Jems 1:25 - Ikan feg

²⁵ Àsi wə̀d we ne taŋ zì atog ni zug mə̀nɔ̀ʼɔ̀ mbe ne bɔŋi mànì, ne pùmnə bəd, bə̀ chè imbìghè ni ya nḛ̀ igun mə̀nɔ̀ʼɔ̀ mbe, ne chəyi wì ya zùghə inug nèbè, Ŋwiye biri zì àbɔrɔ̀bɔd igun məd.

Meta’

²⁵ Ŋwìə̀ bɨrɨ zɨ əbɔrəbɔd ɨgun ə wə̀d we nɨ jeŋgɨ neŋ rɨkə te nɨ bɔŋɨ màànɨ̀, nɨ yeʼ rɨkə te nɨə ghɨ̀ ni wə̀d chub ənɨ i ɨghəm. Wɨ̀ bɨrɨ zɨ əbɔrəbɔd ze ɨmbə̀ʼ wɨ̀ wo ɨmbì ghɨ̀ ɨnû mbe nɨ yeʼ ɨŋga rɨkə te, nɨ chəi wɨ̀ neb ɨnû mbe nɨ wɨ̀ nyaʼa be zu, àyɨə ɨ wɨə ghɨ̀ ɨnû rəŋgu.

Jems 1:25 Marejeleo ya Msalaba

Lk 11:28

Yeso ya ywìtì gha, “Ŋwiye zì àbɔrɔ̀bɔd yaʼ igun wə̀d we ne zùghə Ìngam Ŋwiye bə̀ ghìyə̀ inug mbe ne we ghà.”

Jn 13:17

Amad anìŋ ne mbə̀ kyeri inug mbo̰, mbə̀ fàʼa mbiwən, Ŋwiye biri zì àbɔrɔ̀bɔd igun inən.”

Jn 8:36

Ŋwan Wə̀d mə pùmni awən, ane ya gha, mbə̰ fə pum kwàʼ tesiʼ.

Ɨ̀fàʼì 13:43

Anyumə̀ ne bəd məjìm inga ichamì Ŋwiye we ya fə sàka, mə̀Ju nɔʼ nɔʼ tì bəd ndəŋ abɔ̀ʼ bəd mbe ne ya bə̀ŋi fìŋ bèni abɔ̀ʼ anug Ŋwiye mə̀Ju ya beni abɔ̀ʼ Pɔl tì Bànabàs. Ane, Pɔl tì Bànabàs ya ghàm tì inɔb bə̀ nə̀ri awɔb gha mbe che imbìghè ni nɔ̀ŋì fìŋ igun Ŋwiye we ne ghìyə̀ ìchɔ̀mì inɔb.

Ɨ̀fàʼì 2:42

Bəd Kristo mbe ne ya zi atog ane inug ne bədtɔm yaya chwìte ya yaʼ ane ifɔti. Ane, mbi yaya fɔ̀tɔ jə̀ghə itari bə̀ fɔ̀tɔ chàʼrà Ŋwiye.

Ɨ̀fàʼì 26:22

Nɔ̀ʼ pè tèchɔ̀ŋ, à ya Ŋwiye we wètè amə. Ane, mə təm aŋa ni ghà inug imbə̀ʼ Kristo abə bəd məjìm, kə̀ àkə bəd kwa kwa, kə̀ bəd kyen. Mə ya ghà kwàʼ inug mbe ne bədkə̀n Ŋwiye tì Muse ya bə̀ ghà gha mbi biri dù.

Rm 11:22

Mbə bàd icheg ne Ŋwiye we ghìyə̀ inug chɔm bə̀ bàd icheg ne wì ya tɔ. Ŋwiye ya tɔ abə bəd mbe ne ghìyə̀ tìzughə̀, bə̀ chè imbìghè ni ghì inug chɔm abə bəd mbe ne bḛ anug chɔm ze ne Ŋwiye ghi. Ane, mbə̀ chughi məyi inga ìchɔ̀mì məd, nji wì biri bə̀ sɔb awən waʼ.

