Rm 1:13 - Ikan feg

¹³ Ìmbum məfi fɔrɔ ìtum njàbi ne tì yaʼi ane ifɔti tì Kristo, mə kə̀b gha mbə̀ kyeri gha, mə̀ ya chuʼri nyɔd aghəm nɔʼ nɔʼ ni yeʼe bàd awən ni ghì gha bəd mɔ̀ʼɔ bḛ Yeso icheg ne mə̀ ya bə̀ ghì abə mbin tì bəd ne kayi mə̀Ju. Si ya gha, inug mɔ̀ʼɔ ya təmni amə.

Meta’

¹³ Mbɨ bɔŋgɔb, mə kə̀b ni mbə̀ kyerɨ ni mə wɨə nyaʼə kàŋə̀ kə̀b nɨ yeʼe əsɨ nən ɨghəm nɔnɔʼ, àyɨə ɨnû mɔʼɔ nyaʼa kən əmɨ. Mə nyaʼa kəb yeʼe ɨmbə̀ʼ mə̀ ghɨ ni bə̂d mɔʼɔ rəkaʼ nən ben ə Ŋwiə̀, àmei ɨchî nɨ mə nyaʼa bə̀ ghɨ̀ əkaʼ bə̂d cherə mbe nɨ kaʼi mɨ̀Jû.

Rm 1:13 Marejeleo ya Msalaba

Jn 12:24

Mə gha tesiʼ inən gha, “Fitam kyì mə chəyi fi nyi aseg ku, fi biri tḛ yi kwàʼ tèzìʼì. Fi mə̀ ku, fi ya gwère, kweg, ko titam nɔʼ nɔʼ.

Jn 15:16

À ya mo chɔʼi awən, kayi mbə̰ ya chɔʼi amə. À ya mo bə tɔm awən gha mbə̀ gho ko titam ne biri yaʼ ane ighə̀m imɔʼ. Mbə̰ mə̀ fàʼ ane, nji ìmə Mbaʼ biri nàʼ ighi ijìm mbe ne mbə nɔ̰ ibo ane ìmə ikum.

Jn 4:36

Wə̀d we ne biri fòʼ ighi a mben biri niŋ ìwi ikab àfàʼì. Kwàʼ amad anìŋ, wì fə se fòʼò bə̀ fète ighi. Ighi mbe ya bəd mbe ne biri jəg ìtḛ̀ ighə̀m imɔʼ. Ane, wə̀d ne nyɔ̀ʼɔ̀ tì wə̀d ne fòʼò biri si fɔ̀ti gyèndi.

Ɨ̀fàʼì 1:15

Anyumə̀ we, Pità ya nɔ̀ʼ təm titighe inga fìghàra bəd mbe ne ya nɔŋi ibḛfiŋ igun Yeso. Mbi ya yaʼ ka bəd iki ifibì tì ìghum ibe.

Ɨ̀fàʼì 14:27

Anyumə̀ ne mbi ya pe a Antìyɔ̀g, mbi ya feti bəd Kristo məjìm, ghà inug ijìm mbe ne Ŋwiye ya ghi anjìm inɔb bə̀ ghà icheg ne wì ya fìʼì inɔnjì abə bəd mbe ne kayi mə̀Ju gha mbe nɔŋi ibḛfiŋ igun Kristo.

Ɨ̀fàʼì 15:12

Anyumə̀ ne Pɔl tì Bànabàs ya ko ni ghà iyeti inug mbe ne Ŋwiye chè inga inɔb fàʼ abə bəd ne kayi mə̀Ju, bəd məjìm ne ya yaʼi inga ifeti we ya chim tizi.

Ɨ̀fàʼì 19:21

Anyumə̀ ne anug imbə̀ʼ bɔn ìmbi Sefà ya fə che, Pɔl ya nɔ̀ŋì inga ìzi fìŋ ni chè a Màsèdonìyà bə̀ chè a Akìyà ghò a Jèrusalèm. Wì ya gha, “Mə mə̀ pè angu, mə mənyìʼ ghò pè a Rom.”

Ɨ̀fàʼì 21:19

Pɔl ya pè chàʼrì awɔb bə̀ mə̀tì inug mbe ne Ŋwiye che anjìm məd fàʼ abə bəd mbe ne kayi mə̀Ju.

Ɨ̀fàʼì 28:14

Tì ya pè angu, bàd bəd ne ya bḛ Kristo. Mbi ya kàrì awa gha tì chughi tì inɔb ineg ìsàmbe. Aŋa ya icheg ne tì ya gho pè a Rom.

Rm 1:12

Anug ze ne mə̀ kə̀bə̀ ni ghà ya gha, tì wete ìwa ibḛfiŋ mba mba. Mbə̀ wete amə, mə̀ bə̀ wètì awən.

