Rm 1:30 - Ikan feg

³⁰ Mbɔb fə zì atog ane anug ni chìkì tikum bəd, bà̰ Ŋwiye, chàpì bəd, anug ni swèg achɔb tì bəd tì anug ni kɔ̀m igo; Mbɔb mbe tànga tiku inɔnjì feg tijìm ni ghì inug tibɔ̀ŋ; Mbɔb mbe ghìyə̀ ìkɔ̀b abə ìmbɔb mə̀mbaʼ fɔrɔ ìmbɔb mbì ngɔb;

Meta’

³⁰ ɨ mbɨə chə̀kɨ̀ rɨkum bə̂d, ɨ mbɨə bàn ə Ŋwiə̀, ɨ mbɨə tə̀ə̀nɨ̀ə̀ bə̂d, ɨ mbɨə seenɨə, ɨ mbɨə nɔ̀ ɨnyod, ɨ mbɨə tekɨ mɨnə̂njɨ̀ fi nɨ ghɨ ɨnû rɨbɔ̀ŋ, ɨ mbɨə bə̀ ghɨ̀ rɨ̀zuə̀ əmbɨ mbə mɨ̀mbǎʼ bə̀ fɔrɨ əmbɨ mbə mɨ̀nɨ̌ŋ.

Rm 1:30 Marejeleo ya Msalaba

Matìyò 15:4

Ŋwiye gha, ‹Ghumni ìwe mbaʼ tì ìwe ngɔb.› Wì bə̀ ywìrì gha, ‹Wə̀d ne zɔ̀mbi ìwi mbaʼ kə̀ ìwi ngɔb, mbe zweti aməd.›

Matìyò 16:21

Ni ko ane nyùmə̀ we ne Pità ya mə̀ti wə̀d ne Yeso yaʼi ìwiwən, Yeso ya ko se mə̀tə̀ icheg ne wì mənyìʼ ghò a Jèrusalèm abə mə̀mə̀nənùg məd. Wì ya mə̀tì icheg ne wì biri zə̰ ngəʼ nɔʼ nɔʼ ikye abo abə itog bəd inga aben tì itog bəd mbàn Ŋwiye fɔrɔ mə̀chwitì mə̀nɔ̀ʼɔ̀. Wì ya gha, mbi biri mənyìʼ zwèti yi, àsi igun aneg ne pè ane itad, Ŋwiye zwemni aməd ane iwu.

Lk 21:16

Ìmbən mə̀mbaʼ tì ìmbən məfi tì ìmbən mə̀sə̀ʼ fɔrɔ ìmbən ifud biri fḛ awən. Itog bəd ne sàʼa aben biri zweti bəd mɔ̀ʼɔ abɔ̀ʼ inən.

Jn 7:7

Chəyi tì bəd inga isəg pàb awən. Mbɔb ya pàbà amə imbə̀ʼ icheg ne mə ghà inɔb gha inug mbe ne mbɔb mbe ghìyə̀ ya inug tibɔ̀ŋ.

Ɨ̀fàʼì 5:36

À ya yaʼ ane anyumə̀ mɔ̀ʼɔ, mbaŋà ze ne mbi yaya kàrà ane Tìyodàs ya nɔ̀ʼ gha zìye ya mbaŋà ìzin. Bəd ne ya beni abɔ̀ʼ məd ya yaʼ icheg aki akwè. Si ya gha, anyumə̀ ne mbi ya zweti aməd, bəd mbe məjìm ya sàkà. Anug məd ze ya nim.

Rm 2:17

Àsi awe, àghò gha àghò ya Ju. Àghò gha àghò we nɔ̀ŋɔ̀ mə̀nɔ̀ʼɔ̀ Muse. Àghò we bə̀ kɔ̀mɔ̀ igo gha àghò kyère Ŋwiye.

Rm 2:23

Àghò we kɔ̀mɔ̀ igo gha àghò kyèri mə̀nɔ̀ʼɔ̀ Ŋwiye. Àghò we wa chìkì ikum Ŋwiye ane icheg ne àghò we gùghə mə̀nɔ̀ʼɔ̀ məd?

Rm 3:27

Ane, tì kə ywìri kɔ̀m igo ane aghə? Chəyi ywìrè anug mɔ̀ʼɔ ne tì beri ni kɔ̀m igo igun. Ane, aton àkə gha? Àkə imbə̀ʼ icheg ne tì ya zùgrə mə̀nɔ̀ʼɔ̀? Indèʼ ka! À ya imbə̀ʼ icheg ne tì beri ibḛfiŋ igun Yeso.