Rm 2:13

Chəyi wə̀d we tə̀mə kòʼò imbìghè abə Ŋwiye məyi imbə̀ʼ icheg ne we zùghə mə̀nɔ̀ʼɔ̀ Muse. Wə̀d ya tə̀mə kòʼò məyi ane we fàʼà inug mbe ne mə̀nɔ̀ʼɔ̀ mbe ghà.

Rm 7:12

Ane, mə̀nɔ̀ʼɔ̀ Muse zen, tikə te ne yaʼi inga mə̀nɔ̀ʼɔ̀ bə̀ zen, bə̀ təm kòʼ bə̀ bɔ̀ŋ.

Rm 8:15

Azwighi ze ne Ŋwiye fə nàʼi inən ya kayi ni ghì gha mbə̀ yaʼ ìbòʼì bə̀ ya bɔ. Azwighi ze ya ni ghì gha mbə̀ yaʼ bɔn Ŋwiye. À ya Azwighi ze ze bə̀ nàʼà ika ina tì kara Ŋwiye gha, “Ìwa Mbaʼ, Ìwa Mbaʼ.”

Rm 8:2

À ya ane imbə̀ʼ icheg ne Azwighi Ŋwiye ze ne ghi gha tì jəg ìtḛ̀ icheg ne tì yaʼi ane ifɔti tì Yeso Kristo, ze fə pumni amə chì ane mə̀nɔ̀ʼɔ̀ mbe ne ghìyə̀ gha wə̀d ya ghìyə̀ inug tibɔ̀ŋ mbe ne zwète bəd.

1 Kɔrèn 15:58

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ təm kà. Imbə̀ʼ mbə̰ si saŋa awən gha aghi mɔ̀ʼɔ chiʼre ìwən ibḛfiŋ ka. Mbə̀ ya fàʼà àfàʼì ze ne Anɔŋisəg zi inga ìtən tikye ibo ane ìzən fìŋ ijìm. Mbə̀ ya fàʼà ane imbə̀ʼ icheg ne mbə̰ kyèri gha chəyi anug mɔ̀ʼɔ ne mbə̰ mbe fàʼà abə Anɔŋisəg ne biri chè ako.

2 Kɔrèn 13:5

Mbə̀ kwaʼri ìtən nyàmnyɔd bə̀ nḛ̀ gha mbə nɔ̀ŋì ibḛfiŋ igun Kristo. Àmə yaʼ aghi ne mbə̀ bari gha chəyi Yeso Kristo yaʼi inga ìtən fìŋ, ane ya gha mbə fə gùg àkwàʼrì ze.

Gàlesìyà 2:4

Anug ni ŋwed bəd ya ko imbə̀ʼ icheg ne məfi mɔ̀ʼɔ ne yaʼi bəd inug ako ya nyaʼ nyi abɔ̀ʼ ina. Mbi yaya kə̀bə̀ ni kyeri icheg ne ìwa ifɔti tì Yeso Kristo chi awa ane mə̀nɔ̀ʼɔ̀ Muse. Mbi yaya kə̀bə̀ ni kyeri ane si ywìrì chè ane mə̀nɔ̀ʼɔ̀ mbe ghì tì yaʼ icheg ìbòʼì ne fàʼà aton mə̀nɔ̀ʼɔ̀ Muse.

Gàlesìyà 5:1

Mbə̀ kyeri gha, Yeso Kristo fə chì awa ane anug àbòʼì. Imbə̀ʼ tì si ywìrì chùghə awa icheg məfeg. Ane, mbə̀ təm kà. Imbə̀ʼ mbə̰ bḛ awən gha wə̀d mɔ̀ʼɔ ghiyə mbə̀ ywirì yaʼ ìbòʼì abə mə̀nɔ̀ʼɔ̀ Muse.

Gàlesìyà 6:2

Wə̀d mɔ̀ʼɔ abɔ̀ʼ inən mə̀ yaʼ inga ngəʼ, mbə̀ wete aməd. Mbə̰ mə̀ ya ghìyə̀ ane, nji mbə fə nɔ̀ŋì nɔ̀ʼɔ̀ we ne Kristo ya nàʼi inən.