Rm 11:25

Ìmbum məfi fɔrɔ ìtum njàbi, tesiʼ mɔ̀ʼɔ we angu ne yaʼi inə̀mbi ne mə̀ kəbi gha nji mbə kyèri. Tesiʼ we biri ghì gha mbə̀ saŋa icheg ne mbə̀ kɔ̀ndɔ gha mbə bèrì iwe. Tesiʼ we ya gha: chəyi ìkɔ̀b ze ne mə̀Izre beri biri tèn igun inɔb ane ighə̀m imɔʼ. Ìkɔ̀b ze ya ghɔ̀mɔ̀ gha àbùʼì bəd ze ne kayi mə̀Ju ze mana yèʼe abə Ŋwiye.

Rm 7:1

Ìmbum məfi fɔrɔ ìtum njàbi, mə ya ghàmà inən icheg bəd ne kyeri mə̀nɔ̀ʼɔ̀. Àkə chəyi mbə̀ kyeri gha nɔ̀ʼɔ ya nyìme wə̀d məyi anyumə̀ ne tengàŋ yaʼi izɔm?

1 Kɔrèn 1:10

Ìmbum məfi fɔrɔ ìtum njàbi, mə boʼ ibo inən ane ikum ìwa Anɔŋisəg Yeso Kristo gha mbə̀ chughi ane anug amɔʼ ni ghì gha imbə̀ʼ àghàpì yaʼi inga inən. Ane, mbə̀ nɔŋɔ ìtən fìŋ ane ìti imɔʼ bə̀ nɔ̀ŋì ìwən ikɔndi ane ìwi imɔʼ.

1 Kɔrèn 10:1

Ìmbum məfi fɔrɔ ìtum njàbi, mə kə̀b gha mbə̀ wendi anug ze ne ya du abə ìmba mə̀mbaʼ mbe aneg ne yaya bène abɔ̀ʼ Muse. Pàʼ yaya kyèʼrè awɔb. Mbɔb ya bə̀ bàni igyi tìbà.

1 Kɔrèn 12:1

Ìmbum məfi fɔrɔ ìtum njàbi, mə kə̀b gha mbə̀ kyeri tesiʼ imbə̀ʼ tineʼi te ne Azwighi Ŋwiye ze nàʼà.

1 Kɔrèn 14:20

Ìmbum məfi fɔrɔ ìtum njàbi, imbə̀ʼ mbə̰ ya kɔ̀ndɔ awən inug icheg bɔn kwa. Àmə se ane inug tibɔ̀ŋ, mbə̀ yaʼ awən abəŋ icheg bɔn kwa. Mbə̀ yaʼ icheg bɔn kwa, si ya gha, mbə̀ se kɔ̀ndɔ inug icheg bəd kyen.

1 Kɔrèn 14:26

Ìmbum məfi fɔrɔ ìtum njàbi, tì kə ywìrè gha? Anyumə̀ ne mbə̀ fɔti asiŋi afibì ni ghumni Ŋwiye; Wə̀d ne beri ikyeg wì zəʼə. Wə̀d ne beri ikə wì naʼa. Wə̀d ne beri anug ne Ŋwiye chwi ibo, wì toʼro. Wə̀d ne chàʼrà Ŋwiye ane tìngam iben ndəŋ, wì chaʼra. Wə̀d ne tòʼrò tìngam te, wì toʼro. Inug mbo̰ ijìm mənyìʼ yaʼ ni ghì gha bəd inga ifeti bəd Ŋwiye mbe təm kà.

1 Kɔrèn 9:2

Ka chəyi bəd mɔ̀ʼɔ bḛ gha mo ya wə̀dtɔm Kristo, mə kyèri gha mbə̰ bḛ. Aneni ni chwi gha mo ya wə̀dtɔm Kristo ya icheg ne mbə̀ yaʼi ane ifɔti tì Anɔŋisəg.

2 Kɔrèn 1:8

Ìmba məfi fɔrɔ ìta njàbi, tì kə̀b gha mbə̀ wendi iku ngəʼ ne tì ya zə̰ inga aba aben ze a Esìyà. Ngəʼ ne tì ya zə̰ ya nìd ako ne chəyi tì ya ywirì kyèri gha tì biri nyìʼ. Tì ya kɔndi gha chəyi tì biri chughi izɔm.

