Jems 3:15 - Ikan feg

¹⁵ Kayi Ŋwiye nàʼi iku “iwe” we. Wi nɔ̀ʼ yaʼ abə bəd inga isəg. Kayi Azwighi Ŋwiye naʼi. Wì nɔ̀ʼ yaʼ abə Debrə̀.

Meta’

¹⁵ Kaʼ ɨkwɨ ɨwe wɔ̂ yɨ i we nɨ Ŋwiə̀ ə nàʼə̀. Wɨ yɨ rɨ əmbɨ ə bə̂d rɨ ɨgwɨ ə si, kaʼi rɨ əmbɨ Əzwî ə Ŋwìə̀. Wɨ̀ yɨ rɨ əmbɨ ə Debɨ̀rə̀.

Jems 3:15 Marejeleo ya Msalaba

Lk 16:8

Mbaʼ àfàʼì we ya chɔ̀tɔ̀ wə̀d àfàʼì məd we imbə̀ʼ icheg ne wì ya chi tiwe iji. Wì ya chɔ̀tɔ̀ aməd ane imbə̀ʼ icheg ne bəd inga isəg gho̰ ya chìyè tiwe fàʼà ìmbɔb inug tì bəd ne yaʼi icheg inɔb chè bəd mbe ne yaʼi inga ìzḛzḛ ne kyeri Ŋwiye.

Jn 3:17

Chəyi Ŋwiye ya chà ìwi Ŋwan igun isəg gho̰ gha wì yeʼe saʼ bəd imbə̀ʼ inug tibɔ̀ŋ. Ŋwan məd ya yèʼe ni ghì gha bəd pum.

Jn 8:44

Mbə̰ ya bɔn Debrə̀ we ne yaʼi ìwən mbaʼ. Mbə̰ ya kə̀bə̀ ya ni ghì məyi inug mbe ne ìwən mbaʼ kə̀bi. Məd yaya zwète bəd kwàʼ ane isəg ya ko. Chəyi wì kweʼì bḛ tesiʼ imbə̀ʼ icheg ne chəyi tesiʼ yaʼi inga məd. Anyumə̀ ne we ghà inug ako, wì ya fàʼà yaʼ àzi atog àfàʼì imbə̀ʼ icheg ne məd ya wə̀d inug ako. Məd ya bə̀ wə̀d ne inug ako ijìm nɔʼi ibo.

Ɨ̀fàʼì 13:10

“Àghò ya kwàʼ ŋwan Debrə̀! Àghò bàn inug mbe ne koʼi ijìm. Àghò ya ghìyə̀ aku anug ajìm ni tambi bəd. Inug tibɔ̀ŋ bə̀ sweg ine inga fìŋ. Àghò wa kə anìŋ, chəyi aneg ne àghò biri sàŋì anug ni niŋ inug chɔm mbe ne Anɔŋisəg ghìyə̀ bə̀ŋì ane inug ako?

Rm 1:22

Mbɔb ya kɔ̀ndɔ gha mbɔb bèrì iwe, nda mbɔb ya kwàʼ inen.

1 Kɔrèn 1:27

Si ya gha, Ŋwiye ya chɔʼ bəd mbe ne bəd igun isəg mbe nḛ̀ gha chəyi mbi beri iwe, ni ghì gha bəd mbe ne kɔ̀ndɔ gha mbɔb bèrì iwe, mbi si bèrì tìnìrètog. Ŋwiye ya bə̀ chɔʼ bəd mbe ne bəd igun isəg mbe nḛ̀ gha à ya ighi ako, ni ghì gha bəd mbe ne kɔ̀ndɔ gha mbɔb ya aghi mɔ̀ʼɔ, mbi si bèrì tìnìrètog.

1 Kɔrèn 2:14

Wə̀d ne chəyi Azwighi Ŋwiye yaʼi inga məd, chəyi we bḛ inug mbe ne Azwighi Ŋwiye ze chwìte. Aton ya gha tiku inug te ya inug anen abə tengàŋ. Chəyi atog məd biri nɔ̀ʼ zen imbə̀ʼ inug mbe. À ya məyi Azwighi Ŋwiye ze ghìyə̀ gha itog zen abə bəd imbə̀ʼ tiku inug ìto̰.

1 Kɔrèn 3:19

Aton ya gha, inug mbe ne bəd igun isəg gho̰ mbe kɔ̀ndɔ gha à ya iwe, Ŋwiye we bàrà gha à ya inug anen. Mbe ŋwàʼrì inga Àŋwàʼrì Ŋwiye gha, “Ŋwiye we gwìyè bəd mbe ne kɔ̀ndɔ gha mbɔb bèrì iwe bə̀ məyi ane ìwɔb iwe.”

1 Kɔrèn 3:3

Aton ya gha, mbə̰ mbe kiri ghìyə̀ inug icheg bəd inga isəg. Mbə̰ mbe kiri ghìyə̀ àdeg igun mə̀mbin bə̀ chɔ̀bɔ mbə̰ mbə̰. Imbə̀ʼ àze ze chwìye gha mbə̰ ya bəd inga isəg? Imbə̀ʼ mbə̰ ya anìŋ ghìyə̀ inug kwàʼ icheg bəd ne chəyi mbi kyeri Ŋwiye?