2 Kɔrèn 10:15

Chəyi te chè ati se kɔ̀mɔ̀ igo imbə̀ʼ àfàʼì ne bəd ndəŋ faʼi. Ìwa ikɔndi ya gha, icheg ne ìwən ibḛfiŋ igun Ŋwiye we kwèghe, àza àfàʼì ne tì beri ni fàʼ inən biri yètè.

2 Kɔrèn 12:20

Ane, mə we bɔ gha anyumə̀ ne mə̀ biri yeʼe, ighəm mɔ̀ʼɔ chəyi mə̀ biri pè kɔ̀ti awən icheg ne mə̀ kəbi gha mbə̀ yaʼ. Ighəm mɔ̀ʼɔ chəyi mbə̰ inən biri bə kɔ̀ti mə icheg ne mbə̰ mbe kə̀bə̀ gha mə yaʼ. Aton ne mə bɔ ya gha, mə biri pè kɔ̀ti bəd ne chɔ̀bɔ, tì bəd ne ghìyə̀ àdeg, tì bəd ne nɔ̀ŋɔ̀ agaŋ, tì bəd ne sìyè, tì bəd ne chìkə̀ tikum abə mə̀mbin, tì bəd ne ghìyə̀ mənìghe, tì bəd ne nɔ̀ nyɔd fɔrɔ bəd ne bùrə̀ isiŋi.

2 Tès 2:4

Wə̀d inug izəg we biri chɔʼri inug imbə̀ʼ Ŋwiye bə̀ nɔ̀ ìwi nyɔd igun ighi ijìm mbe ne bəd mbe ghùmnə Ŋwiye angu. Wì biri bə nyi chùghi inga mbàn Ŋwiye se ghà gha zìye ya Ŋwiye.

2 Timotì 3:2

Bəd biri se kɔ̀ŋɔ̀ məyi ìtɔb nyàmnyɔd bə̀ kɔ̀ŋɔ̀ ikab. Bəd biri se kɔ̀mɔ̀ igo, nɔ̀ nyɔd bə̀ zɔ̀mbɔ̀ bəd. Bɔn biri se ghìyə̀ tìzughə̀ abə ìmbɔb mə̀mbaʼ. Chəyi bəd biri ya bḛ inug chɔm ne bəd mbe fàʼà inɔb. Chəyi bəd biri ya bə̀ ghìyə̀ inug ne zḛ imbìghè abə Ŋwiye.

Tayitùs 3:3

Mba ina ya bə̀ kweʼì ghì inug anen bə̀ kweʼì ghì tìzughə̀. Mbi ya kweʼì tàmbi awa, tì febè. Mbi ya kweʼì ghì tì bḛ ìbòʼì abə tiku inug ijìm mbe ne nyàmnyɔd ze ghə̀ʼrə̀ bə̀ kɔ̀ŋɔ̀. Tì yaya ghìyə̀ inug izəg igun bəd. Tì yaya bə̀ ghìyə̀ àdeg. Bəd yaya bà̰ awa. Tì yaya bə̀ bà̰ ìwa nyɔd mba mba.

Jems 3:5

À ya icheg ne ze bə yaʼ ti inemi. Inemi ya kwàʼ asiŋi nyɔd kwa kwa, si ya gha, wì ya fàʼà kwàʼ ìfàʼì kyen kyen. Nḛ aghi icheg inab kyen ne à ya məyi fichəb iywid kwa kwa ne tɔ̰̀ inab kyen we.

Jems 4:16

Tesiʼ ya gha, mbə̰ mbe kɔ̀mɔ̀ igo bə̀ nɔ̀ nyɔd. Chəyi anug ni kɔ̀m igo kə̀ ni nɔ̀ nyɔd ze bɔŋi.

2 Pità 2:18

Mbɔb ya ghàmà inug ako məyi ni kɔ̀m igo bə̀ ghìyə̀ məyi inug ne ìtɔb nyàmnyɔd te ghə̀ʼrə̀. Mbɔb ya nə̀rə bəd mbe ne chìyè ìfɔb ìfeg ane bəd inug tibɔ̀ŋ ni ghì gha mbe febe.

Jûd 1:16

Bəd mbo̰ ya kùmə̀ inug ijìm. Chəyi anug mɔ̀ʼɔ ne kwèʼe bɔ̀ŋɔ̀ inɔb. Mbɔb ya ghìyə̀ inug ne ìtɔb nyàmnyɔd te ghə̀ʼrə̀. Mbɔb ya kɔ̀mɔ̀ igo. Mbɔb ya chɔ̀tɔ̀ wə̀d məyi ni niŋ aghi mɔ̀ʼɔ ibo.