Jems 3:17 - Ikan feg

¹⁷ Àsi iwe we ne Ŋwiye nàʼi ya iwe ne ghìyə̀ bəd ghìyə̀ inug zḛ zḛ. Wi ya ghìyə̀ bəd chùghə ane àbɔrɔ̀bɔd bə̀ bèrè fìŋ bɔ̀ti bɔti. Bəd ne beri iku iwe gho̰ ya dìgrè igun mə̀mbin bə̀ zùghə anug ne bəd ndəŋ mbe ghà. Chəyi bəd ne beri iku iwe gho̰ mbe ghìyə̀ ighə kə̀ bə̀ŋə̀ inug.

Meta’

¹⁷ Ɨwe we nɨ Ŋwiə̀ ə nàʼə̀ wɨə ghɨ̀ə̀ ni tɨ̀ chub zeŋɨ zeŋɨ, chub ənɨ əbɔrəbɔd, berɨ ɨbɔtɨ fîŋ, zwetɨ ɨnû nɨ bə̂d ə ghàə̀, diirɨ bə̂d bə̀ ghɨ̀ ɨ̀chɔ̀m. Ɨ wɨə bə̀ ghɨ̀ ni tɨ rɨ̀ ghɨ a ɨghə mbɨ ni tɨ rɨ̀ ghɨ a ɨbekɨ ɨnû.

Jems 3:17 Marejeleo ya Msalaba

Matìyò 23:28

À ya bə̀ ane ne, bəd mbe nḛ̀ awən gha mbə̰ təm kòʼ, ne à ya inug bemni tì inug izəg sweghi inən inga fìŋ!

Matìyò 5:8

Ŋwiye zì àbɔrɔ̀bɔd igun bəd mbe ne ìtɔb fìŋ zḛ, imbə̀ʼ icheg ne mbɔb biri bàd aməd.

Matìyò 5:9

Ŋwiye zì àbɔrɔ̀bɔd igun bəd mbe ne ghìyə̀ gha bəd chughi ane àbɔrɔ̀bɔd, imbə̀ʼ icheg ne Ŋwiye biri kàrì awɔb ane ìmbi bɔn.

Lk 21:15

Imbə̀ʼ mbə̰ nwìʼè awən nyɔd ane imbə̀ʼ icheg ne mə̀ biri nàʼ iwe fɔrɔ ìngam inən ne chəyi tì ìwən wə̀d ìpàb mɔ̀ʼɔ chè awən.

Lk 6:36

Mbə̀ bere àsɔ̀mnəfiŋ icheg ne ìwən mbaʼ bə bèrì.”

Jn 1:14

Ìngam we ya bə̀ŋə̀ kwàʼ ane wə̀d-aku chughi abɔ̀ʼ ina. Tè bàd icheg ne wì kɔ̀ŋi awa fɔrɔ icheg ne wì chwi tesiʼ imbə̀ʼ Ŋwiye ina. Tè bə̀ bàd ighumni ne wì bèri. À ya ighumni ne Mbaʼ nàʼi abə ìwi ŋwan ne ya məyi iwe imɔʼ.

Jn 1:47

Mbi ya nɔ̀ʼ ghò. Kwàʼ icheg ne Yeso ya bàri Nàtanìyè we yèʼe abɔ̀ʼ məd, wì ya ghà imbə̀ʼ aməd gha, “Aŋa ya kwàʼ wə̀d Izre tesiʼ. À ya wə̀d ne chəyi we fùbrə̀ inug.”

Ɨ̀fàʼì 11:24

Bànabàs yaya kwàʼ wə̀d chɔ̀m ne ya taŋ nɔ̀ŋì ibḛfiŋ igun Ŋwiye. Azwighi Ŋwiye ya bə̀ sweg inga məd. Ane, bəd nɔʼ nɔʼ ne ya zughi anug ne wì yaya ghà ya nɔ̀ŋì ìwɔb ibḛfiŋ igun Anɔŋisəg Yeso, ìwɔb inɔ̰ ywìrì taŋ yètè.