2 Kɔrèn 2:14

Tesiʼ ya gha, tè nàʼ məyakà abə Ŋwiye imbə̀ʼ icheg ne tì yaʼi ane ifɔti tì Kristo. Məd we chè ina imbìghè mà nyumə̀ ijìm ghìyə̀ awa tì yḛ ane iwaŋ icheg mə̀sogyì ne maʼi ibid chè. Məd we ghìyə̀ tì chetè ikən chɔm imbə̀ʼ Anɔŋisəg mà isiŋi ijìm ne te ghò. Ikən chɔm gho̰ ya kwàʼ icheg ifɔ chɔm abə wə̀d ijìm.

Gàlesìyà 3:15

Ìmbum məfi fɔrɔ ìtum njàbi, mə biri niŋ aneni ane inug ne dùwə̀ ineg ijìm tì barà. Bəd məbe mə̀ nɔ̀ŋì anug mɔ̀ʼɔ bḛ, tangi àŋwàʼrì, san, chəyi wə̀d mɔ̀ʼɔ beri ni kɔpi kə̀ ywìrì yètì aghi mɔ̀ʼɔ igun ka.

Gàlesìyà 6:18

Ìmbum məfi fɔrɔ ìtum njàbi, ìwa Anɔŋisəg Yeso Kristo ghiyə ìchɔ̀mì inən mbə̰ məjìm. À ya ane.

Fìlipì 1:22

Si ya gha, mə mə̀ chè imbìghè ni yaʼ izɔm, mə we tì mə fàʼ àfàʼì ne biri wètì bəd nɔʼ nɔʼ, mbi bḛ Kristo. Kə̀ àkə iwu kə̀ àkə ìtḛ̀ bɔŋi inum amad anìŋ jiʼ, chəyi mə̀ kiri kyeri àze ni də̀b.

Fìlipì 4:17

Kayi mə kə̀bə̀ gha mbə̀ naʼa ighi inum. Mə kə̀b yaʼ gha Ŋwiye yeti chùd inən anjìm àfàʼì ze ne mbə̰ mbe fàʼà inum.

Kòlosè 1:10

Tì ya chàʼrà Ŋwiye anìŋ ni gha, ane mənɔnjì ijìm, mbə̀ chughi ane ikuchèg ne Anɔŋisəg kə̀bi bə̀ ya ghìyə̀ inug ni biri ghì fìŋ məd bɔ̀ŋ. Ane, ìwən ikuchèg biri ghì gha mbə̀ se ghìyə̀ inug chɔm bə̀ se chè imbìghè ni taŋ kyeri Ŋwiye.

Kòlosè 1:6

Ikən chɔm gho̰ we kwèghe isiŋi ijìm bə̀ ghìyə̀ gha bəd se ghìyə̀ inug mbe ne Ŋwiye kə̀bi kwàʼ icheg mbə̰ mbe bə̀ ghìyə̀. Nɔ̀ʼ ane aneg mbègtog ne mbə̀ ya zughi bə̀ kyèri tesiʼ imbə̀ʼ ìchɔ̀mì Ŋwiye, mbə̰ ya ko ni se ghìyə̀ inug icheg ne Ŋwiye kə̀bi.

1 Tèsàlonikà 2:18

Tì ya taŋ kɔ̀ŋ ni ywìri yeʼe abɔ̀ʼ inən. Mo Pɔl ya taŋ kə̀b ni yeʼe aghəm nɔʼ nɔʼ, si ya gha, Sàtàn ya ghì inug mɔ̀ʼɔ kən awa.

1 Tèsàlonikà 4:13

Ìmba məfi fɔrɔ ìta njàbi, tì kə̀b gha mbə̀ kyeri tesiʼ imbə̀ʼ bəd mbe ne fə ku. Chəyi tì kəbi gha mbə̀ ya sɔ̀mnɔ̀ imbə̀ʼ awɔb icheg mə̀mbin ne chəyi mbi beri ikɔndi gha mbi biri yaʼ abɔ̀ʼ Ŋwiye.

2 Tès 2:7

Ika we ne ghìyə̀ bəd se ghìyə̀ inug izəg, wi fə se fàʼà inga bəd. Wə̀d we ne kə̰ gha imbə̀ʼ inug mbo̰ duwə yi, wì biri chè imbìghè ni kən anene ghò pè ane nyumə̀ ne Ŋwiye biri chì aməd.

2 Timotì 4:17

Mbi ya ghì ane, si ya gha, Anɔŋisəg ya təm abɔ̀ʼ inum, nàʼ ika inum. Ane, Anɔŋisəg ya wètì amə, ghì mə ghàm Ìngam Ŋwiye ijìm abə bəd məjìm mbe ne kayi mə̀Ju, mbi zug. Anɔŋisəg ya bə̀ chì amə ichug iwu imbə̀ʼ icheg ne mbi ya fə nɔ̀ŋì gha mbi biri zweti amə.