi ane ifɔti tì Kristo. Ŋwiye ya bə̀ kàrì awɔb ni gha mbe yaʼ ìmbi bəd. Tì ya bə̀ ŋwàʼrà anìŋ abə bəd məjìm ne ghùmnə Anɔŋisəg Yeso Kristo inga isəg ijìm. Məd ya Anɔŋisəg inɔb fɔrɔ ina.

1 Kɔrèn 15:47

Ŋwiye ya tangi mbaŋà mbègtog ane ìseg ze igun isəg. Wə̀d we ne ya si yèʼe anjìm, wì nɔ̀ʼ yaʼ ikaŋ àbɔ̀ŋɔ.

2 Kɔrèn 8:9

Mbə kyèri ìchɔ̀mì we ne Anɔŋisəg Yeso Kristo ya ghì. Wì ya taŋ bèrì ighi, si ya gha, wì ya bə̀ŋə si wə̀d ne chəyi àzi məd. Wì ya bə̀ŋə ane imbə̀ʼ awən ni ghì gha mbə̀ si yaʼ bəd ne beri ighi anjìm icheg ne chəyi wì beri ighi.

Gàlesìyà 3:28

Ane, chəyi ywìrè yi ikɔpi mɔ̀ʼɔ ane mə̀Ju tì bəd ne kayi mə̀Ju; Kə̀ ifeg tì wə̀d ne kayi ifeg. Chəyi ikɔpi mɔ̀ʼɔ ane mbaŋà kə̀ mə̀yi. Mbə̰ məjìm ya si bəd imɔʼ icheg ne mbə fə se ane anug amɔʼ tì Yeso Kristo.

Efesùs 1:7

À ya anjìm anəm Yeso ne Ŋwiye ya zeri awa anyumə̀ ne wì ya waʼi ìmba inug tibɔ̀ŋ. Wì ya ghì ane anjìm ìchɔ̀mì kyen məd

Efesùs 2:4

Si ya gha, Ŋwiye we ne dìgrè igun bəd kwàʼ icheg chɔm, ne bə̀ kɔ̀ŋɔ̀ bəd kwàʼ icheg chɔm, məd ya ghì gha,

Efesùs 2:7

Wì ya ghì ane ni gha inga nyùmə̀ isəg we ne məd biri yeʼe, məd we tì wì chwi gha chəyi tì mbi mə̀grì ìchɔ̀mì kyen məd we ne wì ghi ina anjìm Yeso Kristo.

Efesùs 3:16

Mə we chàʼrà Ŋwiye gha, ane ifɔmi məd we ne chəyi wi biri nɔʼ mèg, wì ghiyə ìtən fìŋ təm kà anjìm ika we ne Azwighi məd ze nàʼà.

Efesùs 3:6

Anug ze ne yaʼi inə̀mbi ya gha, anjìm ikən chɔm, bəd mbe ne kayi mə̀Ju fə si mbe àjəgnəb abɔ̀ʼ mə̀Ju. Mbɔb ya si isiŋi nyɔd ane nyàmnyɔd imɔʼ tì mə̀Ju. Mbɔb fə bə̀ bèrì àzɔb tì aba ane anug ze ne Ŋwiye ya che anjìm Yeso Kristo kàʼ.

Efesùs 3:8

Ka mə bì kə chè wə̀d kwa ne yaʼi abɔ̀ʼ bəd Ŋwiye məjìm, à ya Ŋwiye ya ghi ìchɔ̀mì inum gha mə̀ ghama abə bəd mbe ne kayi mə̀Ju imbə̀ʼ ifɔmi we ne chəyi wi biri nɔʼ mèg. À ya ifɔmi ne tì beri məyi icheg ne tì kyeri Kristo.

Fìlipì 2:11

Wə̀d ijìm fɔrɔ ighi ijìm biri bḛ ane ìwɔb ichug gha Yeso ya Anɔŋisəg. Ane, ze biri ghì gha bəd ghumnə Ŋwiye ne yaʼi Mbaʼ.

Fìlipì 4:19

Ìmə Ŋwiye biri nàʼ ighi ijìm mbe ne mbə̰ mbe kə̀bə̀ inən. Wì biri chè anjìm Yeso Kristo nàʼ ighi inən inga ighi nɔʼ nɔʼ mbe ne məd bèri.

Kòlosè 1:27

Ŋwiye ya kə̀b gha bəd məd kyeri gha anug kyen ze ne yaʼi inə̀mbi ya fɔrɔ abə bəd mbe ne kayi mə̀Ju. Anug ze ya gha, Kristo we inga inən, mbə̰ mbe ne kayi mə̀Ju. Ane ya gha, mbə̰ biri bə nyi inga kə̀tə̀d məd.

Kòlosè 3:11

Ane, mbə̰ ya si bəd imɔʼ amad anìŋ. Chəyi ywìrè yi icha mɔ̀ʼɔ ane mə̀Ju tì bəd ne kayi mə̀Ju, kə̀ ane bəd ne mbi ŋweri tì bəd ne chəyi mbi ŋweri. Chəyi ywìrè yi wə̀d mɔ̀ʼɔ ne tì mbi kàrì ane wə̀dnàb kə̀ wə̀d ne yaʼi izimi. Chəyi ywìrè yi ifeg kə̀ wə̀d ne yaʼi yi ane ìwi ighəm. Tiku bəd ìto̰ tijìm ya se ane anug amɔʼ icheg ne mbi yaʼi ane ifɔti tì Kristo imbə̀ʼ icheg ne à ya məd beri aku bəd azo̰ ajìm.

1 Timotì 2:5

Ŋwiye ya məyi imɔʼ. À ya bə̀ məyi wə̀d imɔʼ ne fɔ̀tɔ bəd ane anug amɔʼ tì Ŋwiye. Məd ya Yeso Kristo.

Ɨnû 17:14

Mbi biri màʼ ibid tì Ŋwan njə̀g. Si ya gha, Ŋwan njə̀g tì bəd mbe ne wì kàrì awɔb bə̀ chɔʼ awɔb fɔrɔ bəd mbe ne nɔ̀ŋɔ̀ fìŋ igun məd biri màʼ ibid chè awɔb. Mbi biri màʼ ibid chè imbə̀ʼ icheg ne məd ya Anɔŋisəg abə itog bəd ijìm fɔrɔ Ifɔn abə məfɔn.”

Ɨnû 19:16

Ikum we ne yaʼi igun ndwi məd bə̀ fɔrɔ igun ìtìb aghog məd ya, “Ifɔn abə məfɔn fɔrɔ Anɔŋisəg abə itog bəd ijìm.”