Ɨ̀fàʼì 9:36

Anyumə̀ we ne Pità ya yaʼi a Lidà, àyi mɔ̀ʼɔ ne ya bḛ Kristo yaya chùghə a Jopà. Ikum məd ya Tàbità. Ikum məd ane ìngam Grig ya Dòkas. Wì yaya ghìyə̀ inug chɔm bə̀ wètè bəd ne chəyi àzɔb.

Rm 12:18

Mbə ghì ika ijìm ne tì mbə̰ ghì ni chughi ane àbɔrɔ̀bɔd tì wə̀d ijìm.

Rm 12:9

Wə̀d ya kɔ̀ŋɔ̀ bəd ane ìzi fìŋ ijìm. Wə̀d ijìm ba̰ inug tibɔ̀ŋ. Wə̀d ijìm taŋ nyìmi inug ne yaʼi inug chɔm.

Rm 15:14

Ìmbum məfi fɔrɔ ìtum njàbi, mə we tə̀rə̀ mə imbə̀ʼ awən imbə̀ʼ fìŋ chɔm ze ne mbə̀ beri fɔrɔ imbə̀ʼ icheg ne mbə̀ fə kyeri inug nɔʼ nɔʼ. Mbə̰ inən mbe tì mbə̀ se chwìte inug abə mə̀mbin.

1 Kɔrèn 12:8

Azwighi Ŋwiye ya nàʼà ika ni ghàm ìngam iwe abə wə̀d imɔʼ. À ya bə̀ məyi Azwighi Ŋwiye ze amɔʼ ze nàʼà ika ni kyeri inug abə wə̀d ndəŋ.

2 Kɔrèn 10:1

Mo Pɔl, mə boʼ ibo inən ane ikum Kristo we ne bɔ̀tɔ ane ikuchèg bə̀ bɔ̀tɔ ane fìŋ. Bəd mɔ̀ʼɔ abɔ̀ʼ inən mbe ghà gha, mo ya swìye àmə nyɔd aseg anyumə̀ ne mə̀ yaʼi abɔ̀ʼ inən, se bèrè fìŋ ne kà anyumə̀ ne chəyi mə̀ yaʼi abɔ̀ʼ inən.

2 Kɔrèn 6:6

Tì we chwìye gha tè zen. Tì we chwìye gha tè kyèri inug. Tì we nyìmbe fìŋ bə̀ ghìyə̀ inug ne chwìye gha tè kɔ̀ŋ bəd. Tì ya ghìyə̀ inug mbo̰ ijìm anjìm Azwighi Ŋwiye ne yaʼi inga ina fɔrɔ anjìm icheg ne tì kɔŋi bəd ane fìŋ ifibì.

2 Kɔrèn 7:11

Mbə̀ nḛ aghi ne Ŋwiye fàʼi anjìm àsɔ̀mnì ze ne wì ghi mbə beri. Amad anìŋ mbə nɔ̀ŋì atog ane àfàʼì, nɔ̀ŋì atog ni ghì inug ne koʼi, kyèri icheg ni sɔ̀mnɔ̀ imbə̀ʼ inug tibɔ̀ŋ, bə̀ kyèri icheg ni kwìtì inug tibɔ̀ŋ. Mbə̰ mbe se ghɔ̀mɔ̀ ni bàd amə, bə̀ nɔ̀ŋì fìŋ ni zugri amə, bə̀ kyèri icheg ni saʼ inug ane icheg ne koʼi. Mbə̰ mbe chwìye ane inug ijìm gha chəyi mbə̀ gughi anug.

2 Kɔrèn 9:10

À ya Ŋwiye we nàʼà ngwèd abə wə̀d mben bə̀ nàʼà tijəg abə bəd. À ya ane ne wì biri bə yètì izən ngwèd, bə̀ yètì ighi mbe ne mbə̀ beri ni ghì gha mbə biri se nàʼà ighi nɔʼ nɔʼ abə bəd ne chəyi àzɔb.

