Rm 1:14 - Ikan feg

¹⁴ Mə bèrì anug ne mə̀ mənyìʼ fàʼ abə bəd məjìm: Mə bèrì ni fàʼ abə mə̀Grig fɔrɔ abə bəd mbe ne kayi mə̀Grig, bə̀ fɔrɔ abə bəd mbe ne kyeri anug fɔrɔ abə bəd mbe ne yaʼi abəŋ.

Meta’

¹⁴ Mə yɨə wə̀d njɔ̌ əmbɨ ə bə̂d mbe nɨ kyerɨ ənû fɔrɨ əmbɨ mbe nɨ chəi mbɨ kyerɨ ənû. Mə yɨə bə̀ wə̀d njɔ əmbɨ ə bə̂d ɨwe bə̀ fɔrɨ əmbɨ ɨneŋ.

Rm 1:14 Marejeleo ya Msalaba

Matìyò 11:25

Anyumə̀ we ne Yeso yaya ghàmà ane, wì ya gha, “Ìmə Mbaʼ, Anɔŋisəg ne beri ikaŋ fɔrɔ ìseg, mə nàʼ məyakà ine imbə̀ʼ icheg ne àghò nə̀m inug mbo̰ abə bəd mbe ne kɔ̀ndɔ gha mbɔb bèrì iwe bə̀ kyèri inug, si chwi yaʼ abə bɔn kwa.

Lk 10:21

Anyumə̀ we, Azwighi Ŋwiye ya ghì igyendi sweg inga fìŋ abə Yeso. Wì si gha, “Ìmə Mbaʼ, Anɔŋisəg ne beri ikaŋ fɔrɔ ìseg. Mə nàʼ məyakà ine imbə̀ʼ icheg ne àghò nə̀m inug mbo̰ abə bəd ne kɔ̀ndɔ gha mbɔb bèrì iwe bə̀ kyèri inug, si chwi abə bəd ne chəyi mbi kyeri. E! Ìmə Mbaʼ, à ya icheg ne àghò kə̀bi gha ze yaʼ.

Ɨ̀fàʼì 22:21

Anɔŋisəg ya ghà inum gha, ‹Ndò imbə̀ʼ icheg ne mə̀ biri chà awe a sà agha abə bəd mbe ne kayi mə̀Ju.› ”

Ɨ̀fàʼì 28:2

Bəd aben ze ya ghì iku ìchɔ̀mì mɔ̀ʼɔ ina ne chəyi tì kweʼì bàd. Mbi ya niŋ awa mba məjìm kwàʼ icheg chɔm. Mbi ya bə̀ zì iywid ina imbə̀ʼ icheg ne mbə̀ŋ yaya no, ifə ko.

Ɨ̀fàʼì 28:4

Anyumə̀ ne bəd inga aben ze ya bàri afighi ze ne yaya nə̀ŋə ane abo abə Pɔl, mbi ya ghà mbɔb mbɔb gha, “Wə̀d gho̰ mənyìʼ yaʼ wə̀d ne zwète bəd! Ka wì fə jiʼì nòrò iwu inga tìbà, chəyi ŋwiye àyi we ne beri ikuchèg tesiʼ ni sàʼ bəd biri bḛ gha wì chughi izɔm.”

Ɨ̀fàʼì 9:15

Wì ya ghà ane, si ya gha, Anɔŋisəg ya ghà ibo gha, “Ndò imbə̀ʼ icheg ne mə fə chɔʼ aməd ane ìmə wə̀d àfàʼì inum. Wì biri chètì anug imbə̀ʼ amə abə bəd mbe ne kayi mə̀Ju, chètì abə məfɔn bə̀ chètì fɔrɔ abə mə̀Izre.

Rm 1:22

Mbɔb ya kɔ̀ndɔ gha mbɔb bèrì iwe, nda mbɔb ya kwàʼ inen.

Rm 11:25

Ìmbum məfi fɔrɔ ìtum njàbi, tesiʼ mɔ̀ʼɔ we angu ne yaʼi inə̀mbi ne mə̀ kəbi gha nji mbə kyèri. Tesiʼ we biri ghì gha mbə̀ saŋa icheg ne mbə̀ kɔ̀ndɔ gha mbə bèrì iwe. Tesiʼ we ya gha: chəyi ìkɔ̀b ze ne mə̀Izre beri biri tèn igun inɔb ane ighə̀m imɔʼ. Ìkɔ̀b ze ya ghɔ̀mɔ̀ gha àbùʼì bəd ze ne kayi mə̀Ju ze mana yèʼe abə Ŋwiye.

Rm 12:16

Mbə̀ chughi ane àbɔrɔ̀bɔd tì mə̀mbin. Imbə̀ʼ mbə̰ ya nɔ̀rɔ̀ awən nyɔd. Mbə̀ ya jə̀grə tì bəd ne chəyi mbi beri aghi. Imbə̀ʼ mbə̰ ya kɔ̀ndɔ awən gha mbə bèrì iwe chè icheg ne mbə̀ beri.