2 Kɔrèn 1:12

Tì ya taŋ tə̀rə̀ awa imbə̀ʼ icheg ne tè kyèri gha tì ya fàʼà inug ijìm ane fìŋ ifibì bə̀ fɔrɔ ane icheg ne zḛ. Tì ya nḛ̀ məyi igun ìchɔ̀mì Ŋwiye mà nyumə̀ ijìm, kayi igun iwe bəd igun isəg. À ya ikuchèg ne te fàʼà inug abə bəd məjìm fɔrɔ inən.

2 Kɔrèn 11:3

Si ya gha, mə we bɔ gha icheg ne jo ya ghum tàmbi If ane iwe mənaŋ, mbi biri bə tambi awən ghì mbə chì ìwən ikɔndi chɔm we ne mbə̀ bèrì ni kɔ̀ŋ Kristo bə̀ zì ìzən fìŋ ijìm igun məd.

Fìlipì 3:19

Asiŋi ne tiku bəd te biri nwḭ̀yḛ̀ inga ya iywid ighə̀m imɔʼ. Ìwɔb ŋwiye ya ighi mbe ne mbɔb mbe ghə̀ʼrə̀. Mbɔb ya kɔ̀mɔ̀ igo ane inug mbe ne nji mbɔb kə̀ bèrì yaʼ tìnìrètog. Mbɔb nɔ̀ŋì ìwɔb ikɔndi igun ighi igun isəg.

2 Tès 2:9

Wə̀d inug izəg we biri ya fàʼà inug ne à ya Sàtàn nàʼi ika ibo. Wì biri tambi bəd ane iyeti inug fɔrɔ inug kyen kyen ne wì biri fàʼ ne kayi mbe tesiʼ.

1 Timotì 4:1

Azwighi Ŋwiye ya fə ghà ze dù zen gha, inga ineg mbe ne yèʼe, bəd mɔ̀ʼɔ biri waʼ ìwɔb ibḛfiŋ se bène yaʼ abɔ̀ʼ izwighi ne ghàmà inug ako fɔrɔ anjìm abə inug ne izwighi tibɔ̀ŋ mbe chwìte.

Jems 1:17

Tineʼi chɔm ne bɔŋi mànì ya nɔ̀ʼɔ̀ abə Ŋwiye. Ti ya nɔ̀ʼɔ̀ abə Ŋwiye we ne tangi ighi mbe ne zùʼə ikaŋ àbɔ̀ŋɔ. Chəyi məd we kɔ̀pɔ kə̀ ghàbra nyɔd icheg achwi ni ghì gha isiŋi fin.

Jems 1:5

Wə̀d mɔ̀ʼɔ mə̀ yaʼ abɔ̀ʼ inən ne chəyi wì beri iwe, tengàŋ nɔn iwe abə Ŋwiye. Ŋwiye we ne nàʼà ighi abə bəd abu abu bə̀ nàʼà ane fìŋ chɔm, wì biri nàʼ iwe ibo.

Jems 3:17

Àsi iwe we ne Ŋwiye nàʼi ya iwe ne ghìyə̀ bəd ghìyə̀ inug zḛ zḛ. Wi ya ghìyə̀ bəd chùghə ane àbɔrɔ̀bɔd bə̀ bèrè fìŋ bɔ̀ti bɔti. Bəd ne beri iku iwe gho̰ ya dìgrè igun mə̀mbin bə̀ zùghə anug ne bəd ndəŋ mbe ghà. Chəyi bəd ne beri iku iwe gho̰ mbe ghìyə̀ ighə kə̀ bə̀ŋə̀ inug.

Jûd 1:19

Bəd mbo̰ ya bəd ne zìyè àghàpì inga inən. Mbi ya ghìyə̀ yaʼ inug mbe ne ìtɔb nyàmnyɔd te ghə̀ʼrə̀. Chəyi Azwighi Ŋwiye yaʼi inga inɔb.

Ɨnû 12:9

Mbi ya màʼ tìsɔ̀ʼ jo ze igun isəg, ne ya jo ze ne ya yaʼi te aneg, ne mbe kàrà ane Debrə̀ kə̀ Sàtàn. Mbi ya màʼ aməd tì mbè angirə̀ məd məjìm igun isəg. Jo ze ya tàmba isəg ijìm.

Ɨnû 2:24

Si ya gha, inən mbə̰ mbe ne buʼi a Tìyàtirà, ne chəyi mbə̰ mbe ghìyə̀ inug mbo̰, ne chəyi mbə̀ kiri kwembi inug mbe ne bəd mɔ̀ʼɔ ya gha à ya inug ne yaʼi inə̀mbi imbə̀ʼ Sàtàn, mə ghà inən gha, chəyi mə̀ biri zì mbèʼ ndəŋ igun inən.

Ɨnû 9:11

Angirə̀ we ne ya yaʼi ìwɔb ifɔn ne sàʼa awɔb ya we ne yaya nḛ̀ ibighi kyen we ne chəyi ìnwḭ. Ikum we angirə̀ we inga ìngam Hibrù ya Abadòn; àsi ane ìngam bəd ne kayi mə̀Ju ya Àpolìyòn. Àpolìyòn ya ni gha, “Wə̀d ne chìkə̀”