Efesùs 5:9

Aton ya gha, ìzḛzḛ we ya ghìyə̀ wə̀d bere fìŋ chɔm tì ikuchèg ne təmi kòʼ bə̀ kyère tesiʼ.

Fìlipì 1:11

Mə we bə̀ chàʼrà Ŋwiye inən gha Yeso Kristo ghiyə mbə̀ beri ikuchèg we ne təmi kòʼ ni ghì gha bəd taŋ ghùmnə Ŋwiye.

Fìlipì 4:8

Ìmbum məfi fɔrɔ ìtum njàbi, anug ne si nwḭ̀yḛ̀ ya gha, anug mə̀ yaʼ àze tesiʼ, bə̀ yaʼ anug chɔm, bə̀ yaʼ anug ne koʼi, mbə̀ nɔŋɔ ikɔndi igun. Anug mə zen, tì anug ne chwìye àkɔ̀ŋì, bə̀ yaʼ anug ne tì wə̀d nen kɔ̀ŋ, bə̀ yaʼ anug ne tì wə̀d ghùmni, bə̀ yaʼ anug ne taŋ bɔ̀ŋ, mbə̀ bə nɔ̀ŋì ikɔndi igun.

Kòlosè 1:10

Tì ya chàʼrà Ŋwiye anìŋ ni gha, ane mənɔnjì ijìm, mbə̀ chughi ane ikuchèg ne Anɔŋisəg kə̀bi bə̀ ya ghìyə̀ inug ni biri ghì fìŋ məd bɔ̀ŋ. Ane, ìwən ikuchèg biri ghì gha mbə̀ se ghìyə̀ inug chɔm bə̀ se chè imbìghè ni taŋ kyeri Ŋwiye.

1 Tèsàlonikà 2:7

Icheg bədtɔm Kristo, nji tì ya biri ighi inən. Tì ya chughi yaʼ ane àbɔrɔ̀bɔd tì inən icheg ngɔb ne kyèʼrè ìmbi bɔn.

1 Timotì 5:21

Mə ya anìŋ ghà ine imbìghè abə Ŋwiye tì imbìghè abə Yeso Kristo fɔrɔ imbìghè abə mbè angirə̀ mbe ne Ŋwiye chɔ̀ʼi gha, àghò nɔŋɔ tikə ìto̰ ne mə̀ nàʼi ine witì ghì ighə, kə̀ ni chwi gha àghò kɔ̀ŋ wə̀d mɔ̀ʼɔ icha chè ìywin.

2 Timotì 2:24

Chəyi wə̀d àfàʼì Anɔŋisəg beri ne ya chɔ̀bɔ. Wì beri ni ya ghìyə̀ ìchɔ̀mì abə bəd məjìm bə̀ kyèri icheg ni chwiti inug abə bəd. Wì beri ni yaʼ wə̀d ne chəyi we kə zàmbà gàŋa.

Tayitùs 1:15

Inug ijìm ya zḛ abə bəd mbe ne ìtɔb fìŋ zḛ. Àsi bəd mbe ne chəyi ìtɔb fìŋ zḛ, chəyi inug mbe zḛ inɔb. Chəyi fìŋ ze zḛ abə wə̀d ne chəyi wì nɔŋi ibḛfiŋ igun Kristo. Tesiʼ ya gha, ìtɔb tikɔndi fɔrɔ ìtɔb fìŋ fə bə mànì.

Tayitùs 3:2

Imbə̀ʼ mbi gha awɔb anug tibɔ̀ŋ igun wə̀d. Mbe chughi ane àbɔrɔ̀bɔd bə̀ ya ghìyə̀ ìchɔ̀mì abə bəd bə̀ bɔ̀tɔ ane fìŋ tì bəd məjìm.

Mə̀Hibrù 12:11

Anyumə̀ ne mbe chə bəd, ze ya se awɔb. Si ya gha, bəd mbe ne mbi chə awɔb ya bèrè chùd anjìm. Chùd ze ya gha mbi biri si təm kòʼ bə̀ bèrì àbɔrɔ̀bɔd.

