Rm 1:21 - Ikan feg

²¹ Mbi jiʼì kyèri gha Ŋwiye we angu, si ya gha, chəyi mbɔb mbe ghùmnə aməd bə̀ nàʼà məyakà ibo icheg Ŋwiye. Mbɔb bèrì yaʼ tikɔndi anen bə̀ bèrì fìŋ ne tu. Mbɔb ya bə̀ chè imbìghè ni ghì inug tibɔ̀ŋ.

Meta’

²¹ Ka à bè yeʼi ni mbɨ nyaʼa kyerɨ ə Ŋwiə̀, àyɨə chəi mbɨ nyaʼa nàʼ ɨwumnɨ we ɨ bɔ ni məd yɨə Ŋwiə̀, kɨ̀ bè nàʼ məben-əwe ɨ bɔ. Ɨ mbɨə nyaʼə kɔndɨ yeʼ ɨnû əko. Əne ɨchî nɨ tɨkɔndɨ tɨ mɨ̀mə̌d nyaʼa tɨ əko, chəi mbɨ nyaʼə wɨrɨə kɔndɨ ənû ə chɔ̀m ə mɔʼɔ.

Rm 1:21 Marejeleo ya Msalaba

Jn 3:19

Isaʼi we ne yaʼi igun bəd igun isəg ya gha, Ìzḛzḛ fə yèʼe igun isəg, si ya gha, bəd kɔ̀ŋ yaʼ afub chè ìzḛzḛ imbə̀ʼ icheg ne mbɔb mbe kiri ghiyə inug tibɔ̀ŋ.

Ɨ̀fàʼì 26:18

Àghò biri ghò fìʼì àzɔb aghə ni gha mbe duwə inga isəg afub nyi inga ìzḛzḛ, bə̀ dù ane Sàtàn ghò abə Ŋwiye. Mbi mə̀ ghì ane, Ŋwiye biri waʼ ìmbɔb inug tibɔ̀ŋ bə̀ nɔ̀ŋì awɔb abɔ̀ʼ bəd mbe ne wì fə zeni imbə̀ʼ icheg ne mbi nɔŋi ìtɔb fìŋ igun inum.›

Rm 1:19

Ane, Ŋwiye ya chə awɔb imbə̀ʼ icheg ne wì ya fə ghì anug ne mbɔb ya kòʼi ni kyeri imbə̀ʼ aməd Ŋwiye ze dù zen inɔb.

Rm 1:28

Icheg ne chəyi mbɔb ya kɔndi gha ze bɔ̀ŋ ni kyeri Ŋwiye, Ŋwiye ya sàŋì awɔb gha mbe bere tikɔndi tibɔ̀ŋ imbə̀ʼ se ghìyə̀ inug ne chəyi mbɔb beri ni ghì.

Rm 11:10

Àzɔb aghə ze fin imbə̀ʼ mbi nɔ̀ʼ bàd isiŋi. Ìtɔb njìm te gumnə ane ighə̀m imɔʼ.”

Rm 15:9

Wì ya ghì ane ni gha bəd mbe ne kayi mə̀Ju mbe tì mbi ghumni Ŋwiye imbə̀ʼ icheg ne wì ya beri àsɔ̀mnəfiŋ igun inɔb. A ze inga Àŋwàʼrì Ŋwiye gha; “Mə biri ghumni awe inga bəd ne kayi mə̀Ju, bə̀ zə̀ʼ tikyeg ne ghùmnə awe.”

2 Timotì 3:2

Bəd biri se kɔ̀ŋɔ̀ məyi ìtɔb nyàmnyɔd bə̀ kɔ̀ŋɔ̀ ikab. Bəd biri se kɔ̀mɔ̀ igo, nɔ̀ nyɔd bə̀ zɔ̀mbɔ̀ bəd. Bɔn biri se ghìyə̀ tìzughə̀ abə ìmbɔb mə̀mbaʼ. Chəyi bəd biri ya bḛ inug chɔm ne bəd mbe fàʼà inɔb. Chəyi bəd biri ya bə̀ ghìyə̀ inug ne zḛ imbìghè abə Ŋwiye.

1 Pità 1:18

Mbə̰ kyèri àzən aghi gha chəyi Ŋwiye ya zeri awən chì inga ikuchèg tibɔ̀ŋ we ne ìmbən mə̀mbaʼ aneg ya sàŋì inən ane ighi ako icheg ikab gol, kə̀ ikab sibà.

1 Pità 2:9

Àsi awən, mbə̰ ya inəbi ne Ŋwiye chɔ̀ʼi. Mbə̰ ya bəd Mbàn Ŋwiye ne fàʼà abə Ŋwiye, ìwən ifɔn. Mbə̰ ya aben bəd ne zḛ. Mbə̰ ya kwàʼ bəd Ŋwiye. Wì chɔʼ awən gha mbə̀ chete inug yeti yeti ne wì fə ghi. À ya Məd ya chɔʼi awən chì inga isəg afub si zì inga ìzḛzḛ chɔm chɔm məd.

Ɨnû 14:7

Wì ya ghà ane gì ka ka gha, “Mbə̀ bɔ Ŋwiye bə̀ nàʼ ighumni ibo imbə̀ʼ icheg ne nyùmə̀ we ne məd biri saʼ bəd fə kòʼ. Mbə̀ ghumni aməd we ne ya tangi ikaŋ àbɔ̀ŋɔ, tàngi ìseg, tàngi igyi tìbà bə̀ tàngi ìdùrì!”

Ɨnû 15:4

O Anɔŋisəg! Àkə we ne chəyi wì biri bɔ awe? Àkə we ne chəyi wì biri ghumni awe? À ya məyi àghò tèzìʼì ne zḛ. Bəd inga iben ijìm biri yeʼe se ghùmnə awe ine imbìghè imbə̀ʼ icheg ne àghò fə ghì wə̀d ijìm bàd ìmbe ìfàʼì ne təm kòʼ.”