Kòlosè 1:23

Ane, mbə̀ chè imbìghè ni təm kà inga ìwən ibḛfiŋ ne chəyi mbə̀ chi ìwən ikɔndi igun inug mbe ne yaʼi inga ikən chɔm imbə̀ʼ Kristo. À ya ikən chɔm we ne mbə̀ ya zughi, ne mbe bə̀ chètè abə bəd isiŋi ijìm. À ya bə̀ ikən chɔm gho̰ ne Ŋwiye ya chɔʼi amə, mo Pɔl, ane wə̀d àfàʼì məd gha mə chete.

1 Timotì 2:15

Si ya gha, mə̀yi mə̀ chè imbìghè ni nɔ̀ŋì ibḛfiŋ igun Yeso Kristo bə̀ chùghi ane àkɔ̀ŋì bə̀ təm zen bə̀ yaʼ ane icheg ne koʼi, Ŋwiye biri pumni awɔb icheg ne mbe gwìye.

1 Timotì 4:16

Àghò we awe imbə̀ʼ ìwe ikuchèg fɔrɔ imbə̀ʼ inug mbe ne àghò we chwìte. Nyimbi fìŋ ane inug mbo̰ imbə̀ʼ icheg ne àghò mə ghì ane, àghò biri pumni ìwe nyɔd bə̀ pùmni bəd mbe ne àghò we chwìte inug inɔb.

Mə̀Hibrù 12:15

Mbə̀ bə kìrə ika ni gha imbə̀ʼ wə̀d mɔ̀ʼɔ nɔ̀ʼ sam ìchɔ̀mì Ŋwiye. Imbə̀ʼ mbə̰ saŋa awən gha ngwèd tibɔ̀ŋ kweg inən inga fìŋ si ko inug tibɔ̀ŋ.

Jems 2:12

Mbə̀ ya ghàmà bə̀ ghìyə̀ inug icheg bəd ne Ŋwiye biri saʼ awɔb ane nɔ̀ʼɔ̀ we ne chìyè bəd ane ika we ne inug tibɔ̀ŋ beri igun bəd.

1 Pità 2:16

Mbə̀ chughi icheg bəd ne yaʼi awɔb ane ìwɔb ighəm ne kayi ìbòʼì. Si ya gha, imbə̀ʼ mbə̰ si niŋ awən icheg ne mbə̰ mbe chùghə ane ìwən ighəm ni ghì inug tibɔ̀ŋ. Mbə̀ chughi icheg ne bəd àfàʼì Ŋwiye beri ni chughi.

1 Jɔn 2:24

Àsi awən, inug mbe ne mbə̀ ya zughi anyumə̀ ne mbə̀ ya bḛ Kristo, mbə̀ kirə ika ni nɔ̀ŋì inən inga fìŋ. Mbə̰ mə̀ nɔ̀ŋì inug mbe inən inga fìŋ, mbə biri yaʼ ane ifɔti tì Ŋwan fɔrɔ tì Mbaʼ.

Ɨnû 14:13

Mə ya si zug gì mɔ̀ʼɔ ne ya ghàmi ikaŋ àbɔ̀ŋɔ gha, “Ŋwàʼra gha: Bəd mbe ne ku ni ko amad anìŋ se ghò imbìghè, ne yaʼi ane ifɔti tì Anɔŋisəg, Ŋwiye ziye àbɔrɔ̀bɔd igun inɔb.” Azwighi Ŋwiye ze gha, “E, à ya kwàʼ ane. Mbi biri zwètì ane ìfàʼì mbe ne mbe fàʼà imbə̀ʼ icheg ne inug mbe ne mbi fə ghi biri beni abɔ̀ʼ inɔb!”

Ɨnû 22:14

Ŋwiye zì àbɔrɔ̀bɔd igun bəd mbe ne fə so ìtɔb ndwi ti zen. Ane, mbɔb fə kòʼ ni chè inuʼ ikam nyi inga ikye aben we, jəg titam ane azed ze ne nàʼà ìtḛ̀.