Mə̀Hibrù 12:14

Mbə̀ kirə ika ni chughi ane àbɔrɔ̀bɔd ti wə̀d ijìm bə̀ chùghi inga ìzḛzḛ. Àmə chəyi ze yaʼi ane, nji chəyi wə̀d ne biri ghum bàd Anɔŋisəg.

Jems 1:17

Tineʼi chɔm ne bɔŋi mànì ya nɔ̀ʼɔ̀ abə Ŋwiye. Ti ya nɔ̀ʼɔ̀ abə Ŋwiye we ne tangi ighi mbe ne zùʼə ikaŋ àbɔ̀ŋɔ. Chəyi məd we kɔ̀pɔ kə̀ ghàbra nyɔd icheg achwi ni ghì gha isiŋi fin.

Jems 1:5

Wə̀d mɔ̀ʼɔ mə̀ yaʼ abɔ̀ʼ inən ne chəyi wì beri iwe, tengàŋ nɔn iwe abə Ŋwiye. Ŋwiye we ne nàʼà ighi abə bəd abu abu bə̀ nàʼà ane fìŋ chɔm, wì biri nàʼ iwe ibo.

Jems 2:13

Mbə̀ ghiyə ane imbə̀ʼ icheg ne anyumə̀ ne Ŋwiye biri saʼ bəd, chəyi wì biri dìgrì igun bəd mbe ne chəyi mbɔb inɔb mbe bə̀ dìgrè igun bəd ndəŋ. Wə̀d ne dìgrè igun bəd, Ŋwiye biri bə dìgrì igun məd anyumə̀ ne wì biri sɔb isaʼi.

Jems 2:4

Mbə̰ mə̀ ghì ane, imbə̀ʼ ze chwi gha, mbə̰ mbe kirə ghìyə̀ ighə, ghàpà bəd inga ìwən inɔn, bə̀ sàʼa bəd ane tikɔndi tibɔ̀ŋ?

Jems 3:15

Kayi Ŋwiye nàʼi iku “iwe” we. Wi nɔ̀ʼ yaʼ abə bəd inga isəg. Kayi Azwighi Ŋwiye naʼi. Wì nɔ̀ʼ yaʼ abə Debrə̀.

Jems 4:8

Mbə̀ tindi iban Ŋwiye, wì biri tindi iban inən. Mbə̰ mbe ne ghìyə̀ inug tibɔ̀ŋ, mbə̀ so ìmbən ibo! Mbə̰ mbe ne beri fìŋ ibe ibe, mbə̀ so ìtən fìŋ!

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

1 Pità 2:1

Mbə̀ waʼ inug tìbɔŋ ijìm, bə̀ waʼ anug ni tambi bəd. Mbə̀ bə waʼ anug ni fùbrì inug, bə̀ waʼ anug ni ghì àdeg fɔrɔ anug ni chìkì tikum bəd.

1 Pità 2:18

Mbə̰ mbe ne yaʼi bəd àfàʼì, mbə̀ zugri ìmbən mə̀mbaʼ àfàʼì bə̀ ghùmni awɔb kwàʼ icheg chɔm. Imbə̀ʼ mbə̰ ghumni awən məyi mbe ne beri fìŋ chɔm ne bɔ̀tɔ. Mbə̀ ghumni fɔrɔ mbe ne tɔ ane fìŋ.

1 Jɔn 3:18

Ìmbum məfi ne mə̀ taŋ kɔ̀ŋ, imbə̀ʼ tì kɔŋɔ awa bəd məyi ane ìngam ichug. Tì ya chwìye gha tè kɔ̀ŋ bəd ane ìta tìghinùg fɔrɔ ane icheg ne te ghà tesiʼ.

1 Jɔn 3:3

Wə̀d ijìm ne nɔŋi ikɔndi igun məd tengàŋ ya ghìyə̀ ìwi ikuchèg wi zḛ bə̀ kwàʼ icheg ne Kristo bə zen.