Rm 1:28 - Ikan feg

²⁸ Icheg ne chəyi mbɔb ya kɔndi gha ze bɔ̀ŋ ni kyeri Ŋwiye, Ŋwiye ya sàŋì awɔb gha mbe bere tikɔndi tibɔ̀ŋ imbə̀ʼ se ghìyə̀ inug ne chəyi mbɔb beri ni ghì.

Meta’

²⁸ Ɨchî nɨ chəi mbɨ nyaʼa zə ni zɨə kùʼ nɨ kyerɨ ə Ŋwiə̀, Ŋwìə̀ nyaʼa ghɨ̀ ni mbɨ berɨ tɨkɔndɨ rɨbɔ̀ŋ, ɨmbə̀ʼ sɨə ghɨ̀ ɨnû mbe nɨ chəi mbɨ nyaʼa berɨ nɨ ghɨ̀.

Rm 1:28 Marejeleo ya Msalaba

Ɨ̀fàʼì 17:23

Icheg ne mə̀ kə̀ ŋa yḛ̀ inga àzən aben, mə bàd isiŋi mbe ne mbə̰ mbe ghùmnə mə̀ŋwiye. Mə bə̀ bàd ati ŋwiye mɔ̀ʼɔ ne mbi ŋwaʼri angu gha, ‹Abə Ŋwiye we ne chəyi tì kyeri.› Ane, Ŋwiye we ne mbə̰ mbe ghùmnə ne chəyi mbə̀ kyeri, à ya ìwiwən ne mə yeʼe ni ghà inug imbə̀ʼ aməd inən.

Ɨ̀fàʼì 17:32

Anyumə̀ ne mbi ya zughi icheg ne Pɔl ya ghàmi imbə̀ʼ anug ni zweme ane iwu, bəd mɔ̀ʼɔ ya chàtì aməd. Si ya gha, mbi mɔ̀ʼɔ ya gha, “Tì kə̀b ni ywìri zug anug azo̰ ighəm ndəŋ.”

Rm 1:18

Agaŋ Ŋwiye fə yeʼe tikaŋ igun bəd məjìm ne ghìyə̀ inug tibɔ̀ŋ imbə̀ʼ icheg ne chəyi ìwɔb ikuchèg we nàʼà apan gha bəd kyeri tesiʼ.

Rm 1:21

Mbi jiʼì kyèri gha Ŋwiye we angu, si ya gha, chəyi mbɔb mbe ghùmnə aməd bə̀ nàʼà məyakà ibo icheg Ŋwiye. Mbɔb bèrì yaʼ tikɔndi anen bə̀ bèrì fìŋ ne tu. Mbɔb ya bə̀ chè imbìghè ni ghì inug tibɔ̀ŋ.

Rm 1:24

Icheg ne mbɔb mbe ghìyə̀ ane, Ŋwiye sàŋì awɔb gha mbɔb se ghìyə̀ inug bə bə mbe ne ìtɔb fìŋ te ghə̀ʼrə̀ ne ya anug ni fànì ne zìye tìnìrètog igun inɔb.

Rm 1:26

Anjìm inug mbo̰ ne mbɔb mbe ghìyə̀, Ŋwiye fə sàŋì awɔb abə ìmbɔb inug tibɔ̀ŋ mbe ne nàʼà tìnìrètog abə bəd. Mə̀yi mbe ne abɔ̀ʼ inɔb fə bə̀ŋì anug ni fɔti tì mbaŋà se fɔ̀tɔ awɔb yaʼ tì mə̀yi awən.

1 Kɔrèn 15:34

Mbə̀ ywiri taŋ kɔndi icheg chɔm, waʼ inug tibɔ̀ŋ. Chəyi bəd mɔ̀ʼɔ abɔ̀ʼ inən kyeri Ŋwiye. Mə ya ghàmà anìŋ ni nàʼ tìnìrètog inən.

2 Kɔrèn 10:5

Tì ya nìŋə ighi ibid mbe ni nimni inug mbe ne bəd mbe tàŋà inug imbə̀ʼ mbiwən bə̀ nimni inug ijìm mbe ne kə̰ gha imbə̀ʼ bəd si nɔ̀ʼ kyèri Ŋwiye. Tì ya bə̀ nìŋə ighi ibid mbe ni kɔd tikɔndi tijìm te ne bəd beri, si ghì gha te zugri Kristo.

Efesùs 5:4

Chəyi ze bɔŋi gha mbə̀ ya ghàmà izṵ inug kə̀ ghìyə̀ tìcheg ane izṵ inug kə̀ ghàmà tìngam anen. Anug ne bɔŋi ya gha mbə̀ ya nàʼà yaʼ məyakà abə Ŋwiye.

2 Tès 1:8

Wì biri ghum yeʼe ni zì ngəʼ igun bəd mbe ne to̰ awɔb Ŋwiye bə̀ to̰ awɔb ni zugri ikən chɔm we ne ìwa Anɔŋisəg Yeso ya yeʼe tì ìwiwən.

2 Timotì 3:8

Kwàʼ icheg ne Janès tì Jambrès yaya tàŋà inug ne Muse ya gha, à ya bə̀ ane ne bəd mbo̰ ne chwìte inug mbe bə̀ tàŋà tesiʼ we ne yaʼi inga Ìngam Ŋwiye. Mbɔb ya bəd ne ìtɔb fìŋ fə tu. Mbɔb ya mbaŋà te ne chəyi tì ìwɔb ibḛfiŋ igun Kristo taŋ kà.

Tayitùs 1:16

Mbɔb mbe gha mbɔb kyèri Ŋwiye, si ya gha, ìtɔb tighi inug ya chwìye gha mbɔb fə ton awɔb Ŋwiye. Ŋwiye ya bà̰ awɔb imbə̀ʼ icheg ne mbɔb ya ghìyə̀ tìzughə̀ abə Ŋwiye. Chəyi tì mbi fàʼ àfàʼì chɔm mɔ̀ʼɔ ka.

Filemɔ̀n 1:8

Ane, mə we tì mə bèrì fìŋ ne ka icheg ne mə̀ yaʼi ane ifɔti tì Kristo ni ghà ine gha àghò ghiyə anug ne àghò koʼi ni ghì.

2 Pità 3:5

Mbɔb taŋ kyèri àzɔb aghi bɔŋ se to̰ gha, à yaya te aneg, Ŋwiye ya tangi ikaŋ àbɔ̀ŋɔ bə̀ tangi isəg məyi ane ìwi ìngam. Wì ya ghàpì ìseg chì ane mənib. Ane, ìseg ya dù inga mənib.