Rm 13:8

Imbə̀ʼ mbə̰ bere awən anug tì wə̀d. Anug ne mbə̀ koʼi ni ghì ya məyi ne ya kɔ̀ŋɔ̀ ìtən nyàmnyɔd. À ya ane imbə̀ʼ icheg ne wə̀d ne kɔ̀ŋɔ̀ bəd ne yaʼi iban məd, tengàŋ ya fàʼà anug ze ne mə̀nɔ̀ʼɔ̀ Muse kəbi.

Rm 16:19

Wə̀d ijìm kyèri gha mbə̰ mbe zùgrə Anɔŋisəg. À ya aton ne mo ya taŋ gyènde imbə̀ʼ awən. Mə kə̀b gha mbə̀ beri iwe imbə̀ʼ ya ghìyə̀ məyi inug mbe ne yaʼi inug chɔm. Si ya gha, mbə̀ chìye ìmbən ibo inga anug ne zìyè inug tibɔ̀ŋ.

Rm 8:12

Ane, ìmbum məfi fɔrɔ ìtum njàbi, tè bèrì anug ne tì mənyìʼ fàʼ. Anug ze ya kayi ni ghì inug mbe ne ìta nyàmnyɔd te ghə̀ʼrə̀.

1 Kɔrèn 14:11

Si ya gha, mə mə̀ chəyi mə̀ kyeri ìngam ne wə̀d mɔ̀ʼɔ we ghàmà, mo ya wə̀d tìsɔ̀ʼ abə wə̀d ne ghàmà, məd bə̀ yaʼ wə̀d tìsɔ̀ʼ inum.

1 Kɔrèn 14:16

Mbə̰ mə̀ ya nàʼà məyakà abə Ŋwiye məyi ane àzən azwighi, wə̀d ne yaʼi abɔ̀ʼ inən ne chəyi we zùghə anug ne mbə̰ mbe ghà, tengàŋ kə si chè iye ni bḛ gha “À ya ane” ane anug ne mbə̰ mbe ghà?

1 Kɔrèn 2:13

Chəyi te ghàmà inug mbo̰ ane tìngam ne beri iwe wə̀d-aku. Tì ya ghàmà yaʼ tìngam tesiʼ ne Azwighi Ŋwiye chwiti ina. Tì ya tòʼrò tìngam te abə bəd mbe ne Azwighi Ŋwiye yaʼi inga inɔb.

1 Kɔrèn 3:18

Imbə̀ʼ wə̀d tàmba yi ìwi nyɔd. Wə̀d mɔ̀ʼɔ abɔ̀ʼ inən mə kɔ̀ndi gha zìye bèrì iwe icheg ne bəd igun isəg mbe nḛ̀ bəd iwe, wì beri ni bə̀ŋə̀ si yaʼ icheg anen imbə̀ʼ bèrì iwe tesiʼ.

2 Kɔrèn 10:12

Chəyi tì biri mə̀grì ìwa nyɔd ka iki piʼì, kə̀ bì sìmnè ìkyen tì bəd mbe ne kɔ̀mɔ̀ igo gha mbɔb mbe fàʼà chè bəd ndəŋ. Mbɔb ya inen imbə̀ʼ icheg ne mbɔb ya mə̀grə̀ ìwɔb nyɔd bə̀ sìmnè ìkyen mbɔb mbɔb.

2 Kɔrèn 11:19

Icheg ne mbə̀ kɔndi gha mbə bèrì iwe, mbə̰ mbe kɔ̀ŋɔ̀ ni ya zùghə inug ne inen mbe ghà.

Kòlosè 3:11

Ane, mbə̰ ya si bəd imɔʼ amad anìŋ. Chəyi ywìrè yi icha mɔ̀ʼɔ ane mə̀Ju tì bəd ne kayi mə̀Ju, kə̀ ane bəd ne mbi ŋweri tì bəd ne chəyi mbi ŋweri. Chəyi ywìrè yi wə̀d mɔ̀ʼɔ ne tì mbi kàrì ane wə̀dnàb kə̀ wə̀d ne yaʼi izimi. Chəyi ywìrè yi ifeg kə̀ wə̀d ne yaʼi yi ane ìwi ighəm. Tiku bəd ìto̰ tijìm ya se ane anug amɔʼ icheg ne mbi yaʼi ane ifɔti tì Kristo imbə̀ʼ icheg ne à ya məd beri aku bəd azo̰ ajìm.

2 Timotì 2:10

Ane, mə we nyìʼè aton inug mbo̰ ijìm ni ghì gha bəd mbe ne Ŋwiye ya chɔʼi awɔb, Yeso Kristo ghiyə mbɔb pum bə̀ ghì mbɔb bere ighumni we ne chəyi ìnwḭ.

Tayitùs 3:3

Mba ina ya bə̀ kweʼì ghì inug anen bə̀ kweʼì ghì tìzughə̀. Mbi ya kweʼì tàmbi awa, tì febè. Mbi ya kweʼì ghì tì bḛ ìbòʼì abə tiku inug ijìm mbe ne nyàmnyɔd ze ghə̀ʼrə̀ bə̀ kɔ̀ŋɔ̀. Tì yaya ghìyə̀ inug izəg igun bəd. Tì yaya bə̀ ghìyə̀ àdeg. Bəd yaya bà̰ awa. Tì yaya bə̀ bà̰ ìwa nyɔd mba mba.